................
ف الحلقه السابقه :_
احمد : الرقم مع سلمى . هى تبقى تديهولك
ساره : والله ! طب مش عاوزه .. ومحدش هيتصل عليك
احمد : ههههههههههههههههههههه .ايه محدش هيتصل عليا دى .. الهى يسد نفسك
سلمى : على فكره انا بقفل التليفون اول ما بدخل البيت
احمد : الهى يسد نفسك انتى كمان
المهم تعالو بقي اعرفكوا على اصحابنا علشان هيبقى عيش وملح ونبدأ سنين الكليه واحنا مع بعض كلنا .
منه : ( ف سرها : والله ما يحصل )
(فريده بتبص عليهم من بعيد : الله ! كده إحلوت أوى )
.................. ( الأولى ) ❤
( بعد اسبوعين ف بيت سلمى )
سلمى : اعمل ايه مع الواد ده يا ساره مش عاوز ينطق
مش عاوز يقول اى كلمه . متشعلقين بعيون بعض وخلاص
ساره : هو الحب كلمه يا سلمى ؟ ده يا عينى دايب فيك بيسهم كل ما يشوفك حاجه كده ولا ف الخيال
سلمى : يا حبيبتى انا كمان بعشق تفاصيله . بحب حنيته عليا بحب حبه ليا بس عاوزاه ينطق بقي لغاية دلوقتى ماقاليش اى حاجه ماصارحنيش بحاجه
ساره : بصى . انا عندى فكره كده لو نفعت هيخليه ينطق ههههههههههههههه بس يارب الدنيا ماتتعكش بس
سلمى : على فكره انتى كل افكارك بتودينى انا ف داهيه ف الاخر بس للاسف مضطره اسمعك دلوقتى ... قولى
ساره : فين البنطلون بتاعك اللى اشتريتيه من باريس ف الاجازه اللى فاتت
سلمى : ماله يعنى ؟
ساره : هاتيه بس كده وريهونى
سلمى : استنى ! اهو ... ماله
ساره : هو ده هههههههههه مقطع وركبتك هتبقى باينه وحاجه عنب
سلمى : لا يابنتى عيب ههههههههههه انا جايباه من سنتين يعنى كنت لسا صغيره دلوقتى عيب البسه .. ماينفعش
ساره : ماهو عشان عيب وماينفعش انا عاوزاك تلبسيه ونشوف رد فعل احمد
سلمى : قصدك يعنى اشطشطه هههههههههههههه
ساره : بالظبط .. وأدى دقنى ان ماجه وقالك ماتلبسيهوش تانى . انتى بقي تقومى تقلانه على امه وتقوليله ليه ان شاء الله بتطلب منى الطلب ده على انهى اساس
هيقولك ورجله فوق رقبته انه عشان بيحبك .. وبكده يبقى خدنا اللى احنا عاوزينه
سلمى : يابنت الجنيه .... والله فكره ... خلاص هلبسه بكره وانا رايحه
يلا يا حلوه قومى نامى انتى بقي . انا مش عارفه انتى بقيتى لاجئه عندى ليه
ساره : ههههههههههههههههه اه يا واطيه مش انتى يابت اللى مسكتى فيا وقولتيلى انا مخنوقه تعالى باتى معايا . ابو شكلك
سلمى : طيب احمد هيتصل دلوقتى مش عاوزه اسمع صوت أهلك
ساره : ااااااااه قولتيلى بقي . متعود يكلمك كل يوم ؟
سلمى : مابينامش غير لما بيسمع صوتى
ساره : الله ! ماهو حلو اهو اومال ايه بقي
سلمى : يا لهوووووووووووى . انا عاوزاه يقولهااااااااااااا عاوزاه ينطق
ساره : طيب طيب
...........
