🍒 الفصل الثاني: إعتذاري منكي لن ينسيكي
ليليان: كلنا ماما وخلتو بلقيس وبراءة. منغير ديك العوجة دميسون
سحر: علااش كتقولي عليها العوجة
ليليان هابطة فالدروج: هااء مافراسكش شنو دارت
سحر : لااا شنو دارت
ليليان: ماشي خداتني لحفلة فيها الرجال فلابيسين وخلاتني حتى تعريت وبقيت بدوبياس ومابغاتش تعطيني حوايجي . قزيبتي باقا كتضرني بالعصى ديوسف
سحر: أويلي على الق*حبة
ليليان شافت فيها وبتاسمات: دابا علاش نتي واخا تخصري الهدرة وأنا إدا قلت غير الخراا. كيضربوني
سحر ضحكات بصوت عالي: ههههههه نتي بعدا مايملش معاك بنادم
وصلو لتحت و قلعو حوايجهم ودارو الفوطات ودخلو لغرفة الصبا.
لقاو كل وحدة فين مجبدة والبخار مالئ المكان
ذكرى:صلاااة والسلااام على رسوول الله...
بلقيس: يوووويووووويوووو
سحر غير مبتاسمة
ذكرى: هاااكاك أحبيبتي غسلي وديري لفال حمام العروسة غادي تبقاي منورة سيمانة ورااه
سحر: علااش بانت ليك ناقصني النوور اماما
ذكرى:حاشا. وليني الحماام ضاروري
.تمشات عند ليليان وعنقاتها وباستها من خدودها
ذكرى:عاندااكي تتقلقي أماما حيت نتي مادرتيش العرس. أنا دايراك فبالي غير نكملو هاد العرس غادي نديرلك شي ليلة حتى نتي نفرح بييك
ليليان بتاسمات ببلاهة: لااا أصلا يوسف قال ليا حتى نولد ليه وغادي يدير ليا سبوع وعرس مشاركين
كلهم ضحكو
ذكرى:وااشوفيلك حتى نص عقل قاليك غادي تولد ههه
بلقيس: واش ماكاديريش الكينات
ليليان:لااا يوسف قال ليا باغيك تحملي مانلقاش عندك شي كينات ولا شي حاجة
ذكرى:أويييلي على ولد الحراام. رااك مازالة صغيرة وكاتقراااي شمن حماالة وشمن ولاااد
ليليان ميقات فيها:هاااء ونتيي مالكي نتي غادي تولديهم حتى أنا بغيتهم
براءة:ههههه في منتصف الجبهة قصفاتك أماما ههههه
ذكرى خنزرات ودفعاتها: دوزي تكااي فبلاصتك الحمارة. أنا لي هازة ليك الهم حيت مزالة صغيرة. شمن حمل ونتي مازال ماكملتي 18 سنة. الحمل خليواه لعصام وسحر . هوما لي بغيناهم يولدو لينا
سحر شافت فيها بنص عين وبتاسمات جنب :بانت ليك غير أنا هاد الساعة
ذكرى:وماالكي نتي بعدا كبيرة وبعقلك وتقدري على مسؤولية لولاد أما هاد فرفارة تولدهم وتجلس تبكي قدامهم ولا تحطهم ليا وتهرب. غادي تعرف تربيهم .
ليليان:نتي غيير حاكراني وبسبااب هضرتك نهار نولد مانخليكش تقيسيهم
ذكري: واخا الحرايمية عااارفاك تديريها
كل وحدة فين مشات تجبدات
وغمضو عينيهم دقائق وهوما على ديك الحالة وليليان غير كتدور فعينيها
ليليان: وااش غادي تبقاو ناعسيين بغيت نكمل باش يبدا العرس. وندير الحنة فيدياا
ذكرى ناعسة على كرشها حلات واحد العين:ماالك نتي هاد النهار جاتك الدودة. نتي عاارفة يوسف كيف داير وتبتي
ليليان: مااالني شنو درت بغيت غير نلبس قفطاني ونحضر لعرس عمرني حضرت
ذكرى: غمضي عينيك أبنتي وخلي لحمك يسخن العرس غادي تحضري ليه. والحنة غادي تديريها غير رتاحي
