رواية مهلكتي من جزء 1 : 18

الجزء_السادس (الحلقه الثانيه عشر ) ( نارى نارين ) ❤ ❤

................
ف الحلقه السابقه :_
احمد : بقولك ايه ! احححححم
سلمى : ههههههههههه انت لسا مكلتش ؟
احمد : خالص والله نسيت اكل
سلمى : يا قلبي . هعملك سندويتشين تركى مع النسكافيه بقي ماقولكش
احمد : طب بسرعه طاه عشان الدنيا برد ومتكتك وانا واقف
سلمى : ياغواتى ههههههههههههه حاضر نازلالك
................... ( الثانيه عشر ) ❤
( سلمى بتتسحب ع المطبخ تعمل سندويتشات ونسكافيه وبتاخدهم بشويش وبتتسحب على باب الشقه ... امها بتشوفها )
ام سلمى : قفشتك ! انتى بتعملى ايه ؟
سلمى : يا مامى خضتينى حرام عليك
ام سلمى : ههههههههههههه واخده الاكل ده ورايحه فين
سلمى : احححم ! بابي نام ؟
ام سلمى : اه من بدرى
سلمى : طب انا نازله اقعد شويه مع ....
ام سلمى : هاااا ! مين ؟
سلمى : حمو
ام سلمى : هههههههههه يادى حمو ! هو فين
سلمى : قاعد قصادى هنا جعان لسا مكلش وكان جاى يشوفنى هههههههههه
ام سلمى : طيب ماشي بس ماتتاخريش هاا . هى ربع ساعه وتطلعى
سلمى : ربع ساعه ايه ! طب ما اطلع من دلوقتى احسن
ام سلمى : هو ده اللى عندى .. يإما هصحى باباك يتصرف معاك
سلمى : خدى هنا ياست انتى ! بابا مين دلوقتى ههههههههههه خدى بس انتى السندويتش دى كليه وادخلى نامى . وانا اقل من ربع ساعه هطلع
ام سلمى : ايوه كده ! هاتى بوسه .. وبعدين ايه اللى انتى نازلابه ده . الجو تلج يابنتى حطى الجاكيت عليك وانتى نازله
سلمى : اه صح نسيت ... ( بتسيب الصينية مع امها وبتتنطط وبتجرى ع الاوضه تجيب الجاكيت وبتنزل )
................
سلمى : انت يا حضرت ! امسك من ايدى الصينية دى
احمد : ههههههههههه مربي ماسكه صينية ! لا انتى اللى عامله السندويتشات صح
سلمى : ياسلام . وومتأكد ليه انه انا اللى عامله السندويتشات المرادى
احمد : مش محتاجه فقاقه ... العيش الفينو تحسي انك كنتى بتشقيه بدبوس مش بسكينه . ابقي شقى ام الرغيف شويه لجوه ودخلى الجبنه جواه .. الجبنه طالعه كده ليه
سلمى : يووووه ! مش عاجبك ؟ خلاص هات
احمد : خلاص خلاص . اهو اللى ييجى منك احسن منك ههههههههههههه
سلمى : ماتتلم بقي ياجزمه و.... ايه ده ؟ انت متخربش ليه ومين اللى مخربشك ؟
احمد : خربشه فين دى
سلمى : ف رقبتك . مين اللى مخربشهالك ؟
احمد : هتلاقيها قطه ولا حاجه
سلمى : والنبى ! وهى القطه هتطلع تخربشك ف رقبتك بالشكل ده وانت مش هتحس ؟ انت يابنى عاوز تشلنى ..؟ عملت مصيبة ايه تانى المرادى
احمد : ابدااا .. اهو خدت حقى وحقك من طارق
سلمى : اهو ده اللى كنت عامله حسابه ... عملت ايه يا استاذ
احمد : كل حاجه يا قلب الاستاذ .. ناولينى النسكافيه ناولينى مع ان السندويتشات دى عاوزه شاى بس يلا مش مشكله
سلمى : اتفضل ! احكى بقي ايه اللى حصل
احمد : مافيش يا سلمى .الروايه ملك ل بيدج هو وهى والكاتب احمد سعد فقط روحت اتخانقت معاه ... نزلنا انا وهو راجل لراجل هههههههههههه
سلمى : وطبعا طحنته
