تراجعت خطواتٍ للخلف بحذر ، حافظ هو علي وتيره اقترابة الهادئه منها قائلاً ببساطة تناقض جرمه الخطير ..
- مالك يا لولو مبلمه كده ليه ؟
تماسكت "ليلي" بجلّد خشية أن تظهر بها أي ذره ضعف امامه ، وصاحت بغضبٍ مستطير :
- نهار اسود علي دماغك منك ليه يا حيوانات يا أآ..
"هشام" مقاطعاً : حاسبي لسانك يا لولو .. بصي كويس وشوفي موقفك دلوقتي . إنتي بين إيديا . يعني مش من مصلحتك تغلطي ..ابلعي ريقك شويه وهدي اعصابك ياروحي.
لم تتحمل "ليلي" وصولاً إلي هذا الحد ، وانفعلت بعداءٍ وحشي :
- طلعت روحك ! إنت إتجننت . ده انا هوديكوا في ستين داهيه يا مجرمين يا ولاد الـ××× .. اوعوا من خلقتي منك ليه . اوعــــــوا.
صرخت بعصبية عارمه وهي تركض نحو الباب من خلالهما وقررت ان ترحل بنفسها ، إلا أن "هشام" لم يكن ليسمح لها بكل تأكيد ..
قبض "هشام" علي ذراعيها ودفعها بقساوة اجفلتها ، اطاح بها فإنقلبت علي ظهرها أرضاً وهي تحدقه بزهولٍ لا يخلو الزعر ، تنبأت بمصيرٍ مظلم ينتظرها علي يد أبشع البشر واكثرهم جنوناً علي الإطلاق !
- مش بقولك بصي كويس وشوفي موقفك .
زحفت للخلف وقالت بلهجه اهدأ كما لو انها ضئيله امام كيانه المهيب خاصتاً وهي تراه يقترب منها بتوأد مرعب وبطريقه تحاكي اسلوب الضواري
- عايز مني ايه يا هشام ؟! سيبني اخرج وانا مش هقول لحد علي اللي انت عملته.
ابتسم "هشام" بإتساع وقال ساخراً منها :
- خليني معاكي للأخر ونفترض إنك عرفتي تخرجي من هنا .. هتعرفي تعدي من كلاب الحراسه اللي بره دي كلها واللي مش هيسيبوا فيكي حته سليمه بمجرد خروجك ! ده انا مسيبهم مخصوص عشان خاطر عيونك وخرجت الحارس كمان .
هو لا يكذب أبداً.. لا يحذرها علي سبيل التهديد ، فقد سبق ورأتهم بأم عينيها ونجت من فك أحدهم بأعجوبه !
حالت نظراتها الأن علي نحوٍ حائر من شخصة المريض ..
- إنت بتعمل كده ليه ؟
وصل إليها بلحظة ارعدتها وجسي امامها ، صار اقرب الأن وهو يقول بجدية مطلقه :
- قوليلي انتي اللي بتعملي كده ليه ؟.. جيتلك بالزوق مره واتنين وانتي رافضه.. حاولت كتير معاكي بس اظاهر انك مش مستوعبه كويس . طالما الزوق مش نافع معاكي نمشيها غصب بقي . الاتنين متاحين عندي .
لم تتوانى "ليلي" عن النظر إليه بغضبٍ وهي تغمغم :
- إنت مجنون .. هتروح في داهيه يا هشام .. دي جريمه خطف ومش هيسيبوك.
تحرك ثغر فمه بإبتسامه جانبيه متهكمه ، معلقاً بإستخفاف :
- ده لو خرجتي من هنا اصلاً .
