رواية مهلكتي من جزء 1 : 18

الجزء_السابع (الحلقه الخامسه ) ( غفله من الزمن ) 💔💔

................
ف الحلقه السابقه :_
احمد : خلاص يا حاج داخل عليك اهو
طاهر : الخزنه اتسرقت كلها . انا بيتى اتخرب . بيتى اتخرب 450 ألف جنيه اتسرقوا غير عقود المناقصات اللى كسبناها الشهر اللى فاتت ( بيقفل التليفون )
احمد : الو ال.... يا حاج طاهر ... هار اسود ومنيل بسرعه يا مالك الله يسترك الراجل هيجراله حاجه بيقول الخزنه اتسرقت
.................. ( الخامسه ) 💔
( ف شغل احمد .. احمد بيدخل هو ومالك بيلاقى الحاج طاهر قاعد حاطط ايده على راسه هو والعمال كلهم )
احمد : ايه يا حاج خير قلقتنى . فلوس ايه اللى اتسرقت
طاهر : الخزنه كلها اتسرقت .. ييجى نص مليون جنيه خير الورق بتاعنا كله .. انا اتخرب بيتى
احمد : هى الخزنه بكام يا حاج ؟
طاهر : خزنة ايه اللى بكام
احمد : يعنى الخزنه نفسها الحديد بكام ؟
طاهر : انا عارف ! مانت اللى كنت جايبها
احمد : كانت ب 750 جنيه .... وبقالها سنتين ياحاج ... يعنى ف داهيه
طاهر : انت بتقول ايه يابنى انت مش حاسس بالمصيبه اللى حلت على نافوخنا
احمد : تعالى يا حاج قوم معايا ...
طاهر : على فين
( احمد بياخد الحاج طاهر من ايده ... وبينكش ف الحديد وبيحركه .. وبيطلع كييييس كبير فيه كل الفلوس والورق )
احمد : انا بصراحه قلبى ماكنش متطمن امبارح ف عديت بالليل هنا الشغل خدت الفلوس وحطيتهم ف كيس زباله وحطيته تحت رصة الحديد والخرده دى .. ماهو مافيش حرامى هيخش يدور ف الحديد ... هما طمعانين ف الخزنه اهم خدوها
طاهر : ( من فرحته بيحضن احمد وبيسجد ع الارض ) ربنا يكرمك يا غالي يابن الغوالى ربنا يفرحك .... غدا العمال كله على حسابي النهارده
احمد : ويوم اضافى يا حاج بقي هههههههههههه
طاهر : ههههههههه ويوم اضافى وانت اللى هتصرفلهم الفلوس ... يخرب عقلك انت عملت كده ازاى
احمد : ههههههههههههه اهو ستر ربنا مش اكتر ... انا من بعد حوار الواد اللى مسكناه امبارح هنا ده وانا قلقان .... وروحت الشغل امبارح ف المطعم وانا قلقان اصلا ما صدقت خرجت وبعدين جيت خدت الفلوس وحطيتهم هنا
طاهر : ( عينه بتدمع .. وبيفتكر ابو احمد ) يجبر بخاطرك يا ولدى ... الو ! ايوه يا ام محمد ( زوجة طاهر ) خلاص يا حبيبتى لقينا الفلوس .. الواد احمد طلع مخبيهم من امبارح اقفلى وبطلى صويت ههههههههههههه
ام محمد : ( بتزغرط ف التليفوووون ) الروايه ملك ل بيدج هو وهى والكاتب احمد سعد فقط ادينى الولا ده اكلمه ماكلمتوش من زمان ابن الجزمه
طاهر : خد ياض خالتك ام محمد عاوزه تكلمك
احمد : الوووو ! ايه يا جميل وحشااانى والله
ام محمد : ههههههههههههه يا واطى مابتجيش تطل عليا ليه يا ولا وتجيب امك واخواتك ...
