روايتي العاشره " ياربة الشعر والأحلام غنيني "

٤٣

-
طارق
يدور بكرسيه والقلم فوق شفايفه يلعب فيه
عض القلم بحيره واخذ جواله وهو يدق
رد عبدالله:هلا
طارق:شلونك؟
عبد الله وقف عن الباب:هات العلم طارق
طارق اخذ نفس:ابي رقم ذكرى اذا عندك
عقد حاجبينه وهمس عبد الله:شتبي فيه ؟
طارق:دار بيني وبينها حوار وابي اعتذر
عبدالله:قلت لها عني ادري
طارق:قالت لك ؟
عبد الله:اي قابلتها من فتره
طارق سكت ثواني:زين عطني
عبدالله.خلاص حليناها شتبي فيه
طارق:وع عبد الله لا تسوي علي عطني مالك شغل فيها
عبدالله:خل غيري يعطيك رقمها اجل
قفل عبدالله ونزل من سيارته ورجع دق عليه طارق
رد وهو يدخل البيت:خير ؟
طارق:اسفين عمي عبدالله عطنا
عبدالله:شوف لو اذيتها او سببت لها ولاهلها مشكله احرقك تفهم ؟
طارق:ابشر عطني
عبدالله:طيب سلام
قفل عبدالله وهو يرسل له الرقم
طارق ابتسم واعتدل بجلسته وهو يدق من ارسل الرقم عبدالله
اخذ نفس ودق يناظرها ترد
ذكرى ردت بهدوء:هلا !
طارق ابتسم:اخت ذكرى عقيل ؟
عقدت حاجبينها ذكرى وهمست:اي مين ؟
طارق سكت ثواني:وصلتنا تحاليل تخصك
ذكرى عقدت حواجبها:تحاليل ؟ ماسويت تحاليل انا
طارق:لا وصلنا اسمك بالمستشفى
ذكرى رفعت حاجبينها؛مستشفى ؟ دكتور طارق معي !
ابتسم طارق ورجع ظهره لورا:تحتاجين دكتور قلب !
ذكرى :لا من وين جبت رقمي ؟
طارق اخذ نفس:دقيت اطمن عليك بعد صدمتك للموضوع
ذكرى؛بخير انا مايهزني ريح
طارق همس:انا اشهد
سكت ثواني وكمل:والباب صلحناه قلنا ندق نبشرك
ذكرى؛زين
طارق:وش هالقوه فيك كاسره باب؟
ذكرى:بابك هزيل بسرعه ينكسر انتبه لا يكون قلبك زي بابك
طارق ابتسم:ابد قلبي قوي بس مدري وش غيره ؟
ذكرى:عساه خير
طارق تنهد وهمس:بني آدم ،طبعه كذا القلب
ذكرى سكتت وطارق همس:تسأليني شلون سويت العمليه ؟
ذكرى تنهدت وطارق من سمع تنهيدتها همس:كوفي عبدالرحمن يمدحونه اشوفك بكره الصباح
ذكرى استغربت وطارق كمل؛احكي لك كل شي ولا اشغل فضولك مابي اطول سلام عليكم
قفل وناظرت جوالها ذكرى بهدوء
-
بشرى
ناظرت جوالها وتنهدت من تذكرت كلامه
وتتذكر شكله من جاهم بثوبه وشماغه عليه
طوله عرضه حتى تفاصيل وجهه انتبهت لها اليوم
درست كل شي شكلي فيه
لونه حواجبه وكثافتها حدة عيونه
دقنه وتفاصيله المبهره
ابتسمت وهي تتنهد بهدوء وتلف من يجيها اشعار
من اسمه "نناديك سلطانة القلب ! والا اسمك احلى نداء ؟"
ابتسمت وهي ترسل "حزة غروب ماتبي تدق ؟"
قراها واتصل وابتسمت وردت عليه
عبدالله:طلع صدق طريقك وعرّ كل يوم طالعه بزعل جديد ! ماتملين الجفى والعتاب ؟ هل عندك شك !
بشرى بهدوء:عندي مع الاسف ابي كل يوم احس اني مهمه
عبدالله؛انتي كل ساعه مهمه انتي كل الوقت مذهله لا تشكين لا بنفسك ولا بمقدارك عندي ابد
بشرى؛طيب اذا في شي ما اعرفه خلني اعرفه من الحين
سكت عبدالله ولانت ملامحه وبشرى استغربت سكوته
:في شي ما اعرفه ؟
عبدالله اخذ نفس؛مافي شي
بشرى سكتت وعبدالله همس:كل شي واضح
بشرى هزت راسها:كويس
عبدالله اخذ نفس وبلع ريقه مايدري ليش خطر بباله اهله
والكذب اللي كان عايشه ويجي يسأل ويكذوبنه
حس انه خذلها هاللحظه حس انه بيجي منه الخذلان
يكسرها ويدمرها الخبر بس مابيده حيله ابد
متأكده الفرحه بتقلب حزن لو عرفت قبل الزواج
ابتسم من طاري الزواج وتسائل:شلون بقدر اشوفك بالفستان الابيض ؟
ابتسمت بهدوء بشرى وهي تناظر كفها
عبدالله بتعب شديد همس:شلون بقدر انتبه للحضور وانتي بينهم ؟
بشرى بلعت ريقها بارتباك من هالطاري وهالموضوع
همست:كأنه يأذن ؟
عبدالله غمض عيونه من تخيلها وتنهد وهو يمسك صدره
بشرى:أصبح على خير واكون من اهلك
ابتسم عبدالله من رقة الجمله وعذوبتها:الا يالله
بشرى:سلام
قفلت ولا تركت مجال ابد ومن قفلت اذن
كانت واثقه ان الاذان تأخر بس طاري الزواج اربكها
تحاول وتجرب ترجع تحب وتوقف من جديد
بس ماتعرف ! بتجرب بس ماتعرف
-
عبدالله
ابتسم وهو يناظر التقويم قدامه
يوم ! يوم باقي على بداية موسم جديد
شتوي قاسي كانون الثاني
وبداية سنه وحياة جديده له مع هالكة القلب
ماقدر ينام من فرحته وتخيلاته
شلون بكره وهي ليلة زواجه بينام ؟
تنهد بتعب وحب وهو يغمض عيونه
ماحس الا بكفه تلمس صدره وتتحس قلبه
نبضاته ! دقاته ! ارتباكه ! لهفته وشوقه
لو يقدر يخلي الوقت يركض ويمر هاليوم ؟
يبي بأي طريقه يتخلي من هالوقت الطويل
وبطول تفكير وتعب سهر وتمنيات واماني
نام ! نام وبكره خيره ..
-
يوم جديد
بشرى
بتوتر فركت يدينها وهي تناظر فستانها اللي وصل
وثبتوه على ملكان طويل عشان التصوير
تناظر المصوره تصور وامها واقفه معاها
طيبه ابتسمت ولفت لها:متى اشوفك فيه بكره ؟
ماردت بشرى وهي تناظر الفستان بلعت ريقها
بتوتر ارتباك حيره شعور مزعج بصدرها
دموع حابستها ماتدري من وين مصدرها ؟
ليش هالضيقه بقلبها ! وهي بتصير عروس ؟
همست:شوي وراجعه
مشت للحمام وهي تتنفس بسرعه وتحس مخنوقه
قفلت الباب ومسكت صدرها ونزلت دموعها
تعبت تكون اقوى، تعبت تتجاهل هالشعور
كل شي حولها مايهئ للفرحه ابد
عبدالله ! اللي عرفته صدفه وانصدمت من التعلق اللي داخله لها
شلون حبها بوقت قصير؟ من هو هالانسان ؟
بلعت ريقها وهي تمسح دموعها وفكت المويه
ناظرت شكلها بالمرايه بخوف
تدور بذاكرتها الذكريات والابتسامات والوعود
مانست والله مانست حست انها مخنوقه لازم تطلع من هالمكان
طلعت واخذت عبايتها وخرجت من دار التصوير
وقفت بالشارع وهي تلهث بتعب وتبكي بحيره
استغربت نفسها دموعها وشعورها بهاللحظه
تدري انهم ينتظرونها داخل تدخل وتلبس وتتصور
وتدري انهم بيفقدونها بس ماتقدر
ماتقدر تتحمل اكثر هالشعور والوجع
-
عبدالله
ابتسم وهو يناظر عامر يحجز للعشا
لف وناظر جواله وعقد حواجبه ورد:هلا
طيبه:عبدالله !
زاد استغرابه وهمس :هلا وش صاير ؟
..
بشرى
مالقت نفسها الا بهالمكان ماتدري ليش
بس حست ان البحر المكان اللي ممكن يتحمل
هالمشاعر وهالشعور بصدرها يزيح همها عنها
جلست على الكرسي وهي تبكي بدون صوت
شاده على صدرها من الضيق ولو تقدر
تتخلص من كل شي عليها عبايتها ملابسها
حتى جسدها تتخلص منه تبي روحها تكون اهدأ
الطف لان شعور الألم والثقل مو مريحها ابد
لفت وهي تناظر حوالينها بتشتت وبعثره
تحس بجوالها يهز بشنطتها بس مالها حيل ترد ابد
-
عبدالله
ماسك راسه بلع ريقه وهمس:شلون يعني ؟
طيبه وهي تناظر تركي بخوف:ماكان فيها شي طلعت ولا عاد لقيناها
تركي ناظر عبدالله وهمس:تستاهل بنت احسن منها غلطان من برد قلبي عليها
طيبه:يمكن بغت تاخذ نفس يمكن شوي وترجع !
عبدالله صد لبعيد وفكرة انها ممكن ماترجع
فكرة هروبها مستحيله ولا توقعها
لهالدرجه تحبه ؟ لهالدرجه صعب تعيش معي !
فرشت لها صدري بساط راحتها وسعادتها
وتصد !

ذكرى
دقت عليها حياة على امل تكون عندها بشرى
بس انصدمت من الوضع اللي هم فيه وخرجت
مشت بالشارع وهي تناظر جوالها وتدق عليها
تنهدت وهي تمر البحر المكان اللي يحبه زياد
مستحيل ماتكون فيه واذا ماكانت فيه فهي اكيد بالمقبره
ناظرت هيأتها ذكرى وهمست:وقف
نزلت وهي تمشي لناحيتها وبكل توتر همست :بشرى؟
لفت بشرى ومن ناظرتها ذكرى تقدمت لها وحضنتها
شدت عليها بشرى وهي تهمس بتأتأه وضياع:مخنوقه ذكرى بمووت
ذكرى ضمتها بقوه وهمست:بسم الله عليك بسم الله عليك
بشرى وهي تشد على ذراعها:ما اقدر صعبه علي
ذكرى بعدت عنها ومسكت وجهها بكفها وتكلمت بحده
:ماتركتك ضعيفه ؟ كنتي اقوى مني استمديت كل قوتي منك والحين تنهزمين ؟
بشرى والدموع تملي وجهها اشرت:طالعيه اشوفه بكل مكان حلم كابوس طيف اشوفه في الاماكن كلها
ذكرى بلعت ريقها وبكل ثقه قالت:وبتشوفينه في عبدالله
ناظرتها بشرى وكملت ذكرى بقوه:اللي مات راح يابشرى ودفناه بكينا عليه بما فيه الكفايه اللي جاي! يستاهل اكثر
بشرى تنهدت بتعب وشدت على كفوفها ذكرى:ارجعي بشرى ارجعي وشوفي اهلك وفرحتهم فيك ،شوفي عيونه واقري اللي داخله
بشرى ناظرتها وذكرى همست:يحمل في صدره شي غالي افهميه
بشرى بلعت ريقها ومسحت دموعها ذكرى
ووقفت:قومي نرجع البسي فستانك وافرحي بكره زواجك وبكره حياه جديده قومي
بشرى:كيف لقيتيني ؟
ذكرى ناظرتها جالسه وابتسمت:قلبي دليلي
بشرى ناظرتها وناظرت كفها ومسكته ووقفت