احمد : مش عارف ! انا ف الاخر كده قولتله كلمتين معرفش هو كان سامعنى ساعتها ولا لا هههههههههه وبعدين سيبينى اركز ف ام السندويتشين انتى باصالى فيهم ؟ كلى كلى معايا انتى عامله كتير اهو . مين هياكل كل ده
سلمى : انت هتاكل كله ! شكلك هفتان اصلا وجعان ,, احكيلى بقي عملت ايه ف المطعم بتاعك ومين اللى شغال معاك . يمين بالله لو طلع معاك بنات شغالين لنا مفطساك ومطفحاك الاكل والنسكافيه ده
احمد : ( كان بيشرب النسكافيه وبيشرق وبيكح وبيوقعه ع الارض )
سلمى : ايه ياخويا سلامتك . حد جايب ف سيرتك ؟
احمد : لا انا اولريدى طفحت الاكل خلاص
سلمى : يعنى ايه ؟
احمد : وانا ايش عرفنى انا يعنى ايه ... ماتشغليش بالك
سلمى : طب ها بقي احكيلى عن المطعم ده ... اخباره ايه وهتشتغل امتى وشيفتاتك امتى ومين شغال معاك .. كل حاجه كل حاجه ... عشان ناويه اعزم العيال كلهم على الغدا بكره عندك
احمد : يلا ! اهى كده كده خربانه ( بياكل سندويتش وبيبص للنسكافيه )
سلمى : انت عمال تبرطم بكلام مش فاهماه م الصبح .. بتقول ايه انت ؟
احمد : انا عمرى ما فكرت ابرطم ... وبعدين مالوش لازمه الحكاوى عن المطعم . انتى هتيجى بنفسك انتى والعيال وتشوفوا بنفسكو ... مطعم جميل بجد . وتصميم جديد واصحاب المطعم ناس بتاعة بيزنس وفاهمه ف الشغل وعندهم حرفيه ف الشغل بتاعهم ماتتخيلهاش .. غير طقم الشيفات والويتيريه .. حتى صاحبة ال.... صاحب المطعم يعنى واخدالى بالك . على طول على طول بيشكر فينا
سلمى : فيكو اللى هما مين ؟
احمد : يعنى احنا اللى هو انا وخالد ومتياستبي ونابتيابتنايتبااس ونتاتسايتب وكده يعنى
سلمى : مين ياخويا ؟ انت قولت ايه
احمد : ياستى ماتشغليش بالك
سلمى : ياولا انت فاكرنى عبيطه يا ولا ! ماتنطق دلوقتى واخلص ؟ خلصت روحك مش جايلى من وراك غير المرمطه ابو شكلك
احمد : احنا زى ما دخلنا بالمعروف يابنت الناس نخرج بالمعروف
سلمى : ههههههههههههههههه على قلبك بردو ... وبعدين عاوزه افهمك حاجه ... لما تعمل مصيبه كبيره ابقي تعالى احكيلى . عشان انا كده كده بعرف وهتبقي المصيبه اللى بجد انى عرفت من بره مش منك . لكن لما انت بنفسك ذات نفسك تعترفلى . انا هقدر كل ده وهحاول اوصل معاك لحل وسط .. فهمتنى يا حمو ؟
احمد : هأأأأو هى مين دى اللى هتفكر معايا ف حل وسط . انتى هتستعبطى عليا يا سلمى ؟ ما بلاش شغل الخبث والكهن ده بقي . دانتى مربيالى الخفيف اعووووذ بالله ياشيخه
سلمى : والله انت لو ماشي مستقيم مش هتخاف
احمد : مستقيم والله ! بس هو ساعات القدر بقي بيلعب لعبته ويحاول يوصل للناس رساله غير مفهومه .... اوم ايه بقي ! الناس دى واخدالى بالك . الناس دى هى اللى بتفهم الرساله دى على مزاجها . وتفضل تهرى وتنكت ف نفسها بقي لغاية ما تطربقها على نافوخى
سلمى : بص ! هو انا عارفه انك بتحور . وعارفه انى هروح بكره المطعم هلاقي بدل المصيبه مصايب . بس مش مشكله .. انا وراك وراك وهقطع نفس أمك
احمد : ههههههههههههه حتة بلطيه اسكندرانى يا جدعان والله . حلو الزعنوف اللى لابساه ف رجلك ده . لا حلو والله ..
