................
ف الحلقه السابقه :_
مصطفى : اااه .. طيب تمام رايح بكره الجامعه
احمد : اكيييييييد
مالك : الصبح يعنى ؟
احمد : امااااااال
مصطفى : هو فيه ايه يالا
احمد : انا مافيش حاجه . انت فيه حاجه ؟
مصطفى : حاجة ايه لا
احمد : انت فيه حاجه يا مالك
مالك : خاااااااالص . عمر ماكان فيه حاجه
احمد : طيب ... يبقى على خيرة الله ..
.................... ( الثامنه ) ❤
ام احمد : ايه يا حبيبى أكلت ؟
احمد : اه كلت ف المطعم . الشيف محمد عزمنا كلنا وقالنا نعمل اكل لحسابنا .. البنات نامت
ام احمد : اختك سالى جوه ف المطبخ بتعمل فشار ياخويا . بتقول فيه فيلم جاى وعاوزه تتفرج عليه
احمد : طيب ياقلبي قومى انتى نامى يلا
ام احمد : مالك ياواد ؟ بالك مشغول ليه وعنيك سارحه
احمد : خايف !
ام احمد : من ايه يا ونيسي
احمد : خايف الدنيا ماتسيبنيش ف حالى وكل ما تشوف حد غالي عليا تاخده منى
قبل كده خدت ابويا وعودى لسا ماتشدش .
ام احمد : زعلان انت وسلمى صح ؟
احمد : مافيش زعل بينى وبين سلمى يقدر يعكنن علينا . انا وهى أتفه من بعض هههههههه
بس فيه الأكبر من كده .. الدنيا نفسها وحشه
ام احمد : يبقي لازم تسمع منى الكلمتين دول قبل ما عودك يخوخ وتنزلق ف دوامة كبيره مالهاش مخرج
اقف واصلب طولك ف وش الدنيا وقول انا عاوز حقى
ماتضعفش ولا تبقي انهزامى وتقول انا ظروفى وظروفى وظروف اهلى
خليك عفى .. ولما الدنيا تميل عليك يا ولدى ماتميلش معاها زى ما الناس بتقول وتتاطى مع الموجه ... خليك واقف بطولك . لوحدك . الموجه تنكسر ف ثبات قلبك وايمانك
المناره واقفه وسط البحر من سنين ولا موجه قدرت عليها عشان عفيه
ابوك راح بدرى عارفه وحاسه بكسرتك وضهرك اللى انكشف
بس ساب وراه سد عالى حايش عن اهله واخواته هموم الدنيا .. اوعى السد يتهد يا قلبي
فاهمنى .. اوعى السد يتهد
احمد : ( بيعيط ف حضنها ) عمره ما هيتهد يامه عمره ....
ام احمد : اجمد كده ياواد عاملى فيها ناشف ع البت حرام عليك ومشحتفها وراك
احمد : ههههههههههههه ( بيمسح دموعه ) دى بت جزمه اساسا لسا هطلع عينيها .. بس وحياة امها لنا مطلع عين امها هى والكلاب اللى اسمهم زفت وزفتين مصطفى ومالك
ام احمد : ياكبدى ع البت دى مابتلحقش تفرحلها يومين معاك .. عملت ايه تانى
احمد : ايه ! لا وحياة امك منا قايلك دانتى جاسوسه
ام احمد : هههههههههههههههههههههه ياواد قول ياواد . اصل بصراحه حبيت موضوع الجاسوسيه دى لحساب سلمى هههههههههههههههه
احمد : الله اكبر ! يخليلى الضحكه دى يارب ... قومى انتى نامى يلا
ام احمد : ماشى يا قلبي ... الاكل عندك ف التلاجه لو جوعت وانت سهران ابقي سخن وكل
سالى : هات mbc 2 يا احمد الفيلم هيبدا
احمد : فيلم ايه ؟
سالى : كينج كونج
احمد : انتى مابتزهقيش م الفيلم ده
سالى : حلو ياعم حلو ... انا بحب القرد ده
احمد : ماهو شبهك وانتى شبهه
ام احمد : ههههههههههههههههههههههه اخص عليك . دى عسسسسسل . دى هتبقي مزه كده
احمد : طبعا هتبقي مزه . مش اختى ... وبعدين خدى هنا يابت ... فين البوسه بتاعتى
سالى : مش انا قرده ؟ مافيش
احمد : اخلصي بقي .. وهاتى شويه فشار
سالى : لاء ( بتطلعله لسانها )
احمد : ماتخلنيش اتغابي على امك ... معلش يامه
ام احمد : خد راحتك يابنى
سالى : لا مش جايبه
احمد : يابت هطلع عين امك اخلصى .. سورى يامه معلش
ام احمد : لا ولا يهمك يا حبيبى
سالى : لاء بردو ومش هتعرف تعمل حاجه
احمد : تصدقى هضرب امك بالعصايه دى .... اسف يامه
ام احمد : هههههههههههههههههههههههه
احمد : هههههههههههههههههههههههههههههههه
سالى : هههههههههههههههههههههههههه ياغواتى ... اعملك شويه فشار تانيين
احمد : لا انا هقوم اعمل عشان خفيف كده نتعشي فيه انا وانتى . عشان تحكيلى عملتى ايه ف المدرسه النهارده ومين اللى ضايقك
.............................
سلمى : يعنى احمد ماجاش النهارده
ساره : ومش هييجى ... سلمى صوته كان فيه حاجه وحاجه كبيره جدا وهو بيكطلمنى وبيقولى ادينى زفته اللى عندك
سلمى : حاجة ايه طيب ايه اللى ممكن يكون مزعله بالشكل ده ... يخربيت كده على ام التوتر اللى انا فيه
ساره : يا حبيبى من هنا ل بكره قريب
سلمى : قريب ايه ! ياطول الليلادى عليا .. لانه طالما ماجاش يبقي فعلا فعلا فيه حاجه
..................
( الساعه 8 جوه الجامعه )
اسراء : إلحقى يا ايمان شوفى مين نايم ههههههههههههههه
ايمان : ويا يا حمووووووو
احمد : فيه ايه ؟ بتصحونى ليه جاتكو ستين نيله تاخدك انتى وهى
اسراء : ههههههه اصحى يا قلب اختك . فطرت ؟
احمد : اه اتهببت الصبح قبل ما اوصل البنات المدرسه . قولت بدل ما ارجع انام تانى انزل الجامعه
اسراء : انت هنا بقالك اد ايه
احمد : الساعه كام ف ايدك
اسراء : الساعه 8 وخمسه ...
احمد : انا هنا من سبعه ونص .... خدى يابت جنيه هاتى كوباية شاى وتعالى
اسراء : هههههههههههه طلع ياض كمان 2 جنيه هو احنا هنبصلك
احمد : ههههههههههههههههههه تعالى قلبينى يا اسراء . دى ايه المعرفه السوده دى
ايمان : ههههههههههههههههههه طيع مانت مابتيضاش حد يعزمك يا جزمه
احمد : انا مابيضاش حد يعزمنى ؟ انا ؟ طب انا ياضي زمتك يا اسياء حد عزمنى قبي كده وقويت يأ
ايمان : انا حاسه انك بتتيق عيا كيامى صح ؟
احمد : خااااااااااايص .. خايص عميي ما اقدي اتيق عييك يا قيبي
احمد واسراء : ههههههههههههههههههههههههههههههههههه
اسراء : يخربيتك يا اخى هههههههههههههههههه الوحيد اللى مابتزعلش منه الجزمه دى لما حد يتيريق عليها
ايمان : ههههههههههههههههههه عشان عايفه انه بيحبنى انتى مايك انتى .. مش انت بتحبنى ؟
احمد : وده سؤال ده ؟ طبعا يابنتى بحبك .الروايه ملك للكاتب احمد سعد فقط وبيدج هو وهى واى حد ينشرها بدون علم ف هو حرااامى. وبحب البت دى كمان ... اجدع اخوات ف الدنيا دانتو لازقين معايا من اولى ثانوى غير ماحنا جيران ... ااااااااااااااااااااه صحيح فكرتينى ... خدى هنا يا اسراء يا واطيه عشان تبقي تتخلى عنى
اسراء : قلبك ابيض يا بوحه . البت شرانيه ... دى مستحلفه لايمان هههههههههههههههههههههههههههههههههههه
ايمان : انا كل ما اشوف سيمى ف حته .. بروح حته تانيه .. مالهاش آمان دى بت عفاريت وهتروقنى زى ما روقتك انت ومنه كده
احمد : ما تلمى لسان امك ده .. ايه روقتنى دى ... مش انا يا بابا .. مش انا يا حبيبى
اسراء : ههههههههههههههههههههههههه وحياة امى اتروقت والترويقه اتسيطت ف الجامعه كلها .. الواد حمو اتروق يا جدعان هههههههههههههههههههههههههههههههه
احمد : ماهى بصراحه البت ايديها تقيله منها لله
اسراء : ههههههههههههههههههههه ياغتى قمر . بس بصراحه .. البت تستاهل . وحياة امى يا احمد انا ماشوفت بنات جميله وروحها جميله مع بعض بالشكل ده كتير . سلمى وكم واحده تانيه ف حياتى .. وسلمى تختلف كمان لانها بنت بلد . على اد ماهى ماشاء االله ماشاء الله ماشاء الله زى القمر على قد ماهى عشريه وروحها حلوه . وبلطجيه كده هههههه بحسها فتوه
احمد : طيب يلا زقى عجلك بقي هاتيلنا الشاى
ايمان : اقولك حاجه ! انا مش متفائله النهارده حاسه انك مش مظبوط
احمد : اه . الفتى هيبدا اهو .. بطلى فتى انتى وهى انا تمام التمام .. الشاى يا شوية معاتيه
............................
( الساعه 9 )
ساره : احمد قاعد مع اسراء وايمان وشكله رايق اهو يا سلمى تعالى
سلمى : رايق ؟ ده رايق ؟
ساره : اه والله بيهزر اهو مش شايفه
سلمى : طب بصى ف ايده الشمال ,,, ماسك سيجاره منك لله
ساره : انا كرهت ريحة السجاير بسبب الواد ده ... لما بيمسكها بيبقي هيقرفنا معاه
سلمى : تعالى بس تعالى
.................
سلمى : صباح الخير يا بنات ! صباح الخير يا حمو
احمد : أهلا يا لوم صباح النور .. صباح الفل يا سرسور
ساره : اهلا ياخويا مش قولنا بلاش سرسور دى
احمد : هههههههههههههههه بنكشك ! فطرتو
ساره : اه ! فطرنا مع مامت سلمى الصبح . حلفت اننا ما نازلين من غير ما نفطر
احمد : طيب الحمد لله . مامتك اخبارها ايه يا لوم
سلمى : الحمد لله كويسه .. ومامتك كويسه ؟
احمد : اه الحمد لله ... ها هنعمل ايه ورانا محاضرات ايه ولا سكاشن ايه
ساره : هههههههههههههههههه انت ناوى تحضر سكاشن ؟ اول مره يعنى
احمد : اهو نشوف البشوات بتوع السكاشن دول بيحكو عن ايه ههههههههههههههههههههههه فيه سكاشن دلوقتى يا ايمان ولا مافيش النهارده
ايمان : اه فيه الساعه 11 محاسبه
احمد : محاسبه ؟ مين اللى بيدينا سكشن المحاسبه ده
ايمان : طارق !
احمد : ياباااااااااي ده عليه شوية برود . مش عارف ليه نفسي أشبط فيه هههههههههههههههههههه طب دلوقتى فيه محاضرات ولا ايه
ايمان : اه بس مش هنلحق يا فنان .. إداره بس الساعه 9 ,, دلوقتى الساعه 9 وربع
سلمى : ( بتبص لعيون احمد وهو بيتكلم وبتبدا تتوتر ) اومال فين باقى العيال
احمد : شويه وجايين .,,, عشان احنا كلنا كده النهارده بالصلاه ع النبى هنحضر سكشن المحاسبه الجميل ده ههههههههههههههههههههههههههههههه
سلمى : لا انا شكلى مصدعه النهارده . شويه وهمشى كويس انى جيت شوفتكو
احمد : مين ؟ وحياة امك لاهتحضرى معانا
سلمى : ليه ياعم ما البركه فيكو
احمد : اهو اختلافى كده بدل ماحنا بنروح ونمشى على طول
سلمى : ماشي يا احمد
.....
ساره : على فكره انا مش متفائله
سلمى : ناوى على حاجه
...............
مالك : صباح الفل يا عسليات
سلمى : صباح النور يا مالك . صباح الفل يا مصطفى
مصطفى : احلى صباح عليكو .... صباح الفل يا فنان
احمد : اتأخرت ليه يا ديشه ... فين باقى الشيلحفات
مالك : جايين ورانا .. الواد احمد وعماد بيفطروا بره وداخلين .... مابيحبوش الفطار اللى هنا ده ياعم بيقولو بيجوعهم اكتر ههههههههههههههههههه
احمد : مش انا النهارده شوفت حتتين احبال زى اللى ربطت بيهم الواد احمد هههههههههههههه
مالك : حتتين ؟ يعنى حبلين يعنى ؟ ليه خير مين الضحيه المرادى
احمد : ههههههههههههههه خروفين ... رايح ادبح خروفين بعد ما اخلص هنا مع عم ابراهيم . قولتله ماتدبحش من غيرى عشان اسلخ انا
مالك : ايه ده ماشاء الله انت بتعرف تدبح ؟
مصطفى : اه بيعرف ده قرد ده .... مين عم ابراهيم ده يا احمد
احمد : انت ماتعرفوش يا ديشه . ده اللى إمة السوق هناك . خلاص هاخدكو معايا . انتو ولاد حلال وتستاهلو كل خير
مصطفى : ( بيبصله وبيرفع حاجبه )
مالك : حبيبى والله
احمد : عليا النعمه انتو اللى حبايبي
منه : صباح النور ( بتبص ل سلمى وبتبعد عنها وبتدور وشها الناحيه التانيه )
احمد : ايه ده ان شاء الله . ايه اللى حصل دلوقتى ده ... احنا هنخيب ولا ايه
منه : ايه يا احمد
احمد : انتى هتزعلى مع سلمى ولا ايه
منه : مش زعلانه
سلمى : منقدرش نزعل من بعض يا احمد
احمد : وبعدين يا منه دى هرمونات . هروموناااااااااات هو انا اللى هقولك . البت طلع عليها فجأه انها تطيح ف الكليه كلها نقولها لا يعنى . دنا اتفضحت فضيحة المطاهر ف الجامعه . العيال بتقول عليا الواد حمو اللى البت طحنته
منه : ههههههههههههههههههههه ( بتضحك غصب عنها )
سلمى : ههههههههههههههههههههههه هو انا اتغابيت اوى كده
احمد : ههههههههههههه اه كنتى طور هايج ف عنبر 9 هههههههههههههههههههههههه
مالك : هههههههههههههههههههههههه حلوه طور دى
على : ايه يا شباب صباح الفل . رجلك عامله ايه يا فنان
احمد : اهى بتنقح عليا .... بس الحمد لله مافيش حاجه دلوقتى
حسن : على خير يارب .
احمد : يلا كلنا كده زى الحلوين كده نروح نحجز مكان ف السكشن
مصطفى : سكشن ايه ده . وانت من امتى بتحضر سكاشن
احمد : لا يا ديشه منا النهارده نويت احضر سكشن الباشمهندس طارق ملك المحاسبه . عارفه ؟
مصطفى : ( بيتف الشاى على قميصه ) اه عارفه . بس انا افتكرت انى رايح مشوار كده هجيب نور اختى من المدرسه وهروحها تانى
احمد : خش قدامى يا حلوف ع السكشن . المدرسه جنب بيتكو ,,
مالك : طيب يا شباب انا هنخرجو كده نقعدو ع الإمه نشيشو على ما تخلصوا
احمد : خش يا حلوف انت كمان . وبعدين احنا مابنتكلمش كده ف اسكندريه كاتك ستين نيله تاخدك .... عليا الطلبات لاكلنا كده بربطة المعلم هندخل السكشن واللى هيقول لا هعلقه ف الشجره دى سواء بنت ولا ولد
مصطفى : ياعم انا مابفهمش من أمه حاجه
احمد : لا هنحضر . وهنفهم هو بيقول ايه .. ( بيبص ل سلمى ) او عاوز يقول ايه ؟
سلمى : ( بتدور عنيها عنه لحته تانيه )
احمد : يلا يا حبايبى يلا ع السكشن ... الساعه بقت 11 الا تلت
...........................
الي اللقاء في الحلقه القادمه
كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels
لينك الكاتب
https://www.facebook.com/profile.php?id=100010381862587
لينك بيدج/ هو و هي
https://www.facebook.com/howa.weheyaa/
لينك بيدج/ stories and novels
https://www.facebook.com/StoriesAndNovels2020
أنت تقرأ
رواية مهلكتي من جزء 1 : 18
General Fiction#مهلكتى مش مجرد روايه هتقرأها وتمشى دى حياه هتعيش فيها هتفصلك عن الواقع بأكمله .. يمكن لأن الروايه من قلب الواقع احداث وتسلسل هيخطفك من نفسك أحمد وسلمى
