♛ ប្រពន្ធក្មេង ♛ (រដូវកាលទី ១ ) [ Complete✔️ ]

ភាគទី ៧២ : គេងបែរខ្នងដាក់អូនផងរឺ ?

រ៉ាឆេលមិនតបហើយក៏ញាត់ទូរស័ព្ទចូលទៅក្នុងកាបូបស្ពាយរបស់នាងវិញ ទឹកមុខរបស់រ៉ាឆេលលាក់ទុក្ខកង្វល់លែងបានទៀតហើយ បន្ទាប់ពីទទួលសារនាងក៏ស្តែងអារម្មណ៍តានតឹងវិប្បត្តិផ្លូវចិត្តឈឺចាប់ទោរម្នេញក្នុងបេះដូងចេញមកតែម្តង យ៉ុនហ្គីក៏មិនហ៊ានសួរនាំដែលដឹងថាក្មួយកំពុងតែឈឺចាប់មិនចង់អោយសំនួររបស់គេបំផ្លាញ់បេះដូងនាងថែម ។

     " ឆេលអោយពូជួនទៅណាដែល ? "
     " ទៅហាងពូ អូនមានការងារត្រូវធ្វើច្រើន "
     " ទៅសម្រាកវិញល្អជាជាង ទុកអោយបុគ្គលិកធ្វើទៅ "
     " មិនអីទេ ! ឆេលមិនអីទេ "
យ៉ុនហ្គីក៏តានតឹងណែននៅក្នុងទ្រូងដែលទប់កំហឹងមិនបានចង់តែសម្លាប់អាប្រុសចង្រៃម្នាក់នោះចោលទេដែលវាជាដើមហេតុធ្វើអោយក្មួយឈឺចាប់ ! ជីវិតរ៉ាឆេលកាលពីមុនគឺស្រស់ត្រកាលខ្លាំងណាស់មិនមេនដូចជាពេលនេះនោះឡើយ ប្រសិនបើរ៉ាឆេលមិនស្គាល់ជីមីនប្រហែលជាល្អនាងនឹងមិនមានរឿងស្មុគស្មាញច្រើនដូចជាពេលនេះ ។ 

យ៉ុនហ្គីបានជូនរ៉ាឆេលទៅហាងរបស់នាង គ្រាន់តែទៅដល់ហាងភ្លាមរ៉ាឆេលក៏បានបើកកាំមេរ៉ាឡាយភ្លាមតែម្តង នាងចង់ធ្វើខ្លួនឯងអោយរវល់មិនចង់ទំនេរនៅពេលដែលរវល់ហើយខួរក្បាលនឹងគឹតតែពីរការងារការឡាយរបស់នាងបំភ្លេចអារម្មណ៍ឈឺចាប់បានមួយគ្រា ...។

     " សួស្តីមិត្តៗនារីក៏ដូចជាបងៗស្រីៗជាដើមទាំងអស់គ្នា អូនឆេលមកវិញហើយចាស៎ ហិហិហិ ថ្ងៃនេះមានរបស់ល្អច្រើនណាស់ចង់មកណែនាំបងៗអូនៗទាំងអស់គ្នាចាស៎ ... " រ៉ាឆេលឡាយវីដេអូជាមួយនឹងស្នាមញញឹមដែលគ្មានទុក្ខកង្វល់ អាចនិយាយបានថានៅមុខកាំមេរ៉ានាងអាចមានសេចក្តីសុខបានមួយគ្រា យ៉ុនហ្គីឈរគ្រវីក្បាលស្រណោះក្មួយស្រីនាងនៅក្មេងណាស់មិនគួរដាក់ចិត្តដាក់កាយបណ្តោយប្រាណជ្រុលហួសរហូតដល់ផុងខ្លួនងើបលេងរួច ប្រសិនបើនាងចង់ងើបនាងក៏ត្រូវជាប់ឈ្មោះថាជាមេម៉ាយឈ្មោះដែលមិនពិរោះស្តាប់ ។

     " មួយរយះនេះឃើញមតិបងៗនារីជាច្រើនសុំអោយអូនឆេលបង្ហាញពីប្រភេទម៉ាស់មុខម្តង ឥឡូវនេះអូនឆេលជួនតាមសំណូមពរហើយណា នេះនែកនៅក្នុងដៃអូនឆេលមានគ្រប់សារធាតុតម្រូវតាមស្បែកមុខបងៗមិត្តនារីៗតែម្តង ការប្រើម៉ាស់ជាផ្នែកមួយសំខាន់ជួយធ្វើអោយស្បែកមុខបងៗអូនៗភ្លឺស្រស់ថ្លារលោងបើុតជាតិពុលជាពិសេសនោះគឺផ្តល់សំណើមចាស៎ ការប្រើម៉ាស់មិនមេនចេះតែប្រើទេណាបងៗអូនៗគ្រប់ម៉ាស់តែងតែតម្រូវតាមស្បែកមុខជានិច្ច មុខមនុស្សយើងម្នាក់ៗមិនដូចគ្នាទេអញ្ចឹងការប្រើម៉ាស់ក៏មានរបៀបនឹងជ្រើសអោយត្រូវសាកសម្យជាមួយនឹងស្បែកមុខយើងដែល ~~ " ខណះពេលដែលរ៉ាឆេលកំពុងតែនិយាយពីផលិតផលក៏ស្រាប់តែមានមតិមួយលើកឡើងហើយរ៉ាឆេលក៏បានអានវាដូចគ្នា ។