စာအုပ်ထဲကဗီလိန်အကြီးစားအဖြစ်သို့ ကူးပြောင်းလာခြင်း (ဘာသာပြန်)

Ch 116: နန်းတော်အတွင်း အတက်အကျများ/နန္းေတာ္အတြင္း အတက္အက်မ်ား

(Unicode)

ခဲ့ရွမ်သည် အရာရှိများရှေ့တွင် ရပ်နေသည်။ ခြေသံတစ်ခု ကြားသောအခါ သူ လှည့်မကြည့်ဘဲ မနေနိုင်ပေ။

နောက်တစ်စက္ကန့်တွင် သူ အံ့ဩသွားရသည်။

ထိုလူသည် လဖြူရောင် ပိုးသားဝတ်ရုံကို ၀တ်ဆင်ထားပြီး ကျက်သရေရှိသော ပန်းများဖြင့် ခြယ်လှယ်ထားသည့် အပြာရောင်သားရေခါးပတ်ကို ခါးတွင် ချည်နှောင်ထားသည်။ သူ၏ အနက်ရောင် ဆံပင်ကို ကျစ်ဆံမြီးနှစ်ချောင်းအဖြစ် ကျစ်ထားပြီး ဆံပင်သရဖူအဖြစ် ထုံးနှောင်ထားသည်။ သူ့နဖူးရှေ့တွင် ဆံပင်ဖြူဖြူလေးတစ်ပင် ရှိသည်။ သူ့တွင် နားမလည်နိုင်သော ကြယ်ရောင်မျက်လုံးတစ်စုံရှိပြီး သူသည် အလွန်ပိန်ပါး၏။

ချီချန်သည် ပါးသိုင်းမွှေးများ ရှိနေသည်မှာ ကြာမြင့်နေပြီ ဖြစ်သောကြောင့် ခဲ့ရွမ်သည် သူဟာ အသက်ဆယ့်ခုနစ်နှစ် သို့မဟုတ် ဆယ့်ရှစ်နှစ်အရွယ် ကောင်လေးဖြစ်သေးကြောင်းကို လုံးလုံး မေ့သွားခဲ့သည်။

ဒီကိုယ်ဟန်အနေအထားကြောင့် သူက ချောမောတဲ့ လူငယ်တစ်ယောက်လို ဖြစ်နေတာ သေချာပါသည်။
ခေတ်မီသူများနှင့် နှိုင်းယှဉ်ပါက သူသည် သူရဲကောင်း ဆန်သောစိတ်ဓာတ်ဖြင့် ပြည့်နှက်နေသော မျက်ခုံးများနှင့် ပို၍ ရင့်ကျက်လာပုံပေါ်သည်။

သို့သော် ဤအရာသည် အရေးမကြီးပါ။ အရေးကြီးဆုံး အချက်မှာ ချီချန်၏ ၀တ်စားဆင်ယင်မှုသည် ဝမ်းနည်းခြင်းအတွက် ထင်ရှားနေခြင်းဖြစ်သည်။ ပလ္လင်တော်၏ အရှေ့သို့ လျှောက်သွားသောအခါ သူသည် မာနထောင်လွှားခြင်းမရှိ၊ လှုပ်ရှားမှုမရှိဘဲ ခဲ့ကျန်းကို တလေးတစား ခေါ်လိုက်၏။

"အရှင်မင်းကြီး"

ခဲ့ရွမ်သည် စိတ်ထဲတွင် လက်မထောင်မပြဘဲ မနေနိုင်ပေမယ့် စိတ်ပူပန်နေသေးသည်။

"ချီချန်.. ခင်ဗျားဘာလုပ်နေတာလဲ.. ဒါက တိုင်းပြည်ပုန်ကန်မှုပဲ"

မကြာခင်မှာ အမတ်တစ်ယောက်က ပြောလာသည်။

ချီချန်က အေးစက်စွာပြောလိုက်၏။

"ဒါက တိုင်းပြည်ပုန်ကန်မှု ဘယ်လိုဖြစ်သွားတာလဲ"

လင်ချင်းယဲ့၏မျက်လုံးများသည် စိုးရိမ်မှုအပြည့်။ လင်ချင်းယဲ့သည် သူ့အတွက် အသနားခံပေးချင်သည်ကို ချီချန်က သိနေပုံရသည်။