احمد : معلش عشان المدارس بتاعتهم بس ... ابقي تعالى انتى وهاتى محمد وبسمه معاكو
ام محمد : هههههههههههههههه هعدى عليكو النهارده بعد العصر . عاوزه اشوف امك قولها تعملى الرقاق
احمد : ههههههههههه بس كده ... من عنيا حاضر
ام محمد : يلا مع السلامه يا حبيبى
احمد : مع السلامه يا ست الكل
............
طاهر : نادى على خالد يجيب فطار على حسابي للعمال ...
احمد : عيونى يا حجيجه .... المهم انا هخلص بدرى النهارده عشان امتحانتنا الساعه 12
طاهر : ربنا معاك ... خلاص سلم الشغل واخلع انت ...
احمد : المهم ماتنساش تقعد حد النهارده ف الشغل ... خلى العمال يفضو الاوضة بتاعة الباشمهندس سراج وحد يقعد فيها الليلادى ...
طاهر : عمرك اطول من عمرى انا ناوى اعمل كده
احمد : يلا عن اذنك يا حاج
...........
( ع القهوه )
مالك : ايه تمام ولا ايه
احمد : الحمد لله ربك ستر .. الراجل كان هيحصله حاجه .. لولا ستر ربنا ولولا انى جيت امبارح ف الوقت المناسب وخبيت الفلوس كان زمانا كلنا قعدنا ف الشارع ... الحمد لله الراجل ده فلوسه كلها حلال ربنا يباركله . المهم يلا يا عم عشان هنعدى ع العيال ونطلع ع الكليه .
مالك : البنات اتحركوا ؟
احمد : اه سلمى لسا مكلمانى وانا جايلك بتقول انها نزلت خلاص هتروح تجيب ساره وهتطلع ع الجامعه ... ومنه وفريده هتلاقيهم هناك من بدرى
مالك : على بركة الله
احمد : استنى ! هضربلى بس حجر يصحصحنى كده انا يعتبر لسا منمتش من امبارح ومش شايف وعميان قدامى .. شكلى هروح ازغرط ف اللجنه
مالك : ههههههههههههه اضرب يا ريس ولا يهمك ... على الله بس الامتحان اللى مع سلمى يطلع هو هو
احمد : هههههههههه هيطلع مش هو وهتاكلو على نافوخكو ههههههههههه
مالك : ليه طيب سدة النفس دى
احمد : ههههههههههههههه دكتور يوسف مش سهل يا عم مالك ... مش سهل ده راجل دوقرم وفاهم الكفت يعنى يلففنا كلنا حوالين نفسنا .... المهم ماتكونوش معتمدين بس على الامتحانات اللى جابتهالنا هدى
مالك : وحياتك انا ولا ذاكرت ولا عارف اصلا الماده اللى هنمتحنها ايه هههههههههههههه
احمد : يلا يا فشله ... يلا
مالك : على فكره انت فيك حاجه ... موضوع سرقه الوكاله ده معكننك
احمد : اكيد طبعا معكننى . مش اكل عيشى ده ؟ واكل عيش الراجل اللى افضاله عليا . وانا كمان حاسس ان الموضوع ده له علاقه بيا
مالك : يعنى ايه ؟
احمد : مش عارف . اهو ده اللى هتاكد منه النهارده ... وحياة ربك لو اللى ف دماغى طلع صح لنا مطربقها ع الكل . طارق وابوه واللى يتشددلهم
مالك : اوبا .. العمليه شكلها سخنت
.................
ابو طارق : يعنى ايه الخزنه مافيهاش فلوس .. وانا كنت مشغل بهايم معايا . انتو مش بتقولو ان الواد اللى اشترتوه هناك ف الوكاله دى قالكو ان الخزنه كان فيها فلوس ليلة امبارح
ص : يا معتز بيه الواد اللى شغال معاهم هناك مأكدلى ان كان فيه فلوس امبارح .. بس هو سمع طراطيش كلام ان الواد جه امبارح بالليل وخبى الفلوس ف الحديد والخرده ..
