................
ف الحلقة السابقه :_
( سلمى داخله اوضتها بتنفخ وبتزعق وبترمى شنطتها على كرسي )
سلمى : انسان باااااااااارد ومستفز ! ال ايه هيبقي ياخدهم ويخرج بره الجامعه . طب يبقي يورينى بسلامته هيعملها ازاى دى وانا ارميه ف البحر ( بتجرى تبص م البلكونه بتشوفه مشي ولا لا ) الله ! ده ما صدق يمشى .. ماشي ماشي
.........
( احمد مستخبى بعيد وبيبص على بلكونة سلمى بيشوفها وبيضحك وبيكلم نفسه : يا ويلى ! )
.................... ( الحلقه الثانيه ) ❤
مالك : الو ! ايه يا فنان اتأخرت ليه .. البنات عملو فيك حاجه
احمد : هههههههههههه دول عملو احلى حاجه . انتو فين ؟
مالك : اخلص ياعم الواحد نشف م القعده . احنا ع القهوه اهو .
احمد : خلاص انا داخل عليكو . دقيقتين وهكون عندك
............
ام سلمى : ايه يا بنتى فيه ايه ... داخله بتنفخى ليه ؟
سلمى : الانسان البارد المستفز اللى اسمه زفت ده مش عاوزه اعرفه تانى
ام سلمى : قصدك مين ؟
سلمى : هو فيه غيره اللى رافعلى ضغطى وهيجلطنى قريب
ام سلمى : ( بتبتسم لانها بتعرف ان الموضوع عباره عن غيره بريئه ) قصدك احمد يعنى ؟ عمل ايه بس قوليلى
سلمى : مامى ! لو سمحتى انا مش عاوزه اسمع صوته تانى بعد اذنك ..
ام سلمى : طب اهدى شويه . اتعشيتى ؟
سلمى : اه اتعشيت ..
ام سلمى : هتنامى ولا سهرانه شويه
سلمى : لا انا هنام ! بابى نام ولا لسا
ام سلمى : اه لسا داخل ينام من شويه .... مش جعانه ؟
سلمى : لا يا حبيبتى مش جعانه . نفسي اتسدت
ام سلمى : ع العموم الاكل جوه لو جوعتى صحينى وانا اجهزلك الاكل
سلمى : مش عاوزه اتعبك يا حبيبتى . نامى انتى . تصبحى على خير
ام سلمى : وانتى من اهل الخير يا روحى
.............
ابو سلمى : ايه يا حبيبتى سلمى بتنفخ ليه انا سامع صوت شياطها من هنا وهى داخله
ام سلمى : ههههههههههههه الغيره يا حبيبى الغيره ... شكلها متخانقه مع احمد ومش طايقه تسمع سيرته ههههههههه
ابو سلمى : لا دنا اطلع عينيه وابهدله
ام سلمى : ههههههههههههه لا ماتتدخلش . هو عارف بيعمل ايه وبيعرف يعاملها ازاى ..ونعم الشاب اللى اخترته لبنتك يا حبيبى
ابو سلمى : طيب يلا عشان تلحقى تنامى انتى كمان
ام سلمى : حاضر ... بقولك ايه نتيجة الفحوصات اللى انت عملتها طلعت ولا لسا
ابو سلمى : هتطلع كمان يومين
ام سلمى : ان شاء الله خير يارب
.............
مصطفى : ايه يا فنان البنات شبشبولك ولا ايه
احمد : يشبشبوا لمين ياض ؟ ماتحسن ملافظك
مالك : ياعم اجرى ! دى البت كانت عماله تنفضك قدامنا كل تنفيضه والتانيه وانت اخرسيت خالص ومش عارف تنطق هههههههههههه
على : ههههههههههههههههه احيييييييييييييه دانت كان شكلك مسخره
حسن : ههههههههههه وحياة امى انا والبت ساره كنا ماسكين نفسنا بالعافيه . دانت اتشلوحت يابا اتنفضت واتغسلت واتشطفت النهارده
احمد : مش انا يا حبيبى ! مش انا يا بابا ! فوق لنفسك ياض انت وهو واعرف انت بتكلم مين . ال اتشطف ال . مش انا
مصطفى : ياعم اجرى !
احمد : الشيشه بتاعتى يا كريم والنبى انا نافوخى هيضرب من اللى سمعته النهارده
مالك : سمعت ايه ؟ هو فيه حاجه حصلت غير اللى حصل ف المطعم ؟
احمد : هههههههههههههه يوووووه . دانا هخليكو تقضوا احلى كم يوم ف حياتكوا كلها اليومين الجايين
حسن : ايوه ... قول يا ستامونى قوووول . ناوى على ايه ولا ايه اللى حصل ؟
احمد : البنات قطعوا علاقتهم بينا
مصطفى : يعنى ايه ؟
احمد : يعنى زى ما سمعت كده . وانا بوصلهم قالولى انهم خلاص مش عاوزين يعرفونا تانى ولا يعرفونى . واخد شلة العرر بتوعى اللى هما انتوا يعنى واغور من وشهم ولا لينا علاقه بيهم ولا ليهم علاقه بينا هههههههههههههه
مالك : ومبسوط اوى كده ليه ؟
احمد : مبسوط ؟ يابنى داحنا هنعيش ايام قط وفار اليومين الجايين دول بحياتكوا كلها .. بس خلو بالكو . هما مش ناويين على خير يعنى هيطلعوا عين اللى جابونا وهيعلموا علينا علامات اد كده مش عاوز غباء من اهاليكوا بقا وتنفذوا اللى بقولكوا عليه
مالك : اذا كان كده ماااااشي
مصطفى : ايه البنات الحلوه دى ههههههههههههه
..............
منه : الو !
سلمى : ايوه يا منه
منه : انا قولت ارن نص رنه كده اشوفك نايمه ولا صاحيه
سلمى : أنام ازاى . انا دمى محروق
منه : ومين سمعك انا شايطه والله ! . طب دلوقتى يا سلمى هنعمل ايه
سلمى : هنعمل ايه ف ايه ؟
منه : هنروح بكره ولا مش رايحين ؟
سلمى : مين قال مش رايحين . داحنا لازم نروح ونحط عينينا ف عينيه .... لازم نحسسه ان هو اللى خسرنا .... وانا ليا كام تصريفه كده هعملها هخليهولك ييجى لغاية عندنا يقولنا حقكوا برقبتى وانا غلطان وسامحونى ومش هنسامحه بسهوله
منه : ايوه يا استاذه ههههههههههه هنعمل ايه بقي
سلمى : بكره بقا هتعرفوا
منه : حبيبى يا ابو التكاتيك . انا هكلم فريده بقا اقولها ! عشان عماله تفرك هى كمان ومش عارفه تنام
سلمى : ماشي . تصبحوا على خير بقا
منه : وانتى من اهله يا حبيبتى !
..............
سالى : اتأخرت ليه ياعم
احمد : يدوبك خلصت شغل وقعدت مع العيال شويه . امك واختك ناموا ؟
سالى : اه من بدرى ! اول مانت كلمت ماما دخلت تنام
احمد : وانتى بتتفرجى على ايه
سالى : اهو عماله أقلب .. اخبار البت لوم ايه
احمد : هههههههههههههه مخاصمانى وبتقولى خلاص مش عاوزه اعرفك تانى .. ومن بكره بتقولى مالكش دعوه بينا ولا كأننا نعرفك ولا كأنك تعرفنا
سالى : ههههههههههههه والنبى البت دى سكر .. هموت واتقابل معاها وزعلت والله انها جات هنا اكتر من مره ومكنتش انا موجوده لنا ولا ندى
احمد : الايام جايه كتير وهتشوفوها وهتقعدوا معاها
..............
( تانى يوم ف الجامعه )
مالك : هنعملوا ايه ياسطا النهارده
احمد : خليك بارد بس لغاية ما نشوف هما ناويين على ايه ... بس انا عاوزكوا تدخلوا عليهم كأنى ماقولتلكمش حاجه ولا كاانى اتكلمت معاكو ف حاجه ولا قولتلكو ان البنات مش عاوزين يعرفونا تانى يعنى ... ولو حد منهم قالكوا يلا من هنا وجايين ليه ومعرفش ايه اتفاجأوا .. ان انا ماقولتلكمش حاجه ولا كلمتكوا اصلا ولا شوفتونى من امبارح ....
مصطفى : ايه ده يعنى مش جاى معانا ؟
احمد : لا لا .. خلينى بعيد ادرس الموقف لاحسن هوب الاقى طوبه فاتحالى نافوخى وانا مدغدغ ومش ناقص اصلا
على : انت بتضحى بينا ولا حكاية امك ايه
احمد : ياعلوه الموقف كان خطير انا اتعمل عليا كماشه امبارح وكنت هاكل حتة دين علقه بس ربك ستر .. انتو بالنسبالكوا الموضوع مش خطير اوى يعنى .. لكن انا لو ظهرت هيقلوا ادبهم معايا ههههههههههههه
مصطفى : ههههههههههههههههههه أحمس
مالك : والله العظيم بنات بتفهم ههههههههههه
حسن : بقولك ايه .. اخفى بقا ياسطا عشان هما ع البوابه اهو ولسا شايفهم حالا
احمد : زى ما قولتلكو انتو ماشوفتونيش من امبارح .. وادخلوا عليهم وكلموهم عادى بكل تناحه وكل برود
............
سلمى : بقولك ايه انتى وهى زى ما قولتلكو ... انا عاوزه لا نبين اننا متأثرين ولا فارق معانا اصلا قربهم من بعدهم .. انا عاوزه ارجعهم للنقطه اللى كانو فيها قبل ما يعرفونا
ساره : اسكتوا بقا عشان الواد مالك داخل علينا
منه : دا عيل تنح
مالك : ايه يا مزز .. انا رايح الكافتيريا اجيبلكو ايه معانا
سلمى : ( بتبصله من فوق لتحت )
منه : ( بترقع شفايفها بكل قرف )
فريده : هما بيطلعوا امتى دول
ساره : ( بتمصمص بشفايفها ) عجايب
مالك : ايه ده ؟ مالك يابت انتى وهى
سلمى : ايه بت دى يا بتاع انت . انت مين اصلا روح شوف انت رايح فين ولا جاى منين . جاتك داهيه ..
...........
منه : جدعه يا سلمى اديلو على دماغه هههههههههههههه
ساره : الواد اتصدم يا عينى شكل احمد ماقالمش حاجه ... شكل احمد لسا ماجاش اصلا
سلمى : باين كده .. ماتبصوش ناحيتهم بقا . هو الواد مالك هيروح يقولهم دلوقتى وهيجروا يتصلوا على الكابتن بتاعهم يعرفوا منه الحكايه .. بس هو فين نفسي افهم مش باين
.........
مصطفى : ايه يابنى قالولك ايه
مالك : دنا اتشطفت ...دول كانو ناقص يغزونى بمطوه ف رقبتى منكو لله هههههههههههه ده غير بصات القرف والاستهزاء اللى رجمونى بيها .. البنات دى قلوبها سودا على فكره ولو قلبوا علينا بجد هيبهدلونا ...
على : ههههههههههههههه بقولكو ايه .. هو الواد احمد راح فين
حسن : رايح يجيب مصيبه ف ايده وجىاى
مصطفى : ليه هو قالك حاجه
حسن : ماقالش والله . بس هو طالما غطس كده واختفى يبقي رايح يجيب لفسه ويجيبلنا معاه مصيبه والمرادى هنتبطح كلنا والله ..
مالك : يلا يا جدع احنا هنعيش كام مره يعنى .. استنو استنو هعمل مقلب ف الواد احمد 2 وعماد ههههههههههه اخليهم هما كمان يتشطفوا .... ولا يا احمااااااااد
احمد 2 : ايه يابنى انت وهو فينكو عمال ادور عليكو
مالك : مستنيين نشوف خلقة اهلك ... اتأخرتوا ليه
عماد : ولا اتأخرنا ولا حاجه احنا طالعين م البلد بعد الفجر ويدوب لسا واصلين ...يدوب روحنا رمينا الشنط والهدوم وجينا .. اومال فين الفنان
مالك : زمانه جاى .. بقولك ايه يا احمد2 ما تروح تنادى ع البنات شكلهم باين ف الكافتيريا من ورا عشان احنا لسا داخلين اهو
احمد 2 : طيب تمام . انا شوفت البت ساره هروح اكلمهم
......
احمد 2 : انتو هنا ؟ ما يلا يا جماعه عشان هنجيب فطار وهنفطر كلنا
منه : ايه ده ؟ مين حضرتك ؟ ايه البلاوى اللى ع الصبح دى
سلمى : يلا يابنتى انتى وهى من هنا . الجامعه بقا فيها اشكال غريبه
..........
مالك : استنو استنو الواد جاى وشه مخطوف .. مالك يا حب
احمد 2 : حب ايه ؟ انا مش فاهم حاجه . انا لسا بقول للبنات يلا عشان هنفطر شتمونى ومشيوا
مالك : ههههههههههههههه بطنااااااااااى ( بيسند على حسن قبل ما يقع )
مصطفى : ههههههههههههههههه هفطسسسسسسسسسس عليا النعمه شكلك لوحده مزيكا وانت مخضوض كده
عماد : ما تفهمونا يا جدعان ايه اللى بيحصل
على : هنفهمكوا يا عم بس اصبر على رزقك . لسا العرض مخلصش .. عاوزين نعملها ف حد تانى يا ديشه
مصطفى : انتو عارفين عاوز اعملها ف مين ...
مالك : مين ؟
مصطفى : ايمان واسراء اشوف ردود فعل البنات معاهم هتبقي ازاى .. بما ان اسراء وايمان من طرف احمد يعنى وكده
على : طب هما فين ؟ البت ايمان كانت هنا من شويه قالتلى رايحه عند البوابه وجايه
مصطفى : اهى اهى هناك اهى اندهلها
............
ايمان : اهلا اهلا ازيكو يا مزز
سلمى : اهلااااا ! انتو جيتو ولا الهوا اللى رماكوا
اسراء : فيه ايه يا ت انتى وهى مالكو ؟
سلمى : الا قوليلى يا منه انتى وفريده .. هى لو واحده صاحبتنا خبت علينا موضوع مهم وموضوع مصيرى نعمل فيها ايه
فريده : والله على حسب أهميتها جوه الشله يعنى . لو فاكرينها صاحبتنا ومعانا هنزعل منها واحتمال نضربها .. لكن لو ماتهمناش .. مش هنفكر فيها
اسراء : انتو بتتكلمو على ايه يا حضرات بس عشان نفهم ... هى مين دى اللى معرفش ايه ومصيرى مين
ايمان : ايوه مصييي مين ؟
سلمى : من كام يوم كده احمد افندى اللى كان صاحبنا جالو مجموعه من ال
اسراء : كان ؟ يعنى ايه كان ؟ هو مابقاش صاحبكو ولا ايه
منه : اخرسي ... احنا مابقيناش نصاحب ولاد خلاص . احنا توبنا ... ربنا هدانا
سلمى : اه وطالعين نعمل عمره الشهر الجاي
ساره : ههههههههههههههههههههههه يالهوى همووووت والله
سلمى : سيبونى اكمل كلامى ! جالو شويه بنات يزوروه ف البيت ... واحنا بالصدفه البحته طبينا عليه ف البيت هناك ... ومعرفش يصرفهم ولا يصرفنا غير لما استعان بحد كده
اسراء : طيب يا جماعه انا همشي بقي عاوزين حاجه . يلا يا مونمون
سلمى : ( بتشد اسراء من شعرها ) تعالى هنا يا بنت الجزمه لسا مخلصناش كلامنا
..........
مصطفى : إلحق .. دول نازلين ضرب ف البنات ههههههههههه
مالك : يا جدعان الواد ده راح ف انهى داهيه . اقسم بالله هيجيبلنا مصيبه وييجى انا حاسس ..
على : لا ماتحسش .. ده اكيد هيعمل مصيبه
حسن : انا حاسس اننا هناكل علقه النهارده مش عارف ليه
........
منه : بقولكو ايه يا بنات ! الواد احمد مش موجود مع العيال . ومش ظاهر خالص
سلمى : هو له عين يورينا نفسه بعد اللى عمله . انا مش عاوزه اشوفه اصلا مش طايقاه
فريده : فعلا مش باين .لاحسن يكون زعل وقرر مايجيش الجامعه تانى غير لما نصالحه ولا ايه
سلمى : نصالح مين يامه ؟ ده بعينه ؟ هتلاقيه هنا ولا هنا ولا هتلاقيه راح يكلم واحده مانتى عارفاه .... رزقه واسع ماشاء الله ... ع العموم انا مش عاوزه اعرف عنه حاجه . مفهوم ؟ بعد اذنكوا يعنى ؟ ( بطرف عينيها كل شويه تبص ع الشباب وهما واقفين بعيد وبتتحسس على احمد اللى قلبها متشحتف وعاوزه تشوفه حتى لو من بعيد )
..............
( ف مكان تانى بعيد حيث يقبع هذا الكائن المسمى ب أحمد )
احمد : ماشاء الله عليكى يا دكتوره والله رغم انى محضرتش لحضرتك اى سيكشن بس كل الناس بتشكر ف حضرتك
شيرين : ( معيده ف مادة الاقتصاد عليهم ف الجامعه وعلى قدر كبير جداااااا من الجمال والضحكه البشوشه و 25 سنه ) طيب انت ماتعرفش ان المفروض وراكوا سيكشن كمان ساعه ونص يا استاذ والله
احمد : والله انا كنت ناوى امشي بس بعد ما شوفت حضرتك اكيد هحضر هههههههههههه هما كام سيكشن ف الاسبوع ؟
شيرين : اتنين
احمد : اتنين ليه بس . والله حرام
شيرين : ههههههههههه انت اسمك ايه ؟
احمد : انا احمد . وبيقولولى يا حمو ...
شيرين : بس كلامك وشكلك مايقولش انك 21 سنه يعنى
احمد : ياستى اهو العمر مجرد . قصدى حضرتك . ستى ايه بس ههههههههه
شيرين : هههههههههههه انت حكايتك ايه ؟
احمد : بصراحه كده انا واقع ف عرضك
شيرين : واقع ف عرضي يعنى ايه ؟
احمد : هقولك ! بس يبقي سر بينى وبينك .. وحياة الشاى اللى انا لسا محاسبلك عليه ده
شيرين : هههههه ماشي قول ... سر ايه ؟
...........
مالك : استنوا استنوا دا الفنان بيرن .. الو
احمد : ايه يابنى انتو فين ؟
مالك : متهببين ف نفس المكان اهو . انت اللى فين
احمد : مش مهم دلوقتى . بقولك ايه . البنات جنبكوا ؟
مالك : جنبنا بس مش جنبنا . بعيد
احمد : طب بقولك ايه عاوز منك خدمه ضرووووووورى
مالك : خدمه ايه ...
احمد : هتقرب من ناحيتهم كده من بعيد . ولما تقرب منهم سيكا تخلى مصطفى ينادى عليك ويقولك احمد فين ؟ تقوله بصوت عالى قاعد ف سيكشن الاقتصاد هيحضر السيكشن وتخلى البنات يسمعوا
مالك : ياعم ليه
احمد : ياعم وانت مال أهلك . اخلص . قول لمصطفى واخلص
........
الي اللقاء في الحلقه القادمهكاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587لينك بيدج/ هو و هي
https://www.facebook.com/howa.weheyaa/لينك بيدج/ stories and novels
https://www.facebook.com/StoriesAndNovels2020
![](https://img.wattpad.com/cover/315445595-288-k975234.jpg)
أنت تقرأ
رواية مهلكتي من جزء 1 : 18
General Fiction#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى