................
ف الحلقه السابقه :_
سلمى : انت تيجى تتفرج بس ... وبعدين البت دى مش سهله على فكره وعرفت انى بسال عنها .. او بمعنى اصح انا اللى خليتها تعرف انى بسال عنها
احمد : ليه ؟
سلمى : ماهى لما تعرف . هتبدأ تشك وهتسال عليا وهتجيلى بقي عشان تسالنى .. ولما تجيلى بقي هربيهالك ... وكله بكره .. وكله بالحب . اصبر بس .. ماعاش ولا كان اللى يكسر نفسك وانا موجوده ... أنا جيشك
................. (الثانيه ) ❤
( بعد الضهر )
ام احمد : اهلا ! اهلا يا حبيبتى
منه : ازي حضرتك يا طنط . مش عارفانى
ام احمد : البنت ام عيون زرقا المزه .. تبقى انتى اكيد منه صاحبة ابنى .. صح ولا انا عكيت ؟
منه : ايه ده ؟ عرفتينى منين ههههههههههه
ام احمد : ههههههههه اتفضلي يا حبيبتى .. احمد دايما يحكيلنا عن كل اصحابه ولاد وبنات .. وييجى عندك يقول ام عيون زرقا .. ماشاء الله . تشربي ايه ؟
منه : لا والله ابدا انا جايه اتطمن على احمد بس .
ام احمد : نزل الجامعه النهارده . قال يغير جو
منه : طيب واخواته فين
ام احمد : لا لسا شويه على ما ييجو م المدرسه ... تتغدى معانا ؟
منه : هههههههههههههه مش عاوزه ازعج حضرتك
ام احمد : ازعاج ايه يابنتى .. انتى بنتى
منه : ماشاء الله .. مكدبتش ساره لما قالت على حضرتك ست زى العسل هههههههههه
ام احمد : انتو زى ولادى يا عيال .. وراحة عيالى لما اشوفهم مرتاحين . واحمد بشوفه مرتاح معاكو زى ما يكون ما صدق لقاكو
منه : والله العظيم احنا كمان .. ماتعرفيش كلنا بنحبه وبنعزه ازاى . حاسينه أخ وصاحب مش مجرد زميل .. وجوده بس وسطينا بيفرحنا
ام احمد : يا حبيبتى انتو اللى شلة زى العسل بصراحه ... بس معلش البيت مش قد مقامك
منه : لا والله كده هزعل .. طب عشان الكلمه دى بقي انا هدخل اساعد حضرتك ف الغدا . انا شامه ريحة حاجه بتتشوى ؟
ام احمد : ههههههههههههههه طب لو شاطره ف المطبخ قوليلى ايه اللى بيتشوى
منه : ايه ده ؟ اختبار بقي ولا ايه ؟
ام احمد : حاجه زى كده
منه : هو اللى انا حاساه كده انها صينية بطاطس .. وشامه بردو ريحة ملوخيه
ام احمد : لا يابت طلعتى اروبه بجد .. تعالى بس الملوخيه شكلها اتحرقت اساسا حرام عليكى
منه : هههههههههههه لا مانا هدوقها على فكره . لو فيه شوية ملوخيه بقي مع العيش تصبيره كده يبقي تمام
ام احمد : تعالى ! هنغرف لنا انا وانتى طبقين . والعيش موجود
منه : قوليلى بس فين العيش اسخنه
...............