معتز : ااااااه ! الواد طلع ذكى اهو ... طب تمام .. احب انا لما العب مع حد اكون بلعب مع حد فاهم .. وهو طلع فاهم .الروايه ملك ل بيدج هو وهى والكاتب احمد سعد فقط . بس هياخد على نافوخه ان شاء الله
ابراهيم : ( صاحب معتز وعارف بالحكايه كلها ) طب امشي انت يا " ص " ومعتز بيه هيكلمك تانى
ص : حاضر .. عن اذن حضراتكو
.....
ابراهيم : خد يا معتز اقعد عاوزك ف كلمتين
معتز : ابراهيم ... لو هتقولى اشيل ايدى من الحكايه دى يبقي ماتتكلمش تانى
ابراهيم : طبعا لازم اقولك شيل ايدك ... انت مش شايف نفسك معادى مين ؟ انت معادى واد لسا مكملش ال 20 سنه . لا من مستواك ولا من مقامك ولا من سنك ... ولا حتى يستاهل انك تشغل بالك بيه .... شقاوة عيال وخلاص خلصت . سيب ابنك ياخد حقه هو بايده
معتز : طارق ده حتة واد مخوخ مايعرفش يعمل حاجه .. وبعدين كرامته اتهزت قصاد زمايله واصحابه .. ودى حاجه تخصنى انا بقي ولازم الواد ده يتربي وياخد علامة عمره عشان مافيش كلب تانى يتجرا ويبص لطارق بصه واحده بعينه بعد كده لانهم هيبقوا عارفين ان اللى هيقرب منه هيجراله زى الواد ده
ابراهيم : انا نصحتك وخلاص
................
احمد : ولا يا مالك !
مالك : عيونى
احمد : اهدى كده بالعربيه ...!
مالك : خير
احمد : اهدى بس
مالك : اقف على جنب يعنى ولا ايه
احمد : لا . امشي زى مانت بس هدى السرعه
مالك : تمام
( احمد بياخد باله ان فيه عربيه ماشيه وراهم من بدرى ... مابيرضاش يتكلم عشان مايخضش مالك )
مالك : ايه يابا فيه حاجه ولا ايه ؟
احمد : لا مافيش ... شد شد ع الجامعه
مالك : مااااشي ... هنعدى على مجدى بس هو واقف ع الناصيه اهو قدامنا
احمد : تمام هاته .... بقولك ايه مش الامتحان الساعه 12 ؟
مالك : اه
احمد : تمام .... استنى هرن ع الواد وائل اشوفه غطسان فين
مالك : تمام
احمد : الووو ! انت فين يا كلب الشوارع
وائل : حبيبى هههههههههههههههه انا ف الجامعه اهو
احمد : بتدور انت على مزه تمشي وراها صح
وائل : هههههههههه عيب عليك هما اللى بيجروا ورايا
احمد : ياعم اجرى .... المهم بقولك ايه
وائل : اؤمر
احمد : ماتمشيش بعد الامتحان ... هنروح انا وانت مشوار كده صد رد
وائل : شقاوه ولا ايه
احمد : مش عارف والله يا لول شقاوه ولا لا .. هيبان بعد الامتحان
وائل : ماشي يا كبير هرن عليك بعد الامتحان
احمد : تمام .. روح كمل تدوير بقي ع المزز ياكش تعتر ف واحده دبش تصدك تخلى اكبر حته فيك اد الفانله اللى لابسها
...............
مالك : ايه حكايه الشقاوه دى ؟
احمد : ماتشغلش بالك . حكايه كده بسيطه هخلصها النهارده
مالك : *** ماتنطق ياعم حكايه ايه . واشمعنى وائل يعنى اللى تكلمه . اومال احنا ايه وفين ؟
احمد : يا حب انتو ليكو دوركو والله ... بس هى ماتنفعش غير وائل النهارده ... عشان وائل هو اللى هيرتب الحكايه كلها . وهو اللى عارف بيت طارق وهيجيب ارار الموضوع
مالك : لا بردو احنا معاك
احمد : ياعم والله معايا فيه ايه .. ماتتكلمش قدام مجدى بقي هاا
مالك : مااااااشي
.................
