အာဃာတပြန်တမ်း

part 164

Unicode

အပိုင်း (၁၆၄)
ဒါဘဝပဲ

နန်းယန်က လက်သီးကို ကျစ်ကျစ်ပါအောင် ဆုပ်လိုက်သည်။

သူမက ရှက်ရွံ့သွားပြီး အစေခံကို လက်ဖက်ရည်ခွက်၏ ကျိုးပဲ့သွားတဲ့ အပိုင်းအစတွေကို သိမ်းဆည်းဖို့ ခိုင်းလိုက်သည်။ ပြီးနောက် သူမက သခင်မဟောင် အတွက် လက်ဖက်ရည်ကို ဂရုစိုက်၍ ထပ်ပြီး ကမ်းပေး လိုက်သည်။

နန်းပေါင်ရီက အခွံမာသီး အစိမ်းကို ဖြည်းဖြည်းချင်း အခွံခွာနေသည်။ အရင်ဘဝတုန်းက ချန်းတယ်ယွီကို အထောက်အပံ့ မပေးနိုင်တာကြောင့် သခင်မဟောင်က သူမကို မကြိုက်ပါချေ။ လက်ထပ်ပြီး နောက်မှာ ချန်းတယ်ယွီ နောက်ကို သူမ တစ်ယောက်တည်းလိုက်ဖို့ ခွင့်မပြုသလို တစ်ခန်းတည်း အတူနေခွင့်လည်း မပေးခဲ့ပေ။

တစ်ခါတစ်ရံ ချန်းတယ်ယွီက သူမအပေါ် စိတ်ဝင်စားပြီး သူမနဲ့ တစ်ခုခုလုပ်ချင်တဲ့ အခါမျိုးတွေမှာတောင် သူမက အစေခံတွေက တစ်ဆင့် သခင်မဟောင်ဆီ အကြောင်းကြား ပေးရသည်။ သခင်မဟောင်က သူမကို အမျိုးမျိုး ခေါင်းကိုက်အောင် ဦးနှောက်ခြောက်အောင် လုပ်ပြီးမှ သူမကို ချန်းတယ်ယွီ ရှေ့သို့ သွားခွင့် ပြုသည်။

ချန်းတယ်ယွီနဲ့ သခင်မဟောင်တို့ သားအမိ ကျေးဇူးကြောင့် သူမက သေဆုံးသွားသည့် တိုင်အောင် အပျိုစင်ဘဝကို ထိန်းသိမ်း နိုင်ခဲ့သည်။ အခုလို ဒီဘဝကို ပြန်ရောက်လာသောအခါ သူမက ထိုအတွက် အလွန် ကံကောင်းသည်ဟု ခံစားရသည်။

နန်းယန်နဲ့ သခင်မဟောင်က အရင်ဘဝက ဘယ်လို နှစ်ပါးသွားကြလဲ ဆိုတာကို သူမ မသိပေ။ သို့သော်လည်း အခုတော့ သခင်မဟောင်က နန်းယန်က သူ၏ချွေးမ ဖြစ်လာခြင်းကို ကျေနပ်မှု မရှိတာကို တွေ့နေရသည်။

သူမက ချန်းတယ်ယွီကို ကြီးမားတဲ့ ရတနာလို သိမ်းထုပ်ထားတဲ့ လက်ရွေးစင် ယောက္ခမမျိုးဆိုတော့ ချွေးမနဲ့သားကို သူမထက်ပိုပြီး မနီးကပ်စေချင်ပေ။ သူ့သားက မင်းသမီးနဲ့ လက်ထပ်ရင်တောင် သူမက စိတ်တိုင်းကျဦးမည် မဟုတ်ပါချေ။

နန်းပေါင်ကျူးက ဇာတ်ခုံပေါ်ကို လက်ညှိုး ထိုးပြလိုက်ပြီး ပြောလာသည်။