(Unicode)
Chapter-60 The Beard Guy Was a Posthumous Child
လမ်းတစ်လျှောက်တွင် စစ်သူကြီးလင်သည် အနည်းငယ် ဒေါသတကြီးဖြစ်နေကြောင်း ခဲ့ရွမ်က ယောင်ဝါးဝါး ခံစားလိုက်ရသည်။
လင်ချင်းယဲ့က ခဲ့ရွမ်ကို ကုတင်ပေါ်တွင် ညင်သာစွာ
တင်ပေးလိုက်သည်။ ခဲ့ရွမ်က သူ့ကို မော့ကြည့်ပြီး မေးလိုက်၏။
"စစ်သူကြီးလင် ဘာဖြစ်နေတာလဲ.. ချောင်တောင် ဓားပြအကြီးအကဲနဲ့ ပတ်သတ်ပြီး မင်း စိတ်ပူနေတာလား"
လင်ချင်းယဲ့က အနည်းငယ် ထိတ်လန့်သွားပြီး ခေါင်းညိတ်လိုက်သည်။
ခဲ့ရွမ်လည်း စိတ်ရှုပ်သွားသလို ခံစားလိုက်ရသည်။
"ထူးဆန်းတယ်.. ငါ အခုမှ သတိထားမိတာ.. ရှောင်ဟန်ရဲ့ အခန်းထဲမှာ ဓားပြအကြီးအကဲက ဘာလုပ်နေတာလဲ"
လင်ချင်းယဲ့၏ မျက်လုံးများ အေးစက်သွားကာ ရုတ်တရက် ထွက်သွားသည်။ ထို့နောက် တစ်စုံတစ်ခုကို သတိရသွားပုံရပြီး ခဲ့ရွမ်ဆီကို ပြန်လျှောက်လာကာ ပြောလိုက်၏။
"သခင်လေး.. ကျွန်တော် တစ်ခုခုကို အရင်ဖြေရှင်းဖို့ လိုတယ်။ ကျွန်တော် ပြန်လာချိန်အထိ စောင့်ပါ.. ပြီးရင် ကျွန်တော် သင်နဲ့..."
ခဏလောက်စဉ်းစားပြီး သူက ထိုလူကို ခဲ့ရွမ်ခေါ်တဲ့အတိုင်း ခေါ်ဖို့ ဆုံးဖြတ်လိုက်သည်။
"...အဲဒီ ဓားပြအကြီးအကဲအကြောင်း ဆွေးနွေးမယ်"
သူနဲ့ ဆွေးနွေးမယ်? ကောင်းပြီ။ မိမိကိုယ်ကိုနှင့် ရန်သူကို သိထားခြင်းသည် အောင်ပွဲရစေသည် ။ ဝတ္ထုအရ စစ်သူကြီးလင်သည် ချောင်တောင်တွင် သေဆုံးသည်။ ထိုဓားပြအကြီးအကဲကြောင့် သေတာ ဟုတ်ဟုတ်၊ မဟုတ်ဟုတ် ပိုသိထားတာ အမြဲတမ်း ကောင်းပါသည်။
သူက ခေါင်းညိတ်လိုက်သည်။
"ကောင်းပြီ"
နှစ်နာရီလောက်ကြာတော့ လင်ချင်းယဲ့ ပြန်ရောက်လာသည်။ သူက အနည်းငယ် ကြမ်းတမ်းပုံပေါ်သော ထမင်းဗူးကို လက်ထဲတွင် ကိုင်ထား၏။ ဒါပေမယ့် ဘာမှ အရေးမကြီးပေ။ အကြောင်းကတော့ ခဲ့ရွမ်က ဘာမှမစားတာကြာပြီ ဖြစ်သည်။ သူတကယ် ငတ်ခဲ့ရ၏။
YOU ARE READING
စာအုပ်ထဲကဗီလိန်အကြီးစားအဖြစ်သို့ ကူးပြောင်းလာခြင်း (ဘာသာပြန်)
Historical FictionBoth Unicode and Zawgyi are available ! Title - 穿成炮灰反派怎么破 Author - 莫西辞 (Mò xī cí) Type - web novel (CN) Status in COO- 303 chapters + 3 extras(Complete) Original publisher - Cdyt Genre - Comedy, Historical, Yaoi I do not own any part of this novel...
