رواية مهلكتي من جزء 1 : 18

الجزء_الخامس (الحلقه الثالثه ) ( مرتبك وقلقان ) ❤ ❤

................
ف الحلقه السابقه :_
سلمى : بقولك ايه ما تيجى نخرج زهقانه
منه : يلا . انتى فين
سلمى : انا ربعايه وأكون عندك هخلص مشوار بسرعه كده واكلمك
..........
( تليفون احمد بيرن بياخده وبيدخل الاوضه وبيتكلم جوه )
احمد : الو !
سلمى : يلا يا بابا انا تحت اهو مستنياك ولا اطلع اخدك ؟
احمد : ياختااااااااااااااااى
.................. ( الثالثه ) ❤
سلمى : ايه يا عم مالك ؟
احمد : مافيش . اتخبطت ف صوبع رجلى الصغير ف ام الترابيزه دى على طول بتخبط فيها
سلمى : هههههههههه طب يلا
احمد : طب ما تمشى انتى . انا لسا يدوب صاحي وهتأخر على ما ألبس
سلمى : وايه يعنى ياعم ... هقفل العربيه واطلع اشرب كوباية شاى مع مامتك وبالمره اشوف اخواتك . لسا ماشوفتهمش
احمد : لا اخواتى عند واحده معرفه . وأمى عند ال
سلمى : فين
احمد : امى فوق عند واحده جارتنا قاعده معانا
سلمى : يعنى انت لوحدك
احمد : اه شوفتى ... ماينفعش
سلمى : جايالك حالا هههههههههههههههه
احمد : يلا يا صايعه ياضايعه ... خمسه ونازلك
سلمى : يابنى اسمع منى اجى ألبسك طيب . حرام رجلك مكسوره هههههههههه
احمد : هشششش . يلا سلام دلوقتى
...............
احمد : ايه يا منون قومى بقي ولا ايه من غير مطرود يلا واحد صاحبي جه يوصلنى
منه : هههههههه يابنى منا اوصلك انا يابنى . قوليله حاجه يا طنط
ام احمد : خليها توصلك يا احمد طالما مش قادر لسا
احمد : ( بيغمز لامه بسرعه وهى بتفهم ان سلمى مستنياه تحت )
ام احمد : ايه ! انا ماليش دعوه بقي اتصرفى معاه انتى بقي يا منه يا بنتى .. انا قايمه اعمل شاى
منه : طب يلا تعالى اسندك لغاية تحت طيب
احمد : لا لا استنينى هنا .. هلبس بس ع السريع وجاى . دى كانت وقعه سوده ومنيله بنيله سوده
...............
احمد : الو
اسراء : الوووووو ! حبيبى حبيبى . فينك ياسطا كنت عاوزه اجيلكو النهارده امك وحشتنى
احمد : بلاش رغى امك ده دلوقتى انتى فين
اسراء : فين ايه ؟
احمد : يابنت العبيطه انتى فين . ف الشارع ولا ف البيت
اسراء : لا ف البيت لسا داخله
احمد : اخوك مزنوق زنقة الكلاب وشكلى هتشفلط
اسراء : ههههههههههههه ياقلب اختك .... متشفلط من ايه بس
احمد : منه عندى ف البيت كانت قاعده مع امى . وسلمى تحت البيت جايه توصلنى والاتنين مايعرفوش
اسراء : لا ياعم انا ماليش دعوه بالموضوع ده . سلمى ايديها طويله شوف حد غيرى
احمد : يابنت الكلب وحياة امك لو شوفتك لنا جايبك من شعرك يا اسراء .. بطلى وطينه وقلة اصل
اسراء : وحياة امك انت منا ليا دعوه ههههههههههههه دى ايديها طويله بقولك ... وبعدين انا قلعت وغيرت هدومى خلاص .. ااااه جسمى مفشفش يا حمو . شوف ايمان . كلمها هى بره
احمد : طب غورى .. حسابك معايا
...........
احمد : الو !
ايمان : قيبي يا ناس . قييييباى
احمد : دى مصيبة ايه السوده دى بقول الو
ايمان : هههههههههههههههههه عيى فكيه انت معفن
احمد : والنبى قلبي يا منون ... اخوك مزنوق
ايمان : يا مزه اؤمينى بس ..
احمد : اؤميك ازاي ؟ ااااه اؤمرك معلش فهمت عبيط ...... بصى بقي . منه جات تزورنى النهارده وقعدت معانا انا وماما .. سلمى بقي جات تحت البيت دلوقتى ومستنيانى عشان توصلنى الشغل
ايمان : مين ؟ يأ يأأأأأأأ سيمى يأأأأ شرانيه ياعم وايد أمها طويله
احمد : ايمان ! مزتى ... انتى بره بس الاول ولا ف البيت
ايمان : لا بره جنب البيت كنت عند سفيان بشترى شوية طيبات
احمد : طيب انتى جنب البيت اهو . عدى عليها بقي هتلاقيها تحت .. عاوزك تشغليها بس .. يعنى كأنك تمويه على ما أسرب البت دى من عندى ..
ايمان : احممممد . البت هتضربنى هههههههههههههه
احمد : مش احسن منا اللى انضرب ويبقي شكلى زباله هههههههههههههههههه
ايمان : هههههههههههههههههه طيب اخلص مش هقدر ألاهيها اكتر من 5 دقايق
احمد : مش عاوز اكتر من 5 دقايق .. يلا دلوقتى بسرعه
...............
احمد : منه انتى راكنه عربيتك فين
منه : على شمال البيت . جنب القهوه اللى ع الإمه
احمد : حلو اوى . يلا بينا
منه : يلا !
احمد : وجعلنا من بين ايديهم سدا ومن خلفهم سدا فاغشيناهم فهم لا يبصرون
منه : انت بتقول ايه
احمد : لا دنا بحب اقول الآيه دى وانا خارج م البيت ... هاتها جمايل يارب . يلا يابنتى يلا
.....................
ايمان : ايه ده ؟ لا مش مصدقه . المزززززززززه بتاعتنا هنا
سلمى : احييييييييه . منونتى .... خشى خشى العربيه اركبي
ايمان : ( بتركب العربيه ) قيبااااااى والله يا سوسو وحشتينى يابت
سلمى : ههههههههه وانتى كمان قيبى يا منونتى . بتعملى ايه
ايمان : بياش تييقه يا جزمه انتى .. كنت نازله اجيب شويه شيبسي وحاجات لزوم سهرة المذاكره
سلمى : هههههههههههههه ايوه بقي الدحيحه بتاعتنا
ايمان : وانتى واقفه هنا بتعملى ايه
سلمى : أعمل ايه يا ستى . الفنان بتاعنا بقي هوصله الشغل ف طريقى . كنت جنبكو هنا وبكلمه لقيته بيقولى انا نازل اهو رايح الشغل قولت اعددى اوصله اهو غلبان هههههههههههههه
ايمان : لا هو من ناحية غلبان ف هو غلبان فعلا هههههههههههههههه . تعالى يا سوسو البيت عندى والنبى افرج اخواتى البنات عليك ههههههههههههههههههه بفضل اقويهم مزه وحلوه واحلى بنوته ف اسكندريه
سلمى : هههههههه يا حبيبتى انتى اللى حتة بطايه كده هههههههههههههه ابقي تعالى يا ايمان اقعدى معايا شويه انا دايما بكون لوحدى ف البيت والله .
ايمان : حااااضر هبقي اجيلك
سلمى : بتكلم بجد على فكره انا عِشريه وبحب الناس . وخصوصا الشله بتاعتنا . حبيتكو اوى والله
ايمان : اححححم الشله بتاعتنا كلنا كلنا ولا حد معين ؟
سلمى : عاوزه ايه انتى
ايمان : هههههههههههههه مافيش ....هفضل قاعده جنبك بقي لغاية ما الفنان ينزل
سلمى : ياسلام ! داحنا يزيدنا شرف ... بقولك ايه ما تيجى نطلعله
ايمان : ايه ! لااااااااااا مش هو قالك انه نازل دلوقتى
سلمى : اه بس بال أهله طويل . وبعدين لسا نص ساعه على ميعاد شغله .. وانا بوصله ف خمس دقايق . تعالى تعالى نطلع نشرب شوية شاى معاه
ايمان : ياختاااااااى ياختااااااااى . دنا نسيت انى حاطه البيض يتسلق ع الميه . والعيال اخواتى معاتيه مش هياخدو بالهم . عن اذنك
سلمى : يابت ! يا مجنونه انتى .. هههههههههههههههههههه عيال كلها مخها لاسع ..
....................
احمد : بسرعه اركبي عربيتك ويمين ف شمال
منه : ماشى يا حمو ! اتبسطت اوى النهارده والله معاكو . هكررها على فكره
احمد : ان شاء الله . ابوس ايدك يلا قبل ما العيال يشوفوك هنا هيقولوا مصاحب رقاصه
منه : ههههههههههههههههه بس يا واد
احمد : ههههههههه انتو حلوين اوى معلش بقي . يلا يلا مع السلامه
منه : العربيه مابتدورش
احمد : مين ياختى ؟ انزلى يا ماما انزلى .... اهى دارت . بس تقريبا عاوزه بطاريه . اخلصى بقي
منه : باي باي يا حمووو
احمد : باي ياختى
.......................
سلمى : الووووووووو !
احمد : ايه يابت بتزعقى ليه
سلمى : فيه ايه ما تخلص دانت بال أهلك طويل
احمد : خلاص قدامك اهو
سلمى : لمحتك خلاص وبعدين ايه ده انت كنت فين
احمد : فين يعنى ايه
سلمى : مدخل العماره بتاعتك اهو متنيل قدام اهو جاى انت منين دلوقتى كنت فين
احمد : كنت فين ايه منا نازل قدام امك اهو هو اى مصيبه وخلاص
سلمى : ولاه ! المدخل بتاع العماره اهو قدامى ... جاى انت من بعيد من إمة الشارع .. فيه ايه انا ماتجننتش لسا
احمد : اهاااااا لا كنت بدى الواد بتاع التليفونات ده 10 جنيه كنت قايله يشحنلى ع الهوا
سلمى : ياراجل
احمد : اهااا وبعدين مش عاوز قلبة دماغ
سلمى : انت حاطط برفيوم ؟
احمد : ايه ! لا ده تلاقيه الواد زياد صاحبي كان واقف ف المحل وسلمنا على بعض
سلمى : ده برفيوم حريمى
احمد : حريمى ايه يا سوسو بس (ف سره :هار اسود عليا ) يلا ولا ايه بقي هنتأخر
سلمى : ( بتبصيله وساكته ) مش قابلت ايمان من شويه
احمد : بجججججد ؟ بقالى كتير ماشوفتهاش الندله دى لا هى ولا اسراء
سلمى : انا قلبي بيفرح لما بشوف البت دى . مزة ايه وجمال ايه وحلاوة ايه وخفة دم ايه ههههههههههه ولدغة ايه
احمد : دى حبيبتى دى يا سلمى .
سلمى : الوحيده اللى مقدرش اتضايق لما تقول عليها حبيبتك
احمد : ههههههههههههه عشان انا وهى راضعين على بعض مش كده
سلمى : هههههههههههههه بالظبط ... انا تليفونى فصل ورينى كده تليفونك هرن على ساره
احمد : خدى ( مابيديش خوانه ولا بيفكر ف حاجه )
سلمى : ( بتقلب ف المكالمات الوارده والصادره بتلاقى ان احمد متصل على ايمان من 10 دقايق )
احمد : ايه مابتردش ولا ايه ؟
سلمى : لا شكلها نايمه .. هشحن تليفونى ف العربيه بقي وابقي اكلمها لما اوصلك .. يلا احنا
احمد : يلا بينا .. انتى مالك تنحتى ليه مره واحده
سلمى : مافيش .... يلا بينا
...............
سلمى : عاوز حاجه يا بابا انا هتصل على ساره ولا منه ونخرج شويه
احمد : ماشي يا بطه خلى بالك منك . ماتيجو تقعدو ف المطعم
سلمى : ههههههههههههه لو لوحدى باجى من غير ما تقول . لكن مع البنات دى استحاله
احمد : احححم . ماشي خلى بالك من نفسك
...........................
عمرو : ايه يا فنان داخل ماسك بطنك كده ليه وصدرك
احمد : كنت هروح فطيس يا عمرو ياخويا بس ربك سترها معايا
عمرو : لا دانت تحكى بقي
احمد : اخوك كان هيفرمه قطر ههههههههههههههههههههه يلا ياعم فين البصل بتاعكو اللى هقشر ميتين امه منا مابقشرش غير البصل والتوم جاتكو ستين نيله
عمرو : الشيف محمد وراك
احمد : فين البصل والتوم يابنى انا بقيت مدمن تقشير بصل
الشيف محمد : انت بتبرطم بتقول ايه ياض . مانت اللى كل شويه ترجعلى مكسور جاتك نيله انت ..
احمد : اهو ربك بيخلص يا شيف والله ... اسبوع كمان وهروح افكه وهتلاقى غزال ف المطعم
................................
سلمى : الو !
ساره : ايه يا لوم
سلمى : عشر دقايق وهكون قدام البيت عندك تنزليلى
ساره : لسا انا مخلصتش
سلمى : ماليش فيه اخلصى . هطلع اخدك من امك
ساره : ياريت ...
سلمى : اديلها التليفون
ساره : ماما خدى سلمى
ام ساره : الو !
سلمى : حبيبتى وحشانى والله
ام ساره : كنتى بتيجى تسالى يعنى يا واطيه
سلمى : هههههه معلش غصب عنى . المهم عاوزه ساره ف مشوار كده عشان خاطرى
ام ساره : انتى اللى مدلعالى البت دى يا سلمى ومابقدرش ارفضلك طلب . ماشي بس ماتتأخروش ..
سلمى : حاضر يا حبيبتى
................
سلمى : الو !
منه : ايه يا حبي
سلمى : فينك
منه : ف جليم
سلمى : طب احنا جنبك اهو طب أعدى عليك ولا تيجى انتى تعدى علينا انا وساره
منه : لا هعدى عليكو انتو هتقعدو فين
سلمى : عارفه الكافيه اللى قدعنا فيه المره اللى فاتت انا وانتى واحمد
منه : اه
سلمى : انا داخله انا وساره اهو تعالى
منه : ماشى يا قلبي يلا
...............
( ف العربيه سلمى وساره )
ساره : مالك ! بتنفخى ليه
سلمى : الواد ابن الجزمه ده مش مظبوط ههههههههههههههه بيعمل حاجه غلط من ورايا . بحس بيه بيرتبك لما ببصله ف عينه
ساره : عنيكى لا تقاوم الصراحه يا مزه
سلمى : وبنت الكلب اللى اسمها ايمان دى معاه ف الجريمه . الاتنين بيشتغلونا والله اعلم مين تانى معاهم
ساره : احكيلى بقي
سلمى : ايوه تعالى بس ندخل الكافيه ده ونستنى منه .. واهو نفكر احنا التلاته مع بعض
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020