(Unicode)
Chapter-42 The Peaceful Mountain Qiao
ခဲ့ရွမ်က အဆင်ပြေပြေ ဖြစ်စေရန် အနက်ရောင် ဝတ်ထားသည်။ သူက စစ်ယွိဟန်ကို ကျောပေါ်တင်ပြီး ပြောလိုက်၏။
"ဟန်.. အသံမထွက်နဲ့နော် ဟုတ်ပြီလား"
စစ်ယွိဟန်၏ မျက်နှာပေါ်တွင် အပြုံးလေးတစ်ခု ပေါ်လာပြီး ပြန်ဖြေလိုက်သည်။
"ကောင်းပါပြီ"
ခဲ့ရွမ် ခေါင်မိုးပေါ်ကို တက်လိုက်သည်။ ဟိုဟိုဒီဒီ ကြည့်လိုက်တော့ ဒီနေရာက သူ စိတ်ကူးထားတဲ့အတိုင်း မဟုတ်ပေ။ ကင်းလှည့်နေတဲ့ ဓားပြတွေ အများကြီးရှိမယ် ထင်ထားသော်လည်း အမှန်မှာ အချို့နေရာများတွင် အစောင့်အကြပ် အနည်းငယ်မျှသာရှိသည်။ ဒီနေရာက တော်တော်အေးပြီး မှောင်နေမယ်ထင်ခဲ့၏။ သို့သော် ဆန့်ကျင်ဘက်အနေနဲ့ ဒီနေရာဟာ တကယ့်ကို ငြိမ်းချမ်းလှပါသည်။ ဟုတ်တယ် ငြိမ်းချမ်းတယ်...
သူ့ရင်ထဲမှာ ထူးဆန်းတဲ့ ခံစားချက်တစ်ခု ပေါ်လာသည်။
"ဘာဖြစ်လို့လဲဟင်" ခဲ့ရွမ် မလှုပ်တာကိုမြင်တော့ စစ်ယွိဟန်က အသံတိုးတိုးနဲ့ မေးလိုက်သည်။
ခဲ့ရွမ်သည် အသိစိတ် ပြန်လည်ရရှိလာပြီး ခေါင်းယမ်းလိုက်သည်။
သူ အတွေးလွန်သွားတာသာ ဖြစ်ရမည်။ သူ ဘယ်တုန်းကမှ ဓားပြတွေရှိတဲ့နေရာကို မရောက်ဖူးပေ။ ဒီလိုခံစားချက်ကြီး ဘယ်နေရာကရလာတာလဲ? သူတစ်နေ့လုံး သေတ္တာထဲမှာ ခေါင်းစောင့်ခံ လာရတဲ့အတွက် ဦးနှောက်ထိခိုက်သွားတာပဲ ဖြစ်ရမည်။
"စစ်သူကြီးလင်ကို သွားရှာရအောင်"
"ဟုတ်!"
အစကတော့ ခဲ့ရွမ်က စစ်ယွိဟန်ကို ဒီနေရာခေါ်လာဖို့ နည်းနည်း ရှုပ်ပြီး အဆင်မပြေဘူးလို့ တွေးမိသည်။ သူ့ကို အရင်ဆုံး ပြေလည်အောင်ဖြေရှင်းဖို့ နည်းလမ်းရှာရပေမည်။
သို့သော် စစ်ယွိဟန်က ဒီကိုရောက်နေပြီဆိုမှတော့ သူ့ကို အခုပြန်ပို့ဖို့က ယုတ္တိမရှိတော့ပေ။ ဒါကြောင့် ခဲ့ရွမ်
စစ်သူကြီးလင်ကို အရင်ဆုံးရှာဖို့ ဆုံးဖြတ်လိုက်သည်။ ဤသည်မှာ တစ်ခုတည်းသော နည်းလမ်းပင်။
YOU ARE READING
စာအုပ်ထဲကဗီလိန်အကြီးစားအဖြစ်သို့ ကူးပြောင်းလာခြင်း (ဘာသာပြန်)
Historical FictionBoth Unicode and Zawgyi are available ! Title - 穿成炮灰反派怎么破 Author - 莫西辞 (Mò xī cí) Type - web novel (CN) Status in COO- 303 chapters + 3 extras(Complete) Original publisher - Cdyt Genre - Comedy, Historical, Yaoi I do not own any part of this novel...
