عشق میں نام کر گئے ہوں گے
جو ترے غم میں مر گئے ہوں گے
اب وہ نظریں ادھر نہیں اٹھتی
ہم نظر سے اتر گئے ہوں گے
کچھ فضاؤں میں انتشار سا ہے
ان کے گیسو بکھر گئے ہوں گے
نور بکھرا ہے راہ گزاروں میں
وہ ادھر سے گزر گئے ہوں گے
میکدے میں کہ بزم جاناں تک
اور جالب کدھر گئے ہوں گے
حبیب جالب
ESTÁS LEYENDO
شاعری💕💕
Poesíaیہ میری کچھ چنی ہوئی پسندیدہ شاعری ہے جنہیں میں ہر وقت پڑھنا اور گنگنانا پسند کرتی ہوں۔۔۔۔امید ہے کہ آپ لوگوں کو بھی پسند آجاۓ۔۔