سلمى : دى اقل حاجه عندى يا بابا
احمد : ربنا يزيدك يا سطا
سلمى : ولا يا حموو
احمد : التمساحه يالا . عارفها وحفظتها خلاص خلصنا .. الله يسامحك يا ثناء يا جميل شردتى اسم حمو معاك
سلمى : هههههههههههههه . انت مش بردان
احمد : لا ! انا هقوم أروح اصلا . انا قولت اعدى عليكى اشوفك
سلمى : هتروح ولا هتروح تصيع مع المتشردين شويه
احمد : والله سايبهم ع القهوه سهرانين كلنا سهره حلوه وقولت اجى اشوفك .. هروح اقعد معاهم شويه نضحك على موضوع النهارده وهقوم عشان هنام .. عشان انا ميعادى ف المطعم الاسبوع ده من الساعه 12 الضهر ل 9 بالليل .غير انى هعدى ع الحاج طاهر من 7 الصبح لغاية 11 ..
سلمى : طيب احنا هنجيلك على امتى ؟
احمد : والله بصى . هاتيهم على الساعه 5 كده المغربيه . هيكون الجو حلو
سلمى : ماشي ... هو ف جليم صح
احمد : ايووون ... الواد مصطفى ومالك عارفينه ... ابقي تعالى معاهم بقي تعالو كلكو مع بعض
سلمى : مش هتضايق يا احمد واحنا قاعدين كده وانت بتشتغل ؟
احمد : ههههههههههه اتضايق من ايه يا عبيطه اصحابي وحبيبتى قاعدين كده قصادى
سلمى : اصحابك وايه ؟
احمد : حبايبي .. اصحابي وحبايبى .. فيه ايه
سلمى : لا انت ماقولتش حبايبي . انت قولت كلمه تانيه
احمد : لا انا لسا ماتجننتش انا قولت اصحابي وحبايبي
سلمى : يووووه ! انا الضغط بيعلى عليا بسببك . فرهدتنى
احمد : هههههههههههههه سلامتك م الفرهده يا بلطيه .. المهم قومى يلا عشان تطلعى تنامى
سلمى : ائه
احمد : ايه ائه دى ؟ وايه الدلع والمياصه دول هارسود عليا وعلى سنينى
سلمى : عاوز ايه
احمد : بطلى دلع وقومى يلا
سلمى : لاء . خلينى معاك شويه انا مابصدق اشوفك
احمد : ده على اساس انى كنت مهاجر يعنى الروايه ملك ل بيدج هو وهى والكاتب احمد سعد فقط . ماحنا كل يوم ف الجامعه . هو النهارده بس عشان الجمعه
سلمى : تؤ ! حتى واحنا ف الجامعه بتوحشنى وانت قصاد عينى .. بقولك ايه ما تغنيلى
احمد : هو انتى كل ما تشوفى خلقتى تقوليلى غنيلى .. فيه ايه ياعم
سلمى : ماليش دعوه غنيلى
احمد : طب اغنيلك اغنية ايه
سلمى : اى حاجه .. بس بلاش السود عيونه دى بقي عشان حفظتها وسمعتها فوق ال 500 مره اليومين اللى فاتو ههههههههههههه يخربيتك . الاغنيه دى بقت ذكرى خلاص بالنسبالى ... ها بقي اختار اغنيه تانيه وغنيهالى وتبقي ذكرى بردو
احمد : ماااشي ! رائعه من روائع الاستاذ هشام عباس ههههههههههههههههه
سلمى : نارى نارين ؟
احمد : ههههههههه اه
سلمى : الله ! بحبها اوى هههههههههههه . غنى يلا
احمد : غنى معايا ماشي
سلمى : ماشي يلا
احمد : ناري نارين، ناري من جماله
ناري نارين، قلبي إيه جراله؟
من نظرة خدني في لحظة دبنا إحنا سوى
سلمى : حبيبي ده
احمد : أجمل كلام بعيونه قاله عن الهوا
سلمى : حبيبي ده
احمد : من نظرة خدني ودبنا إحنا سوى
سلمى : حبيبي ده
احمد : أجمل كلام بعيونه قاله عن الهوا
سلمى : حبيبي ده
احمد : حبيته و أعمل إيه؟
سلمى : حبيبي ده
احمد : ناري من اللي أنا فيه
سلمى : حبيبي ده
احمد : نارى نارييييييييييييييين
..
