رواية مهلكتي من جزء 1 : 18

الجزء_التالت (الحلقه الثالثه عشر و الاخيرة) ( حاجب مقطوش ) ❤ ❤

#رواية_مهلكتى_الجزء_التالت
(الحلقه الثالثه عشر) ( حاجب مقطوش ) ❤ ❤
................
ف الحلقه السابقه :_
ليليان : عليا النعمه واد عسل ههههههههههههههههههه
تاليا : اه والنبى سكر انا مش عارفه العيال دى مابنلاقيهاش ليه نواحينا كده كلهم عيال دمها تقيل
ليليان : طيب بسرعه بس يلا عشان شكلنا كده هنتأخر ... طنط ام سلمى بهدلتنا بما فيه الكفايه المره اللى فاتت .. هنروح نقعد ساعه ونشوف سلمى ونمشى تانى
.................. ( الاخيره ) ❤
( ع القهوه )
احمد : عرفتو هتعملوا ايه يا هباب البرك انت وهو ؟
مالك : ما خلاص ياعمى عرفنا هى شغلانه .. وبعدين فكرك يعنى ان سلمى هترضى تصالحك بسهوله كده
احمد : اسمها سلمى هانم يا بغل . وبعدين انت مالك . انت أول ما تلاقيها نازله تسحب العيال وترجعوا تغوروا ف اى داهيه هههههههههههه
مصطفى : تصدق انك رمه يالا انت ... وبعدين الناس بتوعك ماتصلوش عليا لسا . انت قولتلهم ايه عنى ياعم
احمد : ناس مين
مصطفى : الناس اياها يا مولانا
احمد : اهاااا لا دول هيكلموك بالليل وماتشغلش دماغ امى بقي معاك ... خش يا مالك اغلبك عشرتين دومينو قبل ما نمشى
...............
( على باب شقة سلمى )
ام سلمى : جايين ليه انتى وهى . تًوك ما افتكرتو ان امكو ليها صاحبه ؟ دنا اللى مربياكو يا جزمه انتى وهى
تاليا : طنطوتى حبيبتى هههههههههههههه والله وحشانى مووت مووت مووووت
ليليان : ايه القمر ده هههههههههه انتى بتصغرى وبتحلوى يوم عن يوم ياست انتى كفاية شياكه بقي نقول ايه احنا
ام سلمى : وحياة امك انتى وهى ؟ انتو بتاكلونى بالكلام ولا ايه يابت انتى وهى .. فين أمك وأمك انتى كمان
تاليا : هههههههههه عازمينك بكره ف النادي . وجايين احنا مخصوص لسببين
الاولانى عشان نأكد عليك العزومه
والتانى عشان نشوف البونبونى بتاعتنا ههههههههههه فين الندله دى
ام سلمى : هههههههههههههه اهى ف اوضتها جوه ادخلولها على ما اعمل دور نسكافيه كده لينا كلنا وهنتعشى
ليليان : نتعشى ايه يا طنط ولا نقدر والله احنا يدوب هنشرب النسكافيه بتاعة حضرتك وشكرا على كده .. فين البت سوسو
ام سلمى : جوه يا حبايبي لوحدها ادخلولها
تاليا : ماااشى يا قمر انت
............
تاليا : بسبسبس
سلمى : ايه ددددده . يا واطيه انتى وهى وحشتوووووووووونى جدا
ليليان : سلسووول هههههههههههههه وحشانى والله يابت انتى مابقيتيش تيجى النادى ليه يا جزمه
سلمى : هههههههه غصب عنى والله انتى عارفه بقي الجامعه ومواعيدها
تاليا : ربنا يعينك ويعينا يا مزه
سلمى : كليتكو اخبارها ايه
ليليان : الالسن حلوه .. بس مافيهاش مزز كتير هههههههههههههههه اخبار المزز عندكو انتو ايه
سلمى : هههههههههههههههههههه عساسيل وحياتك والجامعه كلها عيال حلوه ههههههههههههههههههههههه
ليليان : ههههههههههههههههه ايوه ياعم مين قدك .. قبل ما نجيلك شوفنا حتة مز كان عاوز يشقطنا بس احنا اللى شقطناه وخدنا رقمه ههههههههههههههههه
سلمى : ههههههههههههههههههههه دماغكو لاسعه يا ولاد الجنيه وعملتوها ازاى دى وكنتو فين
ليليان : هههههههههههههههه كنا قاعدين جنب يافطة الشط بتاع سيدى بشر وهوب جه دخل علينا بالحنجل والمنجل وبيقول اى كلام بس كان عسل الصراحه وخدنا رقمه هو ههههههههههههههههههههههههه
سلمى : هههههههههههههههههههههه اعوذ بالله .. وبعدين مانتو تستاهلو بصراحه . مزتين ملبن ماشيين مع بعض باللبس ده ومش عاوزين اسكندريه كلها تعاكسكو
تاليا : ههههههههههههههههههه دنا بقول عاوز ايه ياض قالى ودى خلقة حد يعوز من وش امها حاجه
سلمى : هههههههههههههههههههههههههههههههههههههههههههههههههه والله دمه خفيف . وف سيدى بشر كمان ؟ ههههههههههه واسمه ايه بقي
تاليا : والنبى ما فاكره . مصطفى باين . اه مصطفى . صاصا
سلمى : هههههههههههههههه طول بعرض يعنى واد حليوه كده ولا ايه الكلام ؟
ليليان : موووووز يا سلمى مووووز . وسبحان الله عنيه شبه عينيك كده . تصدقى انه شبهك ههههههههههههههههههههه والنبى شبهك .. وطويل كده وفِرع وكان لابس قميص أخضر زيتى كده وحاجه اخر شكشكه والله هههههههههههههههه
سلمى : هههههههههههههههه يابت بطلى قرع يابت
تاليا : وكله كوم بقي وحاجبه المقشوط ده كوم تانى لوحده
ام سلمى : عرفتو تقوموها ازاى دى يا بنانيت دنا بتحايل عليها من العصر تقوم مش عاوزه
ليليان : ماتقومش لاصحابها ليه بقي ... فاكره يابت ياسلمى لما كنا كلنا نيجى ننام هنا واحنا ف ثانوى ونذاكر مع بعض ومعانا البت منه وفريده وساره
سلمى : احيييييه يا ماما دول كانو بييجو يرقصوا مش يذاكروا
ام سلمى : هههههههههههههههه طيب باتو معانا النهارده فيها ايه يعنى
تاليا : يا قلبي والله هنعملها بس مش النهارده لسا ورانا كام حاجه ... هروح ليليان لسا وهروح اشترى شوية حاجات كده لمامى ... المهم ماتنسيش ميعاد النادى بكره ماما مأكده عليا ودلوقتى وهتتصل عليك .. صحيح عمو جه من لبنان ولا لسا
سلمى : طيارته النهارده بالليل هيكون هنا على 1 ان شاء الله
ليليان : بالسلامه ان شاء الله . هنقوم بقي يا قمرايتين وهجيلك بكره يا سوسو اقعد معاك طول اليوم
تاليا : وانا كمان . من العصر هتلاقونى معاكو . عاوزين نخرج كده جمعى البنات ونخرج كلنا بكره ندخل سينما ولا مسرح عاوزين نفرح شويه ياجماعه
ام سلمى : ههههههههههههههههههه انا هبقى بره طول اليوم يا سلمى ماتخرجى معاهم وكلمى اصحابك
سلمى : حاضر يا مامى هشوف كده لانهم وحشونى هما كمان
ليليان : يلا بقي تصبحو على خير
ام سلمى : وانتى من اهله يا قمر وسلميلى على ماما كتييييرلغاية ما اشوفها بكره
......................
( ع القهوه )
احمد : يلا يا جماعه ولا ايه الساعه داخله على 10 ونص
مالك : يلا .. فين الكوره
احمد : اقولك فين ولا تزعلش ؟
مالك : هههههههههههههههههه ما تبطل سفاله بقي ياض
احمد : ههههههههههههههههههه مصطفى عنده كوره ف البيت هنعدى ف طريقنا واحنا رايحين .. هات مفتاح عربيتك
مالك : خد ياعم .
احمد : سامعك بتبرطم يعنى
مالك : حد فتح بؤه . ما تخلص
على : يلا يابنى انت وهو
حسن : انا هلعب بالريال
احمد : ربنا يصبرنى يارب . ريال ايه يا متخلف عقليا انت كمان هى ناقصه غباء يالا .. احنا رايحين نلعب كوره بجد جاتكو داهيه
حسن : ههههههههه منا عارف يا بارد منا لازم ارمى إفيه انا كمان
احمد : احياة النبى يا حسن ابقى ارميه بعيد عنى مش ناقصه شلل
مصطفى : هههههههههههههههههههههه عالم مجانين .. مش هتغير قميصك ده يابني .
احمد : ايوه منا جبت التيشرت اللي بلعب بيه هبقي اغيره هناك
................
ساره : طنط حبيبتى
ام سلمى : سرسوووور تعالى ادخلى
ساره : المزه فين نايمه لسا
ام سلمى : لا صاحيه جوه واقفه ف البلكونه . اتعشيتى
ساره : اه يا حبيبتى . انا جايه اقعد معاها شويه
ام سلمى : ادخليلها يا قلبي
..........
ساره : بت
سلمى : سوسو ! تعالى يا روحى
ساره : هديتى يعنى الحمد لله طالما قولتى روحى
سلمى : هههههههههههههه بس بقي
ساره : احمد لسا ماجاش ولا ايه
سلمى : وحتى لو جه .. انا قولت خلاص يعنى خلاص .. بدل ما اعمل فيه حاجه ده هيشًلنى الجزمه ده
ساره : هههههههههههههههههه ايه ده ؟ انا زى ما اكون سامعه صوته
سلمى : صوت ايه دى عيال بتلعب كوره تقريبا . بيزعقوا
ساره : وحياة امى سامعه صوته هو وصوت الواد مالك
........
احمد : علًو صوتكو شويه يا ولاد الكلب دى قافله بلكونتها
مالك : اكتر من كده اعمل ايه يعنى دى اسكندريه كلها سمعتنى الله يحرقك ارحم امى ... ما تباصى ياعم انت كمان ميتين ام الكوره دى خلينا نخلص
احمد : باصي ياعم باصي ... انت بتعمل ايه يا حلوف طب ارجع هاتها بقي وحياة امي منا عدت راجع مدافع دنا شحرت منكو لله ..
مالك : العب ع قدك يابابا
احمد : ياعم اقعد ف حته ناشفه .. حاسب دراعى يا حلوف
...............
ساره : احييييه . ده الواد جايب العيال وبيلعبو تحت اهو يا سلمي هههههههههه
سلمي : بتتكلمي جد هههههههه فين ده .. اه يا مجنون يابن المجانين
ساره : ايه بقي مش هتنزلي
سلمى : تؤ . شويه كده لما اطلع عينه
ساره : ههههههههههههههه انزلي انزلى ده بيبص علينا
.....................
مالك : ولا ولا دول كانو واقفين ف البلكونه بس لما شافونا بنبص عليهم نزلو
احمد : ههههههههه اه منا خدت بالي .. بقولك ايه هات الكوره يا مصطفي وشوطها ع البلكونه فوق
مصطفي : طب خدلك ساتر انت وهو
احمد : نشل بس وحياة امك يا أحول يابن الحوله
(مصطفي بيشوط الكوره بتيجي ف ازاز عربيه من اللي واقفين تحت العماره )
صاحب العربيه : ماتفتح يا أعمي انت وهو
احمد : معلش يا حاج ده عيل متخلف عقليا جايبينه يلم الكاوتشات والكور من بره معلش
مصطفى : معلش هجرب تانى
احمد : اقعد على جنب وحياة امك .. شوط يا مالك
مالك : اللهم صلى ع النبببببببي !! اهى جات يا معلم هههههههههههههههه
........
سلمى : احيييييه الكوره كانت هتكسر ازاز البلكونه ههههههههههههه استنى
انت يابنى انت وهو روحو إلعبوا عن بيوتكو الله ياخدكو
احمد : معلش يا انسه احدفى الكوره معلش . جات بالغلط مانتى عارفه
سلمى : مافيش كور .. ولو مامشيتوش هحدف عليكو ميه انتو ف منطقه محترمه ومنطقه راقيه وبعدين هو ده ملعب كوره عشان تلعبوا فيه الساعه 12 بالليل
احمد : معلش قلبك ابيض احدفى الكوره مامعناش غيرها
سلمى : مافيش كور قولت .. الا لو لعبت معاكو
احمد : تعالى انزلى مكانك محفوظ ... والنبى ماحد واقف جون غيرك
...............
( بتنزل سلمى لابسه بيجامه برقبه وزعبوط على شكل ارنب )
سلمى : احححم ! اتفضل اهى كورتكو اهو .. ممكن ألعب معاكو
احمد : اول مره اعرف يعنى ايه ملوخيه بالانارب هههههههههههههه اتفضلى دانتى تنورى .... يلا يابن الكلب انت وهو من هنا مافيش حد هيلعب هنا .. روح العب هناك عند الجون التانى
سلمى : ايه ده وانا مش هتجيلى كور عليا ولا ايه
احمد : لا منا هقف دفاع اخاف كوره تيجى فيك تروحى مننا ولا حاجه والعيال دى زى ما تقولى كده مابيعرفوش يلعبوا ف خلينا انا وانتى ندافع هنا ف الجون ده وهما بيلعبوا الناحيه التانيه
سلمى : اذا كان كده مااااااشى
( ساره واقفه ف البلكونه منكشحه جدا )
مالك : الله يسهلك يابا . يابخت مين كانت سلمى زميلته ياخويا
احمد : يلا يا كلب على ملعبك . ماشوفش خلقة بنى ادم فيكو هنا
مصطفى : اللى اداك يدينا يا صاحب صاحبه .. تبيعنا ؟ تبيعنا ف ثانيه
احمد : وانا الكسبان والله يا درش هاتلى بس القميص بتاعى من الكيس عشان اغير
مصطفى : ماعدتش هتلعب ؟
احمد : لا منا ورايا ماتش تانى دلوقتى وربنا يعينى عليه هههههههههههههههههههههه انت مش شايف الارنب اللى جنبى ده . ده شكله مستحلفلى وهيفضل يقرقض ف دراعى للصبح
سلمى : ههههههههههههههه ماتقاطعش
على : تبيع صحابك عشان سلمى ؟
احمد : اسمها سلمى هانم يا شيلحف انت وهو يلا .. يلا لمو كوركو وفانلاتكو والناحيه التانيه . على الله المح بنى ادم فيكو هنا
..............
( ساره واقفه ف البلكونه منشجحه على روحها )
( مالك ومصطفى وعلى وحسن ومجدى قاعدين بعيد منشكحين وبيتحسروا على شبابهم )
.............
احمد : فين النسكافيه بتاعى ؟
سلمى : وكمان ليك عين تطلب نسكافيه ؟ دانت بارد
احمد : طولة لسان تانى مش عاوز لاحسن هطول لسانى
سلمى : طب ما تطول . ورينى كده هتعمل ايه وانا ارميك ف البحر هنا
احمد : ههههههههههه اهون عليكى يا سوسو
سلمى : اه طبعا تهون جدا . ياسلام . دانت نشفت دمى يا أخى انا مش عارفه هلاقيها منين ولا منين . ارحم امى بقي
احمد : طب وحياة العيون اللى انا مش عارفلها لون دى انتى فاهمه غلط
سلمى : غلط ولا صح مش مشكلتى بقي انت حر
احمد : انا حر ؟ طيب ماشى انا قايم رايحلها ( بيعمل نفسه انه بيقوم من ع الارض )
سلمى : ( بتبصله وبترفع حاجبه )
احمد : لا مافيش حاجه انا كنت بنفض الشورت بس عشان وقعت عليه وانا بلعب
سلمى : هههههههههههههههههههه ( بتضحك ضحكه بعد الكتمه وبتتفضح )
احمد : القمر طلع يا جدعان . والنبى عسل
سلمى : شكرا
احمد : بقولك والنبى عسل
سلمى : ما قولنا شكرا هى شغلانه
احمد : ( بيقرصها من خدودها ) اتعدلى
سلمى : الله ! ماتمدش ايدك عليا يا اخ انت هخنفك والمصحف
احمد : هخنفك والمصحف ؟ انا مش عارف انتى جايلنا من انهى داهيه انتى . اللى يشوف شكلك ومنظرك ورقة امك مايشوفش لسانك اللى عاوز قطعه
سلمى : لااااااه دانت زودتها اوى ( بتنكشه من شعره وبتجرى ف الملعب وبتضحك )
احمد : خدى هنا يا بت وحياة امى منا عاتقك . شعرى يابنت الهبله
........
( بعد جرى دقيقتين احمد بيمسكها )
سلمى : ماتضربش وحياة امك ماتضرب ( بتحط ايديها على وشها خايفه يضربها )
احمد : ههههههههههههههههههه انتى خايفه منى ؟
سلمى : تؤ ! الوحيد اللى بحس معاه بالأمان
احمد : اومال عامله ايدك كده ليه .
سلمى : ده تكتيك يا عديم التكتيك عشان تشوفنى خايفه تقوم حاضنى
احمد : هههههههههههههههههههههه طب وحياة القُصه اللى باينه من تحت الزعبوط ده كنت هعمل كده فعلا ( بيحضنها وهى بتشعلق ايديها ف كتفه من تحت )
حقك على عينى يا قلب قلب قلب قلبي من جوه
سلمى : يا احمد انت ليه مش عاوز تفهم انك بقيت حياتى كلها
أولها واخرها
بدايتها ونهايتها
انت بالنسبالى الكون كله بكل تفاصيله . بغرق وكتاب الله ف ضحكتك وانا جنبك ف هزارك ف كلامك ف تمتمتك لبعض الكلام ف احساسك وخوفك عليا وانا واقفه وسط ناس .. كل ده انا بحس بيه وبتعامل معاك بيه على اساسه
احمد : ههههههههههههههههه يا ست الكل عارف
سلمى : ايه ست الكل دى ! انت على طول تقولى ست البنات
احمد : انتى ست البنات وست الحلوين وست القمرات وست الكل وست قلبى انا
عاوز اقولك على حاجه يا سلمى !
اقسم بالله انا شوفت بنات بعدد شعر راسي وده مش مجاز لا ده حقيقه . بجد كانو كتير البيضا والسمرا الحلوه والوحشه الطويله والاوزعه الرفيعه والتخينه المصريه والاجنبيه لكن نظرتى ليهم كانت نظرة عاديه مافيهاش اى تاثر خارجى ههههههههههههههههه
لكن يمين بالله عمرى ما اتهزيت ولا اتنحنحت من مكانى غير لعيونك
نظره واحده من عينك جابتنى الارض
وانا اللى كنت فاكر نفسي جامد وتقيل ومابقعش بسهوله
عيونك دى سلمت قلبى وجبرته وجابته الارض
ساعتها بس طعم الدنيا الحلو حسيت انى بدوقه لاول مره
اول مره اشوفك فيها وتختفى من قدامى فجأأه قلبى اترعش
اول مره ف حياتى من زمان كنت اخاف
خوفت جدا ان العيون اللى شوفتها وهلكتنى دى ما شوفهاش تانى
خوفت تكونى عباره عن طيف ف حياتى عدى عليا 10 ثوانى عيشت فيهم ف الجنه واختفى تانى
يعنى ايه ؟
مش هشوفها تانى ؟ مش هتيجى تانى ؟ طب هى كانت ماشيه هنا راحت فين واختفت بسرعه ليه ؟
طب اسمها ؟ طب عنوانها ؟ طب ف انهى سنه ؟ انهى كليه ؟
عيشتينى ايام طويله انا حسيتهم سنين
يا لوم الدقيقه ف بعدك عُمر
سلمى : ( بتعيط ) طب بطل تعصبنى بقي ولا تغيظنى
بتعب يا أخى لما بشوف حد بس مقرب منك .. لكن ادخل عليك الاقي واحده متعلقه ف رقبتك وبتقولك دمك عسل يا حمو وشرباتات يا حمو دنا اقتلك واقتلها ( بتقرصه من خده )
احمد : الله ! ايه الغباوه دى ما بوراحه
سلمى : ههههههههههههه طب ركز معايا ثانيه بقي ( بتقرب منه )
احمد : ايه ياعم انت هتاكلنى ولا ايه
سلمى : ههههههههههههه اسكت يا رخم سيبنى متقمصه دور الشريره
" يمين بالله لو شوفتك واقف مع واحده تاني وهئ ومئ وقلة ادب لنا مديالك انت العلقه المره الجايه مش هى ,, وهخذقلك عينيك دى .. اشطا ياسطا "؟
احمد : اشطا يا ريس .. صباح الفل ( بيبلع ريقه )
سلمى : صباح العسل
احمد : وبعدين انتى ماردتيتش ترجعيلى الخاتم بتاعى ليه
سلمى : ابو 2 جنى ده ؟
احمد : ههههههه ايوووه هو ده
سلمى : وانت مالك وماله .. داهيه لاتكون مفكر انك ممكن تاخده منى ف يوم من الايام . ده بقي ملكيه خاصه يا حبيبى . دنا باخده ف حضنى وانا نايمه
احمد : ( بينام ع الارض من كتر الضحك ) هههههههههههههههههههه يابخته
سلمى : اه وبنفضل نشتم فيك ونحسبن عليك حسبنة اد كده ربنا يجعلها من نصيبك
احمد : هههههههههههه ( بيمسك ايديها وبيبوسها ) بتقولى ايه
سلمى : بقول ربنا يجبرك ويراضيك ويسلمك ويخليك لقلبي واقوم بايسه الخاتم وحاطاه جنب قلبي ونايمه
احمد : يخليلى القلب الطيب البرئ ده . ياغواتى
سلمى : على فكره العيال متنحين علينا اعوذ بالله هيحسدونا
احمد : ههههههههه موهومين والله من اللى شايفينه ماهو مافيش بنوته حلوه كده وشقيه كده وطعمه كده وبرقوقه ف نفسها كده .
سلمى : بابا زمانه جاي . قدامه نص ساعه كده ويوصل
احمد : حمد الله على سلامته ونتطمن عليه كلنا يارب
ايه بقي
سلمى : ايه
احمد : الله ! بقولك ايه بقي
سلمى : ايه انت عاوز ايه ياعم
احمد : ( بيمسك ايديها ) وهى دى خلقة الواحد يعوز منها حاجه
سلمى : ههههههههههههههههههههههههه فكرتنى باتنين قرايبى واحد رخم عليهم وقال نفس الجمله دى
احمد : هههههههههههههه قرايبك منين دول
مصطفى : لا مؤاخذه يا حلوين قطعت خلوتكو . امسك يابا القميص بتاعك
احمد : تسلملى يا حبيب اخوك . سخنوا شويه ف الملعب يلا عشان سلمى هتطلع اهى وهنمشى
مصطفى : ياعم اخلص انت احنا متذنبين هناك بسببك وبسببك يا ست سلمى
سلمى : بس يا واد ( بتبص للقميص )
احمد : ايه يابت بتبصى للقميص كده ليه ده بتاعى على فكره
سلمى : مافيش اصل الواد اللى كان بيعاكس البنتين اللى قولتلك عليهم دول كان لابس قميص اخضر زيتى بردو ..... بس كان اسمه صاصا ههههههههههههه اما عجايب
( بتقرب من احمد وهو بيلبس القميص وبتشمشم ف القميص ولا اجدعها كلب بوليسي )
احمد : خضتينى يابنت الجزمه . ايه عاوزه ايه عماله تبصيلى ليه ؟
سلمى : انت كنت ع الكورنيش النهارده ؟
احمد : ايون ! انا ومصطفى اتمشينا شويه
سلمى : احمد !
احمد : نيلة عليا وعلى احمد ... فيه ايه انتى اتجننتى مره واحده ليه يابت
سلمى : انت قطشت حاجبك ده امتى ...!
احمد : ههههههههههههههه النهارده . بس ايه رأيك ..؟
سلمى : يا نهار اسود ومنيل
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020