The Divorce

Chapter 35: Someone Is Coveting His Woman

"Anong nangyari sa ate mo? Nakabili ba siya ng bestidang isusuot para bukas?"

Hindi mapigilan ni Ginang Aria ang magtaka at mag-alala. Nang batiin niya si Samantha kanina ay dali-dali itong nagtungo sa loob ng kwarto nito, kumuha ng tuwalya at saka nagmamadaling pumasok sa loob ng banyo.

Napakagat-labi naman si Arya.

Late na niya napansin na hindi maganda ang timpla ng kanyang ate Sam. Hindi ito kumikibo sa loob ng jeep mula noong makasakay sila. Ang buong akala niya ay napagod lang ito sa ginawa nilang pag-iikot kanina.

Pero noong sinabihan siya nito na ayusin ang mga pinamili nila dahil hindi na ito komportable, noon lang napansin ng dalagita na may kakaiba sa ate Sam niya.

May nangyari bang hindi niya alam?

Wala namang ibang nangyari kanina bukod sa nakasalubong nila ang hudyong iyon at pagkatapos ay wala na itong ginawa kung hindi ang titigan ang...

Titigan?

"I felt like someone disgusting was stripping off my clothes!"

Nanlaki ang mga mata ni Arya. Halos pabulong lang ang pagkakasabi ni Samantha noon kanina pero rinig na rinig iyon ni Arya.

Hindi kaya iyon ang dahilan kung bakit tumakbo kaagad sa loob ng banyo ang ate Sam niya? Nandiri ito sa ginawa ng lalaking iyon at gusto nitong liguan ang sarili para maglinis.

Nakangangang tumingin si Arya sa mommy niya. At pagkatapos ay sa kuya Arem niya na nakakunot-noo. Halatang hindi nito nagustuhan ang asal ni Samantha kanina. Na para bang hangin lang na dinaanan ang kanyang ina na buong lambing pa namang tumawag dito.

Now she's acting rudely toward his mother?

A cold glint flashed through Arem's dark eyes.

"Tingin ko mommy, nandidiri si Ate Sam sa sarili niya," halos pabulong na saad ni Arya.

"W-what? What happened?" Nag-aalalang lumapit si Ginang Aria sa kanyang bunsong anak. "Nandiri? B-bakit? Anong ginawa ng ate mo?" Naaalarmang tanong ni Ginang Aria.

"Wala siyang ginawa okay. Pero kanina nakita namin ang boyfriend ni Chandra, 'yung matapobre niyong pamangkin? Kasama ang boyfriend niya. Ang lagkit ng tingin niya kay ate Sam. Tapos noong pasakay na kami ng jeep, hinarangan niya ba naman po 'yung daraanan namin,"

Nanlaki ang mga mata ni Ginang Aria. Hindi niya inaasahang marinig ang tungkol sa bagay na iyon. Matagal na siyang walang balita sa kanyang kapatid at sa mga anak nito.

"Kung malagkit ang tingin niya kay ate Sam noong nasa boutique kami, nung hinarang niya kami sa daan, kakaiba ang tingin niya..."

"Kakaiba? Paanong kakaiba?" Hindi mapigilan ni Arthur na sumabat.

Hindi niya gustong may nambu-bully sa kanyang ate Sam.

"Parang hinuhubaran niya si Ate Sam. Kakaiba ang kislap sa mga mata niya. Tapos panay lunok pa siya habang nakatingin sa dibdib ni ate. Eh hindi naman bastusin ang suot namin kanina ah. Bakit ganoon siya tumingin?"

Naggagalaiting pinalagutok ni Ariston at Arthur ang kanilang mga kamao.

"Mula noong sumakay kami sa jeep hanggang makababa kami, hindi nagsasalita si ate Sam. I think naba-bother siya dahil doon,"

Dahil sa masyadong pag-aalala kanina na baka maagaw ng lalaking 'yun ang kanyang ate Sam, halos hindi napansin ng dalagita ang reaksyon ng kasama niya. Buong akala niya talaga ay pagod lang ito. Pero dahil matatandain si Arya, kaagad niyang napagtagni-tagni ang lahat.

And her sister-in-law does not like that man! She despises him instead!

"Oh no! Hindi ko napansin kanina. Akala ko kase ay pagod lang si ate sa paglalakad na ginawa namin kaya hindi siya kumikibo. Hindi ko alam na sobrang bothered pala siya sa lalaking 'yun," nag-aalalang nagpaikot-ikot si Arya sa sala. "Maya't-maya sinasabi ni ate Sam habang nasa jeep kami na 'I have to wash my eyes thoroughly'..." Huminto sa paglalakad si Arya.