رواية مهلكتي من جزء 1 : 18

الجزء_السابع (الحلقه الثالثه ) ( بونبونايه ) ❤ ❤

................
ف الحلقه السابقه :_
كمال : وخلى هايدى معاه كابتن الصاله وخلى صوفيا معاه بالليل زى ماهى واميره ومحمود .. كده تمام اوى
غاده : تمام يا كبير .. المهم ايه انا موحشتكش ..!
كمال : وحشانى جداااا انا ما صدقت مشيت مراتى والعيال .. الليلادى هجيلك ماشي ...!
.......... ( الثالثه ) ❤
( الساعه 9 )
احمد : يلا يا جماعه انا هدخل ادى التمام جوه وجاي معاكو . اسبقونى ع العربيات
سلمى : هتركب معايا
احمد : لا هركب مع الشباب مش قادر اسوق
سلمى : هسوق انا
احمد : ( بيرفع حاجبه ) لااا !
سلمى : هتركب معاايااا خلصنا . مستنياك ف العربيه مع البنات
احمد : طيب امشو
............
احمد : ( بيلبس ساعته وبياخد الخاتم بتاعه بيلاقى هايدى )
هايدى : بقولك يا احمد
احمد : خير يا ريسه
هايدى : ريسة ايه بقي مش قولتلك تقولى هايدى . وبعدين عاوزه اسال على حاجه كده .... ايه حكاية حمو اللى ماسكينهالك دى .... سمعتهم كلهم بيقولوهالك
احمد : هههههههههههه منا شهرتى وسطيهم حمو .. عيال هفا
هايدى : بس بيحبوك ماشاء الله
احمد : ربنا يحبب فينا خلقه كمان وكمان هو احنا هنكره
هايدى : انت رايح فين دلوقتى ....!
احمد : هروح بقي
هايدى : اوصلك ف سكتى ..؟ ولا مانعجبش
احمد : ياست البنات انتى تعجبى بلد ..الروايه ملك ل بيدج هو وهى والكاتب احمد سعد فقط .. بس والله هما مستنيينى بره وهمشى معاهم
هايدى : امم اوكاى ... بس خلى بالك هوصلك كل يوم ابتداءا من بكره
احمد : اشمعنى من بكره
هايدى : عشان انا هنزل شفت بالليل معاك مع صوفيا واميره ومحمود
احمد : دا نهار ازرق قصدى ابيض ده ههههههههههه ان شاء الله . اشوفك بكره
هايدى : خلى بالك من نفسك
احمد : على الله ... سلام يا مزز
بيرى : كده يا بسيونى تتخلى عننا ... أوام كده هياخدوك مننا . انا ماليش دعوه عاوزه اشتغل معاك.. الطقم ده كله مع بعضه يشتغل مع بعض ماينفعش كده
احمد : هههههههههههه معلش بقي . ربك مابيسيبش حد
بيرى : تقصد ايه ها ايه
احمد : ههههههه انتى عارفه وانا عارف عملتى ايه النهارده قصاد الترابيزه بتاعتى .. ورانيا عارفه كمان ... والسهتانه البهتانه دى اللى اسمها نور عارفه بردو ... صبركو عليا افوقلكو بس
خالد : هتوحشنى يا ...
احمد : ياعم اقعد هو انت حد عارفك اساسا
خالد : هههههههههههه يلا يا واطى
احمد : كان يوم حلو والله واستمتعت بيه معاكو .... اشوفكو بعدين بقي .. عن اذنكو . ماتيجو اوصلكو معايا ف طريقي
بيرى : لا ياعم . اصحابك كتير .. وبصراحه فيهم شباب عسلات كده . الواد ابو عيون خضرا ده ههههههههههه
احمد : مالك اه ... هكلمهولك هههههههههههههه
بيرى : ماتيجى تكلمنى انا ههههههههه مافيش احسن من العيون العسليه والنبى ... ياخواتى . وحياة النبى اسكندرانى على حق ربنا ههههههههههههههه ارموووط كده ف نفسك ههههههههههه
احمد : ارموووط ؟ الهى يارمطوك ويربطوك مع سمكه لسا مصطادينها حالا تفضل تنفض ف جتتة اللى خلفوك ونرتاح منك يا دبش
بيرى : ههههههههههههههههه امشى ياض ... وماتكلمش حد .. ابقي كلملى نفسك انت . انت الريس يا ريس
احمد : ههههههههههه يلا عن اذنكو . توصلو بالسلامه ...
.................
( العربيات بالترتيب .. عربية سلمى ودى قاعده فيها سلمى ف الكرسي اللى جنب السواق .ومن وراها ساره واسراء وايمان ... عربية منه . وفيها منه وفريده وهدى وباقى البنات .. وعربية مالك . وفيها الشباب )
احمد : ايه الرصه دى ان شاء الله هو احنا طالعين رايحين عزال مين
مالك : ( من بعيد ) ههههههههههه اركب يا عم خلينا نمشي . سلمى مذنبانا بتقول محدش يمشى غير لما هو يطلع امشي الله يكرمك
منه : ولا يا حموووووو . هنروح على فين
احمد : انتى بتزعقى ليه يابت بصوتك المسرسع ده . وبعدين احنا هنروح عشان ننام . مافيش مرواح ف حته
منه : لا وحياة امكو هنخرج كلنا كده نروح نقعد ف اى حته ... على ذوقك بقي احنا ماشيين وراك ..
احمد : عليا النعمه هتوهو
منه : مش هتوه بس بالراحه انت بس وماتجريش
احمد : طيب ! ورايا
..........
( سكوت تام ف عربية سلمى ... سلمى مش مدياله ريق وباصه من الشباك الناحيه التانيه وساكته وهو سايق ... ساره واسراء وايمان عاملين انهم بيتكلمو مع بعض وبيحكو عن اللى حصل النهارده )
احمد : احححم ايه رايكو ف عزومة النهارده يا بنات
ايمان : حيوة اوى اوى
احمد : ماتقولى يابنتى ايه رايك
ايمان : ههههههههه
سلمى : ( بتبتسم وبتدارى وشها جنبه )
ايمان : حيوه يا حمو تعيش وتعزمنا يا غالي
احمد : حبيبى انت .... وانتى يا سرسور
ساره : ياعم سرسور ايه . قفلتنى م العزومه اقسم بالله . ايه سرسور دى
احمد : اخلصي يابت ايه رايك
ساره : حلوه يا كبير .الروايه ملك ل بيدج هو وهى والكاتب احمد سعد فقط .. انت مشحططنا وراك ومنشف ريقنا بس نعمل ايه بقي بنحبك
احمد : انشالله تنسترى ويخليك يارب
احمد : وانتى يا .... انتى بتعملى ايه ياللى تنشلى
اسراء : ههههههههههههه لفيت بواقى الكفته ف سندويتش وجبته معايا هههههههههه
احمد : ههههههههههه احيه احيه احيه فضحتى امى .. يعنى انزل ف البحر بالعربيه عشان اخلص
سلمى : ( بتستم وهى مستمتعه بالحوار )
احمد : وانتى يا انسه سلمى ( بينكشها كده بدلع )
سلمى : نعم !
احمد : نعم الله عليك . ايه رايك ف الاكل والمطعم
سلمى : زى الزفت
ساره : ( كاتمه الضحكه ومتابعه الحوار هى واسراء وايمان وساكتين )
احمد : ليه طيب
سلمى : انت مش طلبت رايي . وانا قولتلك زى الزفت .. خدمه نيله وشويه عيال دمهم تقيل بيشتغلو فيه
احمد : احححم
سلمى : بتكح ليه مانت معاهم .. دمك يلطش وشايفلى نفسك على ايه .. ( بتتعدل ف قعدتها وبتهب فيه مره واحده وبتنسى ان البنات قاعدين ورا .. وهو بيسكت نهائي ) هاا انطق شايف نفسك على ايه ... يابنى انت محدش يطيقك اصلا غيرنا . عشان بس زميلنا وبس لكن انت اساسا دمك تقيل وبايخ ومعندكش دم ... لا وكله كوم والبت الصفرا السماويه اللى ماشيه عماله تتقصع وتتمايل ف الرايحه والجايه قدامك وانت مسخسخ اوى وفاتحلى ضبك وعمال تضحك ... بتضحك على ايه . ها ... ! انا مش سايباك دلوقتى غير لما تقولتى كنت بتضحك على ايه
احمد : انا و.....
سلمى : هشششش اخرس لسا مكملتش كلامى ..
احمد : اتفضلى
سلمى : وبعدين مين اللى ماسكه الصاله دى . نظراتها مريبه ليك من ساعه ما دخلنا . عماله توقفك كل شويه ليه ... وبتقولك ايه وبتضحك ليه .. وكانت حاطه ام ايديها على تفك ليه اول ما دخلنا ....
احمد : يا سلمى انا
سلمى : ( بزعيق اشبه ل صريخ ) قولتلك اسكت انا لسا مكملتش كلامى
احمد : ( بيبص ف المرايه الاماميه بيلاقى البنات ماسكين بطونهم وبؤهم من الضحك وكاتمين الضحك )
سلمى : وبعدين خد هنا .. انت رجلك مالها ...؟ ها مالها
احمد : شدت عليا
سلمى : شدت عليك يبقي زى الشاطر كده تستاذن وتطلب انك تمشى .. انما تمشي تروح فين وتسيب البنات دى كلها ... دنجوان انت ياخويا بلا هم ... كلكو كده رجاله مايملاش عينيها غير التراب ... هييي وبيييي وهئ ومئ وحاجه اخر قرف .. مش كده ؟ مش عاوز تمشي وتسيب كل المزز دى صح
احمد : لا م....
سلمى : لا اله الا الله هو انا مش قولتلك تسكت خالص . اخرس ماسمعش صوتك
احمد : الله مش ادافع عن نفسي طيب . دنا لو ممسوك بسرق فراخ من على سطوح الجيران كانو هيسمعو منى الاول قبل ما ينزلو فيا ضرب فيه ايه
سلمى : ( بتبصيله وهى بتبرق ) مش هضحك على فكره
احمد : وهو انا بقولك كده عشان اضحكك انا بدافع عن نفسي . سلخ سلخ سلخ . الرحمه شويه مش كده
سلمى : انت كمان ليك عين تدافع عن نفسك . اما انت بجح بصحيح يا اخى . بجججججح بقولك ايه نزلنى هنا
احمد : تنزلى فين يا مجنونه انتى دلوقتى . ماتتكلموا يا شوية مهزاين بدل مانتو فرحانين ف امى
سلمى : خلى كلبه فيهم تنطق ولا تتدخل ف الحوار ... بقولك نزلنى
احمد : حاااضر . قربنا نوصل للكافيه اهو على البحر وحاجه جمال ننزل فيه وياستى ماتكلمنيش ولا تبصيلى
سلمى : بقولك نزلنى مش طايقااااك
احمد : يادى المرار الاسود . طب استنى ..الروايه ملك ل بيدج هو وهى والكاتب احمد سعد فقط ... الو ! بقولك يا مالك . على الكافيه اللى قعدنا فيه المره اللى فاتت اللى قصاد البحر .. عارفه
مالك : تمام ... اسبق يعنى ولا ايه
احمد : اه اسبق بس بالراحه عشا منه هتمشي وراك هى ماتعرفوش .. هخطف نفسي كده اجيب حاجه انا والبنات نأزأز فيها واحنا قاعدين سهرانين
مالك : ماشي يا كبير .. ماتتأخرش
احمد : والله ادعيلى بقي شكلها ليله ما يعلم بيها الا ربنا
مالك : هههههههه شكلك مزنوق يا صديقي
احمد : امشي بقي هرن على منه تمشي وراك . بالراحه عشان ماتتوهش منك
مالك : حاااااضر
احمد : الو .. منه
منه : ايوه يا احمد هنوقف هنا ولا ايه
احمد : لا اشبطى ورا مالك . انا هجيب شويه تسالى من هنا واجى وراكو على طول . احنا قربنا خلاص مافيش خمس دقايق
منه : ماشي بس ماتتاخروش
احمد : حااضر . ورا مالك بقي وماتتوهيش منه
منه : ماشي . باي
.........
( بيوقف العربيه ع الكورنيش وسلمى بتنزل تقعد ع الكورنيش ومديه وشها للبحر ... احمد بينزل وراها وبيقول للبنات يخليهم قاعدين )
......
ساره : ياربي ! انا هلكت من علاقة الاتنين دول ببعض
ايمان : يايهووى هو فيه كده
اسراء : الاتنين دول عقدونى ف عيشتى .. عارفين احلى حاجه ف احمد ايه يا بنات ومن عشرتى بيه هقولكو عليها
ساره : قولى
اسراء : انه بيديك مساحتك ف الغضب والزعل والغيره والحب .. مابيكبتكيش ولا يتعصب عليك وينرفزك اكتر مانتى متنرفزه .. انا متأكده ان اى حد مكانه كان زمانه شاط فيها وضربها وقالها اسكتى وبتكلمينى كده ليه .. لكن عشان هو غير الناس ف سكت بيمتص ثورتها وغضبها ودلوقتى هينزل يصالحها وهتيجى مسخسخه دلوقتى ... رغم ان احمد عصبى جدا خلى بالك ... بس مع سلمى غير كده .. تعالو نتفرج ونشوف هيعملو ايه
ساره : محدش يفتح بؤه بقي خلينا نستمتع
..........
احمد : البحر النهارده هايج شكلها هتمطر
سلمى : ( بتبصيله بقرف ) عاوز حاجه ؟ نازل ورايا ليه
احمد : هو مين اللى نازل وراك ؟ انتى حد كلمك . انا نازل ابص ع البحر ده . غلبت معاه . احترت واحتار دليلى مش عارف اعمله ايه
سلمى : سيبه ف حاله
احمد : هو حالى ومحتالى وكل ما ليا . ده حب العمر كله
سلمى : ( بتبصيله ) هو مين ده
احمد : البحر
سلمى : والله ؟
احمد : اه منا بتكلم ع البحر من بدرى ... بحبه اوى والله وبحب هدوءه وصفائه وبحب ظلمه ليا ههههههههههههههههههه وبحب براءته كمان بحب غضبه لما بيغضب ويثور ويسمعنى كلام ف جنابي تسم البدن بس اهو هنعمل ايه باخده على قد عقله
سلمى : انت اللى عوج ومحتاج تتربي من جديد
احمد : ان ماكنش البحر هيربينى يعنى مين اللى هيعملها
سلمى : البحر مش هيربيك ده هيغرقك . هيخلص ع اللى خلفوك
احمد : موافق
سلمى : موافق ؟
احمد : جدا
سلمى : اشمعنى
احمد : اموت غرقان ف بحرك . ولا اعيش ثانيه واحده ع الشط من غيرك
سلمى : ( بتحمر وجنتيها خجلا . وبتستم )
( ساره : شايفين يا بنات الغلب اللى انا فيه .. ايه الضحكه دى يخربيت وشها اللى نور فجاه ده انا تعبت )
احمد : بس البحر ده مليان قناديل ياعم بيفضل يقرص
سلمى : ( بتستم ابتسامه عاليه وبتضحك غصب عنها )
احمد : اضحكى ياشيخه خلى الدنيا تروق وتحلى ملعون ابو اللى يزعلك
سلمى : زعلانه منك
احمد : ياخرابي ! منى انا ؟ ليه يا ماما
سلمى : عشان سايبهم كلهم يبصولك ويتنحنحو عليك قدامى
احمد : مانتى لسا شايفه انى دمى تقيل وبارد وخنفس ف نفسي كده
سلمى : ( بتضحك ضحكه عاليه جدااااااااااا ) هههههههههههه تعرف انا بتمنى ايه
احمد : ايه
سلمى : بتمنى فعلا ان كل بنات الكون ده يشوفوك خنفس الروايه ملك ل بيدج هو وهى والكاتب احمد سعد فقط . بص عاوزاهم يشوفوك قنديل بحر هههههههههههههه يمكن اهدى بقي وارتاح
احمد : المهم انا شايف مين وعينى مش قابله تشوف غيره
سلمى : مين بقي
احمد : انتى نسيتى .. البحر
سلمى : تصدق انك بايخ
احمد : المهم قومى معايا يلا عشان هعدى على شغل الحاج طاهر اتطمن هناك ونرجع للعيال
سلمى : اشمعنى
احمد : انا متعود اروح اتطمن على المحلات هناك واشوف الدنيا مقفوله تمام ولا لا .. ومعايا مفاتيح انا
سلمى : شيلنى
احمد : حاضر من عنيا . اول ما نوصل لبيتك والعيال كلها تمشي هشيلك حاضر من عنيا
سلمى : لا هتشيلنى دلوقتى وتودينى للعربيه يإما مش جايه وهفضل زعلانه منك
احمد : يابنتى اتى حد مسلطك عليا .. بتحبي يعنى تذلينى . ايه ده ؟ انا ماشوفتش كده ف الدنيا على فكره
سلمى : خلاص روح امشي معاهم انا هفضل قاعده
احمد : يا سلمى الدنيا زحمه شايفه الناس قد ايه وكل واحد له كلمه بقي هيقولها وانتى عارفانى مش هسكت وهتقلب بخناقه دلوقتى
سلمى : خلاص ياعم روح امشي سيبنى قاعده
احمد : انيلى خفى نفسك
سلمى : لا . مش هتشيلنى وامشي
احمد : طب وحياة امك لاشيلك . اخلصي .. البوت ده عالى كده ليه اوعى تجيبيه ف وشى
سلمى : هههههههههههههههههههه مالكش دعوه بالبوت وركز .. وبالمره تشوفنى لسا تخينه ولا خسيت ولا ايه
احمد : تخينه ؟ يانهار اسود دانتى عودك مافيهوش غلطه منك لله . منك لله . استنى بقي اما أامن ع المكان . اللحظه اللى ماهيكونش فيها ناس كتير هشيلك . اشطا
سلمى : ياعم طظ ف الناس . يلا شيل
احمد : ياعدددددوى
......................
احمد : بقولك ايه يابت انتى وهى . عليا النعمه واحده فيكو تنطق بكلمه من اللى شافته ده حسابها معايا انا .. سلمى كانت زعلانه وكنت بصاالحها . يعنى مافيش لا اكتر من كده ولا اقل
سلمى : شغل اغنيه حلوه بقي
احمد : شغلى انتى دى عربيتك وعليا النعمه من نعم ربى اللى هتنطق بلسانها وتقولى غنى يا احمد ولا غنى يا حمو صوتك حلو وتتسهوك على ميتين امى لنا منزلها م العربيه
سلمى : طب غنى يا حمو
احمد : بحياتك يا ولدي امرأة عيناها سبحان المعبـــود ..
فمهــا مـرسـوم كـالـعنقـــود
ضحكتها أنــغام وورود ..
والشـعر الـغجري المـجنـون
البنات : يسافـر في كل الدنــــيا
احمد : هو ده !
البنات : هههههههههههههههههههههههه
اسراء : همووووووووووووت ههههههههههه جاتك داهيه . مصيبه اقسم بالله
سلمى : (بتضحك بشكل حلو وعينيها بتنور من تانى وبتبص الناحيه التانيه )
ساره : اسد يا حمو ومابترجعش ف كلامك هههههههههههههههههه
احمد : انا انا انا مش عاوز ازعلكو بس معلش يعنى المهم خليكو هنا دقيقتين وجاى
ساره : على فين
احمد : مافيش هتطمن بس ع الوكاله والفلوس وجاى وهتمم على الاقفال . دقيقتين بس مش اكتر عشان فيه فلوس بالعبيط جوه
.........................
( بعد 10 دقايق احمد بييجى وبيمشوا تانى )
......
( ف العربيه )
احمد : يا ريس . هاتلنا تشكيلة تسالى والنبى شوية لب على كاجو على فول سودانى . اه فول سودانى عشان معانا شوية قرود هههههههههههههههههههه
سلمى : لم نفسك يا أخ .. وخليه يجيبلى كيس لوحدى
احمد : انت تؤمر يا رياسه
سلمى : شكرا
احمد : عاجبكو المعامله دى يا بت انتى وهى ...
ايمان : لا طبعا !بصياحه مامعاهاش حق دى مزوداها أوى
احمد : ماتقولى يابنتى لا طبعا ايه
سلمى : ههههههههههههههههه ( بتشده من شعره )
ساره : ههههههههههه بقولكو ايه ماتيجو نروح مكان نسهر فيه احنا الخمسه كده لوحدنا
احمد : بقولك ايه يا شارون انت ماتولعيش ف الدنيا . عيب
سلمى : ( بتبص لاحمد )
احمد : ماتبصيش يا سلمى ولا تتكلمى نص كلمه . عيب اللى هتطلبيه الناس مستنيينا
سلمى : ماااااشي معاك حق يلا بينا
..............
( ع الكافيه هناك الشباب هناك مستنيين احمد وسلمى )
مالك : العيال اتأخروا ليه
منه : بقولكو ايه انا هطلب شيشه ماليش دعوه
مالك : عادى اطلبى .. نطلبلك ايه
مصطفى : استنى بس . انتى عارفه ان احمد جاى ؟
منه : اه عارفه ! هيمانع يعنى ؟ مش هيقول حاجه عادى ياعم
مصطفى : انا ماليش دعوه بقي الروايه ملك ل بيدج هو وهى والكاتب احمد سعد فقط انا بتاكد بس ان عارفه انه احمد جاى .. اطلبى اللى انتى عاوزاه
فريده : عادى يا ديشه هو هيقول ايه يعنى .. انا كمان هطلبلى واحده بس لما ييجى ويشوف منه بتشيش واشوف هيقول ايه ههههههههههه لو الدنيا آمان هطلب لو عمل اى قله مع منه ماليش دعوه ههههههههههههههههه
هدى ولوكا : ( مستمتعين جدااا بالخروجه وبالكلام )
منه : يلا يا واطيه . انا هطلب . هو مش هيتكلم . ده حمو يا جماعه حمو . العسليه بتاعتنا ... واحده شيشه كريز لو سمحت
.....................
( ع الكافيه الكل متجمعين )
احمد : فين ياض الشيشه بتاعتى ياض
منه : ( بتسيب الشيشه بالراحه وبتبعدها من غير ما حد ياخد باله )
مالك : هطلبلك حاضر قولنا هتتأخر
احمد : هششش هات بتاعتك دى واطلبلك انت واحده . دماغى خرمانه ... ايه ده انت بتشرب تفاح ؟ يا توتو ؟ اشرب اشرب يا حيلتها انا هطلبلى معسل .. وانت ياض انت وهو بتشربوا كلكو تفاح ليه ياولاد المبقعه انتو .
على : انا مطلبتش لسا
حسن : انا قولت اغير
احمد : انتو مافيش فيكو غير مصطفى . حبيبى ده ... اومال الشيشه دى بتاعة مين لما على لسا مطلبش . فيه اربع شيش اهم مالك واحده ومصطفى واحده وحسن واحده .. الرابعه دى بتاعة مين
مالك : ( بيبص ل منه ) ايه ؟ لا دى بتاعة ... بتاعة مجدى
احمد : هو فين
مالك : ف الحمام
احمد : طووويب . اقعدو يا بنات على ما اجيب كراسي ... واطلبلى حجر
........................
منه : انا قلبي وقف اقسم بالله .. ليه يعنى ليييييه ؟ خايفه منه ليه انا
مالك : اخرسي انا قلبى نزل ف رجليا
مصطفى : انا اتحرست ههههههههههههههههه
سلمى : ايه يا جماعه فيه ايه
منه : اسكتى يا سلمى . صاحبتك كانت هتتعلق دلوقتى ههههههههههههه كنت بشيش وانا فاكره ان احمد مش هيقول حاجه .. اول ما دخلتو لقيت نفسي وشى أحمر وبخبيها وببعدها . يانهار ازرق
سلمى : يعنى الشيشه مش بتاعة مجدى بجد وكانت بتاعتك ؟
منه : اه والله
سلمى : طب وهو فين مجدى
مالك : ف الحم..... هااااار اسود ده احمد راح ناحية الحمامات يطلب الشيشه . ياختاااى ( بيقوم يجرى عشان يلحق مجدى انه مايتكلمش مع احمد )
.............
مجدى : اهلا . انت جيت يا كبير
احمد : شوفيتم ياخويا بقالك ساعه جوه
مجدى : ههههههههههه معلش الاكل كان حلو النهارده ماشاء الله .... والنبى يا ريس ظبطلى معسله كده وهاتهالى
احمد : هو بزخ وخلاص ما شيشتك هناك
مجدى : شي..... ( مالك بيدخل )
مالك : مجدى تليفونك بيرن
مجد : مين
مالك : مش عارف شكلها امك بتتطمن عليك دى تالت رنه
مجدى : ماشي
..
مالك : ايه يا كبير طلبت شيش ؟
احمد : اه بظبطها انا برص الحجر . مابتمزجش غير بالرصه بتاعتى هههههه الواد مجدى ده متخلف ومتدلع . ده كان هيطلب شيشه على شيشته
مالك : اه . ايه . لا . اصل .. ياعم ده عبيط
احمد : عبيط اه ؟ تمام ...
...........
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020