🍒الفصل الثالث : صفاء روحكي أذاب فؤادي
يوسف كيشرب لماء وكيضحك :هههههههههه
ليليان شادة ليه فسروالو:عاافااك قوولي قوولي علااش ضحكتي
يوسف:شوووووو هههههه منبعد
سحر خنزرات وقلبات عينيها لمراد:عمي كيف بقيتي شوية
مراد بتاسم: الحمد لله أبنتي أحسن ملي كنشوفكم قدامي هكا كتضحكو كنرتاح
سحر:حنا بيخير أعمي ماتهزش الهم دابا ماطالبين منك والو غير تديها فصحتك وفالعلاج ديالك وماتفكر فحد . إمتى غادي تبدأ العلاج
مراد بتاسم: هاد السيمانة غادي نبدأ أبنتي
سحر:وحنا دييما معاك
صفاء قربات لوذن سلمان:واش خالك مريض
سلمان عض فمو ماقادرش ينكر :اممم فيه سرطان
صفاء : هيي مسكين (شافت فمراد)
شوف ماتخاافش أعمو ديك المرض عاادي مابقاش صعيب كلشي كيتشافى منو. نييت خدام معايا فالمارشى واحد كان فيه داك المرض الخايب ودابا تعالج ورجع نخدمتو
بلقيس بتاسمات على لطافتها
مراد بتاسم: الله يرضي عليك أبنتي
صفاء رجعات ليه الإبتسامة وشافت فسلمان:خاسني نمشي
بلقيس كانت كتصنت عليها وقفات: بلاتي أحبيبة ساينيني هنا
خرجات من الصالون وطلعات لبيتها دقائق ونزلات شادة برية وتيليفون صغير دنوكيا ومدات ليها التيليفون
صفاء شداتو بإبتسامة: هههههه كيشبه لديالي
بلقيس: كان ديالي ملي كنت صغيرة كنت محافضة عليه باش يبقا ليا ذكرى. قبيلة قلت المساعدة تديرو فالشارج راه مشارجي متمنى تقبليه هدية مني
صفاء كليكات عليه حتى شعل الضوء لقات فيه صورة بلقيس وهي صغيرة فسن صفاء ، التليفون واخا نوكيا قديمة لكن فيه الكاميرا
صفاء شافت فبلقيس: كنتي كتحمقييي بزااااف . ماتبدلتيش بزااف
بلقيس بالدموع فعينيها: بلعكس تبدلت الزماان هدني بزاااف
صفاء غير شافت الدموع عينيها دمعو حتى هي ، دغيا كتتأتر: ينعل هاد الزماان لي يهد وحدة بحاالك
بلقيس تنهدات وجراتها معنقاها فصدرها: من ديما كنت كنتمنى نلقى بنتي وصافي كيفما كانت، لكن دابا تمنيتها تكون بحالك
صفا ء شافت فيها وبتاسمات:غادي تكون حسن مني
بلقيس جرات ليها خدودها: ربي يحفضك أبنتي
سلمان وقف وجر صفاء:هيييي غادي تولي تجيني الغيرة
بلقيس: أنا لي جاتني الغيرة علاش ماعرفتيناش شحال هادي بيها
صفاء حطات يديها على خدودها:أنا لي جبتو ليا الحشمة دابا
الكل:هههههههههههه
