الفصل الثالت:صفاء روحك أذابت فؤادي
♣️الجزء :569
فهد قرب حتى لوذنو وهدر ببروود: وااقييلة ماكرهتييش لي يحوييك ، ماعجبكش تكون نتا لي كتحويي بغيتي تجرب يمكن
يوسف خنزر:أجمع قلااويك اصاحبي ماشي غير ضحكنا معاك تهجرو لينا
فهد: التييييقاااار عطي لحاجتي التيييقار صوتي ماتسمعوش ، تقلب عليا غادي تلقاني
يوسف تنهد وقلب عينيه
ذكرى هزات كأس ديال أتاي شربات منو وبدأت كتتبنن :اممم بنيييين والله العضيم
بلقيس حتى هي شربات منو : والله حتى مذاقو غزاال
صفاء بتاسمات:ماشي حتى لهاد الدرجة راه غير أتاي
فهد حنحن بصوت قوي:شفتك مديتي لكلشي أتاي وأنا لااا كيفاش زعمة
صفاء توترت وهزات البراد كتكب ليه:اويلي ويلي سمحلي أخويا هاهو
كباتو ومداتو ليه وهو شدو منها قارت حاجبو مع شدو مع دوز يديه على صبيعاتها غير بريط حتى حشمات وهبطات عينيها حساب ليها قاص صبعانها بدون قصد
بلقيس:وحتى الخلييع بنييين فالصارحة وريحة أتاي بنعناع( تنهدات) جاني احساس فشكل ،احساس بالرااحة
ذكرى:الصرااحة البساطة حاجة زويينة
صفاء بتاسمات
صفاء:هي البساطة زوينة لكن فنفس الوقت الفلوس كيلعبو دور كبيير فهاد الحياة
براءة:الفلوس ماشي هوما لي يخليوك تعيش مرتاح
صفاء: ولكن يقدرو يخيليوك تعيش
فهد علا حاجبو :شنو كتقصدي
صفاء :احم الفلوس ماشي مهمين باش نكرسو حياتنا كلها من اجلهم ، لكن ماننساوش أنهم زينة الحياة الدنيا، وأنا ماشي منافقة غير حيت فقيرة غادين نقول الفلوس ماعندهم باش ينفعو وبلي الفقر زويين . لا فالحقيقة الفقر مازوينش ،الفقر صعيييب وخايب ويكذب عليكم لي يقول ماباغيش يكون عندو الفلوس
سحر:حتى نتي بغيتي يكونو عندك الفلوس ؟؟
صفاء ضحكات:هههه أكييد بغيت وأنا علاش كنخدم ماشي من أجلهم، انا ماشي كذابة والصراحة كنقولها ، وهاد الكلام غادي تسمعوه من أي فقير محتاج ، كاين لي محتاج الفلوس باغي يعيش وليداتو ،كاين لي محتاج يتكسى بيهم ،كاين لي مريض وباغي يتعالج احم كل واحد وشنو طلباتو ومكاينش فهاد الحياة لي مكيبغيش الفلوس
بلقيس: وملي هاكا علاش مكاتوافقيش تشدي من عندنا حتى نتي محتاجة
صفاء بتاسمات برقة:كاين فرق أني باغية يكونو عندي الفلوس بدراعي وبين نكون طلاابة اخالتو كرامتي ماكتسمحليش نشدهم