احمد : آه من خدوده و صوته و عوده و ضحكته
سلمى : حبيبي ده
احمد : قربت منه عشقت ناره و رقته
سلمى : حبيبي ده
احمد : آه من خدوده و صوته و ضحكته
سلمى : حبيبي ده
احمد : قربت منه عشقت ناره و رقته
سلمى : جابسي كول بوليكااااه
احمد : حبيبى ده
سلمى : جاكوبي صارى صارى نااااار
احمد : حبيبى ده
ناري نارين، ناري من جماله
ناري نارين، قلبي إيه جراله؟
سلمى : حبيبي ده
احمد : سلمته قلبي قبل ما أكلمه
سلمى : حبيبي ده
احمد : ما هو كان في بالي و في خيالي بارسمه
سلمى : حبيبي ده
احمد : نارى نارييييييييييين
سلمى : ههههههههههههه ياغواتى
احمد : غواتك ايه خدى هنا .. ايه اللى جاكوبي صارى صارى نار ده انتى هتستعبطى عليا
سلمى : استعبط عليك ليه ان شاء الله . البت كانت بتغنى وبتقول كده ياخويا
احمد : والله ! طيب حاضر . انا هروح اسمع الاغنيه تانى ف القهوه وهشوف انتى بتصيعى عليا ولا بتاخدينى على قد عقلى . ال جاكوبى صارى صارى نار ال .
سلمى : هههههههههههههه هتمشي ؟
احمد : اه . كفايه كده الجو تلج ( بيقوم يقف )
سلمى : خليك شويه ! عشانى والنبى والنبى خليك شويه
احمد : ( بيقعد تانى )
سلمى : ههههههههههههههههه ايه ده بسرعه كده
احمد : مانتى لو بتشوفى اللى انا بشوفه مش هتفتحى نفسك
سلمى : اححححم وانت بتشوف ايه ان شاء الله
احمد : ( بيبص لعنيها وبيسكت 10 ثوانى وهى بتتكسف وبتبص ف الارض )
احمد : بصيلى يا سلمى
سلمى : مش قادره ! انت بتبصيلى بطريقه غريبه
احمد : بصيلى معلش
سلمى : اهو
احمد : ( بياخد نفس عميييييييق وبيخرجه )
عارفه !
ف عز منا كنت مخنوق والدنيا جايه عليا
وقاعد ف الحجز غريب ! يتيم ! وحيد ! محروم من كل حاجه
شوفتك جايالى وقعدتى معايا
طيبتى خاطرى وقولتيلى معلش اجمد انت قدها وقدود
ده اللى قوانى ساعتها وخلانى ارفع راسي من جديد واواجه
الغزاله لقت الصياد وَقع وبكل ما أوتيت من قوه كانت بتقومه من تانى
والله العظيم يا سلمى كنتى معايا وشايفك
كان معايا واحد معرفه من المنطقه معايا ف الحجز . كنت ببصله وبكلمه وانا شايفك واقفه وراه وبتقوليلى اسمع كلامه واحكيله
سلمى : ماتقعش تانى ! الغزاله مالهاش دور من غيرك . هى ما صدقت لقت صيادها
احمد : لازم اقع ! بس الامل الوحيد ان الغزاله معايا .الروايه ملك ل بيدج هو وهى والكاتب احمد سعد فقط . وقبل الغزاله فيه رب الصياد والغزاله . ماتفقديش ايمانك بيا يا سلمى
ولا تتخلى عنى ! ولا الدنيا تيجى علينا ف يوم ويكون حد فينا سبب ف كسر او عجز التانى
سلمى : هههههههههههههههه انا اكون سبب ف كسرك ؟ دنا أهون عليا أموت
احمد : بعيد الشر عنك يا .... يا وزتى هههههههه
سلمى : مش هاين عليك تنطقها بعد الكلام الحلو ده
احمد : انطق ايه قومى يلا عشان تنامى . الجو تلج
سلمى : مش هنام قبل ما انت تخلص قعاد مع صحابك وتروح البيت وتتصل عليا تقولى انك روحت وهتنام . عشان انام على صوتك
احمد : خلااااص ماشي . البت ساره مابقتش تيجى تسهر معاك ليه
سلمى : الجو برد ياعم تيجى فين . مامتها بتقولها لما الجو يتظبط تبقي تيجى
احمد : ان شاء الله
سلمى : انا هطلع دلوقتى اسمع اغنيه نارى نارين واتأكد البت كانت بتقول ايه ف نص الاغنيه هههههههه
احمد : وانا كمان . هشغلها ف القهوه . يلا قومى
سلمى : شيلنى
احمد : هو انتى يابنتى بتستلذى كده لما تفرهدينى
سلمى : اه شيلنى
احمد : يعنى بقولك كنت بتخانق ومتخربش وحالتى كرب والدنيا برد وف الاخر تقولييل...
سلمى : والله هتشيلنى بردو
احمد : ياسلمى انا ...
سلمى : وحياة امك هتشيلنى
احمد : جاتك داهيه ف دماغك يا عنديه ياجزمه . طالعه عنيده لمين انتى
سلمى : لواحد كده
احمد : طب والبواب بتاعكو هعمل فيه ايه .
سلمى : اه صح استنى هتصل عليه يروح يجبلى شويه شيبسي وبيبسي من الماركت اللى ف اول الشارع
احمد : طيب اخلصى !
....
سلمى : اتفضل يلا خلاص اهو شوفته بنفسك مشى اهو
احمد : تعالى ! ... ( بيشيلها ) ايه ده انتى تخنتى على فكره
سلمى : اخررررس . تخنت ف عينك . انا هفضل حلوه زى منا كده يا بابا
احمد : هههههههههه هلاك والله . وحياة امى هلاك . يا فضيحتى . استنى فيه بنت وامها تقريبا جايين علينا . انزلك ولا اعمل ايه
سلمى : مانتش منزلنى . حسك عينك تنزلنى والله افضحك
احمد : طب اتنيلى اخرسي ماتفتحيش بؤك
احمد : ( بيلاقى البنت وامها باصين عليهم ) معلش دى اختى معلش من ذوى الاحتياجات الخاصه كنت بشممها الهوا
البنت وامها : ( بيضحكوا )
ام البنت : ياخويا ولا حتى تكون حبيبتك ربنا معاكو محدش هيقولكو حاجه
احمد : لا انتى فهمتى غلط . خدى بس . خدى هنا هفهمكو
سلمى : هههههههههههههههههههههه والله ست بتفهم
احمد : ربنا ينتقم منك ياشيخه ع الفضايح اللى انتى عاملاهالى دى .. افرضي الست دى كانت تعرفك
سلمى : هههههههههههههه طب ماهى فعلا عارفانى هى وبنتها . وبيضحكوا عشان كده هههههههههههههههه
احمد : احيييييييه . احييه احييه احيييه . دا الواحد منظره بقي كلونيا خالص
سلمى : ههههههههههههههههههههه همووووت
احمد : انزلى يلا يا هانم . ماعدتش جايلك هنا تانى
سلمى : هههههههههههه ياغواتى عسل الروايه ملك ل بيدج هو وهى والكاتب احمد سعد فقط . لما تروح البيت كلمنى . وانا هقرفك كل شويه تبقي ترد من اول رنه ماتسيبش الرنه تطول لاحسن هشك فيك وهلبس وهتلاقينى قصادك ع القهوه . فهمتنى ؟
احمد : طب اطلعى روحى اتخمدى .
سلمى : فهمتنى ولا لا .. رد على سؤالى ؟
احمد : فهمتك ياسطا . اطلعى بقي
سلمى : ههههههههههه بتبقي كيوت وانت خايف .
احمد : تصبحى على خير بقي نارى نارين
سلمى : نارى من جماله . ايه ده قصدى وانت من أهله
احمد : ههههههههههههههههههههههه ( بيقع ع الارض ) هههههههههههههه همووووووووووووووووووووت وربنا اانا قاصد اقولهالك عشان عارفك متخلفه عقليا وهتقولى نارى من جماله بدل وانت من اهله ههههههههههههههه هههههههه ههههههههههههههه الحقووووونى بطنى
سلمى : ( بتجرى عليه تشده من شعره ) يلا يا جزمه والله لمورياك بكره
احمد : يلا باى باى يا بطتى
سلمى : باي يا روح بطتك
............
ابو طارق : يعنى هو كل ده اللى حصل ؟ ومش اول مره ؟ لا دى كمان تانى مره ؟ انت حيوان يابنى ؟ ماجيبتليش اسم امه ليه من بدرى .. اسمه ايه الواد ده ؟
طارق : اسمه احمد . طالب عندى لسا ف اسنه أولى
ابو طارق : انت مش مكسوف على دم امك وانت بتقول ف سنه اولى وانت قد البغل كده .. غور من وشي .. انا ليا تصريفه تانيه
..............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020