رواية مهلكتي من جزء 1 : 18

الجزء_الرابع (الحلقه الثالثة عشر ) ( صاحب حق ) ❤ ❤

غير.مصرح.بنشر.القصة.الإ.معرفه.الكاتب.او.الناشر
................
ف الحلقه السابقه :_
مالك : رد ياعم شوفهم بيعملوا ايه
احمد : الو
عماد : ايه يابنى انت هتسيب الواد متعلق كده طول الليل ولا ايه . طب اديله يشرب طيب ؟ ده عمال يسبلى ويقولى هغتصبك لما انزل
احمد : ( بيقع ع الارض من كتر الضحك ) احيييييييييه هو لسا متعلق دنا نسيت اقسم بالله .. جاتكو داهيه عيال فقر ابو اشكالكو
غير.مصرح.بنشر.القصة.الإ.معرفه.الكاتب.او.الناشر
.................( الثالثة عشر ) ❤
( تانى يوم على بوابة الجامعه الساعه 9 ونص احمد واقف وراكن على عربيه ووائل يركن عربيته وداخل عليه )
احمد : ازيك يا عم سامح
سامح : أهلا ! ازيك يا ابو حميد
احمد : تمام يا ريس ...كويس انك جيت النهارده بدرى انت كمان
( وائل واقف من بعيد مستنى سامح يخلص مع احمد )
سامح : اشمعنى يعنى النهارده بدرى
احمد : مافيش اصل فيه دكر بط هيتزغط النهارده ههههههههههه عشان يحرم يلعب لعبه هو مش قدها ... ايه ده وائل .. ازيك يا وائل بيه مخدتش بالى معلش ...
وائل : اهلا
احمد : اتفضلو يا جماعه اتفضلو انتو معلش عطلتكو
( وائل وسامح بيمشو بعيد شويه )
احمد : سااامح ... يا سامح
سامح : ايووه
احمد : ثوانى بعد اذنك
سامح : ( بيمشى ناحيته ) خير يا كبير
احمد : انت عارف انى بعزك ... النهارده ماتخليهاش تقلب لعداوه وخليك بعيد عن اللى هيحصل
سامح : هيحصل ايه . فهمنى
احمد : انت عارف وانا عارف ايه اللى هيحصل ...
غير.مصرح.بنشر.القصة.الإ.معرفه.الكاتب.او.الناشر
............
سامح : بقولك ايه يا وائل .. تعالى نمشى
وائل : نعم ؟ ليه ان شاء الله
سامح : ياعم بقولك تعالى نمشى بدل ما وكتاب الله هيتعلم علينا النهارده أحلى علامه
وائل : ماتخلنيش اسحبلك سحبه حلوه دلوقتى .. امشى يالا .. هو قالك ايه ؟
سامح : ولا حاجه . قالى خليك بعيد عن اى حاجه تحصل النهارده .. وكلامه ف الاول مش مريحنى
وائل : يعنى ناوى على ايه
سامح : مش عارف بس شكلها خناقه
وائل : طب منا عاوز كده . انا بس عاوزه ييجى يمد ايد بس وانا همحيهولك من الكلبه تماما
سامح : هو مش غبي . والا كان زمانه اتخانق معاك على البوابه بره .. ده مستنى حاجه معينه
غير.مصرح.بنشر.القصة.الإ.معرفه.الكاتب.او.الناشر
..............
( احمد جنب الكافتيريا بيشرب شاى وبيشرب سجاير والعيال بتبدأ تيجى واحد ورا التانى )
مالك : ايه يا كبييييييييير اهدى وصلى ع النبى ... شربت كم علبه
احمد : من امبارح بالليل لغاية دلوقتى 3 علب ههههههههههه
مصطفى : انت هتهرج يالا . يعنى انت مابتشربش اصلا ويوم ماتشرب تخلص 3 علب ف نص يوم
احمد : اعملكو ايه يا شوية هفأ . هو انا بشرب غير عشان اصلح اللى بوظتوه جاتكو ستين نيله
مصطفى : طب ناوى على ايه ... الواد احمد2 حكالنا كل حاجه
احمد : فين على
مصطفى : فين على صحيح ؟ اه هناك اهو .
احمد : ماتشهل شويه يا روح امك ..
على : اؤمرنى يا كبير
احمد : عاوزك بالحساسه كده تروح للواد سامح تهزر معاه شويه وتسخنه وتقوله احمد جايب مطوه وهيعلم بيها على وائل وخليك انت بعيد يا سامح
على : نعم ؟ مطوه ايه ان شاء الله ...
مصطفى : ولا ! ماتبطل عبط بقي
احمد : يا متخلف يا حمار انت وهو انا شايف ف عربيته مطوه من شويه . هو حاططها ف جيب الباب من الناحيادى ...هو خايف وعارف ان فيه حاجه هتحصل . انا عاوزه بقي يجيبها ويخليها معاه عشان يبقي يرد عليا
مالك : طب افرض عورك بيها بجد .. هنتبسط احنا كده ؟
مصطفى : ياعم مالك انت كمان استنى مش دى القضيه . مش هيعرف يعمل مع احمد حاجه .. بس كده ياعم الموضوع هيكبر ع الفاضي وسين وجيم . ده سلاح ابيض جوه الجامعه .. عارف يعنى ايه ؟
احمد : ياعم انت وهو هتعملو اللى بقول عليه ولا مش عاوز حد فيكو معايا ؟
مصطفى : اخلص ياعم على خلينا نشوف اخرتها
غير.مصرح.بنشر.القصة.الإ.معرفه.الكاتب.او.الناشر
.................
على : ايه يا موحه . الكلام على ايه
سامح : اهلا ! ازيك يا علوه
على : ايه يابنى واقف لوحدك ليه ماتيجى تفطر معانا
سامح : لا ياعم فطرت من شويه ... بقولك ايه . هو احمد ماله ؟
على : ماله ؟
سامح : مش عارف متنشن النهارده وشكله مش ناوى على خير مع حد
على : اهاااا ده ناوى يعلم على وائل . حتى جايب مطوه معاه ... ابن مجانين وناوى يحبسنا النهارده
سامح : احيييه انت بتقول ايه يا على .. انت بتهزر ؟
على : اهزر ليه ياعم .. ماحنا عمالين نهدى فيه اهو ... انا ماشي ياعم
غير.مصرح.بنشر.القصة.الإ.معرفه.الكاتب.او.الناشر
...............
سلمى : ازيكو يا شباب
الشباب كلهم ماعدا احمد : اهلا يا سلمى .
مالك : اخباركو يا بنات . اخبارك يا ساره ؟
ساره : بخير الحمد لله . انتو عاملين ايه . عامل ايه يا فنان . انت مخاصمنا ولا ايه ماترد ياعم
احمد : ( بيبصلها وبيبص لسلمى ومابيتكلمش )
سلمى : ( بتبص لاحمد وبتتأسفله بعنيها )
احمد : فين باقى البنات ؟
سلمى : جايين ورانا .. منه كانت ورايا وفريده بردو
احمد : شوفلى اسراء وايمان فين يا حسن والنبى
حسن : كانو هنا من شويه ... اهو وصلو
ايمان : صباح الفي
احمد : والله العظيم ماهو وقتك خالص دلوقتى . اخلص بس وابقي اتفاهم معاك واعرف انتى بتقولى ايه
سلمى : ( بتبتسم غصب عنها )
ايمان : بس ياض
اسراء : حمو الحموووتات هههههههههه عاملين ايه يا عصابه . احنا ملمومين كده ليه النهارده
احمد : اصبرى على رزقك .. دقيقتين بس باقى الشله الحلوه تيجى
غير.مصرح.بنشر.القصة.الإ.معرفه.الكاتب.او.الناشر
.................
سامح : ياعم الواد معاه مطوه ...
وائل : نعم ؟ مطوه ايه ؟؟ مدخلها جوه الجامعه ؟
سامح : اه الواد على حالفلى انه معاه وناويلك على نيه
وائل : طب استنانى هنا ( بيخرج يجيب مطوته من عربيته وبيدخل بيها )
غير.مصرح.بنشر.القصة.الإ.معرفه.الكاتب.او.الناشر
........
سامح : دخلت بيها ازاى من الامن ؟
وائل : امن ايه انا مابتفتش يا حبيبى .... عليا النعمه لنا مضيع الواد ده النهارده ...
سامح : طب بالراحه عشان هو شكله جاى علينا وعينه بتطق شرار
وائل : ماتخافش
.................
احمد : اسمع انت وهو وهو وهى وهى . اسمعو كلكو ؟ عليا الحلال من دينى اللى هيتدخل او هيفكر يتدخل لنا قاطع علاقتى بيه نهائي . اشطا
سلمى : احممممممد
احمد : هششششششش
غير.مصرح.بنشر.القصة.الإ.معرفه.الكاتب.او.الناشر
...................
(احمد بيعمل انه بيطلع حاجه من جيبه من ورا وبيدخل على وائل بشكل عشوائي لكن مابيحتكش بوائل هو الاول )
(وائل من الخضه والخوف بيطلع المطوه من جيبه وبيحاول يعور احمد وفعلا القميص بيتخدش من الجنب )
احمد : ههههههههههههههههه وقعت فيها يا ناصح ... كده انت غلطت . وانا بصراحه مستنيك تغلط
سامح : احممممممممممد استنى
احمد : عم سامح . بره الموضوع يا سطا لو سمحت
انت يالا مالقيتش ف الجامعه كلها غير دى اللى عاوز تعلم عليها ؟
وائل : انت حد كلمك يالا انت
احمد : وحياة امك ؟ دانت مطلع مطوه وضاربنى بيها . دنا هضيع مستقبل امك دلوقتى
وائل : انا افتكرتك بتطلع حاجه وهتضرب بيها
احمد : ابقي قولهم بقي انك كنت مفكرنى . دنا واهمك من اول اليوم ومخوفك يا حمار
( احمد بيضرب المطوه برجله وبيضرب وائل ف بطنه بالرجل التانيه بيجيبه ع الارض )
احمد : قوم يا حيلتها ( اللى ماشى واللى رايح واللى جاي بيتلمو )
سلمى : ( بتجرى تلقائي تتطمن على احمد ) احممممد خلاص
احمد : انا مش قولتلك محدش يتدخل ... ارجعى لورا ( ف اللحظه اللى احمد بيكلم فيها سلمى وبيرجعها لورا .. وائل بيكتف احمد من رقبته )
وائل : عامللى فيها دكر يالا ؟
احمد : ( بيلوى دراعه وبيجيب وائل قدامه ) دكر غصب عن اللى جابك يا حيلة امك .. تحب أوريك ؟ ( بيسيب وائل يعدل هدومه )
وائل : انا هوديك ف ستين داهيه
احمد : انا بدافع عن نفسي يا وسخ .... ( بيبدأ يبكسله ف وشه ) قوم يالا .. قوم يالا ماتخليكش مرا انا مابضربش حريم
وائل : انت خدتنى على خوانه
احمد : خوانة مين يا معفن دنا جايلك من اخر الجامعه وشى ف وشك ... مش زى النسوان عمال ألت واعجن مع ده ومع ده بقالى يومين ... منا جيتلك امبارح وقولتلك خليها راجل لراجل . انت اللى مُصر تخليها راجل ل مرا يا وسخ ( بيضربه ف وشه ) وطبعا عارف مين الراجل دلوقتى ؟ ولا اعرفهولك أكتر ... ( بيقومه من ع الارض وبينزل فيه ضرب تاني )
سلمى : ( منهاره من اللى بتشوفه ) وبتصرخ ل مصطفى ومالك انهم يلحقوه
احمد : ارجع يا مصطفي انت ومالك محدش له دعوه
وائل : ( بيضرب احمد من رجله وهو مديله ضهره )
احمد : ( بضهر ايده بيلطش وائل بالقلم وبيمسك رقبة وائل بايده وبيخنقه )
(مصطفى ومالك بيجروا يشدوا أحمد )
( أمن الكليه بيتدخل للأسف وبيمسكوا احمد ووائل وبياخدوهم ل مبنى العميد )
وغير.مصرح.بنشر.القصة.الإ.معرفه.الكاتب.او.الناشر
....................
سلمى : مصطفففففى اعملو حاجه والنبى
مصطفى : استنى بس يا سلمى الله يباركلك
منه : ( بتعيط ) تعالو نروح نشوف هيعملوا معاه ايه يا جماعه
ساره : ( بقلق ) العمليه شكلها هتطبخ وهييجو على احمد يا جماعه . الواد ده ابوه يبقي صاحب العميد
فريده : سلمى كلمى باباك ؟
سلمى : برن والله تليفونه مقفول ( بتعيط بطريقه وحشه )
( مصطفى ومالك وحسن وعلى بيجروا ورا احمد على مبنى ادارة الكليه والامن بيمنعهم يدخلوا )
غير.مصرح.بنشر.القصة.الإ.معرفه.الكاتب.او.الناشر
.........................
سلمى : ايه محدش عارف يطلع ؟
مصطفى : لا . الامن مانع حد يطلع
منه : احيييه يا جماعه دا الجامعه كلها كانت بتتفرج .. هيودوا الواد ف داهيه
مالك : بقولكو ايه ؟ عشان لو طلبو شهود نبقي محددين كلامنا .. المطوه دى كانت وائل
حسن : طب ماهى كانت مع وائل بجد اصلا
مالك : انا بتكلم عشان الواد ده ممكن يجيب حد من معارفه ويشهدوا ان احمد اللى دخل عليه بالمطوه
على : لا يا بابا ده الموضوع كان على عينك يا تاجر .. والعيال اللى كانو واقفين ناحية الواد وائل ده كانو شايفين كل حاجه .. واحمد قاصد كده على فكره ان يبقي فيه شهود
مالك : هو اللى يطمن ف الموضوع ان فعلا العيال شافت ان وائل هو اللى بيطلع المطوه من جيبه من ورا
على : والواد سامح بردو شاف كده .. وهو اينعم واد كلب فلوس بس هيخاف وهيقول الحقيقه
غير.مصرح.بنشر.القصة.الإ.معرفه.الكاتب.او.الناشر
......................
( احمد ووائل قاعدين ف اوضة عميد الكليه مستنيينه )
وائل : عملت كده ليه ؟
احمد : عشانك قربت من اخر واحده ف الدنيا المفروض تقرب منها
وائل : ياااه اشمعنى يعنى
احمد : اشمعنى ايه . البنات كتير ف الجامعه وفيه منهم اللى يتمنوا تكلمهم عشان فلوسك وعربياتك ... ليه دى ؟ طب انت دخلت كلمتها وقالتلك تعالى اتعرف على رجالة الشله .. ماسمعتش كلامها ليه ؟ وليه بتبعتلى صاحبتك عشان تبلغنى الكلام ؟ وليه تبعتلى رساله على تليفونى .. بتجر شكلى يعنى ؟ اديك جريت شكلى اهو يا غبي وهوديك ف ستين داهيه ؟
انا طول ما الحق كان يخصني ماكنش عندي مشكله لكن تقرب منها لا وألف لا
وائل : وانا عملتلها ايه يعني دنا بس قولتلها عاوزين نتعرف عليكو وكان معاها صاحبتها
احمد : دي مابتتعرفش ع حد اصبر بس دنا هضيعك
وائل : عميد الكليه صاحب ابويا
احمد : ههههههههههههه صاحب الحق عينه مابتتكسرش .. وهتشوف بنفسك ... إلا سلمى .. فاهمنى ؟ إلا سلمى
وائل : بقولك ايه ماتجيبش سيرة المطوه
احمد : هههههههههه عرفت انى صاحب حق ؟
غير.مصرح.بنشر.القصة.الإ.معرفه.الكاتب.او.الناشر
.....................
( بيدخل عميد الكليه الدكتور يوسف )
يوسف : ايه اللى عملتوه ده يا شوية اغبيا هى حصلت ان حثاله زيكوا يتخانقوا عندى ف الكليه ويمسكوا مطاوى لبعض ؟
احمد : دكتور يوسف لو سمحت حضرتك احنا لا اغبيا ولا حثاله وياريت يبقي الكلام واخد سكه تانيه من فضلك
يوسف : انت مين يالا عشان تتكلم معايا
احمد : طالب عندك ف الكليه واسمى احمد
يوسف : وتسمى اللى عملتوه ده ايه يا سي الاستاذ احمد
احمد : حضرتك انا ماعنديش اى اشكاليه ف اللى حضرتك هتقوله وتسميه عن اللى عملناه لكن اهانه مش هقبل ...
يوسف : وانت يا استاذ وائل بيه .. كلامك زي الاخ ده ولا ليك كلام تانى ؟
وائل : انا مع حضرتك يا دكتور ف اى حاجه تؤمر بيها . بس حضرتك انا مش غلطان
يوسف : دا ابوك لسا مكلمنى من شويه وفضلت ادردش معاه ييجى ساعه .. اقوم اقفل السكه الاقي ابنه عامل مصيبه ؟
وائل : معلش يا دكتور حضرتك انا مالياش اى علاقه بالموضوع .
يوسف : فين المطوه اللى كانت معاكو ؟
احمد : قبل المطوه وقبل اى كلام يا دكتور كنت حابب اسال حضرتك سؤال
يوسف : سؤال ايه مالكش اسئله عندى
احمد : معلش هو رجاء مش سؤال . حاشا لله انى اقدر اسال حضرتك
يوسف : اتفضل ( بيطلع بيان رفد وفصل من الكليه من مكتبه ) الاول بس هاتلى الكارنيه بتاعك
احمد : ياسلام بس كده .. اتفضل
يوسف : (بيبدا يملى بيانات احمد على الاستماره ) ها اسال . قول اللى ف نفسك
احمد : هههههههههه حضرتك التحقيق ده نتجيتة مُعلنه مسبقا واخدها من اصرها واخرج من هنا ع البيت اروح اشوفلى شغلانه ف اى حته واكون رافع دعوتى ل ربنا هو ياخدلى حقى .. ولا حضرتك صاحب عدل وحق هتحكم باللى بيمليه ضميرك بعيد عن الصحوبيه والزماله وبخس حقوق الناس زى منا عارف ومتأكد انك صاحب عدل
يوسف : ( بيسيب القلم من ايده )
غير.مصرح.بنشر.القصة.الإ.معرفه.الكاتب.او.الناشر
.......................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020