စာအုပ်ထဲကဗီလိန်အကြီးစားအဖြစ်သို့ ကူးပြောင်းလာခြင်း (ဘာသာပြန်)

Ch 36: Si Yuhan Smiled

(Unicode)

Chapter-36 Si Yuhan smiled

ခဲ့ရွမ်၏ နားထဲသို့ နူးညံ့သော ရယ်မောသံက ရုတ်တရက် ထွက်ပေါ်လာသည်။ သူ အံ့ဩသွားပြီး သူကြားလိုက်သမျှကို မယုံနိုင်ဖြစ်မိသည်။ ခေါင်းငုံ့ကာ ကြည့်လိုက်တော့ စစ်ယွိဟန်၏ နူးညံ့သော မျက်နှာပေါ်တွင် အပြုံးဖျော့ဖျော့လေးတစ်ခု ထင်ရှားစွာ ရှိနေသည်ကို သူတွေ့လိုက်ရသည်။

ခဲ့ရွမ်သည် သူ၏၀တ်စုံကို ဆုပ်ကိုင်လိုက်ပြီး စိတ်လှုပ်ရှားခြင်းကို ထိန်းထားရန် ကြိုးစားလိုက်သည်။

'အား! သူက ရယ်နေတာပဲ.. ငါ သူရယ်နေတာကို ပထမဆုံး အကြိမ် မြင်ဖူးတာပဲ' ခဲ့ရွမ်က သူ့စိတ်ထဲမှာ အော်ဟစ်လိုက်လေသည်။

သူ အလွန်စိတ်လှုပ်ရှားနေသော်လည်း သူ့ကိုယ်သူ မရယ်မိအောင် ထိန်းထားလိုက်သည်။ ဒီမြင်ကွင်းက စစ်ယွိဟန်ရဲ့ မျက်လုံးထဲကို ရောက်သွားခဲ့၏။
ထိုအခါမှ စစ်ယွိဟန်ဟာ သူဘာလုပ်မိလဲဆိုတာကို သဘောပေါက်သွားပြီး သူ့မျက်နှာပေါ်က အပြုံးက ချက်ချင်းပျောက်ကွယ်သွားတော့သည်။

'ငါဘာလုပ်နေတာလဲ.. ငါပျော်နေလား?' သူ့စိတ်ထဲတွင် သူ့ကိုယ်သူ မေးလိုက်သည်။

ဒီလို ခံစားချက်မျိုး သူ့ဆီမှာ မရှိသင့်ဘူး.. ဒါပေမယ့် အခုရှိလာရုံတင်မကဘူး သူအမုန်းဆုံးလူက သူ့ဆီကို ယူဆောင်လာခဲ့တယ်။ ဒါ ဘယ်လိုဖြစ်နိုင်မှာလဲ?

စစ်ယွိဟန်၏ အပြုံးတွင် နှစ်မြုပ်နေသဖြင့် ခဲ့ရွမ်သည် သူ့မျက်နှာပေါ်ရှိ အပြုံးသည် အေးစက်သွားပြီး သူ့အတွင်း၌ ဂနာမငြိမ်ဖြစ်ခြင်းများဖြင့် အစားထိုးလာသည်ကို ခဲ့ရွမ် သတိမထားမိလိုက်ပေ။

"မင်း ဒဏ်ရာရသွားပြီ" ခဲ့ရွမ်က ရုတ်တရက် သူ့လက်ကို ဆုပ်ကိုင်လိုက်သည်။ စစ်ယွိဟန် မသိစိတ်က သူ့ဆုပ်ကိုင်မှုကနေ လွတ်မြောက်ချင်သော်လည်း ခဲ့ရွမ်က သူ့လက်တွေကို လွှတ်ထားပြီးသား ဖြစ်နေပြီ။ သူက နောက်လှည့်ပြီး အခန်းထဲက ထွက်လာတော့သည်။

သူ၏လက်က အပူချိန်သည် အလွန်လျင်မြန်စွာ ပျောက်ကွယ်သွားသည်ဟု ခံစားလိုက်ရသော စစ်ယွိဟန်သည် ခံစားချက်များ ရောထွေးလာကာ ခဏတာမှင်တက်သွားသည်။