( ع القهوه احمد وحسن قاعدين .... مصطفى وعلى ومالك ومجدى ف مشوار بره )
حسن : ايه يا صاحبي بقي مالك .... مش متظبط انت بقالك كم يوم ... زعلان انت وسلمى .؟
احمد : سلمى ؟ دى سلمى دى يابنى الحاجه الصح اللى ف حياة الواحد
حسن : اومال ؟ الشغل عندك فيه تعب ولا مضايقه ؟
احمد : لا مانت عارف الحاج طاهر . بيحبنى وبيحب ابويا وفاكرهالنا ربنا يكرمه
حسن : اومال مالك يا صاحبي
احمد : ماكنتش عامل حسابي ان سلمى غنيه بالشكل ده
حسن : وايه يعنى .. البت متشحتفه عليك زى مانت كنت متشحتف ويمكن اكتر حبتين
احمد : وبعدين يا حسن
حسن : ولا قبلين .. سيبك من الجو القديم ده وهى غنيه وابوها هيرفض عشان مش عارف ايه ... دلوقتى الراجل مابيعيبوش غير اخلاقه ورجولته
احمد : تعرف ! اوقات كتير بكون باصصلها وهى وسطيكو ومش دارى بالدنيا ... كأنك عملت زوم على صوره واحد كده صاحبك من وسط كل الناس اللى موجودين معاه ف الصوره ومش شايف غيره
سلمى مالكانى يا حسن من ساسي لراسي
عاشقها وقت ما العشق كان بدا يضمر ويضيع
افديها بعمرى كله وانا راضي والله العظيم .... بس
حسن : بس ايه يا صاحبي
احمد : اوقات بحس انها عاليه اوى . بعيييييييد عنى بسنين مش بايام
سلمى كل كم شهر ابوها بيغيرلها عربيه
غير الفسح هنا وهنا
بتقولى السنه دى سافرت ايطاليا
واللى فاتت فرنسا
وبتروح امريكا زى ماحنا بنروح ستانلى كده
ف مش عارف اعمل ايه
حسن : يا بنى انا فاهم دماغك وفاهم انك لغاية دلوقتى مش عاوز تربط البت ولا تقولها كلمه بحبك عشان خايف يقولوا عليك طمعان فيها ولا ف فلوسها خصوصا ان سلمى مالهاش اخوات وهى بس وحيدة ابوها وامها
احمد : قولى بقا انا أعمل ايه
ازاى احافظ عليها واخدها ليا هى من غير ماحد يبصلى بصة بنت كلب انى طمعان فيها
دى حتى البت منه بتغيب وتوصللى المعلومه دى بس بشكل غير مباشر
نفسيتى بتوصل للصفر ف ثانيه
حسن : ربنا هيكرم وهيحلها من عنده وسلمى انا مراهن عليها ان هى اللى هتقدر تشيل الافكار دى من دماغك وهى اللى هتطمنك
احمد : حسن ! حسن انا يدوب بقدر اصرف على امى واخواتى . وكلها سنه ولا اتنين والبنات هتكبر وهيبقوا محتاجين دروس ولبس وفسح ومش هقدر .. وغصب عن عين أهلى هتحط ف دوامه ما بعدها دوامه يعنى سلمى اكيد هتزهق ... سلمى لو بتحبنى دلوقتى ممكن مع قلة ايدى قدام وتبص تلاقى كل اللى بتحلم بيه مابقتش قادره تنفذه ولا المستوى اللى كانت عايشه فيه ... لانك عارف انى استحاله هقبل على نفسي قرش واحد منها عليا ولا على اخواتى
حسن : عارف والله عارف .. اسكت بقي عشان العيال وصلو
مالك : ايه يا شقيق بتتودودو ف ايه
احمد : ف طلتك البهيه وسحنتك المخفيه
مالك : ههههههههههههههههه
احمد : كنتو فين يا شويه صيع انت وهو
على : لما اتصلنا عليك لقيناك لسا ف الشغل مالك عزمنا على شيشه ف بابلو هههههههههههههه الشيشه هناك حاجه خيال
احمد : ماشى يا كتكوت انت وهو ...
مالك : انت يالا دراعاتك عامله كده ليه ؟ ايه ده
احمد : النهارده ايه يا مصطفى
مصطفى : الخميس
احمد : وخمسه ف الشهر يابن الفاقده .. انت جاى تحسد ياض ..
مالك : ههههههههههههه لا بس ليها حق سلمى تتجنن عليك
اومال العيال اصحابها محدش فيهم بيجر معانا كلام ليه ..
مصطفى : ههههههههههههههههههه عاوز تعلق مين فيهم
مالك : ههههههههههههههههه وحياتك كلهم بلا استثناء مايتخيروش عن بعض
منه ولا فريده ولا ساره ولا اميره ومروه ... ايه ياااااااااااااااااعم كمية المزز اللى عندكو دى يخربيت كده
على : ههههههههههههههههه لا دول يخصوا احمد . محاوطينه كده
مالك : لا هى سلمى بس اللى بتحبه
على : ههههههههههههههههههههههههههههههههه وحياة امى كلهم بيحبوه واحنا كلاب شوارع جنبه . بس هما عارفين انه ميًال لسلمى ف مافيش واحده منهم عاوزه تعترفله بحبها عشان عارفه ان احمد ممكن يهًب فيها ويحرجها ف بيلعبوا من تحت الترابيزه .. فهمت يا قفل ولا لسا ؟
مالك : ااااااااااااااااااااااه يعنى عشان كده مافيش واحده شايفانى او شايفانا اصلا
مصطفى : وحياتك ولا هيعبروك . انت بالنسبالهم عادى زينا كده صاحب جدع ومستجدعينك على فكره بس كحب وتعليق وكده انسى .. طول ما الواد ده معانا .. لو مش معانا كنت ممكن اقولك تقدر تعلق واحده منهم ههههههههههههههههههه .. ماتيجو نفلسعه ولا نعمل فيه مصيبه تاخده ههههههههههههههه
مالك : هههههههههههههههههههه فكره ... بالحق يا حمو ... انت هتيجى معايا مصر بعد بكره
احمد : اشمعنى
مالك : امى عازماك .. من كتر ما بحكيلها عنك هى وملك اختى قالتلى اعزمه وهاته وانت جاى المره الجايه
احمد : ياعم اروح فين بس واجى فين مانت عارف ان امى واخواتى لوحدهم
مالك : لا وحياة امك هتيجى .. هنمشى الصبح يا اخى تقعد معانا طول اليوم ونتغدى وبعد كده نبقى نرجع بالليل او تبقى تركب وتيجى المغرب كده
احمد : خلاص خد مصطفى مكانى وقولها ده احمد
مصطفى : ههههههههههههههههههههههههه يلا يا واطى يارمه
احمد : ماتروح مكانى انت يا علوه
على : ههههههههههههههههههه إلبس عشان خارجين ...
احمد : يا جدعان سلمى هتعملى فيلم
مالك : ههههههههههههههههههههههههههه هو ده البؤ اللى عاوز اسمعه من بدرى . هى سلمى الموضوع مش موضوع امى واخواتى
احمد : انت بتقول فيها ... سلمى بتخلينى ماشى بتلفت ورايا اقسم بالله
احكيلكو حاجه حصلت بينى وبينها من كم يوم كده
مالك : ياريت
احمد : انت يالا بتقول كلمة ياريت دى ليه ؟
مالك : بحب الكلمه دى ههههههههههههههههههههه بحسها كلمه دافيه بتطبطب عليا .. يعنى مثلا لما تكون بتحلم حلم جميل وتصحى وتقول ياريته كان حلم .. او لما تشوف حد ف وقت غلط تقول ياريتنى شوفته من زمان او او او وحاجات كتير
احمد : المهم !
انا متعود انى اكلمها قبل ما تنام اسمع صوتها
مصطفى : هههههه ايوه بتتصل تقولها ايه بقي اصل احنا خيبه ف المسائل دى . يعنى بتفتح موضوع معاها ازاى او بتتصل تقولها ايه ده بعد اذنك يعنى
احمد : هههههههههههههههههههههه والله اى حاجه . يعنى مره اتصل عليها اقولها هى الساعه كام معاك اصل ساعة تليفونى مش متظبط وساعة الحيط عندنا حجارتها خلصت
تقوم ضاحكه وتقولى الساعه 2 وربع ونكمل كلام
مره بقولها ياسلمى هو انا لو عاوز اعمل كوبايه شاى اعملها ازاى .... اه نسيت اقولكو مش هتصدقوا وحاجه غريبه جداااااا
على : ايه
مالك : ايه ياعم
احمد : طلعت بتشرب الشاى بالقرنفل ههههههههههههههههههههههههههههه
مالك : احيييييييييييييييييييييييييه بتتكلم بجد
احمد : اه وحياة امى بقولها اعمل شاى ازاى قالتلى وهى بتضحك هتسخن الميه وبعد كده تحط قرنفل .. قولتلهل ايه ايه ايه انتى ايش اعرفك بالقرنفل .. تقولى انا مابشربوش غير بالقرنفل ... كنت عاوز اروح احضنها اقولها تعالى تعالى هههههههههههههههههههههههههههههه البت دى ياساده تجسيد حى ان الدنيا حلوه
الدنيا تحسوها صافيه وجميله ومافيهاش كلاكيع
دى مره نامت وانا بكلمها فضلت معاها على الخط وسامع صوت نفسها لغاية ما الرصيد اللى معايا فنًش ... هى بردو كنت انام وهى فاتحه الخط وسامعانى
مالك : طب ايه بقي الحاجه اللى حصلت بينك وبينها من كم يوم
احمد : اه !
خرجنا من الجامعه ومشينا وكله تمام . وانا نزلت بعد العصر ع الشغل ... بعد المغرب كده استاذنت من الحاج طاهر اخرج اشرب كوباية شاى وبالمره قولت اما اضربلى حجر معسل .. حلو الكلام ؟
مصطفى : حلو
مالك : حلو اوى
مجدى : اخلص يا روح وماتنقطناش عشان عارفك
احمد : تعالى يا مجدى كده
مجدى : هههههههههههههههههههههههههههههه حبيبى يا حمو بس كمل احياة عيالك ياشيخ انا بحب حكاياتك مع سلمى جداااااااا بحسها بتطرقعلك فوق دماغك كده ههههههههههههههههههههههه كمل كمل اهى بتخلص فيك اللى انت بتعمله فينا
احمد : اه والله يا ميجو دى مربيالى الهسهس بعيد عنك.. المهم
قاعد ف امان الله ع القهوه اللى قصاد الشغل .. جم بنتين زى لهطة القشطه قعدوا قصادى . ع القهوه بس قصادى يعنى وشهم ف وشى ولامحينى
واحده منهم فضلت تغمز وتلاغى من بعيد
وانا الشيطان قاعد جنب منى بيشيش عمال يرقص ف ودانى هههههههههههههههههههههههههههههه
هوب ايه بقي ... لقيت تليفونى بيرن .. يطلع مين يا ولااااااد
مالك : ههههههههههههههههههههههههههه سلمى طبعا
احمد : لا دى ماسمهاش سلمى ,, دى اسمها الشيخه خديجه المغربيه لجلب الحبيب
مصطفى : ههههههههههههههههههههههههههههههههه كمل كمل كانت بتتصل ليه
احمد : والله والله والله اول منا قولت الو لقيتها بتقولى كده بالنص " انت فين ؟ "
قولتلها انا ف الشغل يا سلمى خير
قالتلى لا انت مش ف الشغل يا احمد انا سامعه صوت كركره شيشه انت بتشيش قولتلها اه انا قاعد قصاد الشغل بشرب كوبايه شاى وهقوم اكمل شغل اهو عشان نص ساعه وهقوم اروح
قامت ساكته بتاع 5 ثوانى كده لسا بقولها سلمى انتى روحتى فين
قامت مزعقالى وقالت هشششش اسكت .. مين اللى بيتكلمو جنبك دول انا سامعه صوت بنات
احمد : اتلبخت ووشى احمر واصفر وازرق واخضر وانا بقولها بنات مين دول .. ياستى انا اساسا قايم رايح الشغل اتقى الله بقي ... قالتلى طب خليك معايا ع الخط وسمعنى صوت الحاج طاهر اللى انت حكتلى عنه وبعد كده اقفل التليفون وكمل شغل وبلاش مرقعه يا احمد
قولتلها حاضر ياست سلمى .... بص . انا بقولها حاضر ياست سلمى وانا 100 جزمه ف بؤي ... ساعتها عرفت انى بتعامل مع شيخه شيخه يعنى
مالك : ههههههههههههههههههههههههههههههههههههههههههههههه اقسم بالله هى فعلا اللى تنفعك هتمشيك ع العجين ماتلغبطوش
مصطفى : ههههههههههههههههههههههههه انا على طول كنت بسال نفسي سؤال .. مين الى امها داعيه عليها وهترتبط بالواد ده وكمية البنات دى حواليه هتتعب نفسيا
لغاية ما قابلنا سلمى ... وزى مانتو شايفين كده قاعد معانا بيتلفت حوالين منه وروش اللى خلفونا خايف منها ههههههههههههههههههههههههههه
احمد : انت بتقول فيها . والله ماتستبعدش تكون مركبالى ميكروفانات ف قميصى ولا ف اوضتى
مالك : ههههههههههههههههههههههههههههههههه الواد صاحبنا وقع يا جدعان
مصطفى : وقع ايه بس ده اتهدول على عين أمه
احمد : هشش اسكتو التليفون بيرن ... مش بقولكو . وحياة امى بتراقبنى ... ماسمعش صوت كلب فيكو
الو !
سلمى : الو ! ايه يا حمو روحت ولا لسا
احمد : لا لسا قاعد مع العيال شويه وهنروح
( مصطفى بيغمز ل على انه يقلد صوت بنت )
على : ( بصوت بنت ) مين اللى بتكلمك يا حمووووشى
سلمى : ايه ده ؟ مين اللى معاك
احمد : وحياة امى مافيه حد
سلمى : ( بزعيق اشبه لصريخ ) وحياة امك ؟ دنا هشرب من دمك دلوقتى . انطق مين اللى معاااااااااااااااااااااااااااااااااااك
احمد : دى العيال والله وبيهزروا .. حتى كلمى مصطفى .. خد يا مصطفى كلم ( بيبوس دماغ مصطفى ) ابوس ايدك يا درش انقذنى
مصطفى : ( بصوت بنت ) مصطفى مين يا قلبى بس اقفل بقا عاوزين نطلع ع الاوضه
سلمى : وحياة امك لنا مربياك دلوقتى وهلبس واجيلك
احمد : يا لهوووووووووووووووووووى ( بينزل تلطيش ف على ومصطفى ) انطقوا يا ولاد الكلب دى هتطين عيشتى
مالك : هات هات يا حمو اما اكلمها لاحسن تصدق
احمد : عليا النعمه انت اللى حبيبى ياض يا مالك ... سلمى خدى مالك عاوز يكلمك اهو
سلمى : اخلص هات
مالك : ( بصوت بنت مايصه رقاصه ) الواد حمو ده شقى وعسل اوى مش عاوزه اقولك يا روحى
احمد : ( بيحدفهم بالكراسي وبيلطشلهم ) يابن الكلب يارمه . ياولاد الكلب .. وحياة امى منا عاتقكوا ( بيسيب التليفون وبيجرى ورا على ومصطفى ومالك ومجدى )
...
حسن : ههههههههههههههههههههههههههه الو ! سلمى انا حسن
سلمى : مين البنات دى يا حسن
حسن : هههههههههه لا دى العيال كانت بتعمل مقلب ف احمد عارفينك هتطينى عيشته هو ساب التليفون وجرى وراهم
سلمى : والله
حسن : وحياة احمد بجد
سلمى : ماشى .. بقولك هو جنبك
حسن : لا طار وراهم ده احتمال يغرقهم
سلمى : ههههههههههههههههههههههه طب بقولك يا حسن اوعى تقوله انك قولتلى ان ده مقلب
حسن : هتطلعى عينه ؟
سلمى : اه
حسن : هههههههههههه خلاص والله مش هقوله عيشى بقي عاوزين نكد من اللى هو
سلمى : سيبهولى بس سيبهولى دنا هربيه . يلا سلام بقي انت عشان ماياخدش باله .. اه حسن بالحق . قوله انك سمعتنى بعيط عشان خاطرى
حسن : بتعيطى ؟ ليه ؟
سلمى : هتعرف بعدين بس قوله كده بس .. سلام بقي
...............
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020
أنت تقرأ
رواية مهلكتي من جزء 1 : 18
Ficción General#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى
