رواية مهلكتي من جزء 1 : 18

(الحلقه السابعه ) ... ( الجامعه ) ❤

................
ف الحلقه السابقه :_
ساره : من امتى العيال بتيجى تلعب كوره قدامكو كده يا سلمى ههههههههههه
سلمى : مش عارفه بس ساعات بييجو يلعبوا كده كل كم يوم شويه وهيمشو
ساره : ما تيجو نتفرج
سلمى : ههههههههههه يابت هيعاكسونا واحتمال يتحرشو انتى مش شايفه اللى احنا عاملينه ف نفسنا
منه : هههههههههههههه طب والله لا تيجى . تعالو تعالو
.................... ( السابعه ) ❤
( بعد 15 دقيقه )
سلمى : جماعه انا زهقت ! انا هطلع انام بقي
منه : يابت خليكى شويه
ساره : وانا كمان زهقت
..
على : شايف ياض يا مصطفى شله البنات دول . يخربيت كده يا اخى
مصطفى : دول ولا معبرينا .. هههههههههههههه الواد احمد ف انهى داهيه دلوقتى
على : هههههههههه بيقول شويه وجاى معرفش راح فين
مصطفى : ولا يا سماره هنكمل ولا خلاص كده
سماره : لا خلاص ياعم بقالنا ساعتين بنلعب . حمو راح فين
مصطفى : شويه وجاى كان قاعد بره دلوقتى ومعرفش راح فين
.......
مروه : بقولكو ايه يا بنانيت انا نفسي ف ايس كريم هروح اجيبلنا
سلمى : ماشى . هتلاقى واد واقف بعربيه هناك على إمة الشارع
مروه : ايوه منا لمحته .. كله هياكل ولا ايه
سلمى : اه هاتيلنا كلنا بس اسبقينا بقا عشان تلحقينا لما نيجى عندك
مروه : ماشى
.......
مروه : لو سمحت ! عاوزه 6 ايس كريم . 3 فانيليا و 3 شوكولاته
بتاع الايس كريم : حاضر يا انسه ثوانى همشى الاستاذ بس
احمد : مشى الانسه الاول ياعم هو انا هطير ههههههههه
بتاع الايس كريم : ههههههههه ماشى يا رياسه . تؤمرى يا فندم ؟
مروه : ( بلبخه ) 3 بتوع .. و 3 بتوع تانيين
بتاع الايس كريم : وده اسمه ايه بالصلاه ع النبى
احمد : هههههههههه هاتلها 3 فانيليا و3 شوكولاته ياعم
مروه : هههههههههه
بتاع الايس كريم : اتفضلى ... 12 جني الحساب
مروه : اه طبعا اتفضل
بتاع الايس كريم : اتفضلى 3 جني الباقى
.......
احمد : خلصنى بقي ياعم ماكانوش 12 حبايه
بتاع الايس كريم : هههههههههه عيونى مانت اللى قولتلى اخلصها الاول
..................
مروه : خدى ياختى انتى وهى ...
سلمى : تسلم ايديكى يا مرمر
مروه : سوسو انا قررت انى اجي اسكن معاكى ف اوضتك ف ام المنطقه دى
سلمى : هههههههه اشمعنى
مروه : اشمعنى ايه بس . دنا كنت هتحرش بواحد دلوقتى
منه : اخص عليك يا مروه وماندهتيش علينا نتحرش معاك ليه ههههههههههه واد حلو ؟
مروه : حلو ايه بس انا ماشوفتش كده قبل كده ... انتى عماله تحكى عن واد حليوه يا اميره م الصبح ومصدعانا . وحياة امى لو كنت شوفتى اللى شوفته ماكنتى هتفتحى بؤك تانى ههههههههههههه
سلمى : يابنت الهبله انتى ناويه تعصبينا ع الفاضي وخلاص . ماتنطقى فيه ايه
مروه : لا انتو تشوفوا بنفسكو بقي . استنو بتاع الايس كريم اهو هناك .....
سلمى : فين ده . مافيش حد
مروه : شكلو مشى ... الله يخربيوتكو
سلمى : طب يلا يا حلوه انتى وهى ..... على بيوتكو بقي انا حاسه انى عاوزه انام واشبع نوم هوصلكو لغاية عربيه فريده وبعد كده مع نفسكو بقي
..........
مصطفى : انت روحت فين يالا
احمد : امسك يا بغل انت وهو ... ايس كريم مع العرق اللى عرقناه النهارده ياكش تجيلكو نزله معويه تاخد اجلكو هههههههههههه
سماره : هههههههههههه حبيبى والله .. هو انا بحبك من شويه يالا .. هنمشى احنا بقي
احمد : ماشى يا سمسم .. الجمعه الجايه بقي ف نفس المكان كل اسبوع
سماره : عيونى .. سلام يا شباب
...............