( الكليه )
احمد : مززى وصبايا وأحلامى
منه : حمو ههههههههههههه
سلمى : ايه حمو دى . ايه محن البنات ده ماتتلمى يابت شويه
احمد : ههههههههههههههه ايه العسل ده يخرب عقولكو . ايه يابت ده انتى وهى
سلمى : يابنى ده اقل حاجه عندنا والله . احنا مش عاوزين نتشيك بس عشان مانعقدش بنات كتير
احمد : عينيى عليكو بارده ياولاد العسليه انتو
منه : والنبى مافيه عسل غيرك
احمد : فين البت فريده وساره وباقى المقاطيع
سلمى : فريده بتجيب لنفسها شاى
احمد : وااطيه . واطيه ماجبتلكوش ليه
سلمى : مستنيين جنابك .. انت داخل لوحدك ليه
احمد : مالك ومجدى كانو معايا بس طلعوا فوق وجايين تانى ... الشباب زمانهم على وصول
سلمى : طيب .. انت مال عينك تحتها اسود ليه .. انت مانمتش ؟
احمد : معرفتش انام والله ومسقط ومش شايف قدامى .. معرفش انا هروح اشتغل ف المطعم الساعه 8 ازاى
سلمى : مانمتش ليه يا احمد ؟ انت بتستهبل ؟ انت بتنام امتى اصلا
احمد : يا سوسو احنا اللى زينها بينامو زى الديابه عين صاحيه وعين نايمه هههههههههههههههههههه ايه الكلام الكبير ده
سلمى : المهم عاوزين نقعد ف حته مداريه كده عشان نشوف الامتحان اللى البت هدى جابته
احمد : استنى اما الباقى ييجى بقي ... تشربوا معايا شاى
سلمى : ياريت
منه : ياريت
سلمى : احمد انت فيك ايه ؟
احمد : صحيت على خبر وحش النهارده بس ربنا ستر
سلمى : يا خبر ... خبر ايه احكى
احمد : الوكاله اتسرقت النهارده
سلمى : نعععم ؟ اتسرقت ازاى وحصل امتى ؟
احمد : امبارح بالليل . الروايه ملك ل بيدج هو وهى والكاتب احمد سعد فقط .. شوية حراميه شالو الخزنه كلها بس الحمد لله الحمد لله لما روحت امبارح بالليل خدت الفلوس منها وحطيتهم ف الحديد ... عشان كده ربك ستر
سلمى : يعنى انت لما سيبتنا امبارح ونزلت م العربيه دخلت عملت كده ؟
احمد : اه والله
سلمى : طيب مانت اكيد كنت حاسس ان فيه حاجه هتحصل زى دى ايه اللى وصلك الاحساس ده . فيه حاجه تانيه حصلت ؟
احمد : ايه ؟ لا مافيش حاجه بس كنت قلقان مش اكتر ...
سلمى : احمممممد . قول بجد
احمد : اقولك ايه يا سلمى مافيش يابنتى حاجه
سلمى : ماشي ...
.....
(الساعه 2 بعد الامتحان )
سلمى : هى فين الكلبه اللى اسمها هدى حد يجيبلى امها
منه : بنت الجزززززمه دى سوحتنا
احمد : ههههههههههههههههههه ( بيقع ع الارض من كتر الضحك ) والله كنت عارف وشاكك
مالك : انت عرفت ازاى ياض ان الامتحان مش هيطلع من اللى هى جابته
احمد : عيب عليك . انا قولتلك ان دكتور يوسف مش صغير واكيد كان عارف اننا هنطلب من هدى الكلام ده ههههههههههههههههه
سلمى : ماشي . وحياة امها لما اشوفها بس
منه : دنا اتسوحت احلى تسويحه .. كمية هبد غريبه هبدتها وماكنتش عارفه انا بكتب ايه ولا مين رايح فين
احمد 2 : ازيكو يا حضرات .. كده تسوحونا التسويحه السوده دى ... انا لا ذاكرت ولا هببت اى هباب . منكو لله
احمد : هههههههههههههه يلا يا شويه مهزاين . ماتبقوش تعتمدوا على حاجه زى دى .. ربكو يكرم بمعيده حلوه كده تكون علينا الترم التانى وانا هخليها تجيبلكو الامتحانت عليا النعمه
سلمى : بتقول ايه يا احمد ؟
احمد : انا ماقولتش
سلمى : لا بتقول ايه دلوقتى
احمد : انا ماتكلمتش . انا اتكلمت يابنى ؟
مالك : محصلش
احمد : انا اتكلمت يا ديشه ؟
مصطفى : انت مش معانا اصلا
احمد : علي حسن .. انا اتكلمت ؟
على : خاااااااااالص
حسن : ابداااا
سلمى : يبقي انا اللى وقعت على ودنى بقي . ع العموم لم نفسك .. كفايه القرف اللى شوفناه ف امتحان النهارده
فريده : منكو لله . انا كنت عارفه ان دكتور يوسف هيعملها . وبابي قالى ع التليفون امبارح ان دكتور يوسف مش بتاع الكلام ده .
