رواية مهلكتي من جزء 1 : 18

الجزء_الثامن (الحلقه الرابعه ) ( بونبونى ) ❤ ❤

................
ف الحلقة السابقه :_
( بعد 10 دقايق سلمى بتنزل ومعاها سندويتشات ونسكافيه )
سلمى : انت يا كابتن
احمد : تعالى يا روح الكابتن اقعدى . مش بردانه كده ؟
سلمى : لا ... ايه ده فكيت الجبس .. كنت استنى شويه يا احمد
.............. ( الرابعه ) ❤
احمد : لا كده احسن .. عاوز ابقي براحتى . والحمد لله هى راقت ( بياخد منها النسكافيه وبيشرب بايده الاتنين )
سلمى : ( بتسرح وبتسهم ف تفاصيله وايديها على خدها )
احمد : بصى قدامك والنبى مش عاوز جتتى تلبش على اخر اليوم
سلمى : كل يوم بتحلو اقسم بالله عن اليوم اللى قبله
احمد : انا بحلو ؟ اومال انتى ايه
سلمى : انا جنبك ولا حاجه
احمد : انتى بتكلمينى انا ؟
سلمى : جدددا ..
احمد : يجبر بخاطرك ربنا ..
سلمى : يا احمد انت مش عارف انت ايه ليا ولا عارف انت ايه ف عيون احبابك واصحابك .. انت مش عارف انت ايه ف عيون الدنيا كلها
احمد : ابقي ايه بقي مش فاهم
سلمى : حياه لينا كلنا . انت حياه لكل واحد عرفك وحبك
احمد : انا مش عاوز م الحياه دى كلها غير عيون قادره تزيل غمامة قلبى وتزيل تعب سنين رايحه وجايه
سلمى : مافيش تعب جاى .. كل اللى جاى راحه وحب
احمد : ( بيبصلها وبيشرب النسكافيه وبيدور وشه ناحيه البحر وبيسكت )
سلمى : ايه سكت ليه ؟ مش عاجبك كلامى ؟
احمد : بالعكس ... كلامك جميل . وبتمنى انه يحصل
سلمى : ومايحصلش ليه ؟ طالما انا مؤمنه بيك وانت مؤمن بيا يبقي كل حاجه هتعدى
احمد : الدنيا متكالبه عليا يا لوم وانا واقف لوحدى
سلمى : انت مش عاوز حد يقف معاك .. حتى انا
احمد : منا قولتلك قبل كده . انتى غزاله كل المطلوب منك انك تحلوى وتتجملى ومالكيش دعوه بالدنيا .. انا كفيل بيها
سلمى : ولما الدنيا كسرتك بدل المره اتنين .. بردو مش عاوز حد جنبك
احمد : ماقدرش اتسند على حد وانا دراعى لسا لازق ف جسمى
سلمى : خلينى دراعك
احمد : انتى قلبي مش دراعى
سلمى : احمممد ؟
احمد : عيونه
سلمى : مش هتنطقها ؟
احمد : مش وقته
سلمى : ( عينيها بتلمع بالدموع ) ليه مش وقته ؟
احمد : عشان وقتها لسا مجتش ... لسا اليوم اللى هقف فيه عينى ف عينك وقلبى قصاد قلبك وهضمك لحضنى واقولك انا .. كذا يا سلمى ماجاش
سلمى : ايه كذا يا سلمى دى . ايه الناس دى قوم روح يا بابا مش ناقصه وجع دماغ على اخر الليل
احمد : هههههههههه اشرب النسكافيه طيب
سلمى : مافيش نسكافيه . هات ياض الكوبايه لاشقك
احمد : مين علمك البلطجه دى
سلمى : هيكون مين يعنى .. دانت ليك مصطلحات غريبه
احمد : بس حلوه تنكرى ؟
سلمى : حلوه اوى . والاحلى منها هو طريقة نطقك للكاام ده والاحلى من كل ده هو رإكشن وشك وانت بتنطقها هههههههههههههه هلاك اقسم بالله
احمد : ( بيسهم ف عيونها ) هلاك ؟ عليا النعمه انا ما حد هيهلك غيرى بسبب عيونك وجمالك ده يا سلمى
سلمى : انت أحلى ... عارف .. حتى وانت متخرشم كده شكلك حلو هههههههههه لو العيال شافوك كده هيقلدوك وهيروحو يخرشموا وشهم عشان يبقوا حلوين زيك كده
احمد : طب ناولينى سندويشت من جنبك
سلمى : تؤ . دول بتوعى
احمد : يعنى انتى هتاكلى وانا هتفرج عليك
سلمى : وان كان عاجبك
احمد : مش عاوز من وشك حاجه . قومى اطلعى يابت
سلمى : هههههههههههه ياغواتى .. طب خد بس بشرط
احمد : هو الاكل بقي بشروط
سلمى : اااه
احمد : خير اؤمرى
سلمى : انا مقدرش اؤمرك .. انت تؤمرنى وانا اللى هلبي
احمد : يابت ايه المحن ده .. فيه ايه مالك
سلمى : ههههههههه يا ظالم بقالنا حوالي شهر مقعدناش القعده بتاعتنا دى ومش عاوزنى ابقي مشتاقه كده
احمد : طيب خير ايه هو الشرط
سلمى : هات بوسه
احمد : مش قولتلك انك رخيصه
سلمى : ههههههههههههه هاااا هتجيب ولا لا
احمد : طب غمضى عينك
سلمى : بججججججد ! اهو ( بتغمض عينيها )
احمد : ( بياخد من جنبها السندويتش وبيقعد تانى مكانه )
سلمى : ايه ياعم افتح عنيا ولا لسا
احمد : فتحى
سلمى : ايه ده انت عملت ايه
احمد : قومت خدت السندويتش مش عاوز قلبة دماغ
سلمى : هههههههههههههههه طيب نتكلم بجد شويه بقي
احمد : نتكلم جد
سلمى : فيه حاجه عاوزه اسالك عليها من زمان ومستنيه اجابتك عليها
احمد : حاجة ايه
سلمى : وانت نايم ف غيبوبتك .. عينيك كان فيها دمعه محبوسه مكتومه كل ما امسحها بترجع تانى .. كان سببها ايه
احمد : كنت خايف امشي من غير ما اسلم عليك
سلمى : ( بتحط ايديها على بؤها ومتاثره جدا من طريقة نظرة احمد ليها وكلامه )
احمد : قلبى لما وقف يا سلمى كان وقف من تعبه وهوانه وكتر معافرته ف الدنيا
وقف لما حس انه اتظلم وحس ان الدنيا كلها جايه عليه
وحس انه مش من حقه يعيش وسط الناس بكل حب وموده
يفرح حبايبه ويضم حبيبته ويعيشوا ف كل هدوء
لكن لما رجع يدق تانى
كان راجعلك انتى .... سلمى انا هقولك حاجه يمكن ماتصدقيهاش
انا قلبى دلوقتى ملكك .. لأنه اللى كان ملكى مات ... واللى رجع يدق ده ليكى انتى . بتاعك انتى مليكته ومملكته ومهلكته
رجع عشان يطيب خاطرك ويطيب قلبك
حاجه تانيه خلت قلبى يدق من تانى
وهو انه راجع من كسرته عشان يرمم نفسه
ياخد بحقه والناس ماتقولش انه ماستحملش قساوة الدنيا او انه مكنش قدها
بالعكس قدها وقدود وهتتعلموا بنفسكوا ان قلبى اللى اصبح ملكك ده قد الدنيا كلها
سلمى : ( بتدمع دموع باينه ف عينيها وساكته )
احمد : عشان خاطرى ماتبكيش قدامى ... اقسم بالله عمر ماكان ليا نقط ضعف غير دموعك
سلمى : ( بصوت باكى ) بتحس بإيه لما بتشوفنى بعيط
احمد : بحس ان قلبى اتهز من مكانه
بيرتعش عاوزك تسكتى . عاوزك تضحكى وبس
بحس ان الدنيا كلها مغيمه فوق دماغى ...وبحس ان الكون ده كله ضاق بوسعه
وبحس انى مشقوق من جوايا .. مشقوووق من جواااايا
سلمى : حتى دموع فرحى ؟
احمد : حتى دموع فرحك ... دموعك مابتنزلش على خدك يا لوم ... بتنزل تحرق ف قلبى انا .. لو بتحبينى ماتبكيش تانى
سلمى : حاضر . هحاول ... قول بقي ايه سر الدمعه اللى كانت ف عينك
احمد : شريط حياتى كله مر قدام عينى
مرورا بطفولتى بشبابى
ابويا .. أمى . اخواتى . اصحابي . حبيبتى ومهلكتى
يا سلمى ابويا هو اللى قومنى من نومتى
وكنت شايفه قدامى .. كنت حاسس بنفسه
كان بيبكى .. ( عيون احمد تلقائي بتلمع ) كان بيبكى يا عينى وكان مخضوض عليا وكان واقف مع الدكاتره والممرضات جوه ف اوضة العمليات
كان بيترجاهم بكل معانى الرجا انهم يلحقونى
كان بيقولهم إلحقوه .. إلحقوا ابنى ده هو اللى انا سايبه لمراتى وبناتى
كان زى المجنون بيكسر ف كل مكان ف الاوضه وبيتوسل ليهم يلحقونى
ولما قلبي وقف
هو اللى جه أنعشنى بكل قوه ... كان بيهد فيا وبيقولى لا هتقوم .. هتقوووم انت اقوى من كده ... بعدها قلبي رجع يدق تانى ...
بعدها شميت ريحتك واقفه على باب اوضتى بره .. اتمنيت اقوم واجيلك واتطمنك عليا لانى حاسس وشايف دموعك
فضلت الدمعه دى متعلقه بعنيا ومش عاوزه تنزل ... لغاية ما الاقيكى جنبي والاقي امى جنبي ....
كنت حاسس بيك يا سلمى اول مره تدخلى فيها عليا .. لما دخلتى لوحدك
وكنت حاسس بيكى لما دخلتى تانى مره مع امى
كان جوايا طفل صغير محبوس جوه جسمه باصصلكو من ورا بيشاورلكو وبيقولكو انا هنا . انا كويس ماتعيطوش . هقوم والله ... دمعتى دى كانت اخر امل ليا انكو تفهمو انى سامعكو وشايفكو وحاسس بيكو
سلمى : ( عينيها بتنزل بغزاره )
احمد : ( بيمسح دموعها بايده وبيبصلها وبيقولها ) دنيا ايه دى اللى اسيبها من غير ما اضمك ف حضنى يا سلمى قدام الناس
سلمى : ( بتبكى زى الاطفال من كتر فرحتها باللكلام )
احمد : يا متخلفه انتى بلاش عياط بقي
سلمى : هههههههههههههه افضل كده مشحتفنى وراك
طب عشان خاطرى قولى ناوى على ايه ( بتمسح باقى دموعها بضهر ايديها )
احمد : ناوى على ايه ف ايه
سلمى : هدوءك ده وتفكيرك وسرحانك انا عارفاه وحافظاه .. وعارفه انك لغاية دلوقتى بتفكر هتاخد حقك ازاى ... ممكن تقولى ..؟
احمد : لا .. ماتشغليش بالك .. انا كويس وهبقي كويس .. المهم الدنيا بردت اوى قومى يلا يا قلبي عشان تنامى
سلمى : طب شيلنى
احمد : على عينى . لو شيلتك دلوقتى هنقع سوا ف نص الطريق . مش قادر اشيل نفسي اصلا
سلمى : ههههههههههههه والنبى عسل .. خلاص سماح المرادى . هتعمل ايه بكره
احمد : ولا حاجه ... لو خرجنا هكلمك .. اه نسيت صح . ام مالك جايه تشوفنا بكره وهتقعد عندنا يومين .. واحتمال ابقي اروح ابات عند مالك اليومين دول
سلمى : بجد ؟ خلاص انا جايه بكره اسلم عليها بردو
احمد : خلاص اشط .. ( بيفتكر ان غاده وهايدى والبنات جايين يزوروا احمد بكره بردو ) ايه لا . بلاش بكره والنبى
سلمى : ليه ؟
احمد : الست هتبقي لسا جايه م السفر بقي وكده تستريح شويه
سلمى : سفر ايه . هى القاهره بقت سفر ياعم ؟ لا ياعم انا جايه
احمد : داهيه تسد نفسك .. انا زهقت .. اقسم بالله ما عارف اعمل معاك ايه ؟
سلمى : فيه ايه ياعم انت عمال تبرطم بكلام مش مفهوم على فكره
احمد : قومى قومى دنا ليا الجنه . قومى يا وليه
سلمى : بقا الحته الحلوه اللى قدامك دى تقول عليها وليه
احمد : هههههههههههه احلى وليه ف الدنيا
سلمى : حمو !
احمد : نعم
سلمى : ( بتهمس بشفايفها من غير صوت ) ب ح ب ك
احمد : دخلنا ف الاشارات اهو
سلمى : تصدق انك بايخ يالا .. قوم روح وماعدتش تيجى هنا تانى ..
احمد : انتى اللى بتتصلى عليا
سلمى : ماتبقيش ترد عليا
احمد : قد كلامك ؟
سلمى : ايه !
احمد : بقولك قد كلامك ومش عاوزانى ارد عليك ؟
سلمى : ايه
احمد : ههههههههههه ايه انطرشتى دلوقتى
سلمى : ايه
احمد : هههههههههههههههههههههههه يابنت المجانين
سلمى : ال ماتردش عليا ال . دنا اقسم بالله ألبس واجيلك على طول اشوفك بتهبب ايه وفين ومع مين
احمد : ( بيمسك ايديها ) اتطمنى يا سوسو انتى دلوقتى مالكه قلبي
سلمى : ( بتطبطب بايدها على قلبه ) يخليهولى القلب الكبير ده ( بتبوس قلبه بكل طفوله وبراءه )
احمد : يخربيت تفاصيلك يا شيخه
سلمى : تفاصيل ايه بقا احكيلى
احمد : احكيلك ايه ولا ايه . كلك تفاصيل ( بيغنى )
على رمش عيونها قابلنى هواه
طار عقلى منى وقلبي سوا
سلمى : وانا ياللى كنت طبيب الهوا
احمد : لاهل العشق ببيع الدوا
سلمى : من نظره لقتنى صريع الهوا
احمد : وياااااااه . يا قمممر ياااااااا قمممممر
سلمى : والنبى انت اللى قمر ... اه ع فكره نسيت اقولك حاجه
احمد : خير . انا مابحبش القلبه دى
سلمى : لا خير اتطمن بس اسمع الكلمتين دول وحطهم حلقه ف ودنك .. اقسم بالله يا احمد للما ترجع الشغل والمطعم ان شاء الله ولقيتك واقف بتتمرقع مع دى ولا دى وخصوصا البت الصفرا اللى اسمها هايدى دى لنا معلقاك انت وهى ف قلب المطعم . عشان حرقة الدم اللى بكون فيها كل شويه مش هتحل تانى . فاهمنى يا حاج
احمد : تعيش انت يا حاج . احححم . طب عندى استفسار وسؤال بعيد جدااا عن المنطق وعن الحقيقه ومش عاوزك تحطيه ف دماغك نهائي خالص
سلمى : سؤال ايه
احمد : افرضي يعنى بما انى مريض وطريح الفراش وكنت بموت من كم يوم .. افرضي حد هييجى يزورنى يزورنى . مانتى عارفه ان زيارة المريض واجب بقي وكده
سلمى : اه مانت قولتلى ان مامت مالك واخته جايينلكو ..
احمد : هى يعنى المشكله ف مامت مالك واخته
سلمى : اومال ايه . ولا وضح كلامك انا مش ناقصاك عاوز تقول ايه
احمد : افرضي مثلا يعنى ان زمايل المطعم دول هييجو يزورونى هتضايقي
سلمى : نعععععععععععععععععم ؟ اقسم بالله العلى العظيم البت دى ولا اللبنات اللى هناك دول لو دخلو بيت اهلك يا احمد لنا جايه ورامياك ورامياهم م البلكونه
احمد : هو انا جبت سيرة بنات دلوقتى انا بقولك زمايل الشغل .زمايل الشغل . الشيف زياد والولا خالد واكرم والشيف على ..
سلمى : لا دول براحتهم ... ال بنات ال تدخل بيتك ... ضحكتنى والنبى .. قوم روح بقا رفعتلى ضغطى
احمد : ( بيبصلها ومش عارف ولا فاهم هو بيخاف منها ليه )
سلمى : بتبصيلى ليه دلوقتى
احمد : مش عارف .. بس بفكر ف معنى كلمة مُهلكتى دى
سلمى : وعرفت معناها ؟
احمد : عرفت معناها
سلمى : طب يعنى ايه
احمد : لا هتعرفيها لوحدك .. انا قايم بقا . قومى يلا معايا
سلمى : طب هات ايدك وعدينى بقا الطريق
احمد : هعديك حاضر . تعالى ( بيمسك ايديها )
.........................
احمد : الو ! ايه يا شقيق الدنيا
ايمن : تمام يا حب . كل اللى طلبته عملته ... عدى عليا بكره ولو تعرف تعدى عليا النهارده انا سهران ف البيت تعالى ..
احمد : داخل عليك ... 10 دقايق بالظبط وهتلاقينى تحت البيت
ايمن : تمام .. انجز عشان انا ركبت تليفونه وعرفت هو متلقح ف انهى مصيبه
.....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020