( بعد 20 يوم )
مصطفى : ياعم انت وهو هنتأخر كده على تقديم الاستمارات
على : ياعم هنعمل ايه يعنى .. وبعدين دانت كاتب تجاره يابن الهبله مسروع على ايه هههههههههههههه مرحله تالته واخر شحططه .. الواد حمو كان مرحله تانيه .. زعلان ع الواد ده والله انه مكتبش هندسه
مصطفى : ربك كبير يا علوه ... هو قالك ادخل تجاره يبقى احسن . اهو يفهم ويعرف حسابات واداره ويبقى فاهم الدنيا ماشيه ازاى واهو 100 شغلانه ممكن يبقى فيها .. لكن هندسه غاليه ومصاريفها شحططه ... ادعوله ربنا يعوضه عن كل اللى شافه
على : يارب .. يلا يلا خلينا نخلص بقي من الزنقه السوده دى
...............
( بيت احمد )
سالى : حمو
احمد : ايه
سالى : البت اللى بتحلم بيها لسا وشها مظهرش قدامك
احمد : هههههههههه لا لسا ..بحلم ب حتت ف وشها لكن وشها كله مظهرش قدامى
سالى : يعنى لو شوفت عيون تشبهلها هتعرف ان دى العيون اللى بتحلم بيها ؟
احمد : هههههههههههه طبعا . وبعدين انتى مالك انتى بالكلام ده ... روحى اغرفي الاكل مع امك يالا انا جوعت
سالى : طيب ياعم .. خلاص هتدخل كلية التجاره اللى بتقول عليها دى
احمد : اه ... احسن مش كده ؟
سالى : طيب ماسمعتش كلام ماما ليه ودخلت هندسه . اخويا يبقى مهندس كده اد الدنيا
احمد : النصيب يا سولا ... واخلصى يا روح امك يالا انا جوعت
.............
( شقة سلمى )
منه : كان مشوار النهارده مشوووووار . ايه الحر ده
سلمى : اه الرطوبه كانت عاليه النهارده وزحمه .....
منه : والله وهتدخلى الجامعه يا سوسو ... هتبقى مزه الجامعه كلها
سلمى : وانتى موجوده ينفع يعنى ؟
منه : ههههههههههه لا الصراحه بقي طول عمرك تهبلى ... الجامعه دى عالم تانى خلى بالك .... يعنى شباب وبنات واولاد من كل حته ف مصر يعنى هتقابلى كل الاصناف
سلمى : لا ماتقلقيش انا مش هختلط بحد . يدوب هى الشله بتاعتنا وشكرا على كده
منه : احسن بردو .. وبعدين دانتى هتلاقى الجامعه كلها بتجرى ورانا عشان يصاحبونا اساسا
سلمى : يا واد يا واثق انت .... ان جيتى للحق بردو شلتنا ماشاء الله كلها بنات حلوين وكلها بنات معاهم فلوس هههههههههههه يعنى احنا مطمع لكل الناس يا بنتى
منه : اوعى حد يسبلك بعينه يابت ويكون شاب حلو كده تقومى تجرى وراه ولسانك يدلدل
سلمى : ههههههههههههه بزمتك يعنى احنا وش الكلام ده .. وبعدين انا محجوزه لواحد بس .. عندى أمل انى اشوفه ف الجامعه او اساسا يكون بنى ادم وعايش معانا ف البلد دى
منه : اهااااا فكرتينى بالرسمه بتاعتك هى فين صحيح انا نسيت شكل الواد اللى راسماه
سلمى : لا منا حاطاها ف الشنطه فوق الدولاب . مش لسا هنزلها بقي
منه : طيب خلاص .. هنروح فين النهارده ؟
سلمى : مش عارفه ابقى شوفى كده انتى والبنات وابقو بلغونى بالليل . انا دلوقتى هنااااااام شويه حلوين
منه : اه وانا بردو عاوزه اروح انام شويه
...........
( بالليل ع القهوه )
على : هو جواب التنسيق بييجى بعد الكلام ده بأد ايه
احمد : ف اى وقت . هتلاقوهم بيخبطو عليك وبيقولولك مبروك يا على انت قبلت ف كلية المتخلفين عقليا
على : وانتو معايا اساسي .. دانت كبير المتخلفين عقليا بتوعنا هههههههههههههه
حسن : تصدقوا هابه معايا انزل البحر دلوقتى
احمد : خليها هابه
حسن : ههههههههههه ماتيجى ننزل دلوقتى
احمد : روح انت انزل انا جسمى مدغدغ ... منزلين النهارده ييجى 50 طن حديد
حسن : وانت يعنى بتحملهم على كتافك . مش العربيات هى اللى بتنزل يابنى
احمد : ياعم دى شغلانه كبيره ومسؤوليه والراجل ممسكنى فلوسه وماله وحاله ... انا بدات اكلم نفسي ف الشغل هههههههههههه وتقولى بحر ؟ هبقى انزل معاك الجمعه الجايه ف الاجازه بتاعتى
حسن : خلاص اعملو حسابكو هننزلو يوم الجمعه
على : تمام
مصطفى : الا ما حد فيكو بيسد معايا ف البحر
احمد : بتقول حاجه يا درش ؟
مصطفى : حبيب قلبى . لا انا بتكلم مع الشباب ف موضوع كده
على : ههههههههههههه هههههههههههههههههههههههههههه
احمد : بتضحك على ايه ياض
على : بضحك على اخر مره كنا فيها ف البحر
احمد : ههههههههههههه دى كانت مسخره ... وكله كوم بقي والبت اللى كانت هتغرق
حسن : ههههههههههههههههه يالهووووى دنا فضلت اسبوعين كل ما افتكر ببقى هيجرالى حاجه ... افتكرت مره وانا بتغدى مع اهلى . ومره واحده طرشت الاكل ف وشهم .... واجارك الله بقا ع الفضايح
مصطفى : ههههههههههههههه البت اصلا كان عينيها ع الواد ده من بدرى وكل شويه ترمى الكوره علينا وتروح تقول لاحمد ممكن الكوره ؟ واساسا اكوره ماكنتش بتروحله . كانت بتجيى عندى انا او عند حسن ههههههههههههههههههههه اخر مره قالها ام الكوره هناك اهى معاهم انتى جايالى انا ليه .. دى مصيبة ايه دى
حسن : لما جات تغرق بقي واحمد دخل جابها وبيفوقها .. وابوها وامها حوالينا والبت كويسه يعنى مافيش حاجه . هى بس شويه الميه اللى شربتهم ... تسيب كل ده وتقول لاحمد حاسه انى عاوزه تنفس صناعى مش قادره اخد نفسي هههههههههههههههههههه ههههههههههههههه
احمد : دنا وقعت على روحى من كتر الضحك
مصطفى : هههههههههههه انا بطنى فرقعت والله ... وابوها يقومها ويقولها قومى يا عنيا قومى . مابتعرفيش تتنيلى تعومى ايه اللى موديك ف الغريق معاهم يابنت الكلب
احمد : ههههههههههههه ايام .. المهم يا مصطفى جبت لبس العيد بتاع الجامعه ولا لسا
مصطفى : عيب .. دنا هشرفكو ههههههههه
احمد : هههههههههههه اه هلاهيل كلها .. بصوا بقا
انتوا داخلين جامعه
يعنى عالم تانى وحكاية جديده
حكايه ممكن تبقى مره عليكو وممكن تبقى حلوه بكل تفاصيلها وبكل ذكرياتها ونفضل فاكرينها العمر كله نتكلم عليها ونحكى ونتحاكى بيها
خليكو عارفين ان البشر هناك اصناف
شباب وبنات انواع كتير
عندك الشباب
فيه اللى هيبقى رايح مبهور بالحاله اللى هيشوفها وبفارق الماديات اللى هيشوفه ونوعية اللبس والماركات اللى هتخليه ينبهر ويتمرد على عيشته . يقول انا ليه ماكنتش زيهم وبلبس زيهم انا مش أقل منهم .. هيرجع لبيته وأهله متمرد عليهم
بيلومهم على قصر ايديهم وانهم ماوفرولوش حياه حلوه مبسوطه زيهم
وده بيبقى أسوأ انواع القهر
اهله مش غلطانين لان اللى قدروا عليه عملوه
والواد يا عينى غلبان نفسه اتكسرت قدام زمايله . وده لسببين ... السبب الاول انه ماترباش على عنفوان الدنيا ...
على : يعنى ايه عنفوان الدنيا دى
احمد : عنفوان الدنيا يعنى كرهها ... تبقى عايش فيها مالكها مش هى اللى مالكاك
لو ملكت الدنيا وحطيتها ف ايدك مش ف قلبك ساعتها يمين بالله ما حد هيقدر يكسرك ولا يوجعك
لما تلاقى حد أعلى منك ماديا بصيله بصة احترام مش حقد وغل وانت هتلاقى نفسك متسامح مع نفسك ومع أهلك
خليك متأكد ان ابوك وامك عملو كل اللى عليهم واقصى ما عندهم عشان يوفرولك الجو اللى ربنا يقدرهم عليه
عارفين انتو الكلمه اللى بتتقال لينا كلنا وفيه ناس بتاخدها بزعل وتزعل جدا لما يتقالها عيش عيشة أهلك ؟
الكلمه دى اشرف كلمه ممكن تتقالك والمفروض تاخدها وسام على صدرك
لان ابوك وامك زمان ماكانوش لايقين وايديهم ماكنتش طايله
لكن لما ربنا رزقهم بيك وباخواتك عملو اللى يقدرو عليهم وباقصى جهد عشان يطلعوك راجل او بنوته ليها كيان
لكن تيجى تتمرد عليهم تبقى انت كده ناااقص
حقك انك تزمت ف نفسك وحقك انك تحلم انك تكون زي الناس اللى شايفها .. لكن ماتتمردش
فيه صنف تانى رايح يتسلى يومين .. واخد فكره عن الجامعه ان كلها بنات حلوه او كلها شباب حلوه ف رايحين يلاغو ويتكلمو ويشقطو ههههههههههههههه دول عاملين زي على كده ههههههههههههههه كلب وماصدق لقى حتة لحمه
مصطفى : ههههههههههههههههههههههههههه ارحم أمى م الضحك
على : عليا النعمه انا هاجى ف يوم وابطحك يالا انت يالا
مصطفى : سيبك انت من كل ده واوصفلى اصناف بنات الجامعه
احمد : يعنى ايه يعنى
مصطفى : يعنى البنات جوه الجامعه
احمد : غلابه والله
مصطفى : يعنى ايه
احمد : يعنى فيهم بنت الناس اللى طالعه رايحه تشوف محاضراتها ومذكراتها وتخلص وتنًها راجعه ...
فيه اللى بتروح وحاطه 48 كيلو بودره على وشها مش عشان تلفت نظر شباب لا .. دى عشان مايتقالش عليها اقل من صحباتها وتكون احلى منهم
وفيه اللى بتروح تقضيها كلام هنا وضحكه هنا ومياصه هنا ههههههههههههههههه وفيه اللى بتكون بتحب على روحها لو ولد قالها صباح الخير تقوله بحبك
وفيه العصبيه اللى بتكون داخله وقافله على نفسها جدا وتلاقيها ماشيه مكشره ومتخشبه وتبصلك بقرف ... البت دى لو بصيت جواها هتلاقى ملبن وزبده هههههههههههههههههههه بس يا عينى هى خايفه تغلط او تسيب قلبها لحد يجرحها .. وغالبا هى دى اللى بتتجرح وبتتعب لانها ماختلطتش بابنى ادمين وعرفت مين الصح ومين الغلط
عندك بقي اخر نوع
ست البنانيت .. وشها بشوش متسامحه مع نفسها جدا . غالبا بيكون ليها شله زيها كده بيحبو الحياه ومنطلقين وصحبتهم تشرح القلب
مافيش اسرار بينهم . كلهم عارفين حكايات بعض واسرار بعض
شلة بنات اى حد يتمنى يبقى ف دايرتهم لانهم هيدو لحياته كلها طعم حلو
مصطفى : وانت تفتكر يعنى هتلاقى انهى شله من دول
احمد : هو انا كنت بكلم أمى ؟ منا قولتلك انك هتقابل كل دول .. ياريتها يا اخى كانت بركت عليك وهى بتولدك فطستك يا اخى
على : هههههههههههههههههههههههه
حسن : ههههههههههههههههههههه طب لو لقينا شلة البنات الحلوه دى اللى تقول عليهم هتعمل ايه عشان تروح تتعرف عليهم
احمد : انت صاحبي بقالك اد ايه يا حسنيستا
حسن : هههههههههههه ام حسنيستا بتاعتك دى ... اصحاب من 1 ابتدائي اخلص
احمد : عمرك شوفتنى روحت عشان اتعرف على واحده او اعمل حركات قرعه كده عشان اعجب فلانه ولا احب علانه ؟
حسن : اه صح هما اللى بيتعرفوا عليك
احمد : ههههههههههههههههههه
مصطفى : معنى كده ان عمرك ما حبيت ؟ يعنى لو شوفت مهلكتك اللى انت بتحكيلنا عليها دى وانك لما تشوفها هتسلم .. مش هتحاول تتعرف عليها وتشغل بالها
احمد : يااااااااااااه ( بيرجع ضهره ع الكرسي ورا ) مهلكتى !
على : ايه التنهيده دى يا مولانا
احمد : دى المخلوقه الوحيده اللى هتتجبر
مصطفى : هت ايه ؟
احمد : هتتجبر ؟
على : معلش يعنى ايه هتتجبر ؟
احمد : هههههههههههههههه
لما كنا نتلم انا واخواتى وابويا وامى عشان نتغدى ... لما كنت اخلص أكل واقوم ابويا ماكنش يقولى شبعت ولا لسا .. كان يقولى اتجبرت ولا لسا
اول مره اقوله اه شبعت .. يقولى لا . اتجبرت ولا لا
اقوله يعنى ايه اتجبرت دى .. يقولى يعنى نفسك شبعت ؟ روحك شبعت ؟
كنت اقوله وانا بضحك اه اتجبرت .. وتلقائي بلاقى لسانى قال الحمد لله .. اتجبرت الحمد لله
كان ييجى يصحينى من نومه ولما اصحى يقولى اتجبرت نوم ؟
اقوله وانا بضحك اتجبرت .. وكنت تلقائي ببوسه ( عينه مدمعه)
كان اى حاجه يقولهالى ماكنش يقول غير اتجبرت ؟
كان يحكيلى عن حبه لامى يقولى ربنا جبرنى بيها !
يحكيلى عننا .. كان يقول ربنا جبرنى بيك وباخواتك
ااااد ايه الكلمه دى بحسها كلمه بتطبطب عليك كده .. جبرنى
انتو عارفين انا متمسك بيكو كلكو ليه ؟ ابويا موصينى عليكو
مصطفى : علينا ؟ ازاى وقالك ايه
احمد : قالى اجبر صحابك يجبروك وخد منهم عكاذ ع الدنيا
على : ( عيونه بتدمع ) طب خلاص بقي قلبتها عياط ياعم حرام عليك .. طب كمل .. اللى هتبها دى هتتجبر ازاى
احمد : يعنى هتتجبر مشاعر وهتتجبر حب وهتتجبر لهفه وهتتجبر جبران خاطر وهتتجبر طبطبه .. مش هيبقى فيه لا قبلها ولا بعدها ..
مش قولتلكو قبل كده هتبقى المهلكه ؟
على : يعنى ايه مهلكه من وجهة نظرك ؟
احمد : هههههههههههههه المهلكه .. ا ل م ه ل ك ه .... يعنى هتفتفت قلبى ف ايديها
غيابها عن عينى لحظات هلاك
غياب صوتها عنى لحظات هلاك
غياب ريحتها عنى لحظات هلاك
ادعولى بس اقابلها عشان تحلى مرار الايام اللى طعمها ممرر ف حلقى
على : يارب ياخويا تشوفها وتقابلها
.............
( أول ايام الجامعه )
سلمى : ايه البنات دى كلها
منه : ههههههههههه لا ولسا
فريده : عن اذنكو يا بنانيت شويه وجايه هروح اسلم على بابا وجايه . ههههههههههههه حالف عليا اول ماجى مع صحابي اروح مكتبه الاول اصبح عليه
اميره : ايوه ياعم . يابخت من كان ابوه دكتور ف الجامعه
سلمى : انا حاسه ان فيه حاجه حلوه هتحصل النهارده
.................
مصطفى : ايه الناس دى ياض انت وهو
على : لا بس حلو طقم العيد ده هههههههههههههههه
مصطفى : احنا ايه اللى جايبنا بدرى بس نفسي افهم . مش كنا استنينا احمد جينا معاه بدل الشحططه دى
على : ياعم هو هيخلص حاجه ف شغله اوام اوام وهيعدى علينا على 10 كده
.........
( الساعه 10 ونص على بوابة الجامعه احمد ماشى ناحية البوابه بيلاقى عربيه سواقها مش واخد باله من واحد وصاحبه وكان هيخبطهم .. فجأه احمد بيجرى يزقه وبيقع معاه على الارض وبيفادى العربيه)
احمد : مش تفتحو يا بهايم ... اييييييييييه
( بتنزل بنت اسمها لمياء م العربيه باين عليها وعلى لبسها انها غنيه )
لمياء : حصل ايه حصل ايه ؟ حد جراله حاجه
احمد : حد جراله حاجه ايه بس يا شيخه جاتكو ستين نصيبه . هى سنه باينه من أولها . غورى
لمياء : ( بتتعصب وبتمشى )
احمد : انت كويس يابنى ؟ جرالك حاجه ؟
مالك : لا الحمد لله انا تمام .. متشكر جدا يا كبير
.................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020