رواية مهلكتي من جزء 1 : 18

الجزء الرابع (الحلقه الحاديه عشر ) ( يا حيلة أمك ) ❤ ❤

غير.مصرح.بنشر.القصة.الإ.معرفه.الكاتب.او.الناشر
................
ف الحلقه السابقه :_
احمد 2 : الووو !
احمد : ايه يابنى
احمد 2 : بقولك ايه خارج ولا هتعمل ايه
احمد : لا خارج اقعد معاكو شويه . عشان هروح مع سلمى مشوار كده
احمد22 : طيب انا عاوزك ف موضوع كده مستنيك ع القهوه دقيتين بس قبل ما تروح لسلمى معلش
احمد : خلاص يلا نازلك اهو استنانى
.............. ( الحاديه عشر ) ❤
سلمى : الو !
احمد : ايه يا لوم خلصتو ؟
سلمى : اه نصايه كده وتعالى احنا بنجهز
احمد : خلاص انا نازل اقعد ع القهوه شويه . وقت ما تخلصوا خالص رنيلى و10 دقايق هكون عندك ... الواد الزفت اللى اسمه احمد ده قلقان وتايه النهارده وعاوز يقولى حاجه ههههههههههههههههه كلمنى وقالى تعالى عاوزك وانا نازله أهو
سلمى : ايه ؟ ! طيب خلاص اوكى . اول ما ارنلك تيجى بقي
غير.مصرح.بنشر.القصة.الإ.معرفه.الكاتب.او.الناشر
احمد : تمام
............
منه : ايه مالك يابت تنحتى ليه كده ؟
سلمى : ( بتمسك راسها ) مش عارفه ... انا حاسه ان دماغى هتشيط .. استنى كده
منه : هتعملى ايه ؟
سلمى : الو !
احمد 2 : الو
سلمى : عامل ايه يا احمد . احمد جالك
احمد 2 : لا لسا
سلمى : طيب يا احمد انت كويس ؟
احمد 2 : اه يا سلمى كويس ليه بتقولى كده
سلمى : مش عارفه ! بس احمد بيقولى انه رايحلك عشان عاوز تقوله حاجه ...
احمد 22 : سلمى ! انا النهارده متعكنن اخرعكننه وبسبب موضوع الصبح . فيه حد موصل كلام لاحمد ان سلمى بتعرف واحد وبتخرج معاه وبتقابله وكان واقف معاها النهارده ... كل ده جه ف دماغى لما لقيت البنى ادم ده واقف معاك النهارده وانتى قولتيلى ماتقولش لاحمد
سلمى : ( بتبدأ تتوتر ) احممممد ! اقسم بالله مافيه اى حاجه من كل ده واقسملك بالله كمان مره الكلام اللى قولتهولك النهارده هو ده فعلا اللى حصل وانا أول مره اقابل البنى ادم ... وبعدين مين اللى موصل الكلام لاحمد وقاله ايه واحمد عمل ايه .. انا كلمته من شويه وكان عادى
احمد 22 : احمد مش مهتم بالعكس ده عمال يضحك وبيقول شغل عيال .. مابالك بقي لو عرف بجد انك فعلا فعلا كنتى واقفه معاه النهارده .. حتى لو كان عشان تقوليله ييجى يتعرف علي الشله بتاعتك ... انا متعكنن والله اخر عكننه وعشان خاطرك
سلمى : ( بتعيط ) طب انت هتقوله ايه ...
احمد 22 : مش عارف .. انا لقيت نفسي بتصل عليه وبقوله تعالى عاوزك ف موضوع لانى مش حابب انى اخبى عليه حاجه ... لازم يعرف
سلمى : احمد عشان خاطرى انت عارف دماغ احمد ولو عرف حاجه زى دى هيطين عيشتنا كلنا .. عشان خاطرى
احمد 2 : سلمى اقفلى دلوقتى احمد وصل
سلمى : طب عشان خا.... .. قفل الخط ( بتنهار )
غير.مصرح.بنشر.القصة.الإ.معرفه.الكاتب.او.الناشر
...............
