رواية مهلكتي من جزء 1 : 18

الجزء_السادس (الحلقه الأولى ) ( الغزاله والصياد ) ❤ ❤

................
ف الجزء السابق :_
حاتم : بابا انا من ساعة ما سلمى كلمتنى باسلوب مش كويس ف المطعم اللى الواد ده كان بيشتغل فيه وانا مراقبها , ومخلى بدل الواحد اتنين يمشوا وراها ويجيبولى اخبارها ,,, حتى كمان جبت عنوان الواد ده ,,, وبصراحه بقي , سلمى راحت البيت عنده أكتر من مره
سليم : حاتم ! الموضوع ده كبير ,,, وحاجه زى دى لو ابوها عرفها مش هيسكت ,,, ابوها صاحب عمرى وعلى قد ما ربنا كرمه بفلوس لا حصر لها ,, إلا انه لسا بطبيعته الشرقيه وحاجه زى دى لو عرفها ,, هياذى سلمى جامد والواد ده ! الموضوع بجد ولا حركه منك ؟
حاتم : وحياتك عندى بجد ,,, وأدى الصور اللى تثبت لحضرتك ,, وهى داخله , وهى خارجه
سليم : ورينى ! ,, احيييييييه !
قولتلى انك عاوز تتجوزها ؟ اعتبر نفسك خلاص اتجوزتها ,, ده مايمنعش ان اللى عملته ده غلط ,,, سيبنى بقي اشوف هدخل لابوها ازاى
حاتم : ياريت
................
( ع البحر قبل المغرب احمد قاعد ع السور وسلمى جنبه ,, وشه للبحر وسرحان )
سلمى : سَرحت ف ايه يا واد ....!
احمد : مخنوق .... حاسس ان صدرى طابق عليا , وحاسس اكتر ان الدنيا هتقلب فوق نافوخى والموجه المرادى عاليه ,,, انتى معايا ؟
سلمى : بِعُمرِى كله معاك
............................. ( الأولى ) ❤
احمد : ( بيبصلها )
سلمى : ايه يا احمد بتبصيلى كده ليه ؟
احمد : مستغرب ! ومش مصدق ! سلمى انتى مآمنه بيا ؟ متطمنالى ؟
سلمى : هههههههههه لا خايفه منك
احمد : انا بقول كده بردو
سلمى : احمد ! والله والله والله انت بتمثللى نقطة الآمان ف الدنيا دى
معاك .... معاك بحس انى طفله , مابشغلش بالى بأى مصيبه ولا باى حوار
لانى عارفه ان ورايا واحد هيصلح اى حاجه عملتها
تخيل بقي ... تخيل انت موصلنى لإيه
ماشيه ومابحسبش دقيقه قدام هيحصل فيها ايه
متطمنه جدااااااااا
عارف !
وقفتك وسطينا واحنا واقفين كلنا مع بعض دى تانى اكتر حاجه بحبها ف حياتى كلها ومن الاوقات اللى بتمنى الزمن يقف عندها
بحس باحتواءك ,, ومش باحتواءك ليا انا بس ,,, لاصحابك لشلتك لاهلك
حاسه انك باسط ايدك ع الكل ومش عاوز حد يبعد ,,, ولا هتسمح لحد يبعد
لما ابصلك والاقى وشك فرحان وبتهزر هنا وهنا بيبقى اليوم اصلا اصلا شكله حلو
لكن لما بحس وصدقنى كلنا بلا استثناء بنحس ان مودك مش حلو بيبقي اليوم رخم
بجد انت فارق معانا كلنا
ومعايا انا بالذات
منك انا بستمد وبشحن روحى وبحس بالجانب الحلو ف حياتى
انا بنت زى مانت شايف غنيه ,, والحمد لله معايا من الفلوس اللى اقدر اعمل بيها واسوى من غير حدود .. بحمد ربنا ان ابويا طلع من وسط الغلابه وكان واحد منهم قبل ما ربنا يكرمه بكل ده عشان كده بابي مربينى كويس
وفهمنى يعنى ايه واحده وواحد يتمسكو ببعض
لان كان بينه وبين مامى قصه حب حلوه , ياما مامى حكتهالى
امى علمتنى بردو انى لما .... لما أحب , امسك ف حبى بايدي وسنانى
عمرى ما كنت اتخيل ولا اتوقع انى هوصل مع حد للدرجه دى
عمرى ما كنت اتوقع ان سلمى تفضل باصه لصورة شخص كل ليله قبل ما تنام بالساعه والساعتين
عمرى ما كنت اتخيل ان سلمى تصحى من نومها تدور على صورة الشخص ده بعد ما وقعت منها وهى نايمه على روحها
عمرى ما تخيلت ان صوته وهو لسا صاحي او صوته وهو بيقولى اتأخرتى ليه ؟ انه هيبقي احلى حاجه ف يومى
عمرى ما كنت اتصور انى اكون مستعده اتخلى عن الكل ف سبيل حضن منه
بص انا هعترفلك بحاجه
كون إنك مش راضى تنطق وتقولى الكلمه اللى عاوزه اسمعها بقالى 4 شهور ده ف حد ذاته مكبرك ف نظرى
وعارفه انك مش عاوز تقولها غير لما تكون قدها
انا قولت قبل كده انى ممكن أنزلك من البرج العالى اللى انا عايشه فيه من وجهة نظرك
الاميره ممكن تتخلى ع كل حاجه ف سبيل الشاطر والفارس بتاعها
بس دماغك دى جزمه ههههههههههههههههه ال ايه لازم انت اللى تطلع ,,, ياعم انا عاوزه اعيش تحت ياعم انت مالك . انا بخاف من المرتفعات اصلا اصلا
احمد : ههههههههههههههههه اصلا ؟
سلمى : اصلا
احمد : هههههههه طب قولى ايه هى اكتر حاجه بتحبيها ؟ انتى قولتى ان وقفتى وسطكو تانى احلى حاجه , ايه هى الاولى بقي
سلمى : احححم ! لما تكون نايم وابصلك
احمد : وانتى شوفتينى نايم فين اصلا ,؟؟ دى هى مره وانا قولتلك انى كنت صاحي وعامل نفسي نايم ,, هأأوأأوأأو
سلمى : ههههههههههههههههههه لا فيه مره تانيه
احمد : مره تانيه امتى ان شاء الله
سلمى : اليوم اللى عجنتك فيه انت وبنت الدكتور ومنه ههههههههههههههههه مش انت روحت البيت تنام لقيت حد نايم على سريرك وافتكرته انها سالى
احمد : نعم ؟ دى امى قالتلى انها بنت الست اللى كانت بتزورها
سلمى : احححححم . لا دى كانت انا
احمد : نعم يامه ؟ اتاريكى كنتى عماله تتهزى وتتلظلظى وانتى بتضحكى ههههههههههههههههههههههه ( بيقرصها من خدها ) والله العظيم معتوهه
سلمى : هههههههههههههههههههههه هأوأأوأأأو ساعتها استنيت انت تنام ,, وفعلا انت روحت ف النوم ف غمضة عين كنت تعبان ,, قومت وفضلت اكلمك شويه وابصلك .... برااااااااااااااااااااااااااءه وضامم رجلك على ايدك وحاجه ف منتهى الفلاوله يا فلاوله ههههههههههههههههههههه انا مستعده افضل باصالك كده وماتحركش
احمد : ماشى يا سلمى ماشى , حسابك معايا تقيل انتى وامى
سلمى : هتعمل ايه النهارده
احمد : هوصلك وهرجع اجيب البنات واروح انام شويه وهبقي انزل المطعم المغرب
سلمى : هتخلص امتى
احمد : على 11
سلمى : طيب هاجى أووصلك وابقي اجيبك
احمد : لا روحى ارتاحى وناميلك شويه وانا وقت ما هقوم هروح الشغل
سلمى : طيب خلى معاك العربيه طيب وصلنى وارجع بيها
احمد : احترمى نفسك بقي
سلمى : هههههههههههههههه والله العظيم بتكلم بجد
احمد : ما قولتلك احترمى نفسك ... ماتخلنيش اعكنن عليك بقي
سلمى : ياباااااااي عليك دماغ أمك ج.......
احمد : هااااااااا !
سلمى : هههههههههههههه ولا حاجه ,,, الجو النهارده برد اوى ايه ده
احمد : ولسا بالليل ,,,,, النوه النهارده وهتبقي ليلة فل ,,, بس يلا هو فيه أحلى من كده جو ,, العشق يابنتى العشق عاجبك الصيف والمرمطه بتاعته
سلمى : صيف مين ياعم , يارب الجو يفضل كده على طول
احمد : طيب يلا قومى
.............
