................
ف الحلقه السابقه :_
على : كلامك على راسي يا سيد الناس بس هو سؤال واحد بس
احمد : هتلاقيه سؤال اهبل زيك .. اخلص اسال
على : هى مين عبير دى ؟
احمد : قوم اقفل باب القهوه يا حسن وهات السلبه من تحت الباترينه عشان فيه كلب هنا هيتعلق
مصطفى : ههههههههههههههه ههههههههههههههههههه هههههههههههههههههه هههههههههههههههه انا كان مالى ياربي ومال العيال دى
............. ( الثالثه ) ❤
مصطفى : يا سيدى يا دنجوان ... انا متأكد ان اللى هتخطف قلبك دى هتبقى احلى واجمل بنت شوفناها وعرفناها ف حياتنا كلها ... وبعدين ماهى هتاخد بردو حتة واد كريزه كده ... بس انت بردو ماكنتش سالك ياض ف الثانوى .. يخربيتك لبيت البيوت اللى جنب بيتك يا اخى ... دى البنات كانت بتطلب انها تتنقل من الفصول بتاعتهم اول ما يعرفوا انهم مش ف فصل الواد حمو ... داحنا كان بيجيلنا عصاير وسندويتشات على حسك ههههههههههههه وحياة امى كانت ايام عنب
احمد : هههههههههههه ماكنتش سالك ف ايه ان شاء الله
مصطفى : يعنى كان عليك نظرات كده لكل واحده منهم كانت بتشحتفها الله يحرقك
احمد : ههههههههههه طب وحياة امى ماكنتش ببقي قاصد اى حاجه انا ببص عادى . فيه ايه
على : ههههههههههههه ماكنتش قاصد ايه بس الله يحرقك .. واه بقي لما تروح تقول لواحده منهم هاتيلى قلم من معاك كانت البت تروح تحلم بفستان الفرح ههههههههههههه
حسن : استنو بقا هحكيلكو حاجه افتكرتها مع الواد ده ماكنتوش انتو موجودين يومها كنتو بتلعبو تقريبا تحت او حاجه كده
على : احكى يا شملول احكى
احمد : ما خلاص يا عم
حسن : هششش اسكت انت
قاعدين ف الفصل ف امان الله . وطبعا ف اخر تخته
انا عمال اقلب جيوبى شمال يمين ماكنتش لاقى القلم بتاعى وبسأل الواد ده بقوله هات قلمك يا احمد قالى مش معايا تقريبا ضاع
قولتله خلاص مش مشكله
قالى ليه قولتله هكتب حاجه كده كان الاستاذ جمال بتاع الانجليزى قالها
قالى تحب القلم لونه ايه ؟
قولتله ازرق
قالى تحب تشرب حاجه مع القلم ؟
قولتله ياريت عصير
قالى تحب قلم فرنساوى ولا قلم حبر
قولتله حبر ياريت . كل ده وانا بكلمه بتريقه على فكره
قام قايلى طب استنى
ودقيقه بالظبط قام معلى صوته وقايلى القلم الحبر والعصير اللى جبتهولك فين يابنى ...دايخ يا اخى وحاسس بهبوط انا شكلى هقوم استاذن واروح البيت
هوب الاقلام كانت بتتحدف علينا من كل ناحيه ههههههههههههههههه وعلب عصير وخد يا حمو القلم بتاعى واتفضل يا احمد القلم . ومالك يا احمد انت تعبان ولا ايه الف سلامه عليك
وشويه سهوكه وقلة ادب يا اخى وانا طيشه قاعد . محدش معبرنى بسلام عليكو حتى . كلب بلدى قاعد جنبه هههههههههههههه وهو بقي ايه . عايش الدور بروح امه الله يسلمك يا هبه تسلميلى يا مي ربنا يخليك يا ايمان وحاجه قلة ادب ههههههههههههههه
احمد : ههههههههههههههه الله ! مش جبتلك القلم يا بن الجزمه
حسن : قلم ايه دنا راجع اليوم ده ب 8 اقلام ههههههههههههههه
احمد : ماكنتش اعرف انك شايلها ف قلبك من زمان كده ومحروق بيها . ياااااه ع الزمن ههههههههههههههههههههههههههه
مصطفى : ههههههههههههههههههه دى بس ؟ ده له حكايات معاهم ابن اللذينه دى بس ان الله حليم ستار بقا ..... المهم انت ايه مذاكر الفيزيا دى ولا نظامك ايه
احمد : ياعم ماتقلقش كله على الله
.............
