رواية مهلكتي من جزء 1 : 18

الجزء_الخامس (الحلقه السادسه ) ( مُهلكه ) ❤ ❤

................
ف الحلقه السابقه :_
( ساره وفريده بيسلكو منه من ايدين سلمى )
ساره : يا احمد انت تهزر . تعالى حوشهم
احمد : ( بيقوم يجرى عليهم بيحاول يشد سلمى من دراعها . سلمى اهدى شويه فيه ايه
سلمى : ( بتشد احمد من شعره ) تعالى بقي يا ابن الجزمه انت كمان عشان انا زهقت من أمك
احمد : يا جدعان حد يكًبر ف ودن البت .. البت اتجننت
................ ( السادسه ) ❤
( سلمى بتسيبهم وبتمشى )
ساره : سلمى ! سلممممممى استنى جايه معاكى
سلمى : مش عاوزه اشوف خلقة حد فيكو
احمد : يا سلمى استنى ! استنى ألم كرامتى واجى وراك هههههههههههه
سلمى : امشى !
..............
منه : انا نفسي افهم فيه ايه انا عملت ايه عشان تعمل فيا كده بالغل ده
احمد : اتنيلى هى عملت فيك لوحدك مافيش حد سلم من ايديها .....
مالك : البت اطرانه دى تقريبا راحت لابوها
احمد : سيبك من زفته دلوقتى مش هتقدر تعمل حاجه لسبب صغير ... انها ف كليتنا وهى اللى كانت داخله تسال على سلمى ... المهم تعالو نشوف البت دى راحت فين
ساره : انا برن عليها تليفونها اتقفل
احمد : يوووووه وبعدين .... هات مفتاح عربيتك يا مالك ... تعالى معايا يا ساره
فريده : ايه اللى بيحصل ده يا جدعان
..................
( بعد ساعه من اللف )
احمد : لا موجوده ف المطعم ولا الكافيهات اللى بنروحها .. تفتكرى ممكن تكون سلمى روحت
ساره : استنى ! هعمل مكالمه
احمد : ماتقلقيش امها بقي
ساره : لا ماتخافش
الو !
ام سلمى : الو ازيك يا سوسو
ساره : كويسه يا طنط الحمد لله . سلمى جات ولا لسا هى كانت راجعه تجيب شيت كده كانت عملته ونسيته ...
ام سلمى : لا لسا مجتش . هو مهم اوى الشيت ده ؟
ساره : يعنى ! ع العموم لو جات ابقي بلغينى والنبى
ام سلمى : حاضر حاضر
.............
ام احمد : مين اللى ع الباب ؟
سلمى : افتحى يا طنط انا سلمى
ام احمد : ( بتفتح الباب ) اهلا ! تعالى يا حبيبتى
سلمى : البت منه دى كانت بتعمل ايه هنا امبارح
ام احمد : يابت تعالى اقعدى هتفضلى واقفه وبعدين ايه اللى جايبك بدرى وسيبتى الكليه ليه
سلمى : اهو بقي . كانت هنا بتعمل ايه ؟
ام احمد : ولا حاجه ! جات قعدت شويه واتغدت معانا ومشيت
سلمى : واحمد كان جاى معاها
ام احمد : لا ! احمد جه بعدها ييجى بساعه ومكنش يعرف انها هنا
سلمى : بجد ؟
ام احمد : بنت ! عيب انا هكدب عليك
سلمى : سورى مش قصدى بس انا ضربتهم هما الاتنين دلوقتى وسيبت الجامعه وقفلت التليفون ومشيت
ام احمد : هما مين دول اللى ضربتيهم
سلمى : ابنك ومنه
ام احمد : ههههههههههه ضربتى احمد ؟
سلمى : اه طحنته
ام احمد : ههههههههههههه يوه جاتك ايه تعالى يابت هاتى بوسه يابت
سلمى : ماباخدش منك غير كده .. وسايباه يتصرمح على حل شعره
ام احمد : انا دلوقتى ماليش فيه اد اللى ليك .... اظبطيه انتى بقي ماليش دعوه
سلمى : دنا هربيهولك من أول وجديد اصبرى عليا
ام احمد : يااااه اد كده بتحبيه يامفعوصه انتى ؟
سلمى : بحبه ؟
إلا بحبه ,,يا طنط انتى ماتعرفيش احمد بالنسبالى ايه
احمد ده بالنسبالى مش واحد كده شوفته واعجبت بيه ولا حبيته والكلام ده . الموضوع عندى معدى كل ده . حاجه كده ماتتصوفش غير بكلمه واحده انى بحس بروحى بتدب ف جسمى لما بشوفه او بشوفه قاعد او واقف قدامى
بحب اناغشه بحب اضايقه بحب اعصبه
عشان بحبه اوى لما بييجى يصالحنى
هو نفسه قالى كذا مره انه بيحب يعصبنى عشان يصالحنى وبيحب طريقتى
