[BOOK 1] [UNDER REVISION!!!] When Ms.Suplada meets Mr.Suplado [COMPLETED]

63rd Chapter "Savior"

MEGAN's POV

(Now Playing: Safe and Sound - Taylor Swift Ft. The Civil Wars)

Ang tagal naman ni bi! Sabi nya, saglit lang sya! Hays.

Mapayapa akong naghihintay kay bi hanggang sa makarinig ako ng isang malakas na pagputok. Malakas ang pakiramdam ko na hindi lang yun basta-bastang putok, kundi putok ng baril.

Ang unang pumasok sa isip ko ay si bi. Nag-alala at kinabahan ako. Kaya hindi na ako nagdalawang isip pang sundan sya. Dapat talaga sinamahan ko sya.

Natanaw ko na yung locker room pero natigilan ako sa nakita ko.

Nakita ko si ate Charm na kaharap si bi. Nakaitim sya at parang ibang-iba na ate Charm ang nakikita ko ngayon.

Malayo ako sa kanila kaya hindi ko marinig yung pinag-uusapan nila. Pero sa nakikita ko, parang natatakot na si bi habang hindi naman ako makapaniwala sa mga ikinikilos ni ate Charm.

Maya-maya'y nakita ko na pinadaan ni ate Charm sa pisngi ni bi ang....ISANG BARIL?!

Bakit may hawak na baril si ate Charm? Bakit parang hindi na si ate Charm yung nakikita ko ngayon? Sya ba ang nagpaputok ng baril kanina? May masama ba syang binabalak? Babarilin ba nya si bi? Hindi. Hindi ako papayag na barilin nya ang bestfriend ko.

Nakita kong dumistansya na si ate Charm kay bi. Itinaas nya ang kanyang baril at itinapat ito kay bi. Tama nga ang hinala ko na may balak syang barilin si bi.

Kaya walang anu-ano'y tumakbo na ako ng mabilis papunta doon para harangan si bi. Ayoko syang mabaril.

Sobrang lapit ko na kay bi na halos konting hakbang nalang para maharangan ko sya pero may tumulak sa akin na ikinadahilan ng pagbagsak ko sa lupa kasabay na din ng pagkarinig ko ng isang malakas na pagputok ng baril.

"SILVER!!!" malakas na sigaw ko nang matamaan si Silver ng baril ni ate Charm. Nakita ko na niyakap nya si bi sa harapan kaya sya yung natamaan. Nadala si bi sa pagkakabagsak ni Silver sa lupa.

"Wow! Such a great scene!" napatingin ako sa nagsalita na si ate Charm. Nakangiti sya at mukhang napakasaya pa sa nangyari. Ang sama pala nya.

"ATE CHARM! BAKIT MO 'TO GINAWA?! PAANO MO 'TO NAGAWA?! ANG SAMA-SAMA MO!" sigaw ko pero tumingin lang sya sa akin at ngumiti pagkatapos ay naglakad sya papalapit dito.

"Susunod ka na." ang bulong ni ate Charm sa akin na nakapagpatayo ng mga balahibo ko.