( الحلقه الخامسه ) ( صوت وصورة ) ❤ ❤
................
( في الحلقه السابقه )
سلمى : فيه ايه ؟ انتو مين ؟
( كل ده واحمد معاها على الخط )
صافى : ( واحده من البنات ) احنا كنا جايين نتطمن على احمد هو موجود ؟
سلمى : احمد ؟ وانتوا تعرفوه منين ؟
( ع القهوه احمد بيسمع الحوار بيقوم من على الكرسي وبيبلع ريقه )
صافى : احنا اصحابه ... هو موجود ولا لا . واحشنا اوى .. انتى اخته صح ؟
سلمى : انا اخته اه ... تعالو تعالو اتفضلوا هو يوم باين من أوله
............................ ( الخامسه ) ❤
احمد : الو ! انتى يابنتى ؟ انتى بتقولى لمين اتفضلوا
سلمى : لا انت تعالى شوف بنفسك .. ناس عاوزينك . تعالى بسرعه ماتتأخرش
احمد : ماتأخرش ايه انا مش جاى اساسا
...............
سلمى : بقا انتى يا قمر انتى وهى تعرفوا احمد من زمان
صافى : اه ! من زمان اوى
ام احمد : مين يا سلمى . ؟
سلمى : دول اصحاب ابنك جايين يشوفوه اصله واحشهم
ام احمد : اصحاب ابنى ؟ تعالو يا حبايبى اتفضلوا انتو مين
صافى : معلش يا طنط بقا هو شكل احمد مش موجود كنا جايين نتطمن عليه بس سمعنا انه كان ف المستشفى وقبلها كان مر بظروف وحشه
ام احمد : طب تعالو اتفضلوا اشربوا حاجه ... احححم . دخليهم يا سلمى .. سلمى انتى فين ؟
سلمى : ( بتنده من المطبخ ) جايه اهو جايه هشوفهم بس هيشربوا ايه
سالى : ( بتضحك )
سلمى : ( بتخرج من المطبخ ومعاها خرطوم كبير كان ف بلكونة المطبخ وبتنزل عليهم ضرب ) بقا واحشكوا يا ولاد الكلب ؟ دنا هطلع كل العفاريت اللى ساكنه جتتكوا دى
( وبعد علقة محترمه استمرت اكتر من دقيقتين .. البنتين بينزلوا وام احمج بتمسك الخرطوم من سلمى وبتسكتها )
....
ام احمد : انتى يابت انتى مش هتهدى ؟ ايه اللى انتى بتعمليه ده ؟
سلمى : اعمل ايه ف ايه ؟ انتى مش شايفه عمايل ابنك ؟ ايه القرف ده
ام احمد : وهى بقا اى واحده هتيجى تقول انا صاحبة فلان تبقي صاحبته فعلا . ما يمكن اللى بعت البنت اللى فاتت هو اللى باعت البنتين دول .. انا مش فاهمه فيه ايه اصلا ؟ مين دول ؟
سلمى : شوفتى ... برن على المحروس ابنك مابيردش
ام احمد : هههههههههههه ومش هيرد .. مانتى قولتى انه كان سامعك وانتى بتدخلى البنتين
سلمى : نهار امه طين معايا ... انا كنت اصلا هدخل البس وانزل بس والنبى منا نازله .. هبات معاكو النهارده ...
....................
( ع القهوه )
مصطفى : هههههههه شكلك حلو وانت قاعد مبلول كده
احمد : ربنا يهدها .... امى اتصلت عليا وبتكلمنى بصوت واطى خايفه ل سلمى تسمعها بتقولى البنت اتجننت مسكت الخرطوم ونزلت على البنتين هريتهم ضرب ... ايه ده ؟ لا وبتقولى انه ماسكه الخرطوم وقاعده على باب الشقه ... مستنيانى ....
مالك : ههههههههههه بتحبك ياسطا بتحبك
احمد : بتحبنى ايه يا عم ؟ دنا شعرى قرب يشيب منها
حسن : بس تصدق بالله .. عليا النعمه انت ماينفعلك غيرها فعلا ... قادره تربيلك الهسهس كده وتكلم نفسك وتخاف منها
احمد : والله مربيالى الهسهس ده يا عم حسن . دنا بحلم بيها بتجرى ورايا وبتضربنى .... لا وكله كوم بقا لو فيه بنت جديده عرفتها صدفه او قابلناها ف الجامعه او اى اكشن .... بحس ان سلمى هتطلع مطوه تغزنى بيها ... دا ايه ده ياعم ؟
على : طب ماتقوم تروح هههههههههههههه
احمد : بتحبنى انت اوى يا علوه ... لا ياخويا انا هبات ع القهوه هنا ... هات الدومينو يا كريم والنبى .... استنوا استنوا . .. الو
ايمان : أيووو
احمد : ما علينا .... بقولك ايه يا حبيبة اخوك . عاوزك ف خدمه
ايمان : اؤمينى يا قيبي
احمد : ايه ؟ اه ... بقولك روحى البيت عندنا اقعدى مع سلمى واخواتى ... وحاولى تخلى سلمى تضحك كده وتصلى ع النبى
ايمان : هههههههههههههه مشبشبالك ولا ايه ؟
احمد : لا مش مشبشبالى ... دنا بس اللى خايف اروح وهى هناك
ايمان : هههههههههههه حاضي .. هيبس وايوحيهم اهو
احمد : هتعملى ايه ؟
ايمان : بقولك هيبس .. وهيوحيهم .. هيبس ... هيبس هدومى يعنى
احمد : اه .. طب إيبسي بسيعه بقي .. الله يخربيت امك لسانى هنج هو انا ناقصك
ايمان : هههههههههههههه
.......................
منه : الو ! بقولك يا ديدا .. هى سلمى فين ؟ رنيت عليها كتير اوى مابتردش
فريده : مش عارفه .. بس البت ساره هتلاقيها عارفه ..
منه : اها .. طيب هرن على ساره اتطمن
فريده : وابقي ردى عليا .. لو لقيتيهم عند احمد ابقي عرفينى ونروح نقعد معاهم شويه
منه : بقولك ايه .. إلبسي . سواء سلمى هناك ولا لا هروح
فريده : خلاص اشطا .. ربعايه وابقي جاهزه . هتعدى عليا ؟
منه : اه هعدى عليك . بسرعه بقا
.............
منه : الو !
ساره : ايه يا منون
منه : ايه يا سوسو عامله ايه يا حبيبتى
ساره : بخير والله ... بنضف البيت انا وماما لما طلعت روحى
منه : ههههههههه ربنا يعينك .. بقولك هى سلمى فين ؟ برن عليها مابتردش
ساره : ف البيت هناك عند احمد ... راحت تتطمن على الغرز اللى ف دماغه
منه : طيب وانتى ماروحتيش
ساره : كنت رايحه والله بس امى زنقتنى بقي ف تنضيف البيت ..
منه : طيب انا وفريده رايحين .. تيجى معانا ؟
ساره : ياريت ... تعدى عليا ف سكتك ؟
منه : اه .. ربع ساعه واكون عندك . بسرعه بقا ...
..........................
( ع القهوه بعد حوالى 30 دقيقه )
احمد : الو !
مى : اححم . الو .. ازيك يا احمد ؟
احمد : الحمد لله .. مين معايا ؟
مى : انا مى .. اللى جيتلك النهارده وانضربت
احمد : ( بيكتم الضحكه ) اه . اهلا يا مى .. انتى جيبتى رقمى ازاى
مى : ماتسألش يا احمد .. المهم انا كنت عاوزاك ف موضوع مهم بجد
احمد : خير يارب
مى : مش هينفع ف التليفون .. ممكن اشوفك
احمد : ( بيسكت لثوانى وبيفكر هى عايزه منه ايه ؟ )
مى : مارديتش عليا ؟ ممكن اشوفك ؟
احمد : تمام .. امتى ؟
مى : لو ينفع دلوقتى
احمد : دلوقتى دلوقتى ؟
مى : صدقنى الموضوع مهم والله مش هتندم .. فيه خير ليك
احمد : اها .. تمام .. خلاص تمام ... اعدى عليك فين ؟
مى : لا انت مش هتعدى .. انا واقفه قصادك اهو الناحيه التانيه ف عربيتى .. العربيه الحمرا
احمد : ( بيبص باستغراب ناحيه الطريق التانيه ) اه شوفتك . انتى هنا من امتى
مى : انا كنت معديه بالصدفه . مستنياك
احمد : تمام ..