( العربيه )
سلمى : احممد ! انت عينك شارده ليه ؟ وقلقان كده
احمد : ايه ! لا مافيش , ليه بتقولى كده
سلمى : لا مالك بجد ؟ وقولتلى مخنوق والموجه عاليه
احمد : ماتاخديش ف بالك يا لوم , ماتشغليش بالك انتى .... انتى تفضلى تحلوى وخدودك تحلو وتحمر كده ومالكيش دعوه بالباقي ههههههههههههههههه
سلمى : ياسلام , يعنى انا افضل أحلو وانت بتعافر عشانى لوحدك .. قولى بجد مالك
احمد : بصي يا سلمى انا هشرحلك الحال على هيئه لعبة كده وانتى إفهمى مين المقصود ومين اللى مش مقصود
فيه غزاله شكلها حلو وقمر قمر ف نفسها كده ف البريه
وفيه حواليها من كل الضباع والاسود والديابه والفهود على كل لون
وفعلا كانو بدأو يسنو اسنانهم عشان يبدأو بالهجوم
مفترسين الغابه كلهم اتجمعوا ,,, واللى يسبق هو اللى هيفوز
فجأه اتسمع ف الغابه صوت ضرب نار ,,, بندقيه صياد جايه من بعيد
الكل بدا يتدارى وياخد ساتر يشوف الصوت ده جاى منين
فجأه بيظهر الصياد ومعاه فعلا البندقيه
الغزاله بتبدا تجرى ناحيته ,,, لانها حست بالامان ف وجوده وحست اد ايه كل المفترسين دول بيعملوله حساب ومخافتش انه ممكن يصيدها هى
لكن اللعبه كده مخلصتش .....الصياد والغزاله لسا ف نص الغابه ,, وحواليهم غااااابه بحالها عاوزه الغزاله
الله أعلم البندقيه فيها كم طلقه ,, والصياد هيفضل واخد باله وواقف على رجله لغاية امتى
سلمى : طب والغزاله ! مالهاش أى دور ؟
احمد : لا ! مش مطلوب منها غير انها تصدق ان الصياد هيقدر يواجه بس طول ماهى جنبه ومش هتسيبه .. غير كده هيضعف وهيبهت وهيسيب كل اللى حواليه ينهشوا فيه ,, انتى آمانه وبهجته وحياااااااااااته ,, تفتكرى الصياد ممكن ف يوم يسيب بندقيته ؟
سلمى : اممممممم اكيد لا
احمد : للاسف يا سلمى ممكن
سلمى : ممكن ؟ ممكن يا أحمد ؟
احمد : اه ,, لو الغزاله تخلت عنه او شكت فيه مجرد شَك
سلمى : هههههههههههه كده اخلى الغزاله تتطمن لانها عمرها ما هتشك فيه المهم يا أخى يخربيت كلامك ,, يخربيت كده
احمد : انتى فهمتى حاجه اصلا ؟ اجرى اجرى
سلمى : ههههههههههههههههههههههههه
احمد : يلا وصلنا ,, هتدخلى عربيتك الباركن ولا هتسيبيها هنا
سلمى : لا سيبها هنا عشان هاجى اوصلك المطعم وغصب عنك ومش عاوزه لت وعجن كتير
احمد : ههههههههههههه وحياة امى مجنونه ,,, يلا سلام
سلام . سلام يا بطتى
.......................
( بيت سلمى )
سلمى : مساء الخير يا حلوييييييييييين ,, بابتى انت هنا بدرى يعنى
ابو سلمى : تعالى يا سلمى !
