#اقتباس_من_الفصول_القادمة.....(#الأقوى_قادم...)
رؤيته بالمركز كان مفاجأة صادمة إليه، فدنى إليه يتساءل باستغرابٍ:
_عمران بتعمل أيه هنا؟
مازالت الصدمة تستحوذ على معالمه، فاستدار يتطلع لعلي بنظرة مطولة وكأنه يحاول بها استكشاف من يتحدث معه؟ فتابع علي بقلقٍ:
_مالك يا عمران؟
خرج عن صمته يخبره ببسمةٍ بلهاء:
_أمك.
تابع الاخير بدهشةٍ:
_مالها.
اجابه بنفس الابتسامة الحمقاء:
_حامل!
جحظت أعين علي بصدمة وهو يراقب عمران الذي مازال يجلس على المقعد المعدني كأنه فقد القدرة على استخدام ساقيه، استغل عمران صدمة اخيه وألقى اليه قنبلة أخيرة بسخرية:
_ وجاية تسقط عند يوسف من ورا عمك! ... معطلها جوه على أمل ادخل أقنعها وانا من الصدمة قاعد محلك سر تاخدلك محل؟
جلس علي جوار عمران يحاول استيعاب ما ألقى عليه منذ الصباح، فضحك عمران ساخرًا:
_يعني انا المفروض أعمل أيه ادخل اقولها سبيه وهربيه انا مع ابني!!! ولا همشي ازاي أنا هشيل ابني اللي مستنيه كمان كام شهر على ايدي واخويا على الايد التانية ولا هعمل أيه بالظبط؟!!!
والتفت بجسده لعلي يصيح به بعتاب:
_انت السبب قعدت تقولي نساعد عمك يتجوزها وادي النتيجة هنبقى مسخرة يا علي!!!!
وتطلع امامه يردد بهمس منصدم:
_ازاي مفكرتش في الكارثة دي!
وصاح في اخيها بتعصب:
_انت ساكت ليه ما تتنيل تقولي هنهبب أيه... ولا هنمنعها ازاي من قرار التخلي عن البيبي.. يوسف مبطلش رن عليا وانا بقالي ساعة مرمي قدام مكتبه معنديش الجرأة اوجهه هو شخصيًا!..
وحينما لم يجد رد فعل من اخيه هزه بقلقٍ:
_علي مالك؟
وبتخمينٍ قال:
_انت زعلان انك بدل ما تستقبل خبر حمل فاطمة جالك خبر أمك من حيث لا تحتسب!! انت دكتور نفسي وقادر تساعد نفسك فساعدها وانجز خليها تقولي هنعمل ايه نتصل بعمك نجيبه ويعرف بمصيبتها ويطلقها ونخلص ولا نعمل ايه؟؟؟؟؟
...... يتبع.... الاقوى قادم 💣
#اقتباس_من_الفصول_القادمة.....(#الأقوى_قادم)
أنت تقرأ
الطبقة الآرستقراطية (صرخات انثى)
Mystery / Thrillerالجروح أدمت قلوبهن ومازالت كلًا منهن تحارب للبقاء، مذاق الألم لا يفارق حلقهن، جروحهن متشابهة ولكن لكلًا منهن حكاية خاصة هي ضحيتها، الأولى نهشتها الذئاب البشرية وتركتها كالخرقة البالية تعاني بمفردها، والثانية واجهت إنسان مريض نفسي يريد أن يُجحمها دا...
