تدلي رأسه فوق صدره متنهداً بأسي ، شلّته الدموع الغزيرة التي أغرقت وجهها الجميل ، رفع عيناه الزرقواتين إليها مره اخري ، وقال بصوتٍ هادئ لإستمالتها :
- اعمل ايه عشان ارضيكي ؟
إنتحبت بطريقةٍ ألمته ، وقالت بصوتٍ تتخلله شهقاتٍ مكلومه :
- انا أول مره اشوفك بتتخانق مع سامح .. كنت خايفة اوي . عمري ما شوفتكم بتتخانقوا .. حسيت اني خايفه منكوا انتوا الاتنين .. انتوا قولتولي قبل كده ان انتوا الاتنين واقفين معايا و بتحموني . ازاي وانتوا دلوقتي بتتخانقوا !
اجادت "لينا" التاثير عليه رغم صغر سنها ، فوقعت كلماتها الممزوجة بدموعها الحارق كقبضةٍ حديدية إعتصرت قلبه
رفع يداه واخذ يرتب خصلات شعرها الملساء ، قائلاً برقة مغايرة لطبيعتة عادتاً.. رقةٍ لا تصدر إلا لها :
- انا أسف يا حبيبتي .. حقك عليا . انا غلطان.
ارتجفت شفتيها وصدر نشيجاً قوي من صدرها ، زم "سيف" شفتاه بأسفٍ وكره كونه عاجزاً هكذا أمام أكثر الأشخاص قرباً منه وأحبهم إلي قلبه !
- انا بعتذرلك اهو وانتي عارفه إني مبعملهاش مع حد . ليكي إنتي بس..وحياه سيف عندك متعيطيش كده انا محبش اشوف دموعك دي.
ازالت دموعها المنسابه علي وجنتيها المتوّردتين بظاهر يدها ، وقالت بتلقائية :
- وسامح ؟! هتصالحه زيي ؟
#إقتباااس من البارت الجاي 🙈❤
كنت حابه اوضح بس مره تانيه واكرر إعتذاري إن البارت اللي فات اتأخر اكتر من المعتاد لسببين ، اولهم ان ده موسم إمتحانات وإنتظامي هيبقي صعب شويتين بردو الفتره الجاية لكن هحاول قدر المستطاع إلا لو خلصت الرواية خلال اليومين الجايين دول قبل ما ادخل في ايام الإمتحانات الأساسيه خصوصاً إن باقي حلقات معدوده ودي احداث ختامية للرواية ❤ ولو خلصت هنبدأ في الرواية الجديدة اللي مواعيدها هتكون في معاد محدد مش هتخلف عنها إن شاء الله حتي لو نزلت في أيام امتحانات هتكون متوفره..
والسبب التاني والأهم هو إصابة مفجأه في رقابتي وفي موضع منعني من الحركه تماماً وكان صعب عليا إني أسجل البارت في الظروف الصحيه دي لإنه تقريباً قيد جسمي بالكامل ، ونظراً لإنها إصابة نتجت عن تمرين رياضي عنيف فكانت قوية وفرضت عليا راحه ايام لحد ما ارجع اتحرك تاني وعادتاً بتحصلي إصابات رغم كده بكتب لكن إصابة المره دي كانت صعبه ولإنها في الرقبه تحديداً كان شئ صعب التعايش طبيعي لذلك لما خفيت بحمد لله سجلت البارت فوراً.. عشان كده بعتذر عن التأخير ده وبكرر إعتذاري مره تانيه.. وبس كده
ليلتكم سعيده اوي ❤
