🍒الفصل الثالث : صفاء روحكي أذاب فؤادي
أما عند سحر وعصام طلعو فالدروج وهو شادها من خصرها تحت أنضار العائلة غير دارو فالكولوار سحر تنترات وبعدات عليه. أصلا كانت متحملاه غير على قبل التمتيلية باش مايعيقوش وهو دارها بصح وشادها من اليد لي كتوجعها
عصام غير بعدات من عليه بتاسم و فنفس اللحضة دارت عندو وهو يجمع الإبتسامة . قربات ليه مخنزرة ومدات صبعها على شكل تهدييد
سحر: أخر مرررررة أعصااااام . أخر مرة تغوت عليااا ولا تتقرب منييي قداااامهم
عصام بتاسم وبسرعة كلاها مع الحيط وشد ليها يديها وخشا صبعها ففمو عضو ليهها حتى غوتات: وأنا ديما كنقول ليك هاد الصبيع غادي نطيرو ليك
سحر: اععع بعد
عصام عض على فمو وخشا راسو فعنقها : امممم وإدا مابغيتش
سحر مجننة: بععععد ياااك حنا تاقفنا ماغاديش تبقا تقرب مني
عصام: امممم باسها من عنقها حتى تبورشات وفنفس الوقت نتافضات ملي سمعات صوت ذكرى كتضحك
ذكرى: هههههه أوليدي والله ماكتحشم ماصبرتيش حتى تدخل لبيتك
عصام بعد راسو من عنقها مبتاسم :خير البر عاجله الواليدة
ذكرى:ههههه والله يمسخك بعدا حتى واحد من ولادي ماكيحشم حتى هداك قبيلة شاد مرتو فالجردة ومعنقها شوية هزها وزاد.
عصام عنق سحر لي غير كتصنت ديما محشمها قدامهم
عصام:ياك مزوجين حلالا طيبا علاش غادي نحشمو
ذكرى: ههه هي حلالا طيبا.و لكن كون طلع باباك ولقاكم فهاد الوضع
عصام:ههههه وهداك بابا راه ما مرة ماجوج حصلناه شادك فالكلوارات هههههههه
ذكرى خنزرات: ينعل طاصيلتي أنا لي كنهدر معاك. سييير جيب كوفرلي وفرش هنا نييت . خلاتهم ومشات
عصام شاف فسحر لي مخنزرة فيه وبسرعة باسها من خدها بقوة بوسة مجننة حتى دفعاتو كتغوت
سحر : ااااااععععععع مااتبقاااااش تقررررب لياااااااااا.
خلاتو ودارت غادية لجناح ديالو حيت صافي من ليوم غادي تولي تنعس فيه وحتى حوايجها نقلوهم ليه
عصام غير دارت بتاسم وطلعها وهبطها بعينيه وعض على شنوووفتو: زيدي لممك زييدي ماكاين غير القرب والإحتكاك حتى تطلبي الشرع نذوب مك على عافية مهيييييلة
