رواية مهلكتي من جزء 1 : 18

(الحلقه التاسعه ) ... ( شئ ما ) ❤ ❤

................
ف الحلقه السابقه :_
احمد : 5 يا حب شاي لوحدهم وانا هاتلى ال 8 بتوعى 4 و 4
ساره : بقول لحضرتك انت سنه اولى ايه ؟
احمد : تجاره
ساره : بجججججججججد
احمد : هو ايه اصله ده ؟ انا طلبتلك الحاجه ابقى خديها انا ماشي .اقفلى بؤك ده
ساره : هههههههههههههههه ...
..........
ساره : قومى معايا كده انتى وهى هههههههههه
............... ( التاسعه ) ❤
منه : ايه يا بنتى عامله هيصه كده ليه
ساره : ههههههههههههه هيصه ايه بس دى شكلها حكايه .. امسكو بس الشاى بتاعكو . فين فريده
سلمى : شويه وجايه .. ايه اللى حصل عماله تزعقى ليه ؟
ساره : الجامعه احلوت اوى ههههههههههه احلووووت . شوفت واد دلوقتى انا مش عارفه شوفته فين قبل كده .. والله شوفته او حد ورانى صورته ومش قادره احدد
منه : يابت انتى هبله ليه وبعدين انتى ولا مروه ولا اميره عيال اصلا ولا بتعرفوا تبصوا ع الحلويات هههههههههه
ساره : طب وحياة امى لازم تيجو معايا . ومعانا ف سنه أولى ههههههههههههههههه
سلمى : وانتى عرفتى منين ؟
ساره : انا لقيت واحد واقف بيطلب شاى ومدينى ضهره . قومت خابطه على ضهره بالراحه كده عشان يطلبلى لانى ماكنتش طايله
منه : وبعدين
ساره : بيبصيلى وقعد يعاكسنى
منه : يعاكسك انتى يا اوزعه ؟
ساره : ههههههههههههههه ماهو كان فاكرنى عيله تايهه ولا جايه مع حد من اخواتى لما قولتله انى ف سنه اولى قام ضاحك .. يخربيت دى ضحكه . بس وحياة امى بردو انا شوفته او حد ورانى صورته بس مش فاكره خالص
سلمى : على فكره انتى بوء يا بت ع الفاضى
اميره : بردو لسا عند كلامى مافيش احلى م الواد اللى شوفته ف محل الحديد
مروه : ههههههههههههه وانا لسا عند كلامى مافيش احلى م الواد اللى شوفته عند محل الايس كريم
منه : وانا لسا عند كلامى كل اللى بتقولوه ده هيطلع ف الاخر على فاشوش والعيال دى هتبقى شبهكو انتى وهى ههههههههههههه
اميره : طب ماحنا مزز بردو ولا تنكرى
سلمى : هههههههههههه طبعا مزز يا قلبي
منه : بقولكو ايه تعالو نشوف اللى بتقولوا عليه ده يمكن الدنيا تطرى شويه بدل النشفان ده هههههههههههههههههههه
سلمى : هههههههههههههههههههههه بيت ام كلامك يا بعيده . اوعى حد يسمعك يابت لانروح ف داهيه
منه : طظ ف الناس بلا وكسه . خلينا نتمتع بفلوسنا وبحياتنا شويه تعالو يابت ورينا اللى بتقولى عليه ده
.......
