-
مبـروك عليك رُواء ، إبتسم آسر لينُزل رأسه يقبّل يدين مُـلهم ليرفع ناظريه
لهُ : أوعدك لا أتركها بعيوني يا عـمّ !
ليبتعدّ عنه مُـلهم ياخذ الجهـاز ويخطي ناحيّـة السيَـب .. تقدّموا العيـال
لينثرُون عليه تباريكهُم لتوقف مُـقابله مؤيد ويصافح يدين آسـر : زوجتك بنت
عمي يا آسر ، ويمثل البُـكاء ليضحكون عليه العـيال ليضُرب كتفه
هتـان : تمرّجل ياورع ، ليوسع عيونه آسر بيّن ضحكاته : توقعته يصيح منجد
تتُوقف هيّ بالسيـب من بدأ الشيـخ قُـوله تنصُت هي لكل حرف نطق فيه
وقلبها رجفّ بحُـب من نبّـرته لـ آسر وقت طلبّـها ولأول مره تسمع هالنبّره
منه لدرجه ؟ كل خوف كان بهـا تلاشىء تبدّل لسعاده وحُـب حُـب
زُرع بأيدي آسـر في دُواخل صدرها .. رفعت نظرها على خروج مُـلهم يبتسم
من شافها تتوقف هي وخلفها إيـلان بينّ يدينه الجهـاز .. تقدّم لها يقبُل
جبيّنها بقوه لتنزّل هي تقبُل يدينه بهدوء ، ترفع نظرها لهُ من مدّ لها
الجهـاز وينطُق بنبّرته اللي تجمعت كل الحنيّه بها : إبصمي يا بنتي
ترجف كفوفها لترفع أناملها وتبصُـم وتعُلـن نفسها زُوجه وحُـرم لـ آسـر
والأن بصّمت هي وشهدّ الجميـع على زُواجهـم رسميـاً .. دخلت بحُضن
مُـلهم تتسارع أنفاسها ليبتسم مُـلهم ويقبِل رأسها : مبروك حبيبتي
تدمّع أعيُـن إيـلان ليرفع مُـلهم كفه يحتّضن وجنّتها ويمسح بإبهامُه
دمّعها .. أخذت خُـطاها ترجع تدخُل ليصرخ الجميع وصُـوت الأغاني يمَلي
المكان ضحكت هي بخجّل من بدأ الجميع يبُارك لها بإستثناء ميـار اللي
جالسه بعيداً عنهم وتُراقبهم بصمت ، تقدّموا لها البنات لتأخذُ ديـم
المسكه من بيّن يدينها وتُراقصها ليليـان تناغُماً مـع المُوسيقى
تضـحك جـوليان اللي تلتقطّ لهم كثير الصُـور وملامح الخجّـل اللي مرسُوم
على ملامح رُواء وضحكات الجميع اللي دّلت وشهدّت على كثيـر سعادتهم !
صُـوت الفـرقه يمّلي الديـار ومُعضم الرجـال اللي أنهوا ليلتهم
يعُودون لديّارهم .. تنهـد أميـر اللي كان بالخـارج وشاردّ
باللاشيء قاطع شرُوده مجيـد : وراك برا ؟
بلع ريـقه أمير : جلستهم تضيّق صدري
مجيـد : طلع البنت من بالك يا أميـر قدها حرم لولد عمك !
يرصّ على أسنانه أميـر : مامر شهر من عودوا من عندنا وقايل لكم انا ان بينهم
شيء بس كذبتوني البنت * وولد عمي أخس منها
وسع ناظِريه مجيد : أستح على وجهك ياولد ماربيتك كذا ان كان بينهم ولا
ما بينهم بنهايه تزوجوا ، ودّخل تارك أميـر اللي تنهـد بقهر سكنّ صدره
لف لخلفه من تقدّم لهُ مهـاب بعقدُة حاجبه اللي دّلت على شدّة غضبه
بعد ماسمع كل حرف نطق فيه أمير رفع يدّه على كتفه : ما أبي احسابك
على كلامك اللي اصلاً دل على تربيتك وطينتك وقذارة لسانك بس اللي
تكلمت عنها هي بنت عمي والحين صارت حرم لولد خالتي وقول
الحمدالله ان محد سمع هرجك إلا انا ولا وخالقك لو غيري كان دفنّك حي
يضحك بسخُريه أمير ليردُف مُهـاب : وأن كان ودك انا ادفنك حي تكلم
عن واحد منهم يا أمير ، وخطى تارك امير اللي إختفى مبسمه يشدّ على
كفهّ بقوه ..
