رواية مهلكتي من جزء 1 : 18

الجزء_الثامن (الحلقه الخامسه ) ( هوب هوب ) ❤ ❤

................
ف الحلقة السابقه :_
احمد : الو ! ايه يا شقيق الدنيا
ايمن : تمام يا حب . كل اللى طلبته عملته ... عدى عليا بكره ولو تعرف تعدى عليا النهارده انا سهران ف البيت تعالى ..
احمد : داخل عليك ... 10 دقايق بالظبط وهتلاقينى تحت البيت
ايمن : تمام .. انجز عشان انا ركبت تليفونه وعرفت هو متلقح ف انهى مصيبه
.............. ( الخامسه ) ❤
( ف بيت ايمن )
( ايمن ده صاحب وجار أحمد .. مهندس كومبيوتر وعنده 32 سنه متزوج وعنده طفلين )
ايمن : اهلا تعالى يا حمو ... حمد الله ع السلامه يا راجل .. انا مارديتش اجيلك عشان انت مش عاوز حد يشوفنى معاك الفتره دى هههههههههههه زى ما يكون هنعمل جريمه
احمد : فين البت لي لي بنتك
ايمن : اهى ياخويا زى القرده اهى بتلعب ... لي لي تعالى . حمو جه
لي لي ( 5 سنين ) : حموووووو جبتلى ايه معاك
احمد : ههههههههههههه خدى ياستى جبتلك السوكولاته دى
لي لي : هييييييييي
احمد : خدى دى اديها ل زياد اخوك ودى اديها لماما يلا اجرى
ايمن : كل دول ل لي لي لوحدها ... اجرى يلا ادخلى لماما وقوليلها تجيب الشاي .. تعالى يابو حميد معايا
احمد : يلا
.............
احمد : عملت ايه بقي من الاول للاخر
ايمن : بص يا سيدى ! اولا كده وقبل ما اقولك اى حاجه قولى انت ناوى على ايه عشان لو ناوى تضيع نفسك ومستقبلك انا مش هساعدك ف اللى هتعمله
احمد : وانا من امتى ضيعت نفسي ياعم ايمن .. انا ورايا عيله . ورايا أم وبنتين لوحدهم وانا الوحيد اللى باقيلهم ف الدنيا .. مقدرش اضيع نفسي مش عشان خاطرى . لا عشان خاطرهم .. وف نفس الوقت هاخد حقى .. وأخد الحق حرفه زى مانت عارف وانا مقدرش اعيش وحقى مسلوب منى . اموت فيها
ايمن : يعنى توعدنى انك تاخد حقك بطريقه ماتضيعش نفسك فيها
احمد : حاضر اوعدك .. قول بقا وبطل رخامه لاشكيك لمراتك اخليها تطرقعلك . دى جارتى قبل ماتكون جارتك هههههههههه
هاجر ( زوجة ايمن وجارة احمد بردو ف نفس المنطقه 26 سنه ) : ( بتدخل عليهم معاها الشاى ) انا سامعه سيرتى جايه
احمد : اه ياستى جوزك عاوز يتجوز عليك وانا بحاول اخليه يطير الفكره دى من دماغه
هاجر : وحياة امك انت وهو
ايمن : ولااه ! اسكت يالا
احمد : وانا اقوله يا عم ايمن انت معاك ست البنات تعمل فيها كده
ايمن : ابوس ايدك اخرس
احمد : ابداااا اسكت ...حتى اسمها منى ومعاه ف الشغل
هاجر : هو عرف منين انك ليك زميله اسمها منى ؟
ايمن : والمصحف ما اعرف
احمد : ( بيوشوش ايمن ) ايه ده انت معاك بجد واحده اسمها منى ؟
ايمن : شوفت
احمد : طيب انا قايم مروح بقي اجيلكو وقت تانى
هاجر : تروح فين ؟ اقععععععد .. احكي تعرف ايه
احمد : هههههههههههههههه احكيلك الموضوع من الاول ولا لما بداو يتفقوا ع الجواز
هاجر : من الاول
ايمن : ( وشه قلب احمر )
احمد : خير اللهم اجعله خير لما بدا المعلم ده ييجى يقعد ع القهوه معانا ويسرح كتيييييير جدا . دخلت اكلمه اشوفه ماله انتى مزعلاه ولا ايه ولا ايه الحكايه ... لقيته خر بكل حاجه وكل كلمه .. قالى انا معجب بواحده زميلتى وعاوز ادخل الباب من بيته .. ايوه ايوه قالى الباب من بيته فعلا .... وانا اقوله ابداا .. ابدااااا استحاله اسمحلك تعمل كده ف هاجر بنت حتتى قام مشوح بايده وقالى انا زهقت .. زهقت ياراجل سيبنى
هاجر : هاااا كمل
احمد : بعد ما شوح بايده انا خوفت .. قلقت منه . الواد شكله مصمم .. قولت اروح للبنت اكلمها اخليها تبعد عنه دا اب وعنده اطفال .. روحت وقعدت مع منى دى لقيتها حلوه اوى قومت شاقطها انا ههههههههههههه
هاجر : ( بتبتسم وبتمسك نفسها بالعافيه ) هاااا كمل
احمد : جوزك بقا ياستى بيلف حوالين نفسه من ساعتها .. ده حتى عازمنى النهارده على الشاي ده ال يعنى بيرشينى عشان اسيبهاله ههههههههههههه البت خلاص مابقتش شايفاك ياعم ايمن . انا برمجتها خلاص
ايمن : اوعى تصدقى اى حرف من اللى اتقال ده ؟ ده واد كداب
احمد : تنكر انك بتقعد معاها ف الكافيه اللى قدام شغلك .؟ طب تنكر انك عزمتها قبل كده على اكلة سمك عند ادوره . اقولك ايه ولا ايه بس اسكت خلينى ساكت ماتخلنيش اقولها على شقه العجمى
هاجر : ( بتقعد جنب احمد وبتبصيله بكل شر ) شقة ايه يا عنيا ؟
احمد : طيب ! انا بره يا ايمن لو عاوز حاجه بقي . ابقي رنلى .. ( بيقوم عشان يجرى )
هاجر : ( بتمسكه من ياقة القميص ) اقعد يالا ... شقة ايه ياخويا ؟
احمد : حلو الشاي بتاعك ده
هاجر : ولا يا احمد انا بعزك زى اخويا ماتخلنيش ارميك بالشاى ده ف وشك .. اخلص وانطق
احمد : انطق اقول ايه .. ده منظر واحد يعرف يخونك اصلا .. وبعدين دانتى كرهتيه ف صنف النسوان كلهم
ايمن : ( بيقع ع الارض من كتر الضحك ) ااااااه يابن الجزمه
هاجر : ( الشر بيطلع من عينيها ) انت بتقول ايه
احمد : بقول انك احلى ابله هاجر ف الدنيا
هاجر : ابله هاجر مين ياخويا انت عاوز تكبرنى ؟ دانت اطول منى
احمد : الله اكبر ... المهم متشكرين ع الشاي
هاجر : الف هنا
احمد : يعنى والله الشاى زى الفل
هاجر : متشكره
احمد : طب ايه ! بقولك الشاى حلو وشكرا
هاجر : عاوز ايه
احمد : الله ! عاوز اقعد مع الراجل جوزك شويه لوحدنا
هاجر : طب ماتقعدو انتو هتتكلمو ف اسرار يعنى
احمد : طبعا ! هو موضوع جوازه من منى ده مش سر
هاجر : ( بتضحك بصوت عالى )
ايمن : ( بيضحك بشراهه ) يابنى ارحمنى يابنى قومى يا جوجو اعمليلنا عشا
هاجر : ماشي انا قايمه اعمل عشا
احمد : عشا ايه دلوقتى ولا اقدر . هى تسلم ايديكى ع الشاى ده وخلاص
.......
ايمن : بص يا سيدى ! تعالى اقعد معايا ع الكومبيوتر ...
انا قدرت اركب تليفونه وتليفون صاحبه اللى قولتلى عليه لما جبتلى ارقامهم
وقدرت اعرف ده فين وده فين . وغالبا الاتنين مع بعض .. كنت بسحب العناوين بتاعتهم كل يوم . كل يوم كانو مع بعض . بس فيه يوم كانو بعيد
احمد : مكانهم فين ؟
ايمن : السُخنه ... وده المكان بالظبط
احمد : تُشكر ياعم ايمن لغاية كده .
