تحول نطر الجميع اليه خاصتاً هي ، فقال "سامح" بأرياحيه قبل ابداء اي رد عنها :
- ياريت علي الاقل نبقي مطمنين عليها .
تجاهلت "ليلي" تعليق "سامح" وقالت برقهٍ لا تخلو من التوتر :
- لأ انا هرجع لوحدي متتعبش نفسك.
"سيف" : انا كده كده كنت راجع.. استنيني خمس دقايق وارجعلك نتحرك.
اومأت له "ليلي" علي مضض متردده ، بينما تحرك "سيف" مبتعداً ، فتحدث "سامح" ليوقفه :
- اه صح سيـ..
بتر عبارته حينما ابتعد وتواري من امامهم ، فتساءلت "ليلي" بفضولٍ :
- في ايه ؟
اخرج "سامح" هاتف من جيب سرواله الاخر و مده لها قائلاً :
- ليلي من فضلك ابقي اديله تليفونه لما يرجع عشان نسيه معايا وممكن مكالمات مهمه تجيله ولا حاجه.
- لأ اديهوله انت !
اعترضت "ليلي" بسرعه بمخاوفٍ لا تريد تكرارها ، ابتسم "سامح" مخمناً ما يدور بعقلها قائلاً :
- يابنتي اديهوله اول ما يرجع مش هيعملك حاجه متخافيش . مش هيعضك يعني يا ليلي.
مدت يدها والتقطته بتردد قلق ، التفت "سامح" الي "ريهام" هنا وقال :
- يالا احنا ؟!
تحرك كلاهما مبتعداً .. وقفت "ليلي" في انتظاره حتي وضعت الهاتف في جيب سترتها الي حين ظهوره ، حتي من خلفها رابتاً علي ظهرها بأصابعه بهدوءٍ ، التفتت له فهتف :
- يالا ؟!!
اومأت له دون ان تنبس بحرفٍ وتقدمت لتسير ، وذهب هو مصاحباً لها ..
________________________________
كام ممدداً علي الفراش تحاوطه اجواءٍ هادئه مصاحبه لإضاءه خافته هيئت عقله تماما لإستيعاب محتوي الكتاب المفتوح بيديه ، اغلق ضفتي الكتاب وخلع نظارته الطبيه حين ولجت زوجته الي الغرفه ، وضع النظاره بحرصٍ بجواره اسفل مصباح خافت ، وتساءل :
- ساره نامت ؟
- لسا قاعده في اوضتها.
اجابته وهي تنزلق اسفل الغطاء الثقيل الناعم بجواره ، فتنهد هو بحيره قائلاً بإنهاكٍ :
- مش عارف اعمل معاها ايه ؟
اومأت "فريده" مؤيده وقالت :
- عندك حق شكلها متدايق مش بعادتها . اظاهر ان المشكله بينها وبين رولا كبيره مش خناقه عاديه زي كل مره وساره حساسه مستحملتش.
- رولا من زمان وهي ناشفه وقلبها جامد حتي علي اخواتها .. حاولت كتير اغيرلها طريقه تفكيرها دي بس اظاهر ان مفيش حد بيتغير.