( شقة سلمى )
( سلمى قاعده لوحده على سريرها بتبص للرسمه اللى رسماها وابوها بيدخل عليها )
ابو سلمى : حبيبتى ! قاعده بتعملى ايه
سلمى : ( بتدارى الرسمه تحت البطانيه ) مافيش يا حبيبى قاعده كده برتاح شويه
ابو سلمى : ما تقومى تسهرى معانا انا ومامتك شويه بما انك خلاص خلصتى امتحانات
سلمى : حاضر
.........
ام سلمى : سوسو هاتيلك طبق وتعالى دوقى التورتايه اللى انا عاملاها
سلمى : تسلم ايديكى يا حبيبتى
ابو سلمى : ايه بقا ناويه على ايه السنادى ؟
سلمى : على ايه
ابو سلمى : تحبى تسافرى فين تصيفى
سلمى : لسا مش عارفين . هتفق انا ومنه كده ونشوف . بس احتمال يبقى جوه مصر السنادى بقا عشان عاوزين نروح مع صحابنا
ابو سلمى : بقولك ايه انا عاوز اخد رايك ف موضوع
سلمى : موضوع ايه
ابو سلمى : عمك سليم عارفاه ؟
سلمى : اه ماله عمو سليم
ابو سلمى : طالب ايدك ل حاتم ابنه
سلمى : بابا انا قولت لحضرتك قبل كده بدل المره مليون انى مش موافقه ومش هتجوز حاتم ده بالتحديد ومش طايقاه وانت حضرتك قولتلى انك مش هتفتح معايا الحوار ده تانى .
ابو سلمى : يا حبيبتى افهم بس . ع الاقل هتبقى خطوبه والجواز كمان سنتين تلاته او حتى بعد ما تتخرجى
سلمى : مش طايقه حاتم مش طايقااااااااااااه ومش عاوزه اتجوز دلوقتى انا
ابو سلمى : طب خلاص خلاص اهدى انتى عارفه ان سعادتك عندى اهم من كل حاجه ..
سلمى : عارفه والله بس والنبى انا مش عاوزاك تضغط عليا ف الموضوع ده تانى
ابو سلمى : حاضر
سلمى : عن اذنكو بقا انا داخله انام
ابو سلمى : رايحه فين .. وفين البوسه بتاعتى ولا زعلانه ؟
سلمى : ههههههه مقدرش ازعل من بابتى حبيبتى .. انا بحبك وانت عارف انى لا يمكن ارفضلك طلب بس عشان خاطرى انا بلاش موضوع الجواز ده .
ابو سلمى : حاضر .. بس لو قلبك مال لحد ولا حاجه هتعرفينى ؟
سلمى : انت عارف انى مابخبيش عنك ولا عن ماما حاجه
ام سلمى : عارفين يا روحى . هاتى بوسه يلا
سلمى : بس كده ! احلى بوسه لاحلى ام ف الدنيا ... تصبحو على خير
ابو سلمى : وانتى من اهله يا حبيبتى
.....
