The Divorce

Chapter 53: Bothered

Dahil inabot na sila ng tanghali sa presinto, inaya ni Samantha si Ginang Siony na magtanghalian kasama nila.

"May nakita akong karendirya sa may banda doon, kain muna tayo bago natin ihatid si Nanay Siony?" Tanong ni Samantha sa triplets na parang iisang taong tumango naman kaagad sa kanilang sister-in-law.

"N-naku Ma'am, u-uuwi na po ako,"

"Nanay, kain na muna tayo. Ihahatid ka po namin pagkatapos," malambing na turan ni Arya.

Naiiling na napatitig na lang ang ginang kay Samantha na tumango naman kaagad. Nagtungo sila sa malapit na karendirya at kumain.

Nang matapos ay nag-order ng take out si Samantha at saka iyon ibinigay kay Ariston.

"Ibigay mo mamaya kay Nanay Siony. Baka hindi pa kumakain ang mga anak niya," pabulong na sabi ni Samantha na kaagad namang sinang-ayunan ni Ariston. Kinuha nito ang susi ng sasakyan at saka inilagay sa loob ang take out na ulam.

"Magpapaalam lang po kami kay Chief Inspector Silang, then, ihahatid na namin kayo," ani Samantha kay Ginang Siony na kaagad tinanggihan ng huli.

"H-hindi na po Ma'am. Magk-commute na lang po ako,"

Huminga ng malalim si Ginang Siony. Kahit na gaano pa kabait ang daughter-in-law ng kanilang dating boss na si Ginang Aria, nahihiya pa rin siya dito. Nakangiting tinitigan ng ginang si Samantha.

Base sa kwento ng magkakapatid kanina habang kumakain sila sa canteen, ito ang dahilan kung bakit nakalaya ang mga ito sa kuko ng mga Syquia. Ito rin ang nagpapulis sa katulong na si Pepita.

Nagniningning ang mga mata na sinulyapan ni Ginang Siony si Samantha. Malakas ang pakiramdam niya na isa rin ito sa mga dahilan kung bakit dinakip ng mga pulis ang buong pamilya ni Antonio Sandoval.

"Miss Samantha, thank you,"

Sunod-sunod na umiling naman kaagad si Samantha.

"Ang totoo ay nagulat din po ako sa bilis ng mga pangyayari. Ngayon ko lang nalaman na inayos na pala ang lahat ng asawa ko bago siya umalis papuntang Paris kaninang umaga," ani Samantha na ayaw angkinin ang papuri na hindi naman para sa kanya.

In her heart, she admires Arem's thoughtfulness and efficiency.

With just a classmate like Chief Inspector Silang, everything's done.

"Mrs. Syquia,"

Sabay-sabay na lumingon ang lahat sa pinanggalingan ng tinig.

Isang matangkad at maputing babae ang nakita ni Samantha na papalapit sa kanila. She's just wearing a white shirt and a high waist pants. Nakasuot ito ng puting canvas shoes at may dala-dalang brief case na kulay itim.

"You must be Attorney Pilar?" Nakangiting tanong ni Samantha.

"Uh-huh. Finally. It's nice to meet you, Arem's wife," she said in an amused tone. "I've never expected that person to marry first. Sa lahat ng tropa niya, siya ang pinaka-least na inaasahan naming mag-aasawa," nakangiting dagdag ng magandang abogada.

Ngumiti lang si Samantha. Her eyes are twitching.

Gusto niya sanang sang-ayunan ang sinabi ng kaharap pero alam naman niyang hindi niya pwedeng ipaalam na tunay man ang kasal nilang dalawa ni Arem, peke naman ang kanilang pagsasama. So basically, malamang na ang lalaking 'yun nga ang huling makakapag-asawa sa circle of friends nito. Or worst, baka nga hindi ito makapag-asawa. Dahil sabi nga ng karamihan, para itong bloke ng yelo.

He's too cold and aloof.

Sadly, hindi niya mai-chichika ang bagay na iyon sa babaeng kaharap dahil malamang sa malamang, babalatan siya ng buhay ng magaling niyang asawa sa papel.