احمد : هى مش أمك شافتنى قبل كده لما كنتى رايحه تغيرى هدومك وجيت معاك
سلمى : اه
احمد : اومال حسيت انها ماكنتش فاكرانى ليه
سلمى : لا ممكن من الخضه بس
احمد : من الخضه بس ؟ اهااااا وانا اقول طالعه سوسه لمين . طالعه لامك هههههههههههههههههه امك مش عاوزه تبان انها عارفانى من كتر كلامك عنى ... مش زي امى اللى لو اى حد راحلها من طرفى هتاخده بالحضن وتغديه وتعشيه ومش بعيد تنيمه ف اوضتى كمان ههههههههههههه
سلمى : مامتك دى سكر اصلا
احمد : ربنا يخليهالى يارب ويخليلك مامتك وباباك .. ويرزقك يا سلمى بعيال حلوين شبهك كده يطلعو مزز
سلمى : لاياخويا انا عاوزاهم زى باباهم
احمد : انتى حره انتى وهو بقي ربنا يبعت
سلمى : اتلم
احمد : هتعملى ايه دلوقتى
سلمى : انا هروح بقي ... اجى اوصلك الشغل النهارده
احمد : مالوش لزوم يابنتى انا هعرف اتعامل
سلمى : يا أخى انت بخلان عليا ليه ؟ ماتسيبنى يا اخى انا مرتاحه كده وانا بشيلك وبحطك
احمد : ايه بشيلك وبحطك دى ماتحسنى ملافظك
سلمى : ههههههههههههه بقولك ايه
احمد : نتلم شويه احنا بين الناس
سلمى : ال يعنى بنعمل حاجه بعيد عن الناس
احمد : انتى يابت انتى كان نفسك تشتغلى رقاصه ومجموعك ماجابش ؟ فيه ايه ما تتلمى ايه ده
سلمى : هههههههههههههههههه هتقوم يلا أروحك هعدى عليك الساعه 5 ونص بالظبط زى امبارح
احمد : ماشى ... يلا بينا
.........
منه : طنط هى دى اوضة احمد ؟
احمد :
ام احمد : اه يا حبيبتى ايه رايك ف الملوخيه ؟
منه : لا والله طعمه ماشاء الله . نفس حضرتك حلو اوى انا هاجى اكل عندكو كل يوم
ام احمد : ياحبيبتى تعالى انتى بس
منه : ربنا يخليكى يارب ...
ام احمد : المهم خليكى ثوانى يا منون بقي هلم الغسيل من البلكونه لان شكلها فيها مَطره اما ألحق
منه : حاضر .. اجى اساعدك طيب ؟
ام احمد : لا مش للدرجادى .. خلى بالك م الشاى بس ع النار
منه : ههههههههههههههه انا حاسه انى ف بيتنا والله
ام احمد : بيتك يا حبيبتى ومطرحك خدى راحتك
............
( منه بتتسحب على المطبخ بتوطى على النار خالص وبتدخل اوضة احمد )
( بتقلب في حاجته في هدومه في دولابه من فرحها انها ف اوضته )
( احمد داخل من باب الشقه بيصفر بعد ما سلمى وصلته ومشيت )
منه : احيه الواد جه بره نهار اسود .. وأمه ف البلكونه . انا بعمل ايه هنا ؟ ( بتستخبي ورا الشماعه اللى واقفه ف زاوية الاوضه
احمد : أمااااه ! اماااه انتى فين ؟ .. شكلك ف البلكونه .. فيه صوت انتى حاطه ميه ع النار ولا ايه ؟ يا حاجه . انتى يا وليه بتكلمى مين ؟
ام احمد : استنى بكلم ام عمرو شوف البت اللى عندك طفت ع الشاى ولا لا
احمد : ( بيسيبها وبيخرج وبيكلم نفسه ) بت ايه ؟ البنات لسا ف المدرسه ... ما علينا .. ( بيدخل المطبخ يطفى ع الشاى وبيصبله كوبايه وبيصب لأمه كوبايه وبيخرج )
احمد : ( بيحط الكوبايات على الترابيزه اللى ف الصاله وبيدخل عشان يغير هدومه )
( لحسن الحظ بيدخل يغير من غير ما يولع النور ولسا بيصفر وبيغنى . يانا يانا ياتاعبنى . يانا يانا يا هارشنى . تنربنن يا رابننى وعلشانه اموت انا ( بيخلع القميص )
منه : ( واقفه ورا الشماعه هتموت من منظر احمدم الضحك ومكسوفه جدااااااا )
احمد : فيه ايه ؟ فيه صوت عليا النعمه ف الاوضه ( بيروح يولع النور بيلاقى منه واقفه ) يا فضيحتى ( بيدارى بطنه بالقميص بسرعه ) سلاما قولا من رب رحيم . ايه ده ايه اللى جابك هنا
منه : ( بتقع من الضحك ) مش قادره حرام عليك ..
احمد : حرام عليا ايه ؟ انتى ايه اللى جابك لهنا . ايه ده هو انا فين انا ؟
منه : هقولك
احمد : قولى .. اخلصى يابت انتى داخله تسرقينى ؟ طمعانه ف الكومدينو بتاعى ؟
منه : ( بتضحك ضحكة فظيعه جدا هيستيريه وبتخرج على الصاله وبتقعد على الكنبه )
احمد : ( بيلبس قميصه تانى وبيخرج وراها ) انتى ايه اللى جابك هنا يابت
منه : كنت جايه اتطمن عليك . من ساعة ما رجلك اتكسرت ماشوفتكش غير مره واحده لما جينالك كلنا
احمد : وايه اللى مدخلك اوضتى
منه : كنت داخله بالصدفه . فضول مش اكتر اومال هدخل ليه يعنى
احمد : اطلعى باللى قلبتيه
منه : ( بتضحك ) فتشنى لو خدت ورقه حتى ليك الكلام
احمد : ع العموم هيبان . لو خدتى حاجه عليا النعمه هجرسك
منه : هههههههههههههههه بس بقي اقعد مامتك داخله
ام احمد : ايه ده ماعملتوش حسابي ف الشاى يا اندال . ولا عشان ام عيون زرقا جات هتنسي امك
احمد : اقعدى ياما بالطشت اللى انتى ماسكاه ده والنبى .. ماخلتنيش انا ألمهم ليه
ام احمد : انت فيك نفس ؟ ماتقعد بقي .. ضايف صاحبتك
احمد : اضايف مين . دى شويه وهتدخل تلبس بيجامه من بتوع سالى وهتدخل تنام . انا عارف انا الاشكال دى
منه : هههههههههههههههههه عاجبك يا طنط ؟ انا جايه اقعد مع طنط على فكره . جايه اتغدى معاها
ام احمد : براحتك يا حبيبتى بيتك ومطرحك
احمد : ياسلام !! اومال ايه اللى دخلك ال....
منه : اححححم
احمد : ايه اللى دخلك المطبخ ؟
منه : كنت بشوف الشاى على ما طنط تلم الغسيل . الدنيا كانت هتمطر
احمد : اه ماهى هتمطر فعلا اهى
ام احمد : البنات هيعدوا على ايمان يقعدوا معاها شويه
احمد : يعنى ماروحش اجيبهم م المدرسه
ام احمد : لا ! ايمان هتعدى عليهم تاخدهم مع اخواتها
منه : ايمان مين يا طنط ؟
احمد : وانتى ايش اخششك اصلا ف الحوار
ام احمد : بس يا ولاه بلاش قلة ادب
منه : هههههههههههه لا يا طنط اتعودنا على طريقته خلاص محدش بيزعل منه .. مين ايمان بردو
ام احمد : دكتوره ايمان معرفتنا يعنى بتحب البنات وبتاخدهم يقعدوا معاها شويه
منه : طيب تمام . هنتغدى بقي ولا ايه كويس ان حضرتك جيت يا استاذ
احمد : انا بصراحه واقع . والريحه اللى انا شاممها دى جباره
.......................
سلمى : الو ! مين
طارق : ازيك يا انسه سلمى
سلمى : مين معايا ؟
طارق : انا استاذ طارق . معيد المحاسبه
سلمى : وجبت رقمى منين يا استاذ طارق وحضرتك بتتصل عليا ليه خير ؟
طارق : خير ان شاء الله . بس كنت عاوزك ف موضوع كده
سلمى : موضوع ايه
طارق : هتعرفي لما اقعد معاك . تحبي نتقابل فين
سلمى : ومين قالك انى هقابلك اصلا
طارق : استاذه سلمى
سلمى : انا مش استاذه انا طالبه ف الكليه اللى انت بتدرسلي فيها ... لا أكتر ولا أقل .. وحسك عينك تتصل على الرقم ده تانى . ولو اتكررت انا هيبقالى تصرف تانى . عن اذنك
.......
سلمى : ( بتزعق ) ابو ام دى حرقة دم ع الصبح .. ايه القرف ده
ام سلمى : ايه يا حبيبى بتزعقى ليه
سلمى : عالم تحرق الدم
ام سلمى : يابنتى فيه ايه ماتهدى ... اتخانقتى مع احمد ولا ايه
سلمى : لا ! ده بنى ادم عندنا ف الجامعه معيد علينا . بيتصل بيا وقال ايه عاوز يقابلنى ويكلمنى ف موضوع ضرورى ضرورى هههههههههههههههه
ام سلمى : مين ده اسمه ايه ؟ هاتيلى تليفونه امسخرهولك
سلمى : لا ماهو خد اللى فيه النصيب ... هما ليه يا مامى الناس مفكرانا اننا معانا فلوس وعربيات ومستوى اجتماعى حلو مفكرينا بنبقي بالسهوله يعنى انهم ممكن يطلبو مننا اى حاجه ... ايه النظره دى مش فاهماها ؟
ام سلمى : زى ما قولتى . نظره مجتمعيه ,,, حاله من اللاوعى كده ان البنت دى معاها فلوس راكبه عربيه لبسها كذا عامله كذا تبقي ممكن تتكلم بمنتهى السهوله مع اى حد او اى حد ممكن يكلمها
سلمى : حاجه تحرق الدم والله .... انا هنام شويه بقي صحينى على الساعه 5
ام سلمى : مش هتتغدى ؟
سلمى : ههههههههههههه لا هتغدى عند احمد ف المطعم
ام سلمى : هههههههه يادى احمد اللى شاغل دماغنا
سلمى : انتى مش عاوزه بنتك تبقي مبسوطه
ام سلمى : ده مُنى عينى يا حبيبتى اشوفك بالنور ده طول عمرك
سلمى : انا منوره عشان البنى ادم دخل حياتى ... وصدقينى يا مامى وحاولى تصدقينى بجد . ده مش عاوز منى حاجه ولا حتى بيحاول يربطنى بكلمه غير لما يكون قادر عليها . وانا مصدقاه ومآمنه انه يقدر
ام سلمى : مش وقته الكلام ده انتو لسا سنه اولى ... يلا نامى انتى شويه
سلمى : ماشي يا حبيبتى ماتنسيش . تصحينى على 5
........................
احمد : منوره يا منه
منه : مش قايمه والله ماتحاولش انا قاعده
ام احمد : ( ضحكه عاليه جدا ) ههههههههههههههه جاتكو ايه . انت اتلميت عليهم فين ياواد العيال دى
احمد : حظى ونصيبى بقي تقولى ايه ... عيال تنحه اعوذ بالله
منه : شايفه يا طنط بقا انا تنحه ؟
ام احمد : بس يا احمد عيب . دى تنحه دى ... ماشاء الله تقول للقمر قوم وانا هقعد مكانك .. دى كفايه عيونها
احمد : ايه رأيك بقي مش كنت بحكيلك على عيونها
ام احمد : اه منا كنت بقولها قبل ما تيجى . عرفتها من عيونها .. ماشاء الله
احمد : طب كنتى اقعدى معانا شويه يا منون الساعه داخله على 4
منه : اممم منا قاعده ماتقلقش .... فين الشيشه
احمد : اححححم
ام احمد : بتقولى ايه يا حبيبى شيشة ؟ شيشة ايه
احمد : الشاشه يا حاجه الشاشه . شيشة ايه اعوذ بالله
ام احمد : انت رجعت للشيشه دى تانى
احمد : لا والله ما رجعتلها
منه : ( بتضحك )
احمد : هى بصراحه هى اللى رجعتلى ههههههههههههههههه
ام احمد : ماتخلنيش احلف عليك وأحلفك
احمد : احياة عيالك يا شيخه تسيبينى ف حالى . دى بتغسلنى من جوه هههههههههههههههههههه بقل منها والله وانتى عارفه انها قاعده بس مش موضوع مزاج يعنى
ام احمد : طيب يا احمد طيب ..... وانتى يا حلوه انتى ماتبقيش مدب كده وهطله وتسالى واحد قدام مامته ولا حد من أهله على شيشه ولا سجاير ولا الكلام ده
احمد : ( بيقع على الارض من كتر الضحك ) اديلها يامه ماترحميهاش . عشان تعرفى انا مصاحب مين
ام احمد : قايمه اعملكو عصير
احمد : طيب ربنا يخليك لينا يارب
منه : تسلم ايديكى يا طنط . وشكرا ع التشطيفه اللى من شويه دى
ام احمد : العفو يا حبيبشى هههههههههههههههه يجازيكو عيال
..........
احمد : انتى ناويه تقعدى كده لغاية امتى . ماتقومى تروحى على بيتكو ايه التلزيقه دى
منه : هششش انت . انا قاعده مع مامتك انت مالك اساسا
احمد : انا مالى ايه انا كنت جاى انام وبعدين هنزل على الشغل تانى الساعه 6
منه : عادى هوصلك
احمد : نعم ياختى ؟ لا مش عاوز حد يوصلنى
منه : ليه ياعم ! عادى هوصلك وابقي امشى مش هدخل معاك
احمد : قولنا لا
منه : طيب براحتك !
احمد : مش ناويه تمشى ! الساعه داخله على 5 منك لله
منه : الله ! انت زهقان منى ليه ياعم
احمد : ولا زهقان ولا حاجه انا عاوزك تروحى ترتاحى شويه
منه : صحيح انت كنت فين بما انك قايل هنا انك نازل رايح الجامعه ومالقيناكش
احمد : كنت بتمشى شويه مع ال
منه : مع مين
احمد : مع عيال زمايلى كده ف الحته . قعدة البيت وانا متعور كده بتجيبلى اكتئاب
منه : الف سلامه عليك ياخويا
.......................
( الساعه 5 ونص )
ام سلمى : كنت داخله اصحيك
سلمى : لا يا مامى انا لبست خلاص نازله شويه بقي مش هتأخر
ام سلمى : هتاخدى حد معاكى
سلمى : هتصل على ساره ولا منه كده عاوزه اشم شويه هوا . هوصل احمد واشوفهم فين
ام سلمى : طيب يا حبيبتى هاتى بوسه
.................
سلمى : الو ! فينك يابت
ساره : ف البيت طلعان عين امى
سلمى : ليه ؟
ساره : مزنوقه مع امى بتوضب البيت وحلفت عليا اساعدها بدل منا اكل ومرعى وقلة صنعه كده ههههههههههههههههه
سلمى : طيب لما تخلصى ابقي كلمينى هخرج انا ومنه شويه كده نقعد ف اى حته .. هرن عليها اشوفها فين
ساره : ماشى يا روحى
.......
سلمى : الو !
منه : احححم الو ازيك يا سولى
احمد : ( وشه بيجيب الوان )
سلمى : ايه يا روحى فينك
منه : مافيش كنت بتمشى شويه
سلمى : بقولك ايه ما تيجى نخرج زهقانه
منه : يلا . انتى فين
سلمى : انا ربعايه وأكون عندك هخلص مشوار بسرعه كده واكلمك
..........
( تليفون احمد بيرن بياخده وبيدخل الاوضه وبيتكلم جوه )
احمد : الو !
سلمى : يلا يا بابا انا تحت اهو مستنياك ولا اطلع اخدك ؟
احمد : ياختااااااااااااااااى
.............
الي اللقاء في الحلقه القادمهكاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587لينك بيدج/ هو و هي
https://www.facebook.com/howa.weheyaa/لينك بيدج/ stories and novels
https://www.facebook.com/StoriesAndNovels2020
![](https://img.wattpad.com/cover/315445595-288-k975234.jpg)
أنت تقرأ
رواية مهلكتي من جزء 1 : 18
General Fiction#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى