unicode
အပိုင်း (၄၁)
ပြိုင်ဘက်ကင်း သခင်မလေး နန်း (၅)
နန်းယန် သူမစိတ်ကိုလျော့ကာ တည်ငြိမ်အောင် အရင်လုပ်လိုက်သည်။ ဘယ်လိုပင်ဖြစ်ဖြစ် အခုပွဲတွင် သူမ သေချာပေါက်အနိုင်ယူပြီး မိမိဂုဏ်သိက္ခာကို ပြန်လည်မြင့်တင်ရမည်။
ကံကောင်းစွာပင် သူမသည် အစ်ကိုဖြစ်သူနှင့် မကြာခဏ ကျားဆော့တတ်သဖြင့် ကျားကွက်ကစားရာတွင် အလွန်ကျွမ်းကျင်ပိုင်နိုင်လှသည်။
နန်းပေါင်ရီ က ကျားကွက်စားပွဲဘေးတစ်ဖက်တွင် ထိုင်လိုက်ပြီး လက်တစ်ဖက်နှင့် မေးထောက်ကာ ကျားစေ့အနည်းငယ်နှင့် ဆော့နေရင်း အသာပြုံးပြကာ ...
"ညီမလေးက မမကို စောင့်နေတာ"
နန်းပေါင်ရီ ၏အကြည့်ကို ဂရုမစိုက်ဘဲ နန်းယန် ထိုင်လိုက်သည်။
စင်မြင့်ပေါ်ကိုလှမ်းကြည့်နေသော သခင်မ ချန်း က စိတ်မရှည်စွာ ...
"သခင်မ ချန် ... ရှင်ပြောတော့ နန်းယန် ကို လောင်းကြေးတင်သင့်တယ်ဆို အခု သူက သုံးပွဲဆက်တိုက်ကို ရှုံးနေတာ .. ဒီတစ်ပွဲလည်း အခြေအနေကောင်းမယ့်ပုံမပေါ်ဘူး !"
သခင်မ ချန် ကလည်း စိုးရိမ်ပူပန်စိတ်များဖြစ်လာပြီး ...
"မဖြစ်နိုင်ပါဘူး .. နန်းယန် က ကျင်ကွမ်း မြို့မှာ အတော်ဆုံးမိန်းကလေးဆိုတာ ကျွန်မအမြဲကြားနေခဲ့တာ .. သခင်မ လျို ရှင့်သမီးက ဘယ်လိုဖြစ်သွားရတာလဲ"
သခင်မ လျို က မတ်တပ်ရပ်လိုက်ပြီး ရိုကျိုးစွာနှင့် ...
"ယန်အာ က ငယ်သေးတော့ တစ်ခါတလေ အမှားလုပ်မိတာဖြစ်ပါလိမ့်မယ် ဒါပေမယ့် ကျားကစားတာက သူ့ရဲ့အားသာမှုပါ .. သူ ၆နှစ်အရွယ်ကတည်းက အစ်ကိုဖြစ်သူနဲ့ မကြာခဏဆော့ကစားနေတာ ဒီနှစ်တွေအများကြီးအတွင်း စာသင်ကျောင်းမှာလည်း သူ့ကိုနိုင်တဲ့သူမရှိခဲ့ဘူး ... သခင်မတို့ စိတ်ချပါ ယန်အာ က သခင်မတို့ကို စိတ်မပျက်စေရပါဘူး"
ကျားပြိုင်ပွဲတွင် နန်းပေါင်ရီ က မေးထောက်နေပြီး အင်္ကျီစကိုဆော့ကစားကာ တစ်ချက်မှမရွေ့ရသေးပေ။
KAMU SEDANG MEMBACA
အာဃာတပြန်တမ်း
Fiksi Sejarahဘာသာပြန်သူ - Swae Nyoe Team ဇာတ်လမ်းအကျဉ်း နန်းပေါင်ရီ သည် ချမ်းသာကြွယ်ဝသောမိသားစုတွင် အလိုလိုက်ခံရကာ ကြီးပြင်းခဲ့သော်လည်း လူရွေးမှားလက်ထပ်ခဲ့မိပြီး သူမ၏မိသားစု ဖျက်ဆီးခံခဲ့ရသည်။ ပြန်လည်မွေးဖွားလာသည့်အချိန်တွင် အိမ်တော်ထဲမှ အဆင့်နိမ့်မွေးစားသားတစ်ယ...
