🍒الفصل الثالت:صفاء روحك أذابت فؤادي
♣️الجزء :595
فهد غير سمع صوتو على عينو فيه و خنزر بسباب الغيرة وبسرعة شاف ف صفاء ناض واقف وتمشى دار راسو غادي يهز حلوة ،هز حلوة وجلس قدامها
العائلة كلهم شافو شنو دار بتاسمو جنب حابسين الضحكة ماباغينش يعايقو قدام سلمان
بلقيس:واعلييكم السلااام مرحبااا ولييدي
سلمان بتاسم ليها وقلب عينيه جيهة فهد فين جلس غير شافها حل عينيه
صفاء كانت كتشوف فيه مبتاسمة وعينيها كيبريو كأنها شافت شيحد عزيييز عليها
سلمان ملي شافها بتاسم ودغية تجمعات إبتسامتو ملي شاف حنكها مازال فيه اللون الأزرق
بقي وااقف ودار يديه على خصرو وتنهد مامحيديش عينيه على وجهها ،دار شاف فيوسف مخنزر وعاض على فمو ماكرهش يمشي ليه تاني ،لكن تراجع ملي شاف سحر كدير ليه بيديها إشارة زعمة تهدن تريث مابغيناش الصداع
خرج لسانو ودوز على فمو بعصبية عاد تمشى جيهة صفاء لي جاالسة كتشوف فيه ومرة مرة كتخطف الشوفة فهاداك لي جالس حداها مرتاااح وشادة فيديه حلوة كيعض فيها واخا ماعندوش معاها لكن فهاد اللحضة لقاها المتنفس الوحيد باش يبرد نفسو
سلمان تقدم عندها تحت أنضار العائلة حتى وقف فوق راسها كيطلعها ويهبطها بعينيه ماعاطيش إهتمام لفهد لي جالس قدامها ومارادش ليه البال أصلا ماعارفش شنو فعقلو وشنو نواياه
سلمان:صفااء مرحبا بيك عندنا بخيير
صفاء علات راسها فيه وبتاسمات: الله يبارك فيك مزياانة اخويا
فهد شاف فيه بنص عين وعض على فمو ومد يديه دوزها وراء ضهرها وحطها فوق المخاد
سلمان تحنى عليها كيشوف فوجهها وكيتنهد مد يديه باش يقيص ليها فخذها مازال ماوصلات يديه لوجهها حتى كان شادها ليه فهد
فهد: قالت ليك راه بيخير مافيها واالو
سلمان قلب عينيه وشاف فيه معلى حاجبو : عفواا؟؟
فهد:كيف سمعتي
سلمان: امممم ويديا علااش شادها
فهد :حيت غادي تضرها فوجهها من الأحسن تجلس بلا ماتقيصها
العائلة كلهم ضحكو بالحس
ذكرى بغات تنقد الموقف حيت عارفة ادا تشابكو خصوصا هاد الجوج غادي تنوض حرب ومايقدروش يشدوهم