انا وابنك الحيله ده بينا كيميا مانعرفش اتبنت ولا اتكونت ازاى ف شهرين تلاته
قادر يهز كيانى قادر يطلع كل حاجه حلوه فيا بمجرد ما احس انه قريب منى
امبارح عمل حركه انا فضلت اعيط اول ما عرفت .. صعب عليا اوى وخلانى احس انى مش قد الدلال اللى ممكن حد يوصلهونى ف يوم من الايام
ام احمد : عمل ايه ؟
سلمى : امبارح احمد مارجعش البيت صح
ام احمد : لا . ده يا عينى همدان ومانمش بقاله يومين . خرج امبارح بعد ما رجع من المطعم وقالى شويه وجاى يامه .... وبعدها بشويه اتصل عليا وقالى انا قاعد مع واحد صاحبى هنسهر نامى انتى والبنات
سلمى : احمد فضل قاعد قصاد بلكونتى طول الليل ف الجو ده ف السقعه دى . عشان بس كلمته وانا مخنوقه وشبه بعيط وصوتى رايح ... فيه كده ؟
ام احمد : انا قولتلك قبل كده يا بنتى ! ابنى مش بيحبك .. هتصدقينى لو قولتلك انك اكتر حاجه هو حبها ف حياته بعد ابوه وامه
سلمى : ههههههههههههههه ( وشها بيضحك ) وعرفتى منين بقي
ام احمد : هههههههههههههه مالكيش دعوه
سلمى : يوووه يا طنط قولى بقي
ام احمد : اللمعه اللى بشوفها ف عينه لما بيكلمنا عنك
السرحان اللى بلاقيه سرحانه لما بشوفه ماسك صورتك ومسهم يفضل باصصلك بالساعات .. مابرضاش احرجه او ابينله انى شوفته . بسيبه كده لغاية ما يخلص تسهيم ياختى وييجى يقعد معانا ههههههههههههه دوبتى الواد بجمال امك ياللى تنشكى ف جمالك
سلمى : هههههههههههههههه انفع مرات ابنك صح
ام احمد : هههههههههههههههه ان انتى مانفعتيش . مين هينفع يعنى ... المهم فطرتى ولا لا
سلمى : لا دمى محروق من الصبح
ام احمد : لا بس . هقوم اعمل فطار ليا وليك ونفطر سوا ..
سلمى : طنط انا عاوزه انام .... ف اوضته . هو اكيد مش جاى دلوقتى وهيفضلو يدوروا عليا
ام احمد : ماشى يا روحى . بس بقولك ايه الواد بقاله يومين مانامش ممكن ييجى ينام ف اى وقت
سلمى : مانتى موجوده اهو . لو جه هتبقي تتصرفى بقي
ام احمد : طيب استنى اعملك سندويتشين وبعدين ادخلى نامى
سلمى : ماشى يا قلبي
.................
احمد : وبعدين معاكو يا شوية بقر البت راحت فين الله يحرقكو
مالك : مانت مدوخ اللى خلفونا على كل الكافتيريات اللى روحتها انت وهى ومش موجوده . ساره اتصلت بدل المره تلاته على امها وبردو لسا ماروحتش
مصطفى : هتعمل ايه مع منه اللى زعلت من سلمى دى
احمد : هنطيب خاطرها بس لما نفهم سلمى فين بس
ساره : احمد ! سلمى هتلف لفتين كده وهتبقي تروح ماتقلقش . روح انت البيت انت عينك محمره وشكلك واقع . انت بتقع وانت ماشى اصلا
ساره : لا لا هى شويه وهتلاقيها بتكلمنى تقول هى فين
احمد : انشالله يارب
مصطفى : ياعم روح نام اقسم بالله انت ماقادر تتحرك . انت مانمتش بقالك كم يوم
احمد : انا فاكر .. انا فعلا محتاج اريح جسمى انشالله ساعه
..................
ام عمرو : سالنور يا ام احمد
ام احمد : اهلا مساء الخير يا حبيبتى . لمى غسيلك بقي الدنيا شكلها فيها مطره
ام عمرو : اه خارجه المه عشان كنت هناديلك ونروح نشوف الست ام ليلى ... تعبت تانى يا عينى
ام احمد : ياساتر يارب . طب البسي يلا انا هلبس ونازله
................
( شقة احمد )
احمد : امااااه . مامااااااااااااااا انتى فين . انتى بره ولا فين . شكلك نزلتى .... ولا يا عمرو . ماشوفتش امى يالا
عمرو : نزلت مع امى من شويه رايحين يزورو ام ليلى عشان تعبت
احمد : طيب روح ذاكر بطل فرجه م البلكونات كاتك وكسه
عمرو : هههههههههههه عيونى يا كبير
.....................
( أوضة احمد )
سلمى : ( نايمه ومغطيه راسها من فوق لتحت )
احمد : ايه ده ؟ انتى ماروحتيش المدرسه ولا ايه يابت ولا رجعتى بدرى .. بت يا سالى انتى يا زفته
سلمى : ( بتصحى تحت البطانيه وبتكتم نفسها )
احمد : طب قومى نامى على سريرك عاوز انام الله يحرقك
سلمى : ( كاتمه الضحك بالعافيه )
احمد : جاتك نيله خليكى نايمه . وبعدين ليا تصريفه مع امك اللى ماودتكيش النهارده . وبعدين انتى طولتى كده ليه . فيه ايه
احمد : الو ! ايه يابنى بتتصل ليه
مالك : مش انا عرفت سلمى ضربتك انت ومنه ليه
احمد : والنبى ايه ( بيقعد على الفرشه اللى على الارض وبينام جنب السرير اللى نايمه عليه سلمى ) وعرفت ازاى بقي
مالك : فريده عرفت القرار كله وساره بلغتنى وقالتلى ابلغك
احمد : ماتنطق يا بغل .مُهلكتى حق اصيل للكاتب احمد سعد فقط وبيدج هو وهى واى حد ينشرها من غير موافقه ف هو حرااامى.. سلمى ضربتنى انا ومنه ليه ؟
مالك : عرفت تقريبا ان منه كانت عندكو ف البيت امبارح
احمد : هار اسود ومنيل . انا نفسي افهم هى بتعرف ازاى دى ناقص تركبلى كاميرات ف اوضتى
سلمى : ( بتحط ايديها على بؤها وكاتمه الضحك بالعافيه )
احمد : المهم هى عرفت ازاى
مالك : من ريحة البرفيوم بتاع منه يا افلحوكشه انت
احمد : اتاريها كانت عماله تشمشم فيا امبارح ولا اجدعها كلب ارمنت
سلمى : ( بتضحك من بطنها وعماله تتهز على السرير من كتر الضحك )
احمد : استنى ! بتضحكى ليه يا نيله انتى اتكتمى صوتك طالع .. عليا النعمه انا شاكك انك شغاله معاها اصلا جاتك داهيه ... كمل ياعم
مالك : بس ف هى دورت فيك الضرب بقي انت وهى بالمره
احمد : هههههههههههههههههههههه كانت كيوت ماشاء الله . ربنا يخليهالى والله
مالك : مشحتف انت البت دى وراك يا اخى حرام عليك
احمد : مشحتفها ايه بس دنا قلبى متشحتف ورا تفاصيلها والله يا مالك . انا مش احمد اللى تعرفوه يابنى . انا بكون انا وانا معاها وبس .. البصه ف عيونها نعيم والضحكه منها بمُلك سنين
مالك : ربنا يريح بالك .. المهم ناوى على ايه
احمد : ناوى اطلع عنيها شويه ههههههههههههههههههههه ( بيحط رجل على رج بمنتهى التناكه ) دنا هعمل فيها عمايل على القلم اللى اديتهولى النهارده مش عاوز اقولك
سلمى : ( ضاااااااااااااايعه من كتر كتمة الضحك )
احمد : ( بيحدفها بالمخده ) ماتنامى يا بت انتى بقي ياتقومى تنامى ف اوضتك فيه ايه
مالك : يابنى بتتخانق مع مين
احمد : البت سالى اختى شكلها ماراحتش النهارده المدرسه ونايمه ...
مالك : طب كمل . ناوى تعمل ايه مع سلمى
احمد : ناوى أعمل ايه مع سلمى ؟ استنى عليا بس . هروحلها النهارده عند البلكونه بتاعتها وربنا يحلها من عنده بقي .. المهم غور انت انا عاوز انام . انا ببسقط اصلا وانا بكلمك
مالك : ماشى يا كبير ولو فيه جديد هبلغك
احمد : تمام وربك يستر ... انا خايف اوى يا واد يا مالك البت دى مبروكه وبتوصلها الاخبار من غير ما تتعب نفسها . انا خايف والمصحف تكون مراقبانى ولا زارعالى حاجه ف البيت هنا ولا ف هدومى حتى ..يلا ياعم انا هنام
..........
احمد : احييييه انتى بترنى ليه يا منه دلوقتى .... الوو !
منه : ( بعياط ) ازيك يا احمد انت نمت
احمد : لا كنت لسا هنام . انتى كويسه
منه : سلمى عملت معايا كده ليه
احمد : هى يعنى عملت كده ليكى بس مانا بردو مطحون طحنه محترمه .. منكو لله متجبس ومنمتش وحالتى كرب . امال لو ماكنتش اصعب على الكافر كنتو عملتو فيا ايه
منه : انا بجد زعلانه وزعلانه اوى من سلمى
احمد : يا عبيطه ! سلمى دى يتزعل منها . سلمى بتحبك يا منه ممكن يكون كانت عاوزه تفش غلها ف اى حد ....
منه : طيب خلى بالك من نفسك وناملك شويه انت كنت ضايع خالص
احمد : ان شاء الله يلا سلام
...............
احمد : بتقوليلى خلى بالك من نفسك ؟؟؟ الحمد لله ان سلمى ماسمعتكيش كانت جات كملت علينا تانى .. انا مش عارف انا البنات دى بتعاملنا كده ليه يا اخىانتى يا ابله سالى قومى نامى ف اوضتك ... دانتى عليكى كمية تناحه يابت انتى . عنك ما قومتى هنام ع الارض وحسك عينك اسمع صوت امك ده عاوز انام
( بيطلع صورة سلمى وبيكلمها ) وانتى بقي يا ابله ياللى اسمك سلمى . ناويه تحشتفينى وراكى لغاية امتى
وايه العيون دى وايه الشعر ده ... جاتك نيله ف حلاوة امك .. هههههههههه ياغواتى والنبى بحبك ...... ( بيروح ف النوم )
........................
( بعد 20 دقيقه سلمى قاطعه فيهم النفس .. بتتطمن ان احمد نعس وراح ف النوم )
سلمى : ( بتقوم بشويش وبتبص على احمد وهو نايم وبتفضل باصاله كتير ) سبحان الله . طفل .. طفل وهو نايم وضامم ايدك على رجلك . يخربيت كده يا أخى .. يخربيتك هالكنى معاك يابن اللذينه .. وحياة امى وامك انت ليا واللى هتقرب منك شبر بجد هضيعها ... شكرا على الكلام الحلو اللى سمعتهولى ده من غير ما تقصد . صدفه حلوه انى اجى انام هنا وانت تيجى تنام جنبي ف نفس الاوضه .. ياريتك كنت ف حضنى دلوقتى ياريتنى قادره اخدك ف حضنى دلوقتى يا احمد ... عينك تزوغ هنا ولا هنا المره الجايه هفقعهالك . وانا راضيه اعيش معاك وانت اضبش على فكره ههههههههههههههههه ( بتكتم بؤها بسبب الضحك ) ( بتقوم بشوووويش )
( بتتسحب بشويش لباب الشقه وبتاخد الشوز بتاعها اللى ام احمد خبيته ورا التليفزيون )
( من سكات بتخرج وهى فصلانه من الضحك )
..........
سلمى : الو !
ساره : انتى فين يا واطيه يا زباله كده تقلقينا عليك
سلمى : ههههههههه هههههههههه ههههههههههه هموووووت يال ساره الحقينى . حصلينى على البيت عندى . ولا انتى فين اعدى عليك
ساره : ف البيت لسا داخله من شويه
سلمى : طيب انزلى انا قريبه منك على ما تنزلى هكون قدامك
..........
( ف العربيه )
ساره : فيه ايه عماله تضحكى ليه
سلمى : النهارده أسعد يوم ف حياتى . احمد اعترفلى بكل حاجه
ساره : وانتى شوفتى احمد فين داحنا سايبينه رايح ينام ماكنش شايف قدامه
سلمى : لا ماهو ماكنش شايفنى وانا نايمه
ساره : نايمه ؟ نايمه فين ؟
سلمى : على السرير بتاعه ؟
ساره : يعنى ايه وهو كان فين
سلمى : كان نايم على بطانيه كده فارشها ف الاوضه عنده بينام عليها . وكان بيكلم مالك وفضل يحكى عنى وعن اللى حصل وقال كلام كتير . انا مبسوطه مبسوووطه اوى يخربيت كده كنت هبوسه والله
ساره : بقولك ايه جنان مش عاوزه . واحده واحده عليا واحكيلى من الاول .
................
( الساعه 1 ونص .. سالى وندى بيخبطوا على باب الشقه )
( احمد نايم ف الاوضه ووشه للحيط وبيكلم سالى اخته بالراحه على اساس انه مفكرها نايمه ) : سالى قومى شوفى مين .. ساااالى اصحي يا ماما انا تعبان مش قادر اقوم
.. يا حبيبتى قومى اخوكى فاصل مش قادر .. ( بيلتفت وراه مابيلاقيش حد ) ( بيقوم يشوف مين ع الباب
احمد : مين اللى بيخبط
سالى : افتح ياعم بنخبط بقالنا ساعه انا وندى
احمد : ايوه مين
سالى : هههههههه سالى
احمد : سالى مين
سالى : ههههههه سالى اختك افتح لسا راجعين م المدرسه
احمد : سالى اختك مين ؟
............................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020