(Completed)မင်းတို့ကောင်တွေဂိမ်းကစားတာတော်တော်လေးကောင်းတယ်(Translation)

အခန်း ၅ + ၆ / လီမွန်ဖေဖေတော့ sex changeသွားပြီ

Translator - Lazy_kallyCHU

Chapter 5

weiboနှင့် forum အချို့ဟာ ပြန်လည်အသက်၀င်လာပြန်သည်။ သို့သော်သည်တစ်ကြိမ်မှာတော့ "ငါတို့ကောင်တွေ ဂိမ်းဆော့တာ အရမ်းပြင်းထန်တာပဲ..."ဟူသော ခေါင်းစဉ်ဖြင့်အစားထိုး ခေတ်စားလာခြင်းပေ ။

လင်းမုန့်မှာ နေ့တိုင်းလိုလို အကြောင်းအရာတူများဖြင့် အပ်ကြောင်းထပ်နေပြီး ပြောင်းလဲမှုမရှိသည့် မှတ်ချက်တွေအများကြီးကို ထိုင်ဖတ်ရင်း ဦးနှောက်ဟာလည်း ဗလာကျင်းလို့နေသည်။

ရာသီကုန်ဆုံးသွားသည့်အခါ စိန်ကြယ်ပွင့်အဆင့်ကို မရနိုင်ခဲ့သည့်အတွက် လင်းမုန့်တစ်ယောက် ပူဆွေးနေပါတော့သည်။

(TN-ဒီနေရာမှာ နည်းနည်းပြောချင်ပါတယ်။ ရှေ့အပိုင်းမှာတုန်းက သူကစိန်ကြယ်ပွင့်အဆင့်ဖြစ်ပြီး နတ်ဘုရားအဆင့်အတွက် မျှော်မှန်းထားတာပါ။ အခုအပိုင်းမှာတော့ အထကိပါအတိုင်းဖြစ်နေပါတယ်။ Eng- translator မှားရေးမိတာလို့ ထင်တာပါပဲ။)

ထိုအတွက် သူဟာမင်းဂွတ်သီးနတ်ဘုရားဟူသော account အပေါ်ကိုသာ အပြစ်အလုံးစုံကို ပုံချလိုက်တော့သည် ။

ရာသီပွဲစဉ်အသစ်စသည့်အခါမှာတော့ လင်းမုန့်သည် မင်းဂွတ်သီးနတ်ဘုရားကို လက်စားချေမည်ဟူသော ဆုံးဖြတ်ချက်ဖြင့် အသေအကြေ ကြိုးစားပါတော့သည်။

အရင်က လင်းမုန့်အနေဖြင့် တိုက်ရိုက်ထုတ်လွှင့်မှုတွေကို တစ်ကြိမ်တစ်ခါမျှပင်မကြည့်ဖူးပါချေ။ ထို့ကြောင့် Fighting Catဟူသော account တစ်ခုကိုဖန်တီးကာ မင်းဂွတ်သီးနတ်ဘုရား၏တိုက်ရိုက်ထုတ်လွှင့်မှုတွေမှာ အချိန်အကြာကြီးဖြုန်းနေပါတော့သည် ။

မင်းဂွတ်သီးနတ်ဘုရားထံမှ Liveစတင်သည်နှင့် အမာခံဖန်တွေထက်ပင် သူကပိုပြီးစောရောက်နေတတ်၏။ မင်းဂွတ်သီး Live မလုပ်သည့်အချိန်တွေ၌ အခြားကစားသမားတွေကစားပြထားသည့် videoများကို ထပ်ကာထပ်ကာ ကြည့်နေတတ်သည်။

အခြားကစားသမားများ၏ ကစားနည်းကစားပုံနည်းလမ်းများနှင့် လှည့်ကွက်များကို သိရဖို့အတည်ကြီးအာရုံစိုက်ကာ ကြိုးစားနေသည် ။