...
احمد : بقولك ايه ياض انت وهو . انا رايح كده اشوف البت دى عاوزه ايه وجاى ... قلبى مش مرتاح ... خمسه وجاي
مصطفى : هتتحرك معاها ؟
احمد : لا مش هتحرك . انا هشوفها ف عربيتها
.............
احمد : ( بيقف الناحيه التانيه من باب عربيتها وبيكلمها وهو واقف بره العربيه ) اخبارك ايه
مى : بخير الحمد لله ... هتفضل واقف ؟ اتفضل اركب
احمد : ( بيبصلها وهو متردد وبعدين بيركب العربيه ) تحت امرك .. اتفضلى
مى : اولا انا جايه اتاسف على اى سوء فهم عملته وسببلك احراج مع اى حد
احمد : حصل خير ماتشغليش بالك المهم ايه الموضوع اللى كنتى عاوزانى فيه
مى : طيب نعدى نقعد على كافيه طيب نشرب اى حاجه ونتكلم
احمد : هو ماينفعش هنا
مى : ههههههههههه ماتخافش مش هخطفك .. بس بجد الموضوع مُهم .. مش هتندك صدقنى
احمد : طيب فيه كافيه كمان خمسين متر هنا اتفضلى
مى : لا !! فيه مطعم حلو كمان 200 متر لسا فاتح من حوالى اسبوعين بس تحفه
احمد : اه عارفه . بس مطعم ايه ؟ ايه اللى هيودينا المطعم دلوقتى
مى : تعالى بس مش هتندم
احمد : ( ولسبب ما .. بيسكت وعاوز يجيب اخرها لانه مش مرتاحلها ) تمام .. مش مشكله . اتفضلى
........................
( ف المطعم )
مى : ايه رايك ف المطعم ؟
احمد : لا ماشاء الله الديزاين بتاعه مختلف ومبهج كده كفايه انه ع البحر وبعدين الظاهر ان حاجتهم نضيفه والاستاف كمان شكلهم خبره
مى : ده حقيقي
احمد : خير ... اؤمرى ايه بقا الحكايه ؟
مى : حكايه ايه ؟
احمد : الموضوع المهم اللى انتى عاوزه تكلمينى فيه
مي : منا خلاص كلمتك عن الموضوع وانت قولتلى رايك
احمد : مش فاهم الصراحه
مى : المطعم ده كله بتاعى ... وحابه انك تشاركنى فيه
احمد : ( بيرجع ضهره لورا ) اشاركك فيه ازاى ؟
مى : يعنى تشتغل معايا
احمد : عندك يعنى ؟
مى : لا ! معايا . وجنبى .. وكتفى ف كتفك .. والمكسب اللى يطلع بالنص
احمد : مش فاهم بردو
مى : يعنى تشتغل معايا يا احمد ونتشارك ف المطعم ده
احمد : وانا ادخل معاك شراكه بناءا على ايه ؟ وبإيه ؟
مى : انا عاوزه حد ف ضهرى ومعايا . يتابع الشغل والحسابات . حد فاهم ف شغل المطاعم ويعرف فيه اوى ومحدش يقدر يستغفله ... لانى مش مآمنه لاى حد من الناس اللى شغاله هنا .. وانت عارف ان ده أكل .. يعنى سهل جدا ان حد يسرق ويمد ايده من غير ما حد يعرف
احمد : طيب .. يبقي اسمها اشتغل عندك ... مش معاك ولا شريك .ده الوصف الصح ..
