دل بے خبر ، ذرا حوصلہ..!!
کوئی ایسا گھر بھی ہے شہر میں ، جہاں ہر
مکین ہو مطمئن ؟
کوئی ایسا دن بھی کہیں پہ ہے ، جسے خوف_آمد_شب نہیں ؟
یہ جو گرد باد_ زماں ہے ، یہ ازل سے ہے،
کوئی اب نہیں ...ا!!!
دل_ بے خبر ذرا حوصلہ...!!!
یہ جو خار ہیں تیرے پاوں میں ،
یہ جو زخم ہیں تیرے ہاتھ میں
یہ جو خواب پھرتے ہیں در بہ در ،
یہ جو بات الجھی ہے بات میں
یہ جو لوگ بیٹھے ہیں جا بجا ،
کسی ان بنے سے دیار میں
سبھی ایک جیسے ہیں سر گراں ،
غم _ زندگی کے فشار میں
یہ سراب یونہی سدا سے ہیں ،
اسی ریزگار _ حیات میں
یہ جو رات ہے تیرے چار سو ،
نہیں صرف تیری ہی گھات میں
دل_بےخبر ، ذرا حوصلہ...!
تیرے سامنے وہ کتاب ہے ،
جو بکھر گئی ہو ورق ورق
ہمیں اپنے حصے کے وقت میں ،
اسے جوڑنا ہے سبق سبق
ہیں عبارتیں ذرامختلف ،
مگر ایک اصل_ سوال ہے
جو سمجھ سکو تو یہ زندگی ،
کسی ھفت خواں کی مثال ہے
دل _ بے خبر ذرا حوصلہ ،
نہیں مستقل کوئی مرحلہ
کیا عجب کہ کل کو یقین بنے،
یہ جو مضطرب سا خیال ہے
کسی روشنی میں ہو منقلب ،
کسی سر خوشی کا نقیب ہو
یہ جو شب نما سی ہے بے دلی
یہ جو زرد رو سا ملال ہے
دل_ بے خبر ، ذرا حوصلہ ..!
YOU ARE READING
شاعری💕💕
Poetryیہ میری کچھ چنی ہوئی پسندیدہ شاعری ہے جنہیں میں ہر وقت پڑھنا اور گنگنانا پسند کرتی ہوں۔۔۔۔امید ہے کہ آپ لوگوں کو بھی پسند آجاۓ۔۔