احمد : نعم ياختى ؟ انتى قولتى لابوك ايه
فيده : لا ماتخافش انا كنت بكلمه سكايب وكنت بهزر معاه وبقولك هنشترى الامتحان من دكتور يوسف قالى مش هتعرفى
احمد : طيب تمام ...
سلمى : المهم هنعمل ايه دلوقتى
احمد : انا عن نفسي هروح انااااااااام .. عاوز اشبع نوم لانى هلكااااان والله
سلمى : ( بيصعب عليها ) خلاص طيب هنقابلك بالليل ؟
احمد : ان شاء الله . انا هنزل على 8 اروح المطعم لو صحيت قبلها هبقي اكلمكو ...
منه : هنيجى نتعشي عندك النهارده
احمد : لا . هى شغلانه بقي ولا ايه مش عاوزين لمه الله يكرمكو
سلمى : ( بتبصيله وبتبتسم ) ماشي ... يلا يا جماعه نمشي .. وربنا يسترها ع الامتحان اللى ضاع النهارده ده
احمد : يلا
سلمى : تعالى اوصلك
احمد : لا انا همشي لوحدى
سلمى : على فين
احمد : همشي يا سلمى مع وائل رايحين مشوار كده تبعه وهيروحنى ... خلاص يا ديشه ؟ اتوكلو انتو على الله
مصطفى : مانيجى معاك طيب
احمد : لا لا احنا ف السريع كده وجايين .. عشان عاوزكو بالليل ف حكايه
.........
وائل : ايه يا ريس الموضوع
احمد : تعالى بس نخرج وهفهمك ف العربيه
...
ساره : انتى ماشيه منين يا سلمى
سلمى : ورا احمد .. مش عارفه ليه مش متطمنه . حاسه انه رايح يلعب بديله مع وائل ولا هيقابلو حد مش عاوزينى اشوفه هو هيقابل مين . وقعته مهببه ان شاء الله
ساره : هههههههههههه هفطس . طب ماتخليهوش يشوف العربيه بقي
سلمى : لا ماتقلقيش انا ماشيه وراهم من بعيد . وبعدين هما ماشيين بالراحه معنى كده انهم بيتفقوا لسا على حاجه . ادينى وراهم اما اشوف ناويين على ايه ولا هيعملو ايه
ساره : بقولك ايه يا سلمى . انا ملاحظه ان العربيه دى ماشيه وراهم من بدرى .
سلمى : ورا مين
ساره : ماشيه ورا عربيه وائل واحمد ... والله وراهم من بدرى
......
احمد : وااائل . امسك الطاره كويس وحاول ماتطلعش على بره . خليك وسط العربيات
وائل : ليه
احمد : خليك وسط العربيات بس . عشان فيه شكل حكايه هتحصل دلوقتى
......
( ف غفله من الزمن مدتها 10 ثوانى .. بتيجى عربيه من ورا عربية وائل واحمد ..... بتدخل في العربيه من ورا بشكل غبى . بتقلب العربيه قلبتين على بعض واحمد ووائل جواها .. وسلمى وساره شايفين كل ده )
...................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020