احمد : الشاى موحوح امسك ياض يا مصطفى
مصطفى : هههههههههههههه وجايبهم كلهم على كرتونه يا قادر . ماتنادى علينا نشيل
مالك : متشكر يا كبير
احمد : بص بقا يا عم مالك . انت طالما أكلت معانا عيش وملح وبقيت واحد مننا انت ومجدى ف لازم تعرف القانون بتاعنا
مالك : ههههههههههههه سامع . . قول يا عم
احمد : أولا ف قانون الصحوبيه مافيش حاجه اسمها شكرا وعفوا وتسلملى والكلام الخايب ده
انا يعنى انت وانت يعنى انا
الفلوس اللى معايا ف جيبى هى ف جيبك . والفلوس اللى ف جيبك هى ف جيبى
لما بنخرج كلنا بره مثلا ف اى مشوار مافيش حاجه اسمها انا معايا 10 جنيه وانت معاك 50 جنيه ..... هى اسمها احنا معانا 60 جنيه
صاحبك عندك اهم منك انت شخصيا
العلاقه بينا مافيهاش زعل ولا خناق ولا حد يغير من حد ولا يتخنق من حد
احنا الحمد لله العيال اللى شايفها دى بقالها اكتر من 10 سنين مع بعض .. حتى لما بنتخانق سوا . الخناقه بتقلب ضحك ف ثانيتين
مالك : ومافيش احلى من كده .. وكان نفسي بجد يكون ليا اصحاب بالشكل ده ... وما صدقت لقيتكو
احمد : وعلاقتنا كلنا مع اصحابنا البنات علاقه جميله جدا فيها هزار وفيها ضحك . يعنى مافيهاش بصات من تحت لتحت
والمفروض انك لو لقيتها بتعمل حاجه غلط تيجى تنصحها وتفرض عليها كلامك كمان بما انك خايف عليها وبتعمل كل ده لمصلحتها وغصب عن عين اهلها والجزمه فوق دماغها هتسمع الكلام ..... مش كده ولا ايه يا بت اسراء
اسراء : كده يا كبير وماتزعقليش انا بتوتر من تكشيرتك ابو شكلك
احمد : ههههههههههههه فهمتنى يا صاحبي
مالك : فاهمك .. ماتجيب حضن ياض
احمد : ههههههههههههههه هو ده . خش ف حضن اخوك
مجدى : طب ايه وانا مش هتاخدونى بالحضن معاكو
احمد : لا انت عيل مراهق .. من صباحيه ربنا عمال تبص ع البنات ... يابنى اومال لو شوفت مزز الجامعه بقي هتعمل ايه
مجدى : ايه ده هما كل دول مش مزز
احمد : هههههههههههههه مزز طبعا . بس فيه نوع كده بيحب ييجى ف الاخر يخطف الاضواء .. بيدخلو متأخرين كده عن المواعيد عشان يلفتو الانتباه
..............
ساره : اهو بصوا ... الواد ابو تيشرت اسود اللى هناك ده
منه : فين ! فيه ولاد كتير واقفين
سلمى : ( لأول مره بتبص على أحمد وبتسرح وعينيها شبه بتنزل دموع لانها عرفت ان ده شبه الرسمه اللى رسمتها وشبه الضحكه اللى شافتها ف الحلم .. بس بتسكت مش بتعرف حد )
منه : ااااه شوفته ... يا أمى .. هههههههههههههههه ايه حتة العسليه ده وايه الضحكه دى
مروه : ده هو .. عليا النعمه هو الواد اللى كان واقف عند الايس كريم ههههههههههههههههههههههههههه
اميره : والمصحف الشريف هو الواد اللى كان شغال ف محل الحديد
منه : احييييييييييييييييييييه . ايه الصدف ده دى انتو بتتكلمو جد
سلمى : ( بتمسح دموعها بهدوء من غير ما ياخدوا بالهم )
اميره : فينك يا فريده تيجى تشوفى اللى احنا شايفينه .... بقولكو ايه عاوزين نتعرف ع الواد ده
منه : على فكره انا اللى هتعرف وانا اللى هحبه وانتو مالكوش دعوه
سلمى : ههههههههههههه ( بتضحك ضحكة فرح ) ابقوا قابلونى . مهما حاولتو معاه مش هتعرفوا
اميره : استنو بقي هروح اعمل حركه . هروح اساله عن اى حاجه ونشوف رد فعله واشوف فاكرنى اصلا ولا لا
...........
