[BOOK 1] [UNDER REVISION!!!] When Ms.Suplada meets Mr.Suplado [COMPLETED]

20th Chapter "The Half-brothers"

ICY's POV

"Uy bi! anong nangyari dyan sa dalawa?" tanong sa akin ni bi na kadadating lang dito sa locker room. Tinutukoy nya sila Silver at Vester na kasalukuyan paring nagpapatayan ng titig sa isa't-isa.

Nagkibit-balikat nalang ako bilang sagot.

"Goodmorning kuya!" napatingin ako kay Vester na biglang nagsalita, nakangiti na syang nakatingin kay Silver. Hindi ko maintindihan si Vester, kani-kanina lang ay ang sama-sama ng tingin nya kay Silver tapos ngayon biglang gaganyan sya?

Tumingin naman ako kay Silver na ganun parin ang itsura.

"Subukan mo kayang lumayas sa harapan ko, baka sakaling maging good yung morning ko." sabi ni Silver habang masamang nakatingin parin kay Vester. Pero yung mukha ni Vester ay nanatiling nakangiti lang.

"Huy Silver! ang hard mo naman kay Vester!" sabi ni bi, pero hindi sya pinansin ni Silver.

"At ikaw Vester! Bakit kanina ang sama mo rin makatingin dyan sa kuya mo? may problema ba kayong dalawa?" usisa ni bi.

"Huh? wala naman Megan. Sinamaan ko lang naman din si kuya ng tingin kasi ginagaya ko sya. Idol ko kaya yang si kuya Silver! Diba kuya?" nakangiting sagot ni Vester tapos pumunta sya sa tabi ni Silver at inakbayan ito.

Pero marahas lang na tinanggal ni Silver yung pagkaka-akbay sa kanya ni Vester.

"H-hoy Silver! wag ka namang ganyan sa kapatid mo!" suway ni bi. Pero hindi parin sya pinansin ni Silver.

"Vester, lumayas ka sa paningin ko.." mahinahon na sabi ni Silver pero halatang nagpipigil na sya ng galit.

"Kuya may kukunin lang ako dito, aalis na rin ako mamaya. Kung ayaw mo akong makita, umuna ka nalang ku--" hindi na natapos ni Vester yung sasabihin nya kasi sinuntok na sya ni Silver na ikinabigla naming dalawa ni bi.

Buti nalang at kaming apat nalang ang nandito sa locker room, walang ibang students.

"Silver! ano ba! ano bang problema mo huh?!" sabi ni bi na ngayon ay hawak-hawak na si Silver para hindi na muling masugod si Vester. Pero hindi ulit pinansin ni Silver si bi, nananatili syang nakatingin ng masama kay Vester.

Nilapitan ko naman si Vester na ngayon ay nakaupo sa sahig at nagdudugo yung bandang gilid ng labi nya.