منه : سلللللللمى فيه ايه يا بنتى خضتينى
سلمى : مش عارفه انا مش عارفه هلاقيها منين ولا منين ....
منه : اهدى بس واحكيلى فيه ايه
سلمى : الكلب اللى اسمه وائل .. حد شافنى النهارده وانا واقفه معاه وراح قال لاحمد ان انا بعرفه وبقابله وبخرج معاه
منى : احيييييه ! حد مين ده ....
سلمى : معرفش .. معررررررررررفش
منه : بقولك ايه .. الواد ده نفسه هو اللى ممكن يعملها الحركه الواطيه دى . هو اللى ممكن يكون باعت حد يقول لاحمد الكلام ده كله
سلمى : تفتكرى ؟
منه : افتكر جدا ده عيل مبرشم ودماغه هربانه اصلا .. وبيغٍل من احمد جدااا
سلمى : طب وبعدين .... الواد احمد 22 كان شافنى بردو النهارده واقفه معاه وكان جاى يقولى فيه ايه وانا قولتله مافيش حاجه وحكتله اللى انا حكتهولك من شويه
منه : يعنى المشكله دلوقتى ف اللى بينخرب وراك وعاوز يثبت بجد انك كنتى واقفه مع اللى اسمه وائل ده
سلمى : وانتى عارفه احمد ! كون بس انه عرف انى فعلا كنت واقفه معاه ساعتها الدنيا هتتطين
منه : ربنا يستر .... دلوقتى بس قولى يارب الواد احمد مايقولش لحمو حاجه
غير.مصرح.بنشر.القصة.الإ.معرفه.الكاتب.او.الناشر
.................
احمد : ايه يا نجم قاعد لوحدك ليه
احمد22 : لسا العيال مظهرتش .. مانت مختفى بقي ... وانت اللى مجمعنا
احمد : كريم ! الحجر والنبى
كريم : عيونى
احمد : ماتنطق يا بغل جايبنى على ملا وشى ليه اخلص
احمد 2 : مافيش حاجه ياعم قوم روح شوف رايح فين
احمد : ماتخلنيش اقلعك هدومك دلوقتى .. اخلص
احمد 22 : مافيش . اصل .... حاجه كده تافهه . ياعم مافيش حاجه
احمد : ماتنطق بروح امك انت هتقعدنى جنبك طول الليل ...
احمد 22 : ياعم الواد عماد معجب بواحده معانا ف الجامعه ومش عارف يعمل ايه
احمد : والله ! واحده مين دى
احمد 2 : معرفش بيقول شوفت واحده وعاوز اكلمها
احمد : واحده من شلتنا يعنى ولا من بره
احمد 2 : لا من بره معرفش شافها فين
احمد : طيب خلاص بكره نبقى نشوف حكاية امه ايه ... استنى سلمى بترن
الو ! ايه يا سلمى خلصتو ؟
سلمى : اه . انت فين
احمد : مع احمد اهو ... خلصتو اتحرك يعنى ولا ايه
سلمى : اه خلصنا مستنيينك
احمد : طيب يلا تمام .... سلام
احمد : سلام يالا هبقي اكلمكو كمان ساعه كده ولا حاجه اشوفكو فين عاوز اغلبكو عشرتين طاوله النهارده انت والتخين فيكو ... المره اللى فاتت غلبتنى عشان ماكنتش فايقلك
احمد 2 : خلاص مستنيك
احمد : يلا سلام
غير.مصرح.بنشر.القصة.الإ.معرفه.الكاتب.او.الناشر
...............
( احمد وهو ماشى بيتصل على عماد )
احمد : الو ! ايه يا نجم فينك مش باين
عماد : ايه يا حب اخبارك
احمد : تمام ... هتنزل تسهر معانا بالليل بقي ف السهره نقعد شوية ع القهوه
عماد : تمااااااام
احمد : بس ايه يا عم الحركات دى بتحب من ورانا يا واد ولا ايه
عماد : احب ايه ؟
احمد : هههههههههههههههه ياواد يعنى مابتحبش اليومين دول ولا حاجه ؟ احكى لصاحبك
عماد : حب ايه ياعم انا جاى اصلا عشان انام ... ماليش انا ف جو الحب والسهر بتاعكو ده انا راجل بنام بدرى هههههههههههههههههههه
احمد : حبيب قلبى والله يا عمده ... انا قولت بس الواد بينام كتير شكله بيحب وعاوز يفكر ف واحده بيحبها
عماد : هههههههههههههه لو حصل انت اول واحد هتعرف يا كبير
احمد : وعد ؟
عماد : وعد .. قبل حتى احمد ابن بلدى
احمد : حبيبى يا عمده ... يلا على تليفون بقي . سلام
عماد : ماشى يا حب ... سلام
غير.مصرح.بنشر.القصة.الإ.معرفه.الكاتب.او.الناشر
............
احمد 2 : الو !
عماد : ايوه يابنى
احمد22 : بقولك ايه اعمل اللى بقولك عليه من غير ما تناقشنى ...
عماد : ايه ياعم ؟
احمد22 :لو احمد اتصل عليك دلوقتى وجابلك سيرة الحب وانك بتحب ومعرفش ايه ابقي جاريه ف الكلام وقوله انك فعلا بتحب واحده
عماد : ههههههههههههه انتو ايه حكايتكو يا شوية مجانين انتو فجأه خليتونى بحب من ورايا ... ماهو لسا قافل معايا حالا وسالنى ف اللى انت بتحكهولى ده
احمد 2 : الله يخربيتك يا اخى . طب اقفل اقفل
عماد : ايه الحكايه يابنى .. الو
غير.مصرح.بنشر.القصة.الإ.معرفه.الكاتب.او.الناشر
...............
احمد 2 : الو سلمى
سلمى : ايوه يا احمد ايه الاخبار
احمد 2 : بقولك ايه احمد وصل ولا لسا
سلمى : هو واقف تحت اهو خلاص نازلين ف الاسانسير . ليه
احمد 22 : هو لما جالى انا قولتله اى هرى كده بس هو عرف انى بكدب عليه وماتسألنيش عرف ازاى ... المهم تتصرفى واوعى يوقعك ف الكلام
سلمى : يوووووه انت موترنى كده .. خلاص ماشى
غير.مصرح.بنشر.القصة.الإ.معرفه.الكاتب.او.الناشر
.............
احمد : ما تخلصى يا حلوه انتى وهى الدنيا تلج انا قربت انشف من الوقفه
سلمى : بلاش سربعه يا عم انت كمان .. خد سوق
احمد : هاتى ! ايه اللى انتى لابساه ده يابت يا منه هو انا خارج مع رقاصه ؟
منه : هههههههه ايه رأيك
احمد : لا عسل والنبى .. يلا بينا
غير.مصرح.بنشر.القصة.الإ.معرفه.الكاتب.او.الناشر
...........
سلمى : ( بتغيب وتبص لاحمد وبتلاقيه سرحان ) ايه ياعم ماتشغلنا حاجه واحنا ماشيين
احمد : هى عربيتى ولا عربيتك ماتشغلى اللى عاوزاه
سلمى : طب استنى .. ( سلمى بتبص لورا لمنه والاتنين بيفهموا ان احمد بيسرح ومش على بعضه )
منه : ( بشفايفها ل سلمى ) ربنا يستر
احمد : انتى بتقولى ايه يابت شايفك ف المرايه يا بنت الغبيه .. بتحركى شفايفك بتقولى ايه
منه : ههههههههههههههه مالكش فيه بكلم سلمى
احمد : المهم هنروح فين
سلمى : على ذوقك بقي
احمد : معلش اختاروا انتو مش قادر افكر ف حاجه معينه دلوقتى
سلمى : طيب نروح نتعشى طيب
احمد : نتعشى ايه هى شغلانه . انا اتعشيت قبل ماجى بس لو جعانين انتو نروح
سلمى : لا خلينا ع الكورنيش احسن ف الهوا
احمد : تعالو نقعد ف جليم ع الكافتيريا اللى ع البحر
سلمى : اشطا يلا
غير.مصرح.بنشر.القصة.الإ.معرفه.الكاتب.او.الناشر
...............
( ع الكافتيريا )
احمد : ثوانى كده يا بنانيت هدخل الحمام ثوانى بس على ما الشيشه والمشاريب تيجى
سلمى : اشطا
غير.مصرح.بنشر.القصة.الإ.معرفه.الكاتب.او.الناشر
...
احمد : الو !
لوكا : ايه الهنا اللى انا فيه ده احمد باشا بيرن عليا بنفسه
احمد : ههههههههههههه بقولك ايه سهرانه ولا ف البيت
لوكا : لا والله ف البيت مخرجتش من ساعة ما جيت
احمد : طب انا قاعد انا وسلمى ومنه اهو ع الكافتيريا اللى ع البحر تحت ف جليم عارفاها
لوكا : اه عارفاها .
احمد : تعالى اقعدى معانا شويه بس بقولك ! ويكأنك شايفانا صدفه تمام ؟
لوكا : حاضر تمام ... ادينى ربعايه بالكتير واكون عندك
احمد : براحتك احنا قاعدين لسا اهو
لوكا : تمام . باي بقي عشان ألحق انزل
غير.مصرح.بنشر.القصة.الإ.معرفه.الكاتب.او.الناشر
..............
سلمى : انا مش مرتاحه يا منه
منه : والله ولا انا . هو مش طبيعى خلى بالك وتايه كده
غير.مصرح.بنشر.القصة.الإ.معرفه.الكاتب.او.الناشر
...............
احمد : ايه يا قمرات الحاجه لسا مجتش
سلمى : عرفت الكافتيريا دى منين
احمد : ههههههههه متداريه كده محدش يعرفنا فيها ... ايام الثانوى كنت باجى اشيش هنا عشان ابويا الله يرحمه مايقفشنيش هههههههههههههههههه
سلمى : الله يرحمه يارب .. احكيلنا عن باباك شويه يا احمد . كان بالنسبالك ايه وكان بيقولك ايه . عاوزه اعرف كتير عن الانسان ده
احمد : ابويا ؟ ! ( عينه تلقائي بتبرق )
ابويا يا سلمى كان حلقة الوصل ما بينى وبين الدنيا . كان الجسر اللى شايلنى انا واخواتى ومعدى بينا من هنا ل هنا
كان كل حاجه حلوه بالنسبالى
اتعلمت منه حاجات كتير واتطبعت بطباع كتير منه ان لم يكن كلها
مره كنت قاعد معاه كده بنتفرج على ماتش بالليل . كنت انا وهو بس سهرانين سوا
لقيته بيوصينى على امى واخواتى وانى لازم اكون انا الضهر والسند من بعده
ساعتها كنت انا صغير مش واعى ولا فاهم للكلام اللى بيقوله . لغاية ما فهمته دلوقتى .. والنهارده
سلمى : حاجة ايه اللى عرفتها النهارده
احمد : مره اتخانقت مع شويه عيال ف الاعدادى اتكاتروا عليا وضربونى الصراحه بس كانو اكتر من 7 عيال .. ساعتها انا عملت اسوأ حاجه ممكن اعملها ف حياتى
قررت انسحب من المواجهه واهددهم واقولهم لو رجاله استنونى بره المدرسه وانا هجيبلكو اللى يربيكو ..... بس اخر اليوم كانت العيال طلعت ومشيت وانا مهتمتش ... روحت البيت طبعا عينى وارمه وشكلى جاى من خناقه وبعد شويه ابويا خلانى اعترفله بكل اللى حصل
ساعتها زعقلى وشخط فيا وكان اول مره يضربنى بالقلم فيها وقالى " اوعاك تدى ضهرك لعدوك ف يوم تانى "
" والحق لما بيبات بيبقي ماسخ " ولو عدوك قدر عليك ف يوم . ردله الصاع عشره ف نفس اليوم واوعاك ف يوم تبات مغلوب او غالب ... اوعاك تفرط ف حق
تانى يوم روحت للعيال كلهم بنفس عددهم بنفس الجتت بتاعتهم كلتهم حته دين علقه كانو بيجروا قدامى . ساعتها عرفت انى ماكنتش ضعيف امبارح بس كنت جبان .. ومن الوقت ده وانا مابسيبش حد ولا حد يقدر يضحك عليا ولا يخبى عليا حاجه ... عشان كده ذهنى دايما صافي ... وانتو تفتكروا انكو مخبيين عليا حاجه بس ف الاصل انا اللى مش عاوز اطلعها منكو غير ف وقتها
سلمى : ايه ! حاجه ايه يا عم اللى هنخبيها عليك
احمد : هههههههههههه انا مقصدكوش انتو . انا اقصد عموما يعنى .. وبعدين انتى اتوترتى ليه ؟
لوكا : هاااااااى ! ازيكو يا حلوين
منه : ماليكا ؟ ازيك يا ماليكا عامله ايه
لوكا : ايه ده انتو بتيجو تسهروا هنا ؟
سلمى : لا والله يا لوكا دى اول مره . احمد هو اللى جابنا هنا
لوكا : ااااه احمد .. صاحبكو مش كده . اهلا بيك يا احمد
احمد : اهلا وسهلا .. شوفتك انا كذا مره ف الجامعه بتعدى علينا كتير
لوكا : اه كتير ... كان نفسي ابقي صاحبتكو والله
احمد : انتى هتفضلى واقفه ؟ اقعدى اتفضلى
سلمى : اقعدى يا لوكا
احمد : طيب ولما انتى عاوزه تبقي صاحبتنا مابتجيش تتكلمى معانا ليه . عادى يابنتى
لوكا : مش عارفه والله بس بكون متوتره كده او مش راضيه اقتحم عليكو انا نفسي اكون من شلتكو انتو والله بجد
احمد : اها انتى ف شلة وائل مش كده ( بيبص ل ملامح سلمى )
لوكا : اااه انت عارفه ؟
احمد : هههههههههههههههههه اسمع عنه . واسمع كمان انه مش سايب بنت ف الجامعه ف حالها بس بقولك ايه . البنات اللى قدامك دى وبنات شلتنا كلهم لو فكر بس يتعرضلهم مش عارف انا ممكن اعمل فيه ايه
لوكا : لا ماتقلقش مايقدرش يقرب منهم . انا سمعت ان منه بهدلته قبل كده اول ايام الدراسه .. واسمع ان سلمى النهارده بردو قالتله ييجى يتعرف علي شباب الشله
احمد : اه ماهى قالتلنا انه كان واقف معاها النهارده
لوكا : اه بس معرفش بقي ايه اللى تم
سلمى : ( ماسكه راسها وشبه هتعيط )
احمد : ها يا سلمى قولتيله ايه بقي بالظبط
سلمى : ايه ! معلش يا جماعه انا حاسه انى مصدعه اوى
احمد : مالك ؟ طيب تعالى أروحك وارجع اكمل قعده مع البنات
منه : ( مش قادره تنطق ولا تتكلم )
سلمى : عن اذنكو يا بنات
غير.مصرح.بنشر.القصة.الإ.معرفه.الكاتب.او.الناشر
....................
( ف العربيه )
احمد : ( ملامحه هاديه جدا ومابينطقش ولا بيبص حتى لسلمى )
سلمى : ( قاعده جنبه خايفه تنطق او تتكلم )
غير.مصرح.بنشر.القصة.الإ.معرفه.الكاتب.او.الناشر
...........
( سلمى وهى طالعه بيتها احمد بيقولها ... تيجى بكره بدرى يا حيلة امك )
غير.مصرح.بنشر.القصة.الإ.معرفه.الكاتب.او.الناشر
.....................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020