🍒الفصل الثالث : صفاء روحكي أذاب فؤادي
صفاء كملات مسيح حوايجها مشات غسلات الجفاف مزياان وجففات بيه الحمام حتى نشفاتو كلو وعاودات غسلات الجفاف وعصراتو ورداتو لبلاصتو خرجات برا شافت السرير نفضاتو شوية وقادات عليه المخدة لبسات فرجليها سبرديلتها ودارت فراسها الكاسكيطة وخرجات مع غادي تهبط فالكولوار مع لقات براءة طالعة كتجري باش تهبطها حيت تعطلات
براءة:صااابر تعطلتييي الفطور تحط وسلمان قبيلة كان طالع عندك
صفاء بتاسمات ليها :هاني نازلة سمحولي
براءة:ومالكي فازكة هاكا
صفاء عضات على شنايفها: ماعرفتش نحل الماء والرشاشة فزكاتني
براءة: ههههههه كتباني فحال شي دجاجة فازكة
صفاء:ههههه وهانتي كتشوفي والله إلا حشمت غادي يقولو هادي فاتت الكلاخ لهيه باتت معانا ليلة وحدة دارت الشوهة
براءة:لااا بلعكس حنا كووول . غير غادي يشدو فيك مزيااان ويقشبو عليك هههه
صفاء:اويييلي لااا كنحشم كلشي غادي يبقا يشوف فيا وأنا ماكنحملش نكون مركز إهتمام واقيلة نمشي بلا مايشوفوني
براءة:وااش مصطية تمشي حيت فازكة أجي أنا نعطيك سورفيت تلبسيها
صفاء:لا مانقدرش سورفطات دالبنات مزيرين مكانبغيهمش
براءة:شنو نجيب ليك السورفيت دبابا ههههههههه
صفاء: ياكي كتضحكي علياااا
براءة:ههههه لا والله غير كتجيني غريبة بنت كتلبس سورفيطات دالرجال ههههه لمهم وقفي هنا أنا جاااية دابا
صفاء: فيين غادية
براءة هبطات كتجري:هاانا جاية صبري
هبطات كتجري حتى وصلات لوسط القصر فين كاينة طابلة طويلة ديال الأكل وكلهم جالسين فيها وحتى فهد وسلمان كلهم علاو راسهم ليها
بلقيس:براااءة ماالكي فين صاابر علاش مانزلاتش
براءة فلتات ليها الضحكة :ههه لا هاهي نازلة دابا بغات غير أكرم فشي حاجة
فهد كان كيتصنت سمع أكرم هز حاجبو و شاف فأكرم مخنزر بلا ميشعر
أكرم: بغاتني أنا علااش
براءة: هههه غير أجي
بلقيس:برااءة واش تصطيتي هي منين كتعرف أكرم
سلمان وقف :هاني غادي نطلع نشوف مالها
براءة:ههههه لا عاافاك غير جلس حنا محتاجين دابا أكرم. خمسة الدقايق وغادي نزلو
سلمان:يااك هي بيخير
براءة: هههههه بيخير بيخير
ذكرى:بغيت غير نفهم شكون كيهرك
ليليان: ههه فيها جنية سميتها الراگدة معروفة كتضحك بحال شي مصطية ههه
ذكرى:ونتي مصااحية مع الجنون المرضية ياكما حتى نتي فيك جن وحنا مافراسناش
براءة جرات لكرم طالعين عند صفاء. وليليان هبطات عينيها لطبسيلها ويوسف حاضي تحركاتها باينة الماضي مازال مأتر فيها تنهد كيفكر يبدأ البحت على ماضيها