سلمى : خير يا بابا
ابو سلمى : انا ربيتك كويس ولا لا ؟
سلمى : ايه اللى حضرتك بتقوله ده اكيد طبعا ومتربيه وبنت اصول
ابو سلمى : وهى الاصول بتقول انك تدخلى بيت واحد زميلك اكتر من مره
سلمى : ايه اللى حضرتك بتقوله ده ,! حد مين ده ؟
ابو سلمى : بنت ! ردى عليا مظبوط مش معنى انى بحبك وانى استحاله ارفضلك طلب او انى سايبك على هواك الروايه ملك ل بيدج هو وهى وكاتبها أحمد سعد ومزاجك معنى كده انك تحطى راسي ف التراب
سلمى : بابا حضرتك ازاى بتقول كده . انا سلمى وعارفنى كويس
ابو سلمى : للاسف انا اتأكدت ,, واللى أكدلى ورانى بالدليل
سلمى : اهاا ده واحد مراقبنى بقي ,, مش بعيد حضرتك اللى تكون باعت حد يراقبنى
ابو سلمى : ( بيضربها بالقلم ) خشي على اوضتك يا قليلة الأدب انا هعلمك ازاى تكلمى ابوكى باسلوب كويس بعد كده , وهاتى التليفون بتاعك ده ( بيشد التليفون من ايديها )
سلمى : ( مصدومه من القلم وعينيها بتدمع وبتدخل تجرى على اوضتها )
.....
ام سلمى : ايه اللى عملته ده بالراحه على البنت حرام عليك
ابو سلمى : خشى اتطمنى عليها وحاولى تهديها ... منك لله يا سليم الكلب انت وابنك انت كمان
ام سلمى : يا حبيبى مش تسمع البنت الاول وتتأكد منها
ابو سلمى : بقولك انا شوفت .. شوووووفت بعينى وورانى فيديو
ام سلمى : وانت ازاى تسمح لحد اصلا انه يمشى ورا بنتك ويراقبها ,, بنتك مابتعملش حاجه غلط ,, والمفروض انك كنت تفهم كانت بتروح هناك ليه وعشان ايه
ابو سلمى : معرفش بقي .. ادخلى طمنينى عليها والنبى انا ضربتها جامد
.........................
ام سلمى : سلمى !! افتحيلى الباب يا بابا انتى قفلتيه ليه ؟
سلمى : ( منهاره م العياط ومابتردش )
ام سلمى : يا حبيبتى افتحى انا مامى افتحيلى يا روحى معلش
سلمى : ( بتتكلم بنهنه وتقطيع ف النفس ) م م محدش له د د د عوه بيا
...........
( بعد المغرب ف الشارع احمد ماشي بالراحه بيقابل سيف صاحبه )
سيف : ايه يا فنان على فين
احمد : اهلاااا , انت فين يا كلب السكك
سيف : كلب لما يقرم لسان امك ده هههههههه ماتحترمنى يالا دنا ف شرطه دلوقتى
احمد : شرطه على نفسك يا حيلتها ماتتلم يالا بدل ما اخليهم يعلقوك ف الكليه
سيف : ههههههه قادر وتعملها ... على فين
احمد : ع الشغل
سيف : هتفك الجبس ده امتى
احمد : والله عاوز اروح افكه دلوقتى قبل ما اروح الشغل , زهقت ومكتفنى ومالوش لازمه
سيف : طب ما تيجى نروح نفكهولك دلوقتى ع السريع
احمد : تعالى ,,
سيف : استنى معايا عربية ادهم نخطف نفسنا بسرعه بقي
احمد : يلا
.........
( بعد نص ساعه )
سيف : كده تمام ياعم
احمد : بس لسا منمله شويه
سيف : على ما تاخد عليها بس وتسخنها شويه
احمد : هى فرخه هطلعها م التلاجه واسيبها تفك يابن الجزمه , انت رايح على فين يالا
سيف : والله كنت رايح اقعد ع القهوه شويه .. اسكت الواد زيزو بيحكيلى ع اللى عملته ف العيال مصطفى ومالك النهارده وحاجه اخر فصلان ههههههههه يخربيت دماغك
احمد : يستاهلو , عالم رمم يا أخى .... بقولك ايه انا الشيفت بتاعى هخلصه النهارده على 11 كده لو كنت لسا بره ابقي عدى ع القهوه نسهر هناك شويه
سيف : خلاص ماشى هظبط قعدتى هناك على 11 كده ونستناك يا كبير
احمد : تمام .. وصلنى المطعم بقي
سيف : ايوه منا السواق اللى شغال عند أهلك حاضر
احمد : بتبرطم بتقول ايه يالا
سيف : هو انا فتحت بؤي دلوقتى
..............
هدى : هو ده المطعم اللى شغال فيه ,, المره اللى فاتت ماعرفتش أعلم عليه عشان كنا 3 بنات ,, لكن النهارده حاول تآمن على كلامى عشان هيترفد النهارده وهوديه ف ستين داهيه
طارق : تمام
.............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020