مى : غلاوتك عندى ماتسمحليش انى اقول عليك انك هتشتغل عندى .. انا عندى استعداد اكتبلك المطعم ده بإسمك انت حالا لو انت ترضي
احمد : ( بيبتسم ) انتى مين يا مى ؟ وعاوزه منى ايه ؟
مى : عاوزه ابقي جنبك
احمد : اشمعنى انا ؟
مى : لانى مش عاوزه غيرك ... انت ناسي ولا بجد فقدان ذاكرتك اللى فات نساك خالص اللى كان بينا زمان ؟
احمد : كان بينا زمان ؟ انا اول مره اشوفك كنت ف الحبس
مى : طيب حاول تفتكر كده الحكايه اللى قولتهالك .. افتكرها انت .. شوف انت ف اليوم ده انقذتنى لوحدى ولا انقذت حد تانى معايا
احمد : ( ف الوقت ده احمد بيبدا فعليا يفتكر لان ذاكرته مكنتش ف افضل حاله وهو محبوس ) هو انتى ....
مى : ( بتبتسم ) اه انا .. انا البنت اللى انقذتها من انها تموت وبعدها بدقيقه انقذت امها بردو من الموت
احمد : ( فعليا بيفتكر كل حاجه ) تصدقى انى دلوقتى ابتديت افتكر فعلا ..
مى : هههههههههههه انا عارفه انك مش بتفتكر كل حاجه بسهوله من وقت فقدان ذاكرتك السنه اللى فات ...
احمد : معلش .. عندى انا دى
مى : مش فاكر بقا بعدها كنا بنتقابل ولا لا
احمد : لا ده مش فاكره معلش . لانه محصلش .. انا لسا ماتجننتش ههههههههههه انا دلوقتى افتكرت فعلا الموقف اللى حصل من سنين لكن انا من بعدها ماشوفتكيش غير اول مره وانا محبوس ...
مى : لا ! انا كنت بشوفك كل يومين .. واعدى عليك وانت قاعد مع اصحابك .. من وقت ماكان عمرى 14 سنه لغاية دلوقتى ما عندى 21 وانت 22
احمد : طيب ! يعنى انا مقولتش حاجه غلط . انا ماشوفتكيش
...
( على الترابيزه المقابله إحدى صديقات سلمى ومنه وفريده قاعده مع واحده صاحبتها )
منى : هههههههههههه عارفه مين الواد الحليوه اللى قاعد وراك ده يا فاطمه
فاطمه : مين ؟
منى : ده واد صاحبنا مصاحب اجمل بنات ف الجامعه كلها ... ومش بس كده . كلهم بيغيروا عليه
فاطمه : ( بتلتفت وراها )
منى : زى مانتى بقا انا بحاول اخبى وشي عشان مايشوفنيش
فاطمه : بس مين اللى قاعده معاه دى . واحده صاحبتكوا ؟
منى : لا . دى اول مره اشوفها ...
فاطمه : لا بس باين عليها مبسوطه ... يكونش عاوز يقلبها ف قرشين ههههههههههههههههه
منى : تؤ .. الحكايه فيها إن ( بتضحك ب شر ) استنى استنى . انا هصوره وابعتها للبت منه واسألها هو حمو بيعمل ايه مع البت الجامده دى دلوقتى
فاطمه : هههههههههههههههههه دانتى كهينه ...
منى : بحب انا الحاجات دى استنى .. زى مانتى بقي هصورهم من غير مايشوفنى ... بس يارب الصوره توصل ل منه كويس التليفونات دى زفت
.........................
سلمى : انتى جايه تستعبطى عليا يا روح امك ؟ هو اللى باعتك صح
ايمان : هههههههههههه صح .. بيقولى يوحى شوفيها كده وحاولى تضحكيها
سلمى : ( بتبتسم ) لا منا مش سايباه النهارده
ايمان : حرام عليك بقا يا بت انتى .. ايحمى الواد شويه
سلمى : أيحمه ايه ... ده هو اللى بيحب يجيب لنفسه التهزيق .. قومى شوفى مين اللى بيخبط
ايمان : ( بتفتح الباب ) اهيا .. اهيا بالقميات
منه : ازيك يا منون .. واحشانى يابنتى
ام احمد : اهلا بالحبايب .. انا بجهز العشا اهو . هنتعشي سوا بقا
فريده : ايه ! الفنان مش هنا ولا ايه
سلمى : ده من بعد العصر وهو بره .. قاعد مع المقاطيع التانيين
ساره : ازيكو يا جماعه ... والله بقيت بحس بالدفا وانا هنا معاكو .. الجو تلج بره تلللللج
سلمى : خلاص احنا نتعشي سوا بقا وهو يبقي ييجى براحته .. حتى ييجى يوصلنا وخلاص
.......................
احمد : بصى انا منكرش انى كنت قلقان منك من ساعة ما شوفتك بس بعد ما افتكرت .. او بعد مانتى فكرتينى بالموقف اللى حصل من سنين .. تقدرى تقولى اتطمنت شويه من ناحيتك
مى : ( بتبتسم وبتقرب ايديها من ايده ولسا هتمسكها .. بيبعد ايده بيحطها ف جيب الجاكيت ) يعنى موافق تشتغل معايا هنا
احمد : للأاسف مش هينفع
مى : ليه بس .. مانت لسا قايل بنفسك انك كنت قلقان منى واتطمنت وعرفت انى نيتى ناحيتك كلها خير والله
احمد : انتى انسانه كويسه وانا بجد اتشرف انى اشتغل معاك او انى اشتغل ف مكان محترم وكويس زى ده بس مش دى القضيه
مى : اومال ايه ؟
احمد : هى مُعضله .. شغلى عندك هنا هيزعل منى حد غالي عليا ... وانا بصراحه مقدرش ازعله
مى : سلمى مش كده ؟
احمد : بالظبط ... واديك بنفسك شوفتى اللى حصل منها بعد مرتين شافتك فيهم
مى : طيب انت بينك وبينها حاجه ؟
احمد : زميلتى . صاحبتى اللى يهمنى أمرها ويهمنى انى مكونش سبب ف زعلها ...
مى : طيب انا عاوزاك معايا بجد .. اشتغل معايا هنا وانا اُقسملك ان محدش هيعرف انك بتشتغل معايا او ان المطعم ده اساسا ليا علاقه بيه
..........................
سلمى : منه ! تعالى شوفى تليفونك . عمال يرن .. حد بيبعتلك رسايل
منه : فين ؟ ناويلهولى طيب
سلمى : خدى
..........
منه : ( بتبص للرساله وللصوره وبتضحك ) هو انتوا متأكدين ان الفنان قاعد مع المقاطيع اصحابه ع القهوه
سلمى : اه .. ليه ؟
منه : طب خدى شوفى كده قاعد مع مين بالصوت وبالصوره هههههههه
سلمى : ( بتبص ووشها بيحمر ) سالى ! ناولينى شنطتى من جوه بسرعه ....
...................
مى : طيب ممكن تفكر تانى طيب .. وانا لسا عند كلمتى محدش هيعرف ان المطعم ده تبعى او هظهرلك تانى . هيكون اللى بينا شغل بس وهتستفيد كويس جدااا . انا مش عايزه حاجه غير انى اريحك والله . وعارفه انك تعبت وشقيت ياما
احمد : الموضوع بالنسبالى مش موضوع فلوس .. الحكايه حكايه مشاعر وصدق وانا ماتعودتش اكون فيه حاجه مخبيها عن اى حد . مابالك بقي بسلمى .. وبعدين هى مابتتفاهمش وحقها الصراحه .. وانا مديها الحق ده
مى : طيب فكر تانى او اقولك هــــ
احمد : ثانيه واحده معلش هرد على التيفون .. الو !
ام احمد : انت فين يا حيلة أمك
احمد : ع القهوه مع العيال .. شويه وجاى
ام احمد : عيال مين يابن المفضوحه .... امشي من عندك دلوقتى . سلمى عرفت انك قاعد ف المطعم مع البت اللى رنتها علقه الصبح وجايالك ف السكه هى والبنات ... امشي من عندك بسرعه دى واخده معاها سكينة المطبخ
احمد : بتقولى ايه .. طب سلام سلام
مى : فيه حاجه ولا ايه . ؟
احمد : بقولك ايه ! بتعرفى تجرى ؟
...........
يتبع
ياسطا انا لو أطول اجرى معاك هجرى
أنت تقرأ
رواية مهلكتي من جزء 1 : 18
قصص عامة#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى
