رواية مهلكتي من جزء 1 : 18

الجزء_التانى (الحلقه العاشره ) ( مبروكه ) ❤ ❤

................
ف الحلقه السابقه :_
احمد : عيب يا ست سلمى عيب تقولى الكلمتين البايخين دول مش انا يا ماما .
فاهمانى
مش انااااااا .. م ش ا ن ا
سلمى : استنى كده .. هى ايه دى ؟
احمد : عاوزه ايه
سلمى : الإسكارف الموف ده بتاع ايه ولا بتاع مين ؟
............. ( العاشره ) ❤
احمد : ايه ؟
سلمى : ايه ايه ؟ انت وقعت على ودنك ولا على دراعك .. اخلص ده بتاع مين ده
احمد : وانا ايش عرفنى . هتلاقيه بتاع حد من البنات
سلمى : بنات مين ؟ لا مافيش حد م البنات كان لابس اسكارفات ..
احمد : يا سلمى هو اى هوبه وخلاص فيه ايه ماتهدى .. ما بتاع اللى بتاعه . هتلاقيه بتاع حد من طقم الممرضات اللى هنا
سلمى : وحياة امك ؟ ع العموم انا اتخايلت بأم لون الموف النهارده بس فين ومع مين مش فاكره .... مين اللى جالك يا احمد هنا . انا شامه ريحة برفان بردو غريبه من ساعة ما دخلت
احمد : لا اله الا الله .... بقولك ايه . خدى الاكل بتاعك واطلعى بره
سلمى : اقعد انت كمان رايح فين .. كمل أكلك وسيبنى افكر
احمد : احمينا يارب
......
احمد : سلمى تعالى خدى الاكياس دى ارميها ف السله
يا سلمى
يا بت ردى على امى
سلمى : هشششششش بقي عاوز ايه انت دلوقتى
احمد : هههههههههههههه لا حلوه هشششش دى . خدى ارمى الاكياس دى
سلمى : حطها جنبك مش فايقالك دلوقتى ..
انا عماله اعصر مخى يمين شمال والله العظيم فاكره صاحبة الاسكارف ده بس مين مش عارفه . مش قادره افتكر مين بالظبط
احمد : ده عشان انا طيب وغلبان
سلمى : استنى استنى !
الو !
مالك : ايوه يا سلمى
مصطفى : ( بيوشوش مالك ) شغل الاسبيكر يا مالك
سلمى : البت اللى كانت هنا نسيت الاسكارف بتاعها ... حد يعرف يرجعهولها
مصطفى : ( بيوشوش مالك ) اثبببببببببببت دى شكلها بتوقعك ف الكلام
مالك : اسكارف ؟ اسكارف ايه وبت مين اللى جات لاحمد ؟
سلمى : يابنى البت اللى جات لاحمد بعد مانا مشيت ... ماهو احمد حكالى
مالك : بت مين اللى جات لاحمد بعد ما مشيتو ماحنا متنيلين مرزوعين هنا من ساعتها
سلمى : طب اقفل اقفل ....... ( عماله تفكر )
احمد : يابت تعالى اقعدى يابت بقي
سلمى : انا مش قولتلك تسكت انت .. اسكت
مش ههدى غير لما اعرف ... ( الممرضه بتدخل )
الممرضه : حمد الله ع السلامه يا استاذ احمد ... الدكتور قال خلاص تقدر تطلع لو حابب
احمد : ايوه تمام ان شاء الله . هجهز نفسي بس وهييجى اصحابي وهنطلع دلوقتى
الممرضه : ان شاء الله .. الانسه اللى جات لحضرتك من شويه كانت عاوزه تدفع الحساب هى بس قولنالها ان الحاج اللى جابك هو اللى دفع
احمد : ( بيغمز للمرضه ) طيب متشكر
سلمى : بتقولى مين ؟ خدى هنا .. مين اللى جات من شويه ؟
الممرضه : واحده بنوته جات تسال علي الباشمهندس
سلمى : ايوه اسمها ايه بقي
احمد : يا سلمى استنى بس هى قصدها عليكو كلكو صح ولا اييييييييييييه ؟
الممرضه : اه مانت جالك ناس كتير مع بعض
سلمى : سيبك من الناس اللى جم مع بعض . . فيه حد غيرهم جه قبلنا او بعدنا ؟
الممرضه : ( بتبص لاحمد وبيغمزلها ) الصراحه مش فاكره
سلمى : ( بتعض على شفايفها ) طيب ماشى . متشكره جدا
.....
احمد : ( كاتم الضحكه )
سلمى : اضحك اضحك
احمد : ههههههههههههههه مش قادر بصراحه ... ربنا بيسترها مع الواحد عشان طيب وغلبان
سلمى : انت غلبان انت ؟ دانت يتفاتلك بلاد .. قوم ياخويا قوم يلا عشان أروحك الساعه بقت 4 ...... انت كلمت مامتك ؟
احمد : اه طبعا .. أجلت الموضوع شويه لغاية ما اروح وتشوفنى احسن . لاحسن لو قولتلها وقعت ولا اتخبطت ولا اتكسرت وانا مش قدامها هيجرالها حاجه .. لكن لما تشوفنى احسن
سلمى : معاك حق
.........
سلمى : جاهز يا بابا
احمد : اه خلاص
سلمى : العيال كلهم تحت مستنينا
احمد : طيب يا سلمى يلا امشى انتى روحى يلا اتأخرتى معايا النهارده
سلمى : بلاش رغى وكلام كتير بقي . انا اللى هوصلك
احمد : توصلى مين ؟ لا ياختى هروح مع مالك ومصطفى والعيال
سلمى : ليه يعنى ان شاء الله
احمد : كده ! مابعرفش اركب جنب بنت وهى سايقه
سلمى : مانت لو سليم كنت قولتلك سوق انت .
احمد : يا ماما الموضوع كله خطوتين
سلمى : لا انا مصممه انا اللى اوصلك ... احمد انا أولى بيك منك ومن اصحابك ومن أهلك كلهم ... انا سلمى
احمد : معلش خلينى على راحتى ... هما عارفين السكه ومش هقعد اقولهم يمين شمال واوجع راسي
سلمى : هههههههههههههه مش عاوزنى اعرف عنوان بيتك بقي
احمد : انتى تنورى اى مكان ف الدنيا يا عبيطه
سلمى : طيب خلاص .. هات ايدك بقي عشان ننزل
...............
( ف الاستقبال )
ممرضة الاستقبال : الف سلامه يا استاذ احمد ... الانسه اللى جاتلك من شويه لوحدها سابتلك الرساله دى
احمد : ايه ؟ اه ؟ ( بيتخض ) طيب هاتى
سلمى : ( بتشد الجواب من ايديها ) تسلميلى يا حبيبة قلبى
احمد : ( بيبص لممرضة الاستقبال وبيكلمها بالهمس ) الله يخربيتك
ممرضة الاستقبال : ( بتفهم الكلام وبتضحك هى وصاحبتها ) عليا النعمه عسسسسسسسسل الواد والبت دول .. شكلها صاحبته ولا حبيبته وهتطلع عينه
سلمى : امشى يا حبيبى امشى
احمد : اااااه انا افتكرت ان دراعى لسا واجعنى انا هطلع استريح شويه كمان
سلمى : والنبى ايه ؟ امشى امشى
...
مالك : ايه يا معلم تعالى
سلمى : ييجى فين ؟ لا ف عربيتى .. والله العظيم تلاته ماحد موصله غيرى ولوحدى انا وهو واللى هيفتح بؤه هو حر
مصطفى : عُلم وينُفذ يا ست البنات ... اتفضلى .
احمد : يا مالك بطل وطينه يالا .. الحقنى يا مصطفى
مصطفى : ربنا معاك يا حُب
احمد : حسن ؟
حسن : انا افتكرت انى ورايا مشوار مهم جدا هروح اخلصه وارجعلك يا حبيب اخوك
( على ومجدى بيصفروا وبيمشوا بعيد )
احمد : يلا يا زباله منك ليه ...... اتفضلى حضرتك يا انسه هاتى المفاتيح
سلمى : لا انا اللى هسوق
احمد : يلا يا وليه هاتى المفاتيح .. عربيتك اوتوماتيك اصلا هاتى
سلمى : طيب يلا قدامى
احمد : اسفوخس عليكو اصحاب عره معرفتش معنى التربيه . انا هربيكو من أول وجديد يا كلب منك ليه
( مالك ومصطفى بيفرشوا ع الارض من كتر الضحك )
.............
( ف العربيه لسا ماتحركوش )
سلمى : بسم الله الرحمن الرحيم .... نطًلع الجواب ده نشوفه بتاع مين ؟
ايوووه أهو ... ( بتقرأ بصوت عالى ) " الف سلامه عليك يا غالي يا بن الغالى .. عمك طاهر "
نعم ياخويا ؟؟ مين عمك طاهر ده مش ده اللى جابك هنا وهو صاحب الشغل
( احمد بيطلع راسه من شباك العربيه وبيبص على العيال )
احمد : عليا النعمه اجدع صحاب ف الدنيا كلها ههههههههههههههههههههههه
مالك : هههههههههههههههههههههههههههههههههههههه عيييييييييييب . عشان تبطل تظلمنا
.................
( ف عربيه مالك )
مصطفى : ههههههههههههههههههههههههههههههههههههه انا هيجرالى حاجه . داحنا لولا اننا بدلنا الجواب كان الواد راح ف داهيه
مالك : ههههههههههههههههههههه لولا الواد على شاف البت دى وهى بتدى الجواب للممرضه ماكناش عرفنا حاجه
على : ههههههههههههههههههههههههههه اه والله
اقولكوا حاجه
انا عمرى ما خوفت ف حياتى قد ما خوفت النهارده
حسن : والله العظيم يا على نفس احساسي
خوف رهيب يا جدعان اقسم بالله
انا حسيت ان صدرى اتشق وقلبى هيخرج منى
الواد ده قادر انه يزلزل روحك وشخصيتك ويخليك تعشقه غصب عنك
مالك : طيب انا عاوز اسألكو ف حاجه يا شباب بعد اذنكوا
ايه سر العلاقه اللى بينكو وبينه دى . انا اقسملكو بالله ما عرفت معنى الصحوبيه غير معاكو
قليل ف الزمن ده اللى مايحتاجش من صاحبه مصلحه
ولا يكون عارف فلان عشان يستفاد بيه بأى حاجه
او اللى بيفضلو طول عمرهم اصحاب واخوات وبعد أول اختلاف ف وجهة نظر بتلاقيهم بقوا اوسخ من الاعداء
ايه السر ... ماشاء الله انتو مختلفين تماما
هزار وضحك وبتشتموا بعض وبتهزأوا بعض بس كله ف سبيل حبكوا ببعض
على : الواد اللى ف العربيه قدامك ده هو السبب
بص يا مالك انا هسالك سؤال واحد
انت اتخضيت النهارده على احمد ؟ ؟
مالك : اقسم بالله خضة عمرى
على : طيب ليه ؟ انت لسا متعرف علينا وعارفينك من اسبوعين تلاته بالظبط .. ازاى بقي قدرت توصل معاه شخصيا للدرجه اللى انا شوفتك فيها ف العربيه واحنا جايين
مالك : معرفش .. بس اللى اعرفه بالذات ان احمد هو اللى خطفنى
زى ما يكون كان شايفنى لوحدى او ناقصنى وجود صحبه زى دى ف شدنى ليكو
ازاى وامتى معرفش
اى نعم هو عرفنى ف ظروف انى كنت هتخبط بعربيه وهو شدنى بس كان ممكن يقوم ينفض هدومه ويقولى ما تخلى بالك يابنى ويسيبنى ويمشى
لكن لا
ده فضل يطبطب عليا حرفياااااااااا
عارفين يعنى ايه يطبطب عليا ؟
انت منين ؟ تايه ليه ؟ خلى بالك يابنى ؟ طب رايح فين ؟ تعرفوا حد هنا ؟ هتسكن فين ؟ فطرتو ؟ طب تعالو تعالو
دخلنى وسطيكو ف ثانيه وبدا يهزر ويضحك
وهزاره وضحكه مع ايمان صاحبتكو اللدغه دى خطفنى جدا
اول مره من زمان اضحك فيها من قلبى
ولقيت عينه صافيه .. وعينه مش خاينه مع ان البنات اللى حوالينا كانو يحلًوا من على حبل المشنقه .. انا شخصيا كنت ببص عليهم مش هكدب عليكو
مصطفى : اهو هو ده بقي اللى مخلى اللمه دى تكمل
بص ! حبه لاى حد بيتعامل معاه هو السر
ومستعد يفديك بعمره لو تطلب الامر عشان يشوفك كويس
ف المهم دلوقتى احنا نركز معاهم بقي ونشوف ايه اللى بيحصل ف العربيه معاهم عشان انا هيجرالى حاجه وعاوز اعرف هههههههههههههههههههههههههههههههه
..............
( ف عربيه سلمى )
سلمى : ماتتكلم ساكت ليه
احمد : هو انتى مديانى فرصه افتح بؤى . رغى رغى رغى من ساعة ما قعدنا افصلى شويه منا قولتلك محدش جه غيركو حتى اسالى العيال
سلمى : عيال مين ياخويا دول عيال سفله بيداروا عليك
احمد : فرضا يعنى انى مخبى عليك حاجه ماهما لازما يداروا عليا طبعا اومال عاوزاهم يفتنوا عليا ولا ايه
سلمى : والله ؟ اهااا قولتلى بقي ! ماشى ... حسابك معايا انا بعدين . والنعمه لمربياك من أول وجديد
احمد : والنعمه لايه ؟؟؟؟؟
سلمى : مربياك .. هفقعلك عينك دى عشان تفكر الف مره قبل ما تبص بس على حد غيرى
احمد : انتى مجنونه على فكره
سلمى : مش مجنونه ولا حاجه بس انا ما صدقت لقيتك
فاهم شعورى ؟
احمد : فاهم والله
سلمى : لا طبعا مش فاهم ... فاهم ايه والنبى اسكت اسكت
انت اللى هيقرب منك شبر هطير دماغه
احمد : لما يبقى يقرب بقي
سلمى : وبعدين عاوزه اقولك حاجه .. انا مبروكه على فكره وكل الاخبار بتيجى لغاية عندى سبحان الله لوحدها ... يعنى لو مخبى عليا حاجه انفد بجلدك واعترف دلوقتى بدل ما اعرف من بره وهتبقى العكننه اااااد كده
احمد : هههههههههههههههههههههههه لما تبقى تعرفى ابقى عكننى عليا ساعتها لكن انتى دلوقتى مامعاكيش دليل مادى ماسكاه عليا .... ف نلم الدور بقي ونحترم نفسنا
سلمى : مسيرك يا ملوخيه تيجى تحت المخرطه
احمد : هههههههههههههههههههههه انتى يابت انتى بتجيبى الالفاظ دى منين ربنا يهدك .. اللى يشوفك ويشوف رقتك وجمال أمك ده مايجيش ف مخيلته ابدا انه يسمعك وانتى بتقولى الكلام ده .. كوكتيل غريب يخربيت كده
سلمى : نعم ؟ مش عاجبك الكوكتيل ده ؟
احمد : مش عاجبنى ايه بس دا هالكنى .. اقسم بالله هالك قلبى .. ربنا يحفظك يا سلمى ويخليكى ليا
سلمى : طيب
احمد : لا بقولك ايه اتلمى ولمى الدور .. فيه ايه انتى نكديه كده ليه
سلمى : مين صاحبة الاسكارف يا احمد ؟
احمد : محدش . هو اساسا تلاقيه كان موجود ف الاوضه من قبل ما اروحها ... معرفش اتنسي بقي ولا كان بتاع مريض قبلى ولا بتاع حد من الممرضات
سلمى : طب وكلام البت الممرضه اللى جاتلنا
احمد : الله ! ماهى رجعت وقالتلك انها مش فاكره وقالتلك لا دا اكيد كانت بنت من ضمن البنات اللى معاكو
سلمى : طب وكلام البت الممرضه بتاعة الاستقبال
احمد : ماليش فيه هتلاقى الحاج طاهر بعت واحده تبعه ولا من الشغل عنده وسابت الجواب
سلمى : اولا .. انت ماعندكش ف الشغل بنات على حد علمى يعنى مش كده يا باشمهندس
احمد : صح
سلمى : ثانيا وده الاهم ازاى الراجل يكون جايبك الصبح ومتطمن عليك وكله تمام وبعدها بساعتين يبعتلك جواب .. ايه ؟ انت هتشتغلنى ؟
احمد : افضلى انتى بقي دورى ع الموضوع لوحدك واوصلى لوحدك ... مافيش حاجه اصلا
سلمى : يا احمد انا قولتلك انى مبروكه ومافيش حاجه بتستخبى عليا
( تليفون احمد بيرن )
سلمى : رقم مين ده اللى بيرن عليك
احمد : ورينى كده .. مش متسجل . هرد واشوف
سلمى : بس ركز انت ف السواقه والطريق هرد انا .. ماتفتحش بؤك
احمد : ولا يهمنى . احنا ف السليم يا هندسه .. ردى انا هخاف يعنى ؟
سلمى ! الو
لمياء : الو ! مش ده تليفون استاذ احمد .. هو ساب المستشفى ولا ايه
سلمى : احححم لا حضرتك انا الممرضه بس كنت برتب الاوضه هو ف الحمام وطلب منى ارد .. اقوله مين لما يرجع
احمد : ( بيبلع ريقه )
لمياء : طيب متشكره جدا يا ...
سلمى : منى .. اسمى منى
لمياء : ماشى يا منى قوليله لمياء بنت دكتور سعد اللى كانت عندك من شويه .. بتطمن بس خليه يكلمنى اول ما يرجع اتطمن عليه
...........
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020