ايمن : ماتنساش وعدك ليا .. اوعى تضيع نفسك
احمد : سيبها على الله ... يلا انا قايم بقي ...
ايمن : يابنى اقعد اتعشي معانا
احمد : لا ياعم النهارده الخميس
ايمن : هههههههههههههههههه تصدق انك واطي يالا وقليل الادب
احمد : انا بردو ؟ دانت عاوز تطردنى من ساعة ماجيت . عيش يابا ولا يهمك عيش . خليك ف الحنين يا حنين هههههههههههههههههههه يلا ليلتك فل . لو عاوزنى اخد لي لي معايا وزياد اؤمرنى .
ايمن : ههههههههههههه لا انا هدخل انيمهم دلوقتى ولاد الكلب دول
احمد : عليا النعمه شكلك هتنام جنبهم بلا وكسه .. رجاله ماعدش فيها الخير خالص
ايمن : هشششش اخوك حديد
احمد : انشالله يارب ... سلام يا لولا . هتوحسينى يا وحسه
لي لي : هاتلى سوكولاته
احمد : حاااضر المره الجايه هجيبلك سوكولاتات كتير ماهو ابوكو مجوعكوا تعالى عاتى بسبوسه
لي لي : امممممواه
احمد : يا قلبببببي .. باي يا زيزو
زياد (3 سنين ) : باي يا اموووو
احمد : حمووو قول حمووو مش اموووو تؤمرى بحاجه يا ام لي لي
هاجر : سلامتك يا حمو سلملى على ماما والبنات
احمد : حاضر . يلا سلام
..................
( شقه احمد )
احمد : ايه اللى مسهركو يا بت انتى وهى
سالى : بكره الجمعه ياعم نسهر براحتنا . تعالى اتفرج على كينج كونج
احمد : ايه ده نزل ع التليفزيون
سالى : اه لسا نازل اول مره يتعرض ... فيلم حلو اوى . انا حبيت القرد ده
احمد : ( بيقعد ندى على رجله وهو حاضنها ) وانتى ياست ندى بتحبى القرد ده
ندى : اممم جدع كده ومش همه حد .. واى حد بيحاول يخطف حبيبته منه بياكلهم
احمد : ماهو ده الصح .. اى حد يحاول ياخد منك حاجه بتحبها المفروض تاكله . يعنى مثلا لو حد جرب يزعلكو انا ممكن اكله
سالى : على فكره انا لسا لغاية دلوقتى ماشوفتش البت سلمى
احمد : اسمها ابله سلمى يا بقره عيب اكبر منك
سالى : هههههههههه ماشي ياعم ابله سلمى
احمد : وبعدين ايه الللى خلاكى تسالى على سلمى دلوقتى
سالى : مش عارفه .بس حسيت ان الفيلم ده شبهك انت وهى
احمد : على اخر الزمن هتخلينى قرد ياجزمه
سالى : ههههههههههههههههه لا عصبي زيه وبتاخد على خطرك زيه شوف شوف الحته دى لما هيقعد يكسر ف الطوب والمكان عشان مارضيتش تلعب معاه هههههههههههههههه والنبى سكر .. انت فكيت الجبس ليه ياعم مش ماما قالتلك خليه شويه
احمد : اه بالحق ام الواد مالك هتيجى بكره هى واخته .
سالى : البت ملك . والنبى البت دى عاوزه اشوفها . لما امها بتيجى تكلم امى وتدينى اكلم ملك بحس انى عاوزه اعضها هههههههه بت سكر اوى
احمد : انتى اللى سكر يا حتتى انتى واختك . البت ام شعر سايح دى ... قومو نامو يلا الساعه داخله على 2 ونص
سالى : لا والنبى والنبى الفيلم حلو وماصدقت نزل
احمد : طيب قومى حطى الحاجات دى جوه ف التلاجه عشان لما ماما تصحي تلحق تطبخ
سالى : حلوه التلاجه اللى انت اشتريتها دى كده احسن .. الاكل كله كان بيبوظ وماكنتش بعرف احط اى شوكولاته ولا اى حاجه حلوه بتجيبهالى
احمد : ( بتصعب عليه نفسه ) يا حبيبتى مش هحرمكو من حاجه وهجيبلكو الدنيا كلها تحت رجليكو
سالى : ( بتقوم تبوسه وبتاخد الحاجه وبتدخلها المطبخ )
..........................
( بعد العصر )
احمد : اهلاااا تعالى يا طنط نورتى اسكندريه كلها
ام مالك : اهلااااا ازيك يا حموووو . مش الواد ده بيقولك حمو بردو هههههههههه عامل ايه يا حبيبى واخبار رجلك وصحتك ايه
احمد : بخير ياست الكل والله تعبتو نفسكو وجيتو ليه ...
ام احمد : يادى النور ياام مالك ... تعالى يا حبيبتى والنبى المكان كله نور والمحافظه كلها نورت
ام مالك : حبيبتى يا غاليه ... العيال دى خليتنا اكتر من اخوات واصحاب
ام احمد : ربنا يباركلك في مالك وملوكه .. تعالى يا ملوكه واقفه عندك ليه
ملك : ( 13 سنه ) : ( بتبص على احمد )
احمد : بتبصيلى ليه دلوقتى بقي
ملك : انا مابصتش عليك اصلا
احمد : اصلا اصلا انتى عماله تبصيلى وعينك مانزلتش من عليا من ساعة ما دخلتى .. اكبرى يلا عشان اخطبك واطلبك من الواد ده وتيجى تقعدى هنا مع سالى وندى
ملك : هما فين
احمد : هههههههههههههه لسا نايمين . امبارح سهروا للفجر ونامو متأخر
مالك : ادخلى يا لوكه صحيهم يلا بس من غير هبل هاا عشان مايتخضوش
احمد : تعالى ياعم مالك . اتفضلو يا جماعه انتو ف بيتكو
ام احمد : ماتأخذيناش بقي ياام مالك المكان يعنى م .. مش قد ال
ام مالك : جرى ايه يا حلوه انتى هتزعلينى منك ليه بقي لسا بقولك اصحاب واخوات ... اخويا حلف عليا حلفانات الدنيا انى اجى اقعد معاه ف الشقه بتاعته وانا قولتله لا انا جايه اصلا اقعد مع ام احمد والبنات ...
ام احمد : نشيلكو فوق الراس يا حبيبتى ... تتغدوا دلوقتى بقي ولا تشربو حاجه ترتاحو شويه
مالك : لا هنتغدى الاول
احمد : انت مالك انت دى بتسال امك . قصدى والدتك
ام مالك : هههههههههههههه جاتك ايه يا احمد لا زى ما مالك بيحكى عنك واد اسكندرانى مجدع دمه خفيف .
مالك : اسكتى انتى يامه كنتى هتفضحينا
احمد : ليه ياعم خير
مالك : واحنا جايين اصرت نقف عند حاتى نجيب فرختين مشويين وكباب .. قولتلها لو دخلنا عليهم هيطردونا وهيفكرونا جايين بالزياره بتاعتنا هههههههههههههههه
احمد : هههههههههههههههههه لا مانت بتفهم اهو ... طنط انتى ف بيتك . البيت بيتك انتى وملوكه . وانا هاخد الواد ده وهتلاقينا طول اليوم اصلا مع اصحابنا
ام مالك : مش انت بخير يا حبيبى ورجليك بقيت كويسه . ايه ده فكيت الجبس امتى
احمد : لسا امبارح والله . الحمد لله احسن بكتير
ام احمد : انا هقوم اجهزلكو الغدا بقي على ماتكون البنات صحيت
احمد : جاى معاك اساعدك
ام مالك : خد يا واد انت رايح فين . دى مش حاجتك دى انا اللى قايمه معاها اساعدها خليك انت قاعد مع صاحبك
احمد : ياست الكل مش هتعبك
ام مالك : مالكش دعوه .. فين الحمام بس يا ام احمد اتوضى واصلى الضهر والعصر مع بعض قبل ماجى اساعدك
ام احمد : تعالي يا حبيبتى
.......................
مالك : ايه يا شقيق البنات بتوع المطعم هييجو يزوروك النهارده
احمد : اسكت بقي داهيه تسد نفسك ع الصبح .. زمانهم جايين . وسلمى بتقول انها هتيجى عشان تسلم على امك. بص انا حاسس ان فيه مصيبه جايه تطبل على نافوخى من بعيد اهو . اهو شايفها هناك اهو
مالك : هههههههههههههههههه اجمد . صاحبك ف ضهرك
احمد : والنبى تتوكس دانت اول واحد هتسيبنى وتجرى يا واطى يا كلب السكك انت
....................
سلمى : الو
منه : ايه يا سوسو
سلمى : بقولك ايه انا رايحه بيت احمد . ام الواد مالك زمانها وصلت وهتقعد عندهم هناك ماتيجى نروح نسلم عليها
منه : خلاص اشطا . هتنزلى امتى
سلمى : يعنى . على بعد المغرب كده . انتى وراكى حاجه
منه : خالص والله وزهقانه . الاجازه دى رخمه اوى
سلمى : اه والله فعلا . الواحد اتعود ع الشله وقعدتها
منه : فعلا والله .... خلاص وانتى قايمه تلبسي ابقي رنلى عشان اجهز انا كمان
سلمى : خلاص اشطا
منه : اشطا يا مزه
سلمى : ماشي يا روح المزه
...
فريده : الو !
سلمى : ايوه يا ديدا
فريده : بقولك ايه انا زهقانه . الواد احمد ده مش ناوى يخرج
سلمى : هو يعنى الخروج مابقاش غير مع احمد دا ايه المصيبه دى
فريده : ههههههههه اه ماتيجى نكلمه ونخرج معاه النهارده انشالله انا وانتى ومنه بس
سلمى : هشوف كده . بس غالبا كده مش هيعرف . لانه عنده مامت مالك وجايه تقعد معاههم يومين . واحمد هيروح يقعد مع مالك ومجدى اليومين دول
فريده : طيب ماهو كده فاضي اكتر من الاول والحمد لله فك الجبس امبارح زى ما قولتيلى الصبح
سلمى : يا ذكيه ماهو مش هيعرف يخلع من اصحابه . هيسهرو كلهم بقا وانتى عارفه قعدات الصحاب والشباب . هيلعبوا ويشيشو وناقص يجيبو نسوان كمان
فريده : هههههههههههههههههه عليكى مصطلحات غريبه . ماكنتيش كده
سلمى : ربنا يسامحه بقا احمد عوج لساننا كلنا
فريده : اه والله ... المهم بقي زى ما قولتلك حاولى كده معاه ولو عرف يخلع منهم وييجى يسهر كده معانا ف اى حته ياريت والله عشان زهقت بصراحه وماليش نفس ولا مزاج اخرج الف ف مكان
سلمى : خلاص ماشي . وانا هناك هكلمه
فريده : هناك فين
سلمى : مانا رايحه انا ومنه نروح نسلم على مامت مالك عند احمد .
فريده : تصدقو ان انتو شويه كلاب
سلمى : ليه يا جزمه انتى
فريده : هلبس وتعدوا عليا وانتو ماشيين . ولما اشوفكو بس ليكو حساب معايا . ماشي يا سلمى ماشي اما اشوفك
........................
( بعد المغرب )
احمد : اهلا !!! مدام غاده بنفسها
غاده : حماده عامل ايه
احمد : بلاش حماده دى الله يكرمك . اهلا . ازيك يا كابتن هايدى تعبتو نفسكو ليه يا جماعه
هايدى : عندنا اغلى منك نتعبله يا احمد . حمد الله ع السلامه ... معلش باقى البنات معرفتش تيجى دلوقتى عشان المطعم شغال بس هيجولك بكره الضهر ان شاء الله قبل ما يروحو الشغل
احمد : تعبتو نفسكو والله اتفضلو ... دى امى وده مالك صاحبي ودى مامت مالك
غاده : اهلا حمد الله على سلامه احمد يا طنط
ام احمد : متشكره يا حبيبتى تعبتو نفسكو ليه
غاده : لا ده ابنك غالي علينا والله يا ام احمد
ام احمد : اتفضلو يا حبايبي تعالو تشربوا ايه
...................
( تحت بيت احمد ف عربية سلمى )
سلمى : يلا ياختى انتى وهى . وبقولك ايه انتى وهى مش عاوزه مرقعه فوق من واحده فيكو فاهمين ؟ احترمو نفسكو يا شويه مهزاين
منه : ههههههههههههههههه اموت انا ف المرقعه وخصوصا مع الواد ده
فريده : بزمتك هو فيه احلى م المرقعه على حمو هههههههه يلا يلا
سلمى : صبرنى يارب
...........
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020