ام سلمى : تفتكر زعلت ؟
ابو سلمى : لا لا هى عارفه انى مش هضغط عليها بس بردو عاوز اتطمن عليها .. انا مش هفضل العمر كله واقف على رجليا . عاوزها تمسك فلوسها .الروايه ملك ل بيدج هو وهى بس اومال انا زارع جوه راسها تدخل تجاره ليه ماهو عشان تعرف تدير المؤسسه الكبيره اللى هسيبهالها ... وعاوز حاتم ده يبقى معاها لانه واد شاطر وفاهم ف البيزينس ... واهو لساله سنه ويتخرج من تجاره بردو وبيشتغل مع ابوه وماسك الشركه من سنه واكتر .. بس ادى الحكايه
ام سلمى : ربنا يقدم اللى فيه الخير .. بنتك ان شاء الله ربنا هيوقعها ف احسن الناس اللى يحبها ويخاف عليها ونبقى متطمنين وهى معاه اكتر ماتبقى معانا
الا صحيح خد هنا .. انت نفسك بنتك تتجوز مين ؟ واد مريش كده معاه فلوس وشكله حلو ولا على قده وعارف قيمة القرش
ابو سلمى : بصى ! لو مش هتتجوز الواد حاتم ده وده مش حبا ف حاتم ولا ف شخصيته ولكن هو اللى هيقدر يساعد سلمى ف شغل الشركه ويكبر فلوسها يبقى انا مش هجوز سلمى الا لواحد شبهها
ام سلمى : شبهها ؟ ايه شبهها دى ؟ دى بنتك ماشاء الله مافيش بنت ف حلاوتها تقولى هتتجوز ولد شبهها ههههههههههههه ضحكتنى
ابو سلمى : هههههههههههه على فكره انا مقصدش شبه الشكل بس
انا اقصد شبهها ف كل حاجه
انا عاوز واحد يحبها من قلبه ومايشوفش غيرها ف الدنيا
عاوز واحد يكون زيي كده طالع من تحت تحت الصفر ماتولدش وف بؤه معلقه دهب
عارف قيمة نفسه وقيمة مراته
يكون شديد عليها والكلمه بتاعته هى الكلمه
تخاف منه وتعمله حساب ... وماتخافش منه خوف رعب ؟ لا . خوف حب
ام سلمى : تفرق ؟
ابو سلمى : جدا ! تفرق جدا .. سلمى عنيده وصعب جدا حد يملكها او يتحكم فيها او يمشى كلامه عليها . دنا ابوها ومابقدرش امشى كلامى عليها ههههههههههههههههههه
ام سلمى : طيب . ايه حكاية الشبه ده بقا
ابو سلمى : ليه لا ؟ فيه شباب حلوه كتير وبالمواصفات اللى قولتلك عليه دول
عارفه اقولك حاجه
النهارده كنت عند ابراهيم عثمان صاحبي مانتى عارفاه . وبعدين خدنى وقالى تعالى نروح نشوف العمال اللى شغالين ف شقة ابنى عشان هيتجوز فيها بعد شهر
قولتله تعالى
شوفت جوز عيال شغالين بيطلعو الرمل والطوب والاسمنت فيهم واد حبيته أوى
ام سلمى : حبيته ؟
ابو سلمى : اوووى . واد بسم الله ما شاء الله ربنا يحرسه لاهله وابوه يفرح بيه زى العسل . ويمكن شبه بنتك هههههههههههههه وماشاء الله ربنا يديله الصحه كمان وكمان عفيجى كان شايل شكارتين اسمنت على كتفه وماكنش شايفنا واحنا نازلين .. لقيناه بكل أدب وذوق قال معلش يا فندم انا اسف .. اتفضلو .وقام موسعلنا عشان ننزل .. ساعتها ابراهيم انبهر بالواد وقاله نزل اللى على كتفك ده انت شايل شكارتين مع بعض ليه ؟
قاله اكل العيش يا عمى وهو مبتسم كده ابتسامه حلوه اوى ... قام قايله ربنا يديك الصحه .. الحوار ده مخدش 5 ثوانى واحنا نازلين وهو كان طالع ... لما نزلنا تحت قولت لابراهيم اتوصى بالواد ده شكله ابن ناس زى مانت شايف
ابراهيم قام قايلى عليا الطلاق لاديلهم الطاق تلاته ههههههههههههه ساعتها عرفت ان الواد ده رزقه واسع وربنا هيكرمه ... يمكن طول السكه وانا بدعيله ان ربنا يسترها معاه ويعينه على اللى هو فيه .. لان واحد زيه كده كان المفروض ماكنش ده يبقى حاله
النهارده لما سلمى قالتلى انها مش طايقه حاتم انا حطيت مقارنه كده ما بين الواد ده وبين حاتم
لقيت الواد ده يكسب بطريقه غبيه ومافيش اساسا وجه للمقارنه
حاتم متدلع طول عمره وكل شهرين تلاته تلاقيه ف بلد شكل بيتفسح وعربيات ومتنغنغ ف عز ابوه ولو طلبتى منه طلب مش هيعرف ينفذه لو محتاج منه مجهود... والواد التانى ده شايل نفسه واكيد شايل اللى حواليه وف نفس الوقت ماشاء الله وبشوش وحلو . واد معجبانى كده وشبه بنتك
ام سلمى : يا راجل انت عمال تكرر ف الكلمه دى . ايه حكاية شبه بنتك دى ؟
ابو سلمى : هههههههههههههههههه والله شبه بنتك . شبهها بشكل يخوف
ام سلمى : طب كنت هات رقمه ولا اتفق معاه ييجى يعملنا شغل هنا ف البيت . اى حجه اهو نشوفه وبنتك تشوفه
ابو سلمى : اهو موجود . لو حبيت اوصله تانى رقمه ورقم زميله التانى ده مع ابراهيم
.....................
( ف اللجنه اخر امتحان ل احمد )
ايمان : حمو ! السؤال التانى ده عباره عن ايه انا مش فاهمه حاجه
احمد : بقولك ايه ! انا لسا مكتبتش اسمى حتى . اتقلى على رزقك الله يحرقك هتودينا ف داهيه
اسراء : واد يا احمد ... انت يا واد .. رد لاحسن ودينى هتبلى على امك واقول بيتحرش بيا
احمد : هههههههههههههههه داهيه تاخدك . عاوزه ايه .. ووطى صوت امك شويه . عاوزه ايه انتى
اسراء : انا مش فاهمه حاجه .. هى الحاجات دى خدناها ؟
احمد : هههههههههههههههه لا
المراقب : بصي ف ورقتك يا انسه
احمد : يا فندم الحقونا يا فندم بقا دى عماله تقولى غششنى غششنى ومش عارف اركز
كل اللجنه : ههههههههههههههههههههههه
المراقب : ههههههههههههههههه لا صايع يا واد هى اللى بتقولك غششنى ؟
احمد : اه وحياة امى بتقولى غششنى هههههههههههههههههه حتى اسألها
اسراء : محصلش . الواد ده كداب يا مستر
المراقب : هشششش منك ليها ليها له .. انتو ف اخر امتحان ثانويه عامه يعنى ركزوا ده مستقبلكو
احمد : ( بصوت اللمبى ) طيب خلاص خلاص ... اول مره اتثبت التثبيته دى .. انت لو بره كنت غزيتك ف نضارتك
اسراء ( بتسمعه ) : ههههههههههههههههههههههههههه ( ضحكه عاليه جدا )
المراقب : ايه قلة الادب دى ! بتضحكى على ايه يا انسه انتى
احمد : ايوه قوليله بقا بتضحكى على ايه ههههههههههههههههههههههههههههه
يا فندم ده توتر يا فندم .. فيه ناس كده لما يا عينى يتزنقو ف حاجه تلاقيهم اتهطلو كده
كل اللجنه : هههههههههههههههههههههه
المراقب : هههههههههههههههههههه يخربيتك
.....
( بتيجى تقف جنب احمد المراقبة )
المراقبه : انت اسمك ايه ؟
احمد : احمد يا ابله
المراقبه : منين يا احمد
احمد : ههههههههههههههه اسكندريه
المراقبه : هههههههههههههههههههه لا يعنى منين يا واد
احمد : سيدى بشر
المراقبه : جيران يعنى .... خلص امتحانات يلا عشان اجوزك البت بنتى ههههههههههههههههههههه
احمد : بس كده ! من عنيا هى ف سنه كام
المراقبه : 1 اعدادى
احمد : احنا نقرا الفاتحه
المراقبه : ههههههههههههههههههههه ربنا يحرسك لاهلك
احمد : بقولك ايه يا ابله ممكن طلب بعد اذنك
المراقبه : طلب ايه ؟
احمد : البت الغلبانه اللى قدامى دى مستقبلها مالوش ملامح ف عاوزك تدارى علينا بس لغاية ما اقولها كلمتين ينفعوها ف اليوم الاسود ده
المراقبة : هههههههههههههههههههههههه انتى اسمك ايه يا حبيبتى
اسراء : اسراء يا ابله
المراقبه : طب بقولكو ... قدامكو 3 دقايق بس من غير صوت .. بسرعه
احمد : طب والاستاذ ده
المراقبة : مالكوش دعوه
احمد : اكتبى عندك يا اسراء
اسراء : اهو ! بس واحده واحده عليا الهى تنستر
احمد : واحده واحده ايه ؟ يا ابله يا ابله دى بتقولى واحده واحده انا مش مغشش حد انا
المراقبة : هههههههههههههههههههههه يا ولاد العسل
...........
( بعد اللجنه )
اسراء : ( بتجرى عليه وتنكشله شعره )
احمد : فيه ايه يا بنت العبيطه انتى
اسراء : ايه الفضايح اللى فضحتهالنا جوه دى يخربيتك
احمد : هههههههههههههههه بس ايه رأيك
اسراء : هههههههههههههههههه زى العسل يا واد ... ماتحرمش علشان غششتنى
احمد : بزمتك مش مكسوفه على دم أمك وانتى زى الشحطه كده وبتقولى غششتنى . اسفوخس ههههههههههههههههههههه
اسراء : ههههههههههههه يلا يا جزمه
ايمان : حموووووو ! رقمك يالا بسرعه ورقم البيت عندك
اسراء : وانا وانا يلا
علياء ومى وامانى : واحنا كمان
احمد : مامعاييش ارقام . ويلا من هنا انتى وهى دنا ما صدقت خلصت منكو
اسراء : اخص عليك يا واد بقا تهون عليك عشرة 3 سنين ؟
احمد : اه طبعا تهون
اسراء : وحياة ربنا هتوحشنا جدا وهتوحشنا الايام دى يا احمد ... لازم تجمعنا تانى فاهمنى
امانى : قولى بس انت هتدخل كليه ايه ومالكش دعوه
احمد : ربك يسهل هنستنى الرغبات بقا والتنسيق
اسراء : انا عن نفسي معاك يا كبير ف اى كليه تدخلها
ايمان : وحياة امى وانا كمان .. مش عاتقينك
احمد : ههههههههههههههههه طيب يلا يا حلوه انتى وهى كل واحده على بيتها بقا وكل سنه وانتو طيبين وانشالله نتجمع تانى وتالت ف كل فرح يارب
اسراء : ( بتدمع ) وحياة ربنا هتوحشنى . هات رقمك طيب ماتبقاش بايخ
احمد : والله يا اسراء ما معايا رقم ولا من امتى بشيل تليفونات اصلا
اسراء : طب خد رقمى معاك ... لو حبيت ف يوم من الايام تكلمنى كلمنى على طول
احمد : هتصل الساعه 3 بالليل ابوك يرد عليا واقوله فين اسراء يا حاج
اسراء : ههههههههههههههههههههههههههه ده فيها دبح
ايمان : وانا خد رقمى اهو
مصطفى : ولا يا حموووووووو . التمساحه يالا هههههههههههههههههههههههه
احمد : عن اذنكو بقا يا بنات العيال القرود وصلو . اشوفكو على خير يارب
حسن : عملت ايه يا فنان
احمد : تمام التمام . الامتحان جاى ف مستوى الطالب اللى ف مستواك يا على
على : الطالب الغبى يعنى ؟
احمد : بالظبط يا حبيب اخوك ههههههههههههههههههههه
مصطفى : ها على فين ؟
احمد : ورايا شغل انا هروح ل عم طاهر
مصطفى : طب هنتقابل امتى طيب
احمد : انا همشي النهارده بدرى شويه على 6 هو هيمشينى بدرى نتقابل بعدها ف الخرابه ههههههههههههههه
على : هههههههههههههههه ماشى يا حب . نشوفك بالليل
...........
( بيت سلمى )
ابو سلمى : سلمى . ايه رايك لو افتحلك الاوضه دى على اوضتك واكبرلك اوضتك عن كده
سلمى : ههههههههه ياريت
ابو سلمى : طيب تمام هنزل دلوقتى ورايا شغل . وهتفق مع مهندس ولا حد ييجى يخلصهالنا
ام سلمى : فكره حلوه اهى توسع على روحها شويه
..........
المقاول : تمام يا فندم هنيجى نشتغل بكره على طول .
ابو سلمى : تمام . هتخلصوها ف اد ايه يا معلم ؟
المقاول : 4 ايام واستلم الشغل . والصبح هبعتلك الرمل والاسمنت والطوب وهبعتلك معاه نفرين يطلعوه عشان هنشتغل على طول
ابو سلمى : ايه ؟ طب بقولك ايه ! ابعتلى انت الحاجه بس وانا عندى ناس تطلعه ..
المقاول : تحت امرك يا فندم . الساعه 8 الصبح هتلاقوهم ف العنوان
............
الي اللقاء في الحلقه القادمه
أنت تقرأ
رواية مهلكتي من جزء 1 : 18
قصص عامة#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى
