🍒الفصل الثاني :صفاء روحك أذابت فؤادي
يوم جديد بأحدات جديدة. مساءا فبيت براءة واقفة فالدريسينج قدام لبلاكار كتختار اللبسة لي ناوية تخرج بيها ،هزات سروال تجينز وتيشورط فالغوز لبساتهم طلقات شعرها ولبسات سبرديلة و وقفات قبالت المراية كتصايب مكياجها حتى تحل الباب ودخلات ليليان بصداعها
ليليان: براااااااااااءتووووووون أييين أنتيييييييي
براءة تنهدات على تصطيتها وجاوباات:هااني فدريسينج
ليليان سمعاتها دخلات عندها ووقفات فالباب كتطلع وتهبط فيها:فيين غاادية
براءة شافت فيها من المراية:خاارجة
ليليان:عرفتي شنو تشهيييت
براءة:شنوووو تاني نتي صطيتييينا أختي كنعرف العيالات كيتوحمو كتمشي ليهم الشهية ماكيبقااوش ياكلو ونتي نهااار كلو دالصريط بزااااف
ليليان خنزراات ودوزات على كريشتها:بصحتييي مشااء الله على ولدي وربي يحفضولي ، بااغي ياااكل نقول ليه لااا
براءة:امممم مشاء الله علييك ألالة دابا طلقييني شنو باغية
ليليان دوزات على فمها بشهوة: بغييت اللوبيا
براءة:ورااه شفت قبيلة وحدة من البنات كتصيبها
ليليان:لاااا ماصرعاتهاااش ماعجبااتنيش
براءة:وسييري عند ماما تصايبهاليك
ليليان:خرجاات هي وخالتو بلقيس
براءة:داابا شنو بغيتي منييي نصايبها لييك أنا
ليليان بتاسمات ببلاهة:ماكرهتش ههه
براءة: قودي أبنتي قودي عليا هاد الساعة
ليليان:داابا فين غاديا دييني معااك
برااءة بقات كتشووف فيها وبسرعة حيدات الفكرة من بالها وقلبات عينيها
براءة:لاااا لااا لاااا سيري لبيتك أختي تفرجي فشي حاجة وسايني راجلك يجي
ليليان:علاااش عاااافاك فين غااديا بغيت نخرج
براءة: لاااا أليلياان يوسف ماييغييش
ليليان: لاا يبغييي معاك والله مايقول ليا شيحااجة
براءة: رااه أنا ماخاارجاااش نلموول ولا ندووور
ليليان:وفييين غاااديا بلييييز قولي
براءة تنهدات غاديا عند صاابر
ليليان بتاسمات بفرحة :حلفيييييي حتى أنا غاااديا صبري دقيقة نلبس
براءة:لييييلياااان ماغاتمشيييش معااايا أنا ماشي غادي نتلقاااها فالموول غادي نمشي عندها لداارها نالكرياان فين سااكنة وماقلت ليها واالو بغيت نفاجئها
ليليان :واااخا واااخة حتى انا انا نمشي معااك نالكريااان نفاجئوها عااافاااك
براءة:رااجلك ماايبغييش وأصلا أنا غاديا بلا خباارهم وإدا عرف فهد مشيت نديك البلاصة غادي يقتلني ،عااافاك ماباغيا صدااع ومشااكيل
ليليان:والله ماااانقولها لشيحد ،وحتى يوسف إدا سولني فين مشيتو غادي نقوليه غير وسط المدينة درنا شوية اولا غير هنا قدام البحر وجينا
براءة: نتي الخرجات ديالك ملاااوطيين وديما كاتوقع فيهم شي مصيبة
ليليان: والله ماتخاافي ماغادي يطرا واالو
براءة: ياالاه تحركي دغية ولبسي شي حاجة طوييلة نتي عندك ديك الطرمة جامعة قبيلة كلها غادي تديري لينا الشوهة فالكاريان
ليليان خنزرات فيها عطاتها فااك بصبعها ومشات نالبيت تبدل عليها
