................
ف الحلقه السابقه :_
احمد : والله العظيم ما عارف انام من ساعة ما شوفتك
انا عارف ومتأكد وعندى يقين انه هو انتى .. ردى بقي
على فكره انا مش هقفل الخط غير لما انتى تردى
ساره : ( بتوشوش سلمى ) ردى عليه
سلمى : احححححم الو
احمد : لولولولولولولى
ساره وسلمى : ( بينفجرووووو م الضحك مع بعض بشكل هيستيرى )
................ ( الثالثه عشر ) ❤
ساره : ههههههههههههههههههههه ده واد تحفه .. قفلتى ولا لسا
سلمى : هههههههههههه ههههههههههههههههه ( ضحكة رقاصات ) مش قادره امسك نفسي يا ساره الحقينى ههههههههههه يالهوووووووى
ساره : احيييه يا سلمى . ده بيحبك حب .. طب ازاى . لحق يحبك امتى وفين . ده شافك مره واحده ..
انا متأكده ان حواليه بنات كتير
وكلهم هيموتو ويكلموه
انا كنت واحده منهم .. منه وفريده واميره ... مابالك دول شله واحده قريبين من بعض
مابالك بغيرنا
بس مع ذلك ليه انتى بالذات يتعلق بيك كده
سلمى : مش سبق وقولتلك ان اللى بينى وبينه حاجه كده مش مفهومه
يا ساره انا حلمت بيه ورسمت صورته وطلع عايش وحى يعنى مش مجرد صوره صورتها ومالهاش اى معنى ... كل ده مايوحيش لحاجه
ان قدرنا ممكن يكون واحد
ساره : معاكى حق .... يا قلبي ربنا يكتبلك الخير ...
سلمى : بس لازم اعرف حكاية الرقم اللى اداه ل منه وفريده .. ولا هو متعود على كده ولا ايه حكايته
ساره : بصى ... هو ادى الرقم لمنه على احتمال انها ممكن توصلك الرقم وتكلميه ... كان عاوز اى حاجه تربطه بيكى حتى من بعيد
سلمى : جايبه منين التفسير ده ؟ ممكن يكون غلط وانه ادالهم الرقم كده تسليه . شافهم بنات حلوه ومعرفش ايه وقال يتعرف عليهم ..
ساره : انا طبعا مش متأكده بس اراهنك ان هو ده اللى كان يقصده
يا حبيبتى كان عامل زى المجنون وهو بيكلمنى
والغريب والعجيب ان انا قولتله على اسماء الشله كلها لكن لما نطقت وقولت اسمك . سلمى .. لقيت عينه لمعت وعرفك .. ازاى معرفش . اشمعنى يعنى منا قولت منه وفريده وساره ومروه واميره .. اشمعنى سلمى اللى علق معاها . .. .
سلمى : مش عارفه ... ربنا يقدم اللى فيه الخير
ساره : سلمى ! هتكلميه بكره ؟
سلمى : سيبى كل حاجه للتساهيل . اما نشوف هو مودينا معاه لفين
ساره : بس دم أمه عسل وكتاب الله .... ماترنى عليه تانى
سلمى : هههههههههههه انتى مالك وماله بقي . على فكره انا غيوره جدا
ساره : هتغيرى عليه من قبل ما تكلميه
سلمى : والله بغير عليه من قبل ما اشوفه اصلا ..... نامى بقي الساعتين دول
ساره : اه نسيت اقولك ... اوعى تعرفى احمد لما تتعرفى عليه انك صاحبة المكالمه دى او انتى اللى كلمتيه . ههههههههههه اوعى
.................
( تانى يوم الصبح )
ام سلمى : ايه يا بنانيت مش هتفطروا قبل ما تنزلوا
سلمى : لا يا مامى هنفطر ف الجامعه بقي .
ساره : صباح الفل يا طنط .. هناكل ف الجامعه ماتقلقيش
ام سلمى : طيب خلو بالكو من بعض
..............
( ف الجامعه )
على : ما تيجو نتمشى شويه يا جدعان . انت مذنبنا ليه يابنى عند الكافتيريا من صباحيه ربنا
احمد : ماهما مسيرهم ييجو يطفحوا حاجه مش عارف انا الاقيهم فين انا زهجت
مصطفى : هههههههههه حلوه زهجت دى .. جرى ايه يا طه يا قناوى
مالك : هههههههههههه طب بقولكو ايه خليكو انا هروح اجيب شاى واجى ويمكن اتخيل ببنت منهم ولا حاجه
احمد : روح ياعم ربنا يجعل ف وشك القبول
( اسراء وايمان وامانى جايين )
اسراء : ولا يا حمووووو التمساحه يالا
احمد : ام التمساحه اللى انتو مسكتوهالى دى فيه ايه
ايمان : ويا يا حموووووووووووو
احمد : التمساحه يايا ههههههههههههههه
ايمان : ههههههههههههه تصدق وتؤمن بالله .. انا ماحد يقدي يتيق عييا غييك
احمد : اللهم ان كان هذا سحرا فابطله
اسراء : ههههههههههههههههههه
امانى : ههههههههههههههههههههه عامل ايه يابنى
احمد : بخير يا امانى . عامله ايه ف هندسه
امانى : بخير يا حمو والله . مش كنت دخلت معايا هندسه
احمد : نصيب بقي يا منون هنعمل ايه
امانى : معلش .كل واحد بياخد نصيبه ....
مصطفى : ايه يا جماعه هو احنا شفافين اوى كده . فيه ايه
اسراء : عاوز ايه يالا ... احنا بنسلم على احمد كنا زمايل ف فصل واحد 3 سنين انت مالك انت
مصطفى : اسم الله ماحنا كنا ف نفس الفصل
اسراء : لا يا حلو انت سيبتنا سنه تانيه وتالته عشان حولتو ادبي .. انما احنا كنا علمى يا بابا
مصطفى : ذلو فينا بقي
اسراء : هههههههههههههه بطل نفسنه ياض
ايمان : ايوه بطي نفسنه
احمد : عاجبك كده . اهو انت فتحتلنا فتوحه سوده
ايمان : ههههههههههههههههه بس بزمتك مش حيوة اليدغه بتاعتى دى
احمد : هى من ناحية حيوه ف هى حيوة جدا والله . ياشيخه الله يحرقك انا مابقيتش بعرف اجيب حرف الره سليم اخرسي بقي
امانى : ههههههههههههههههه
اسراء : ههههههههههههه فطرتوا ولا لسا
احمد : اه كلنا سندويتشات . انتو فطرتو ؟
اسراء : لا لسا كنا رايحين نجيب سندويتشات م الكافتيريا قولنا نشوفكو
احمد : طيب خليكو انا هروح اجيب
مصطفى : وتروح ليه . مالك هناك استنى اتصل عليه اقوله يزود معاه
احمد : خلاص خلاص انا برن اهو
مالك : الو ايه يا كبير
احمد : بقولك زود معاك 3 شاى وسندويتشات للبنات بقي اسراء وايمان وامانى
مالك : حاضر
......
مالك : اتفضلو يا جماعه ... اتفضلى يا اسراء السندويتشات
اسراء : متشكره جدا يا ابو الاملاك .. الحساب كام بقي
مالك : الحساب عند احمد هههههههههههه انا واخد منه فلوس
اسراء : حمو ! يا حموووو ..
احمد : ايوه يابنتى بتزعقى ليه
اسراء : انت واقف عمال تدور على ايه
احمد : انتى مالك انتى خليكى ف نفسك .. عاوزه ايه
اسراء : الحساب كام
احمد : حساب ايه ؟
اسراء : حساب الفطار
احمد : خدى ايمان وامانى وامشو يا اسراء بدل ما اتغابي على امك انتى وهى
ايمان : ههههههههههههههه دانت يخم
احمد : غورى يابه
...........
احمد : الا مافيه واحده منهم ظهرت يا واد يا مالك
مالك : ياعم اصبر
مصطفى : ماتتقل ياض مانت طول عمرك تقيل ابو معرفتك معرفه سوده
احمد : مش امبارح سمعت صوتها
على : ايه ايه ايه .. وساكت من ساعتها .. سمعت صوتها ازاى
احمد : اتصلت عليا
مصطفى : وبعدين
احمد : يا اخى دا اسعد يوم ف حياتى . صوتها لسا ف ودنى وهى بتقول الو
حسن : الله اكبر ... وايه تانى وكلمتك ازاى وجابت رقمك منين
احمد : معرفش بقي انا مش شاغل نفسي هى وصلت للرقم ازاى . اكيد من العيال زمايلها .. كلمه الو لسا معلقه ف ودنى لغاية دلوقتى
مالك : يابنى ما خلاص يابنى عرفنا انها قالتلك الو ! اللى بعد الو ايه ربنا يهدك
احمد : يااااااااااه يا مصطفى .. احلى كلمة الو سمعتها ف حياتى
مصطفى : وحياة امى هبطحك بحاجه ف نافوخك .. اللى بعد الو ايه يالا
احمد : بعد الو ايه .. هى الو بس .. دنا حتى لسا مش متأكد انها هى ولا لا
مالك : بتقول ايه
احمد : اه والله زمبؤلك كده
مالك : وعاملى فيها الشيخ ابو زيد الهلالى واحلى كلمه الو .. دنا قولت انت فضلت تكلمها للفجر
احمد : ياعم اتنيل .. هو انا طايل حاجه . مانتو شايفينى اهو طالع عينى والله ما بقيت اكل زى الناس غير اللقمه اللى بطفحها معاكو هنا
............
( البنات داخلين الجامعه .. منه وفريده قدام شويه وسلمى وساره وراهم بكم متر )
منه : ما تكلمى اللى اسمه احمد كده يا فريده
فريده : لا مش دلوقتى ... هكلمه واقابله لوحدنا بس مش دلوقتى لما سلمى تدخل المحاضره
منه : اشمعنى
فريده : هتعرفى بعدين
منه : لا يا روح امك انا معاك ف الليله دى ... منا مش هخليكى تعملى معايا زى ما هتعملى مع سلمى ... سلمى طيبه لكن انا لحمى مر . فاهمه يابت
فريده : الله ! انتى عاوزه ايه انتى دلوقتى يا منه ماحنا لسا بنتكلم
منه : لسا بنتكلم ايه . انا عارفه ألاعيبك دى كويس مش عليا انا ... هتلفى تلفى وتترسمى ع الواد رسمه ابوك الدكتور ومعرفش ايه توقعيه فيك .. يعنى بعد ما تخبطى ف سلمى وتبعديها تيجى بقي تخبطى فيا انا . مش انا يا حبيبتى
ساره : ايه يا بنات بتتخانقوا على ايه مالكو
فريده : مافيش يا ساره .. دى منه اتجننت
منه : بت . لمى لسانك ... انا ماشيه . محدش ييجى ورايا
سلمى : منه !! منننننننه انتى يابنتى استنى .. ايه اللى حصل يا فريده مالكو
فريده : مافيش يا سلمى . عن اذنكو يا بنات انا كمان ماشيه
...........
سلمى : انتى فاهمه حاجه يا ساره
ساره : ولا اى حاجه . بس سمعت منه بتقولها مش انا يا حبيبتى اللى تعملى معايا كده
تعمل ايه بقي مش فاهمه
سلمى : انا مش مستريحه . حاسه ان احمد موجود ف الموضوع
ساره : سلمى ! لازم تقابلى احمد وتكلميه النهارده .. لااازم . والله العظيم البنات دى هتروشه وهتخطفه
سلمى : ههههههههههههههههههههه
ساره : بتضحكى على ايه يا بارده
سلمى : مافيش راجل بيتخطف يا سوسو .. الراجل الحقيقى مابيتخطفش
ده بيفضل جبل ثابت على موقفه .. لو الجبل اتهز كان هو اتهز
عارفه ! انا دلوقتى واصله مع احمد لمرحلة امان من ناحيته
مع انى لا كلمته ولا وقفت قصاده ولا قولنا لبعض اى حاجه بس انا متأكده من حبه .. وهو مش من النوع اللى سهل يتخطف ..... بالعكس دنا عاوزه اى واحده سواء منه ولا فريده ولا حتى غيرهم يحاولو يوقعوه وبكل ما أوتو من قوه وطرق ومحايله عشان اشوف أخرة صبرى ده هيتصرف ازاى
ههههههههههههههههههه انا مش ضعيفه يا ساره ولا نايمه على ودانى
ولا مش فاهمه ايه اللى بيحصل حواليا
منه وفريده دلوقتى كل همهم انهم يبعدو احمد عن سكتى
او يكرهونى فيه .. وانا واخداهم على قد عقولهم
وسايباهم منهم لاحمد
بقولهم اهو قدامكو حاولو توقعوه
عشان لما يسيبهم ويجيلى انا يبقوا عارفين انه ساب الدنيا وجه لسلمى عن اقتناع
مش انى خطفته والكلام اللى انا عارفه انهم هيقولوه
ساره : مش متضايقه منهم يا سلمى ؟
سلمى : لا طبعا مش متضايقه
بصى انا هحللك شخصيتهم كويس
منه وفريده أطيب بنات ممكن تقابليهم ف حياتك يمكن اطيب منى ومنك
عشان كده منه صاحبتى من سنين سنين كتير وفريده صاحبتنا من ثانوى
لكن دايما كانو بيدخلو مع بعض ف منافسه
مين اللى يشترى ايه ومين اللى يعمل ايه
انا كنت دايما مابحبش ادخل معاهم ف الصراعات دى
خصوصا ان هما الاتنين كل واحده احلى م التانيه
ساره : ههههههههههههه بس انتى الاحلى والاحلى يا لومه
سلمى : ههههههههههههههههههههههه اسمعينى بس
واحد زى احمد لما يدخل ف الموضوع هنا بيبداو طريقة منافسه جديده بينهم
اول حاجه انهم يبعدونى عن الطريق لان من جواهم عارفين ومتأكدين ان وجودى هيقلب المعادله
تانى حاجه بقي يتنافسوا بينهم وبين بعض وكل واحده تحاول تقلب التانيه
دى مش خباثه ولا وحاشه من منه ولا فريده . دى اسمها مراهقه وغيرة بنات
ساره : احييييييه انتى عرفتى الكلام ده منين وحللتيه ازاى
سلمى : هههههههههههه ايه رايك بقي ؟ اهى الروايات اللى انا بقراها هى اللى عمله فيا كده ياستى
ساره : لا بس والله تحليلك ده منطقى جدا وطبيعى جدا واقرب للصح
سلمى : لا هو مش اقرب للصح .. هو الصح بعينه .. وانا زى مانتى شايفه اهو واقفه بعيد وسايبالهم الساحه منهم لاحمد
بس اللى عرفته من صوت احمد وكلامه امبارح بيقول انه هيعلمهم درس عمرهم .. هو بردو مش سهل وهتلاقى دماغه كبيره كده بردو هههههههههههههههههههه اللى عاوزه اعرفه بس هو برج ايه . عشان تبقى كملت
ساره : ههههههههههه خلاص النهارده هعرف .. المهم تعالى بقي نشرب شاى وناكل حاجه انا على لحم بطنى من امبارح
سلمى : استنى منه راجعه ... منون تفطرى معانا
منه : ايوه ياريت انا جوعت فعلا . تعالو نفطر
سلمى : ( بتضرب بعينها ناحية الكافتيريا بتلاقى احمد واقف مع الشله جنب الكافتيريا )
سلمى : طيب يا بنات اسبقونى انتو وانا هكلم بابي بس هقوله حاجه لانه كان طالب منى حاجه . دقيقتين بس وهتلاقونى وراكو
ساره : طيب تمام
...........
على : ولا يا حموووووووووووووووووووووووووووووو التمساحه يالا لمحتلك البنات واقفين عند الكافتيريا وانا بجيب شاى
احمد : طيب خليكو انتو هنا محدش ييجى ورايا
..........
( احمد بيروح عند الكافتيريا بيلاقى ساره ومنه واميره ومروه بس لوحدهم ...... سلمى واقفه بعيييييد بتبص عليهم )
( احمد بيلف حوالين الكافتيريا شمال ويمين بيدور على سلمى )
احمد : صباح الخير
ساره : اهلا صباح النور عامل ايه
احمد : حلو ! اومال فين صاحبتكو
منه : تقصد مين ؟
احمد : سلمى ! مش اسمها سلمى بردو
منه : اه انت بتسال عن سلمى بقي
احمد : اه ياريت تكون كويسه
ساره : كويسه ماتقلقش .. اهى اهى ورانا اهى . اتأخرتى ليه يا ست سلمى
سلمى : صباح الخير
احمد : اه يانى يامه
..............
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020
أنت تقرأ
رواية مهلكتي من جزء 1 : 18
Tiểu Thuyết Chung#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى
