رواية مهلكتي من جزء 1 : 18

الحلقه الرابعة عشر ( نهاية الجزء الأول ) ) ( مهُلكتى ) ❤ ❤

................
ف الحلقه السابقه :_
احمد : سلمى ! مش اسمها سلمى بردو
منه : اه انت بتسال عن سلمى بقي
احمد : اه ياريت تكون كويسه
ساره : كويسه ماتقلقش .. اهى اهى ورانا اهى . اتأخرتى ليه يا ست سلمى
سلمى : صباح الخير
احمد : اه يانى يامه
............... ( الرابعه عشر ) ❤
سلمى : هههههههههه خير يا ساره عاوزه ايه
ساره : مافيش ! اصل الأخ كان بيسال عليك
سلمى : احححم ! خير
احمد : ( متدهول على عينه ومش عارف يتكلم ) ايه ؟
سلمى : بقول لحضرتك خير . عاوز حاجه
احمد : اه
سلمى : ايه بقي
احمد : ايه
سلمى : ايه انت مش بتقول عاوزنى
احمد : اه
سلمى : ايوه ايه هو الموضوع
احمد : الموضوع ! اه الموضوع ! الموضوع زى القمر وخطف قلبي
سلمى : هو ايه ده يا استاذ
احمد : ( بيفوق من اللى هو فيه وبيهرش ف خدوده ) احححم لا ده موضوع كده وبحاول اشوفله حل
سلمى : طيب واحنا مالنا
منه : ( واقفه بتولع من جواها )
احمد : انا شوفتك مع اصحابك من يومين وبعد كده مظهرتيش . كنتى كويسه ؟
سلمى : ( ضربات قلب سريعه ) الحمد لله . انا باجى كل يوم
احمد : اومال مش بشوفك ليه
سلمى : وهو لازم تشوفنى ؟
احمد : ايه ... لا .. اه
سلمى : انت بتقول ايه
احمد : وحياة ربنا منا فاكر انا عاوز اقول ايه ولا عاوز اعرف ... ( عينه بتلمع و مانزلتش من على سلمى )
سلمى : ( عينيها بتلمع وبتحاول تداريها منه ) طيب عن اذن حضرتك بقي عشان هنفطر
احمد : انا بردو لسا مفطرتش .. عندكو مانع اعزمكو ؟ اهو يبقى عيش وملح
ساره : لا ابدا يا خبر . هو احنا نطول
احمد : ها موافقه ؟
سلمى : هههههههه خلاص بقي هما قالو يعنى انا اللى هرفض
منه : ايه ؟ ومش هتسألنا احنا كمان موافقين ولا لا
احمد : اه طبعا .. موافقين ولا لا يا بنات
اميره : اه طبعا ... بس عاوزه اسالك سؤال . انت مش عارفنى ؟
احمد : ياباشا احنا مانتوصلش للقمر . فكرينى طيب
اميره : انا كنت ف الوكاله بتاعة الحاج طاهر وشوفتك هناك وانت وصلتنى لغاية عربيتى . فاكر ؟
احمد : اااااااااااااه طبعا فاكر . هههههههههههههه ودى حاجه تتنسي
منه : وكنت بتعمل ايه هناك بقي . كنت محاسب بقي ولا ايه ؟
احمد : ( بيبص لسلمى ) لا كنت شيًال
منه : بتشيل وبتحط يعنى ؟
احمد : بشيل وبحط وبحمل عربيات . حديد وخرده وغيرهم .... واشتغلت كتير قبل كده غيرها .. ولو عندكو ف بيتكو عاوزين تطلعو رمل او اسمنت وطوب انا موجود بطلعها انا وزميلى
ساره : ( بتضحك بانبهاااار )
منه : بتتكلم جد ؟
احمد : اه طبعا .. الشغل مش عيب يا ... انتى اسمك ايه ؟
منه : منه
احمد : الشغل مش عيب يا منه طالما راضيين بيه ومش بيقل منك ولا من كرامتك وانا مش شايف فيها عيب .. ولا ايه يا سلمى ؟
سلمى : طبعا يا ..... اححم انت اسمك ايه بقي
احمد : ( بيرفع حاجبه بصياعه ) أمير
سلمى : هههههههههههههه اسمك حلو يا امير
احمد : انا اسمى احمد يا أبله وانتى بقي اسمك ايه
سلمى : ليلى
احمد : ههههههههههه عاشت الاسامى يا ست ليلي
ساره : ( مستمتعه بالحوار ما بينهم وساكته واميره كذلك )
سلمى : ههههههههههههه انا اسمى سلمى
احمد : طب منا عارف
سلمى : وعرفت منين بقي
( هما الاتنين بينسوا ان حد واقف جنبهم )
احمد : عرفت وخلاص
سلمى : ازاى بقي لا لازم اعرف عرفت ازاى
احمد : اهو عملت تحريات عنك
سلمى : عنى ؟
احمد : عنكو ؟ انا قولت عنكو ؟ بما انكو ماشاء الله شله بنات جدعه وحلوين كده ومزز ف نفسكو قولت اسال واعرف مين البنات دى
سلمى : اه قولتلى . هى اى شله بنات كده لازم تجيب ارارهم وتديلهم رقمك ؟
احمد : وحياة امى ما حصل
سلمى : لا حصل وخلينا ساكتين
احمد : ده ده ده كان عشان موضوع تانى كده والحمد لله لقيته
سلمى : اااااه فهمت
احمد : فهمتى ايه بقي يا ابله انتى
سلمى : مالكش دعوه
احمد : ايه ماليش دعوه دى . انا زميلك ولازم تسمعى كلامى
سلمى : هههههههههههههه لسا مابقيتش زميلنا على فكره
احمد : لا يا ماما زميلككو خلاص ...
سلمى : نوو
احمد : طيب هاتى رقمك بقي عشان ابقى افكركو
سلمى : تفكرنا بإيه ؟
احمد : وانا ايش عرفنى . اى ولد بيقول كده لاى بنت لما يبقى عاوز ياخد رقمها
سلمى : هههههههههههههههههههه انت مش سهل على فكره
احمد : وحياة النبى مافيه اسهل منى بس هو انا مرتبك شويه مش عارف ارتب الكلام ولا اقول ايه ولا اروح فين واجى منين
سلمى : ليه كده يا أحمد
احمد : قوليها تانى كده ؟
سلمى : ليه كده
احمد : كملى الجمله
سلمى : هههههههههههههههه ليه كده يا احمد
احمد : عليا النعمه احلى احمد سمعتها ف عمرى كله
سلمى : دى اسمها معاكسه على فكره
احمد : منا لازم اعاكس دنا يبقى ماعنديش دم لو ماعكستش
سلمى : شكلك بيًاع كلام
احمد : انا ؟ خالص
( منه وساره واميره ومروه متابعين الحوار وايديهم على خدهم .... احمد وسلمى مش حاسين بوجودهم خالص )
سلمى : ايوه انت شكلك بيًاع كلام وبتاع بنات
احمد : بنات ؟ بنات ايه ياعم هى بنت واحده وقلبى كان مقفول ليها هى بس
سلمى : اممممممممم . ماشى يا احمد
احمد : حمو ! قوليلى حمو ..
سلمى : حمو ؟ حلو حمو ده ...
احمد : ( بيبص على شفايفها وهى بتنطق اسمه ) ويخلق مالا تعلمون
سلمى : ههههههههههههه بتقول حاجه
احمد : عمرى ما قولت حاجه
سلمى : هههههههههههههههههههه انت بتضحكنى على فكره
احمد : الجو النهارده حلوه
سلمى : ايه ؟ الجو النهارده حلوه ؟ ايه حلوه دى جبتها منين . اسمها حلو . جميل يعنى
احمد : لا مانتى ماتمسكليش على كل كلمه دلوقتى . انا مخارج الحروف عندى راحت ف داهيه
سلمى : هههههههههههههه اشمعنى بقي
احمد : ياستى ماقولتلك ماتركزيش معايا النهارده
سلمى : ماشى يا حمو
احمد : ( بيبص على كل وشها )
سلمى : ( بتتكسف وبتبص ف الارض )
احمد : ايه اتكسفتى
سلمى : هتكسف من ايه ؟ انت عملت حاجه تكسف
احمد : يعنى عشان ببصلك وكده يعنى
سلمى : عادى فيها ايه . انت بتبص لاختك وزميلتك
احمد : ببص لمين
( ساره كاتمه الضحك بالعافيه )
سلمى : اختك ( بتعض على شفايفها وماسكه نفسها بالعافيه )
احمد : ايه ده هى سالى اختى جات هنا
سلمى : سالى اختك مين . لا انا بتكلم عليا
احمد : اه يعنى الجمله اتقالت صح بقي مش انا اللى وقعت على ودنى ولا حاجه
سلمى : ههههههههههههههههه ايه مالها الجمله
احمد : ( بيعض على شفايفه )
سلمى : هو انا مش ف مقام اختك ولا ايه يا استاذ
احمد : ان شاء الله
سلمى : انشالله ايه بقي ؟
احمد : على فكره انا راسي بتسخن بسرعه ف مش عاوز كتر كلام
سلمى : هههههههههههههههههههه وراسك بتسخن من ايه بقي ان شاء الله
احمد : الضغط لما بيعلى عليا بعييييد عنك . بتمرمط
سلمى : هههههههههههههه الف سلامه عليك من الضغط العالى .. هات رقمك بقي عشان اسجلك
احمد : اكتبى عندك
ورينى سجلتينى ايه
كاتبه ايه
سلمى : " حمو اخويا "
احمد : لا امسحيه خلاص مش مديلك ارقام انا وماتتصليش عليا .. اقولك على حاجه . اقطعى علاقتك بيا
سلمى : ههههههههههههههههههههههههههه انت مالك يا عم زعلان ليه من كلمة حمو اخويا .. عاوزنى اسجلك ايه يعنى
احمد : اكتبى " حمو زى اخويا "
سلمى : هههههههههههههههههههههههههههههه ( غصب عنها صوتها بيطلع فضيحه )
احمد : الله اكبر . ايه الضحكه دى
سلمى : هههههههههههههههههههه سورى معلش . انت فظيع على فكره
احمد : اه . من أولها كده نبقى حاطٍين النقط على الحروف عشان محدش فينا يجراله حاجه
سلمى : ماشى يا حمو
احمد : انتى عينيك حلوه اوى على فكره
سلمى : احححم متشكره . انت عمال تكسفنى م الصبح على فكره وانا ساكته
احمد : كل ده وساكته ؟ حرام عليك
سلمى : اه والله ساكته وبعدين انت عينك كمان ماشاء الله
احمد : ماشاء الله ايه ؟
سلمى : احححم
احمد : احححم ايه هو ايه اللى احححم . والنبى منا مححححم خالص غير لما اعرف
سلمى : هههههههههههههه الله ! عاوز ايه انت دلوقتى
احمد : انتى قولتى عينى ماشاء الله وسكتًى .. كملى الجمله لو سمحتى
سلمى : ما خلاص بقي يا عم
احمد : لاء
سلمى : حلوه
احمد : عارفه ! قريت روايه كده من فتره كان اسمها مهُلكتى
الروايه دى عظيمه جداااااا .. كنت كل ما ادخل اقراها افصل بره العالم
واتخيل نفسي كما البطل بالظبط
وماكنتش اعرف انى هكون البطل فعلا
سلمى : البطل ؟ وبطل ايه بالظبط ؟
احمد : والله العظيم انا البطل بحذافيرها
كل اللى حصل ف الروايه حصل معايا ومازال بيحصل
سلمى : اححححم ! طب ما تحكيلى .. انا بحب الروايات على فكره ومأدمناها
احمد : ياستى وعد ودين ف رقبتى انى اكتبلك وبإسمك روايه لعيونك
سلمى : انت بتعرف تكتب ؟
احمد : هههههههههههههههه على قدى
سلمى : يعنى بتعرف تكتب زى الناس اللى بتقرا ليهم
احمد : هههههههههههههه ما قولتلك على قدى ..
المهم خلينى احكيلك عن البطل والبطله بتوع الروايه شويه
سلمى : ياريت كمل . شكلها حلوه أوى
احمد : جدا .. ( بيبص لعيونها ) هى من ناحية حلوه ف هى حلوه جدا بصراحه . زى القمر
سلمى : ( بتتكسف وبترفع حاجبها زي رفعة حاجبه بالظبط ) هى ايه بقي اللى حلوه
احمد : الله الله الله ! انت بتعرفى ترفعى حاجبك زى منا برفعه بالظبط يخرب عقلك
سلمى : هههههههههههههههه ضيف عندك ياسيدى اهو حاجه كمان بعملها زي مانت بتعملها
احمد : معنى كده ان فيه حاجه كمان
سلمى : ( بتهز راسها ) امممممممم
احمد : هى ايه بقي ؟
سلمى : لا بقي اعرفها لوحدك
احمد : وحياة أغلى حاجه عندك قولى
سلمى : موافقه بس بشرط ...... لو قولت مين اغلى حد عندى هقولك . لو ماقولتوش يبقى مش هقول
احمد : ( بيتووووووووووووووووووووووه وبيسرح وبيكلم نفسه : طبعا مش معقول يكون قصدها عليا .. ) باباك
سلمى : بابي بحبه جدا طبعا مافيش كلام اكتر من اى حد .. بس انت
احمد : انا ايه ؟
سلمى : قصدى يعنى انت ماقولتش الاجابه الصح
احمد : مامتك طيب ؟
سلمى : خلاص بقي ياعم انت هتخم .. كمل الروايه بتاعتك
احمد : اه فكرتينى
البطل فضل جزء كاااااااااااااااامل من أجزاء الروايه يدور علي البطله
يروح هنا تيجى هناك يروح هناك تيجى هنا
روشت ابو اللى خلفوه
جننته .. فضل يكلم نفسه
شغًل امه معاه داعيه .. قالها مالكيش شغلانه غير انك تدعى ان ربنا ينولهاله
ليه بقي ؟ كان شافها لثوانى معدوده
ثوانى مطبوعين ومحفورين ف قلبه كما الوشم
عاش فيهم بره الدنيا ..
خطواتها وهى ماشيه حاضنه كتبها كانت خطاوى بتخطى بيها على قلبه
خطفته من اصحابه من حبايبه من نفسه
من الدنيا كلها
دور عليها ف كل مكان
الشمس سيحت نافوخه وهو قاعد على بوابة ال..... بوابه المكان اللى شافها فيه سال يمين وشمال وف كل حته
ربنا رزقه بعلبة تونه فضلت تبعته هنا وهنا
سلمى : ( بتبص على ساره وكاتمه الضحكه )
احمد : علبة التونه دى جننت امه ماكنتش راضيه تريح قلبه وتقوله على مكانها
سلمى : هو ازاى علبة تونه تكون عارفه مكان البطله ياعم
احمد : عالم رخمه بقي نعمل ايه
لو اقولك انها فعلا كانت المهُلكه بتاعته مش هتصدقينى
سلمى : هو ممكن اخد منك الكتاب ده اقراه
احمد : كتاب ايه ؟
سلمى : الروايه
احمد : روايه ايه
سلمى : ايه يا عم . رواية مهُلكتى
احمد : ااااااااه . حاضر ان شاء الله
سلمى : المهم طيب كمل الروايه
احمد : لا ... الاحسن انك تقرأيها انتى وتتابعيها . حلقه حلقه
سلمى : اممممممم معاك حق . انت كده هتحرقهالى ...طب بص . اقرالى جمله من الروايه بس تكون بعد ما البطل لقا البطله
احمد : هقولك جمله فاكرها كويس جدا لانى دايما كنت بحب اقراها
سلمى : ماشى
احمد :
" عيشى ف الدنيا حره .. راسك مرفوعه . ضحكتك متصانه .ماتشيليش هم حاجه ف الدنيا . انا هصلح كل اللى هتعمليه غلط ... وراك واحد مستعد يفديك بعمره ... والله العظيم بعمره "
سلمى : يااااااه اد ايه الكلام حلو .. لا ياعم انت لازم كل يوم تحكيلى حته منها
احمد : سلمى !
سلمى : ( ف سرها بتقول : عيونها ) .. نعم
احمد : انتى عارفه ان الواحد مننا كشاب بيحس بشويه احساسات كده كل فتره وبناءا عليه بيحدد هو رايح فين ولا جاى منين
سلمى : انا مش فاهمه حاجه
احمد : سيبينى أكمل
سلمى : كمل
احمد : ( بيبص على شفايفها وخدودها ) الواحد ان ماكنش قمر ف نفسه كده ماينفعش يتقال عليه انه كان نايم
سلمى : ( مسخسسخه على روحها )
احمد : هو انا بقول ايه
سلمى : ( مسخسخه ومش قادره تتكلم ومكسووووفه جدا )
احمد : لا اللى اقصده يعنى ان البنى ادم فعلا لازم يكون على درايه بالموضوع وانه لازم يعافر عشان يوصل للموضوع بتاعه من غير كلً ولا تعب
سلمى : طبعا
احمد : ف انا اهو ياستى بقولك وبكل تجًرد وأنا ف كامل قواى العقليه اننا لازم
سلمى : لازم ايه بقي
احمد : لازم نروح نفطر
سلمى : صح . انت صح انا بقول كده بردو يا حمو ياخويا
احمد : يجيلك ويحط عليك يا جبله يا بارده
سلمى : ( ضحكة رقاصات عاليه جدا ) ايه ياعم
احمد : تعالى بس نفطر الاول احنا واصحابك .... احيه هما فين اصحابك صحيح . ( بيبصلهم بيلاقيهم مركزين معاهم ) يا فضيحتى
منه : كملو كملو احنا واقفين
ساره : ( بتنفجر م الضحك )
مروه : ههههههههههههههههههههههههههههههههه وربي هموت م الضحك
اميره : ههههههههههههههههههههههههههههههه يا دين النبى ههههههههههههههههههههههههههههههه انا واقفه ماسكه بطنى من ساعتها
سلمى : ( بتتكسف ) انا بقول نفطر احسن مش كده يا حمو
احمد : فعلا . احنا كلنا لازم نفطر . احلى حاجه ف الدنيا هى الفطار
منه : ( بتطلع نار من وشها )
احمد : هنفطر بقا ونروح اعرفكو على اصحابنا . شله بنات وشباب زى الورد وهتحبوهم أوى
ساره : متحمسه جدا .. ادينا رقمك بقي
احمد : الرقم مع سلمى . هى تبقى تديهولك
ساره : والله ! طب مش عاوزه .. ومحدش هيتصل عليك
احمد : ههههههههههههههههههههه .ايه محدش هيتصل عليا دى .. الهى يسد نفسك
سلمى : على فكره انا بقفل التليفون اول ما بدخل البيت
احمد : الهى يسد نفسك انتى كمان
المهم تعالو بقي اعرفكوا على اصحابنا علشان هيبقى عيش وملح ونبدأ سنين الكليه واحنا مع بعض كلنا .
منه : ( ف سرها : والله ما يحصل )
(فريده بتبص عليهم من بعيد : الله ! كده إحلوت أوى )
....................
رأيك ف الحلقه وف الجزء الأول
الي اللقاء في الجزء القادم

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020