تركت "ليلي" الحمام تواً متوجهه صوب مرأه الغرفه العريضه ، لتطل علي هيئتها للمره الأخيره وقد تهيأت كلياً للمغادره ، اعتدلت "ريهام" الممدده اعلي الفراش فور ملاحظتها ..
- ايه ده يا لولو انتي نازله ؟
- ايوه.
هتفت "ليلي" وهي تنثر رزاز العطر علي ملابسها ، انتصبت "ريهام" واثبه اعلي الفراش وقفزت حتي هبطت قدميها علي الأرض بحماسٍ تمثل في حركه حيويه صادره منها :
- طب حلو ننزل بقي مع بعض انا كده كده كنت هلبس وانزل بس خوفت لتقوليلي مش نازله .
اومأت "ليلي" دون اطاله تفكير ولم تتبين نيتها المبهمه والكامنه في حماسها ، ثم جلست علي اقرب مقعد قائله وهي تقبع في انتظارها :
- طيب البسي وانا هستناكي.
هرولت "ريهام" نحو الجزء الخاص بها في الخزانه وانتقت ثيابها بعنايه وعجلهٍ في آنٍ ، وفي غضون ثوانٍ وسرعه فائقه كانت في هيئه متكامله الأناقه وصففت شعرها المنسدل علي ظهرها ، اذ اخذت تهندم حالها مراراً وكأنها تتهيأ لمقابله خاصه مما جعل الاخري تراقبها بغرابه وشك وكأنها تنتظر علامه تبرهن لها صدق حدثها .. وفعلا نطقت "ريهام" بما خمنته الاخري بتقائيه فرحه :
- سامح نازل بره الفندق وغالبا سيف معاه ياريت نروح مكان كويس وميحصلش زي المره اللي فاتت..
- قولتي سامح ؟؟!!
علقت "ليلي" بتمهل ، ثم تابعت بصلادهٍ رافعه احدي حاجبيها :
- انتي مخططه انك تخرجي معاه ؟
رفعت "ريهام" شعرها خلف اذنها في غبطه واجابتها بإرتباكٍ :
- يعني يا ليلي.. سامح قالي لو لاقيتوا نفسكوا عايزين تخرجوا تعالوا وانا قولتله ان مفيش مشكله .
- ومقولتليش ليه ولا انا اخر من يعلم واندب في الموضوع علي عمايا.
بدي الإعتراض الصريح والانزعاج واضحاً عليها الأن ، فتساءلت "ريهام" وقد تقلصت ملامحها بعبس في اللحظه التاليه :
- ليه بتقولي كده يا ليلي ؟
زفرت "ليلي" بضجر واشاحت بوجهها المتجهم عنها ، اقتربت "ريهام" جاثيه علي ركبتيها امامها وقالت بقلقٍ صادق وحذر :
- انتي اتدايقتي ؟
طالعتها "ليلي" بعبس وابدت اعترض منفعل :
- لأ بس مش عاجبني اقتحامنا حياتهم بالطريقه دي احنا بردو عندنا اصحاب تانيين.
- ليلي احنا مقتحمناش حياه حد ! وبعدين احنا بننبسط معاهم تنكري ده ؟ وبعدين سامح كويس وانتي عارفه.
خففت "ليلي" من حده نبرتها نوعاً ما ثم اجابت بصوتٍ لا يخلو من الإباء :
- لأ يا ستي سامح انسان لطيف مقولناش حاجه بس انا مش مبسوطه وانا دايما محشوره في النص بالطريقه دي ما بينكوا زي الاباجوره والبس مع سيف في الاخر .