اميره : لو سمحتو هى فين الكافتيريا
احمد : فين ايه ؟
اميره : الكافتيريا
احمد : ايوه ماهو اللى احنا واقفين ف امها دى الكافتيريا . ماتبطلو البورشام اللى بتاخدوه ده بقي . انتى مش شايفه الشاى رايح وجاى قدامك اهو
مصطفى : هههههههههههههههههههه يا اخى حرام عليك كسفتها
احمد : ههههههههههههههههههههه بهزر معاكى يا انسه على فكره .. الكافتيريا اهى ... وبردو بطلى بورشام هههههههههههههههههههههههه
اميره : هههههههههههههههههههههههههههههههههههه ولا يهمك . نهارك زي العسل . احم نهاركو زى العسل
.....
منه : ها قالك ايه
اميره : ده اسعد يوم ف حياتى هههههههههههههههههههه
سلمى : ( عينيها متشعلقه بأحمد من بعيد .. بتبص على هدومه وعلى ضحكته وعلى ابتسامته وعلى عيونه وعلى شعره ... بتحفظ كل تفصيله ف شكله )
اميره : انا عذرتك يا ساره ع التسهيمه اللى انتى سهمتيها .....
منه : عيال هفأ اقسم بالله . انا هوريكو ازاى تشقطو واحد بالادب هههههههههههههههه
اميره : على فكره فريده لو جات هتبهدلنا ع الحفله اللى بدأت من غيرها دى ههههههههههههههههههه دى ممكن تتجلط
ساره : اه نسيت هيحضر محاضرة المحاسبه اللى كمان 10 دقايق
منه : اشطا .. يبقى هتعرف عليه هناك .... انا مش عارفه انتى مالك يا سلمى مسهمه خالص ومش بتتكلمى
سلمى : حاولى تتعرفى انتى بس عليه وحاولوا كلكو وهتعرفوا بعد المحاضره
...............
( جوه المحاضره ... لسا الدكتور ما وصلش ..... احمد ومالك قاعدين جنب بعض ف صف .. وباقى الشله مصطفى وعلى وحسن ومجدى واسراء وايمان قاعدين ف الصف اللى قدامهم والبنات قاعدين على شمال المدرج بعيد عنهم بس شايفين احمد )
مالك : يعنى هنحضر غصب عننا ولسا الباشا ماوصلش
مصطفى : يلا بقي هنعمل ايه .. انت مالك يا حمو مسهم كده ليه وحاطط ايدك على خدك ... عمال تبص على ايه ف تليفونك
احمد : مش عارف ! بس حاسس كده احساس حلو من ساعة ما صحيت .. والصوره اللى صورتها دى غريبه أوى
مصطفى : صورة ايه ؟
احمد : بص كده ع الصوره دى ... شوفت شلة البنات اللى ورايا دول بعيد الناحيه التانيه
مصطفى : مش باينين . بس مالهم
احمد : مافيش ..... ربنا يكملها على خير بس
مصطفى : انشالله يارب دايما . ايه اللى حصل بقي
احمد : ههههههههههههههههه فاكر البنت اللى قولتلك عليها انى بحلم كل يوم بتقاطيع وشها
مصطفى : هههههههههههههه ايوه المهلكه ... مالها ؟
احمد : النهارده صورتها اتشكلت وشوفتها على بعضها وعرفت شكلها
مصطفى : بجد ؟ وشكلها ايه
احمد : حوريه ... والنبى يا مصطفى تبص قدامك وخلينى ف الانهيار العاطفى اللى انا فيه . الصوره دى مجننه أمى .. ومش عارف البت دى راحت فين . ده مسافة ما قفلت التليفون وببص ورايا مالقيتهاش
مصطفى : يخربيتك دانت تنحت بس من مجرد سيرتها
.....
مالك : حمو ! انا هخرج اجيب شاى . اجيبلك ؟
احمد : اه ياريت
......
ساره : بت يا منه . الواد قاعد لوحده . صاحبه اللى كان معاه قام خرج ... قاعد اهو حاطط ايده على خده وبيلعب بالقلم
منه : هو ده ..... استعنا ع الشقا بالله .. وحياة أمى لاهبله بعيونى دى صبركو عليا
............
( منه بتقرب من البينج بتاع احمد وبتلاقيه لسا قاعد حاطط ايده على خده وبيلعب بالقلم وبتيجى تقعد جنبه )
( احمد بيكلمها من غير ما يبصلها )
احمد : المكان ده بتاع واحد يا انسه
منه : واحد مين
احمد : واحد صاحبي خرج يجيب شاى
منه : اه معلش سورى .. بس ده مش ذوق على فكره
احمد : هو ايه
منه : انك ماتبصش للى بيكلمك كده . عيب هو انا جربه
احمد : ( بيبصلها ) اه معلش حقك عليا انا اسف مخدتش بالى والله .... كنت بقولك ان ده مكان واحد صاحبي )
منه : ( بتتلبخ ف الكلام ) ايوااا
احمد : ايوا ايه
منه : ايوااا انا اسفه . عن اذنك
احمد : ولا يهمك ... ( بيكمل لعب بالقلم )
............
ساره : ايه ايه عملتى ايه احكى هههههههههههههههههههههههههه
سلمى : ( بتسمع باهتمام )
اميره : احكى يا زفته انتى جايه متنحه كده ليه
منه : احيييييييه ه دنا اللى تنحت مش هو ..
سلمى : يعنى كلمك قالك ايه وكان مهتم بيك ويعاكسك كده ولا ايه
منه : لا .. واد تقيل .. معلم عليا النعمه ولا اتهز من مكانه ولا حسيت انه اتشد ليا ولا لعنيا الزرقا دى . يخربيت كده دنا كنت هشك ف نفسي انى حلوه
سلمى : ( بتضحك ومبسوطه )
منه : انتى بتضحكى على ايه يابت . فرحانه انى اتكبست
سلمى : ههههههههههههههههههه هتعرفوا بعدين والله . بس لسا فريده . عاوزين نعرف هتعمل ايه هى كمان وهو هيعمل ايه لما تيجى من عند ابوها الدكتور سامى
منه : الشله بتاعتنا اتخطفت يا جماعه والمصحف .. وقعنا ولا حد سمى علينا
سلمى : الدكتور جه . ركزوا بقا ..
( سلمى طول المحاضره عيونها متعلقه باحمد وبحركاته وبهزاره مع اصحابه )
..............
( بعد المحاضره احمد قاعد بيقرا مجلة على الرصيف جنب الكافتيريا .. فريده بتدخل بعربيتها وبتقف قدامه بالظبط ومش شايفاه )
احمد : انت يا حلوف انت ياللى راكب عربيتك
فريده : ( بتنزل من عربيتها ) حضرتك بتكلمنى انا
احمد : هو فيه حلوف هنا غيرك . انتى وقفتى كده ليه .. انتى مش شايفه حد قاعد خالص . دى وقفه دى تقفيها قدام الناس اللى قاعده . ايه قلة الذوق دى
فريده : انت بتكلمنى كده ليه ؟
احمد : ياشيخه غورى ( بيسيبها وبيمشى )
فريده : ( بتقف تايهه ومش مستوعبه اللى حصل )
مى : ايه يا دودو واقفه كده ليه
فريده : الواد ده مين وابن مين ؟ وازاى يكلمنى كده
..........
منه : اهى فريده وصلت اهى ... تعالى يا دودو الحقي الشله بتاعتك
فريده : ف ايه ولو موضوع بجد قولوه عشان لسا متخانقه دلوقتى وحاجه قرف .. انا يتقالى يا حلوفه
منه : ههههههههههههههههه مين ده اللى قالك حلوفه
فريده : واد وقفت قدامه بعربيتى وقام قايلى فتحى يا حلوفه ورمانى ف وشى بالمجله اللى بيتزفت يقراها ومشى
سلمى : ههههههههههههههههههههههههههههههه انتى غلطانه يا دودو ماتكابريش . تعالى بس استنى شوفى منه هتقولك ايه
فريده : خير يا منه
منه : احنا كلنا كده بالصلاه ع النبى اتخطفنا .. واللى خطفنا الواد اللى واقف عند الكافتيريا .. تعالى احنا كنا رايحين
فريده : ماشى
....
منه : بس ياستى ده كل اللى عملناه . لسا انتى وسلمى ونشوف مين هتعرف تشقطه ههههههههههههههههههه
فريده : يا نهار اسود ده هو الواد اللى اتخانقت معاه
منه : ههههههههههههههههههه الواد ده فيه حاجه لله ف لله او ربك بيربطه بينا مش عارفه ليه .. مش معقوله يا جماعه كمية الصدف اللى بينا وبينه دى . فيه ايه انا بدات اقلق
فريده : اشمعنى
سلمى : لانه هو نفس الواد اللى شافته مروه وهى بتجيبلنا ايس كريم فاكره ؟ وهو نفس الواد اللى اميره شافته ف الشغل وهو بردو نفس الواد اللى .....
منه : اللى ايه ؟
ساره : قصدك اللى انا شوفته عند الكافتيريا
سلمى : ايوه ايوه بالظبط ... روحى يا فريده حاولى تتعرفي عليه وشوفى هيعمل معاك ايه . متحمسه جدا
...........
فريده : لو سمحت
مصطفى : مش هى دى ياض ياحمد اللى كانت هتخبطك
احمد : اه هى ... عاوزه ايه نعم
فريده : ثوانى بعد اذنك
....
احمد : افندم
فريده : انا اسفه . انا فعلا ماكنش ينفع اعمل كده بس والله ماكنت شايفاك خالص
احمد : حصل خير
فريده : لا شكلك لسا زعلان
احمد : يا حاجه خلاص
فريده : حاجه ؟
احمد : انتى تطوليها . ادعى بس ربنا يكتبهالك
فريده : هههههههههههههههه اححم انت اسمك ايه
احمد : وانتى مالك
فريده : ايه الكسفه دى .. عيب كده على فكره
احمد : هههههههههههههههههههههههه لا .. اسمى احمد
فريده : على فكره انا بنت دكتور سامى . دكتور المحاسبه
احمد : اه . اعمل ايه مش فاهم ؟ عن اذنك طيب معلش
فريده : اها طبعا اتفضل
........
فريده : تانى مره يكبسنى ابن الجزمه ههههههههههههههههههههههه
منه : دورك يا سلمى هههههههههههه ادخلى اتكبسي انتى كمان
سلمى : هههههههههههههههه خلصتو كلامكو وحكايتكو عنه ؟ احب اقولكو ان ده صاحب الرسمه اللى انا رسمتها من خيالى ومن احلامى ( عيونها بتضحك )
ساره : يابت الجنيه والمصحف هو افتكرت
منه : احيييييه . ده شكل الرسمه صحيح وانا بردو عماله اعصر مخ امى بس بردو هيكبسك . وماتزعليش منى يا سلمى ده يخصنى
فريده : يخصنى انا
سلمى : طب تعالو بس ونشوف هيحصل ايه . ويانا يانتوا
..............
( احمد واصحابه واقفين واحمد مدى ضهره للشارع )
مصطفى : يخربيت كده . ايه شلة البنات دى ياض .. اهو هما دول اللى بتقول عليهم يا عم احمد هيدخلو يخطفوا الاضواء
مجدى : يا أمى .. يا أأأمى .. اسكندريه واللى منهاااااااااااااا ههههههههههههههههههه
مالك : معلش بقي ياا بو حميد . لازم نبص مش قادرين هههههههههههههه
احمد : اه يا شويه صيع
................
( شئ ما بيخلى أحمد يلتفت ويبص عليهم . بتيجى عينه ف عيون سلمى ودى أول مره يلمحها وتيجى عينه ف عيونها )
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020